一體

一體 足球都可以係投資，《一體》主打專業分析及心得，唔使課金或者入會，只須課like、share 同comment！

冬窗冇簽前鋒、鬧前鋒荒，係咪阿仙奴下半季跌Watt嘅原因？「唔係，唔會係呢個原因。」除咗否認呢點，阿迪達喺賽後受訪，面對有關聯賽榜嘅提問，亦都一律唔答，淨係肯講今場嘅表現。「我哋本來冇乜輸嘅可能，係我哋自己走去打開道門……不過我會維護我嘅球...
10/03/2025

冬窗冇簽前鋒、鬧前鋒荒，
係咪阿仙奴下半季跌Watt嘅原因？
「唔係，唔會係呢個原因。」

除咗否認呢點，
阿迪達喺賽後受訪，
面對有關聯賽榜嘅提問，
亦都一律唔答，
淨係肯講今場嘅表現。

「我哋本來冇乜輸嘅可能，
係我哋自己走去打開道門……
不過我會維護我嘅球員，
我希望喺關鍵時刻，
佢哋必須做得更好。」

阿仙奴尋晚表現係曳嘅，
全靠海倫連環失機、拉也神救，
先好彩逼和曼聯1:1。

目前阿仙奴落後利物浦15分，
阿仙奴仲有10輪未踢，
贏晒最多85分，
即係利物浦餘下9輪拎16分就肯定奪冠；
英超官網列埋時間表，
如果阿仙奴嚟緊4場聯賽輸晒，
利物浦最快4月12號封王。

至於目前陷入20場入球荒嘅海倫，
獲隊友艾歷臣公開力撐：
「佢好努力，
入唔到波佢都唔開心，
我有信心海倫好快可以走出低谷！」

「我哋上半場表現好曳，我焗住喺半場做一個好艱難嘅決定，就係一次過換走3人，激嬲場內嘅球員。3位後備當然出色，但我見到嘅係，其他8位球員下半場嘅精神面貌完全唔同晒。」早前對愛華頓領紅嘅利物浦主帥施洛，今場只能喺看台遙控督師，當上半場落後0:1...
09/03/2025

「我哋上半場表現好曳，
我焗住喺半場做一個好艱難嘅決定，
就係一次過換走3人，
激嬲場內嘅球員。
3位後備當然出色，
但我見到嘅係，
其他8位球員下半場嘅精神面貌完全唔同晒。」

早前對愛華頓領紅嘅利物浦主帥施洛，
今場只能喺看台遙控督師，
當上半場落後0:1，
施洛就落柯打一次過換3個，
蘇保斯拉爾、鍾斯及森美卡斯被換走，
艾利洛、麥卡里士打及羅拔臣落場，
最終紐尼斯扳平，
沙拿兩入12碼反勝3:1。

埃及球王歷來英超已累積184球，
追平曼城名宿阿古路，
並列英超史上入波最多外援。
沙拿賽後話：
「我喺比賽期間其實冇諗咁多嘢，
阿古路係英超嘅傳奇，
我好榮幸平紀錄，
最緊要係今場贏波。」

目前利物浦已拋甩阿仙奴16分，
可以集中火力爭歐聯，
佢哋周中將回師主場再鬥PSG。

「喺12碼出現之前，我哋一直都控制緊比賽，可惜嗰球12碼，改變晒成場波嘅節奏。」艾摩廉賽後受訪，亦被問到海倫入球荒嘅問題，佢話：「我哋喺前場嘅決定欠佳……海倫係好努力咁嘗試，用速度、鬥志……佢必須繼續努力，最重要係唔好感到焦慮。」曼聯喺歐霸...
07/03/2025

「喺12碼出現之前，
我哋一直都控制緊比賽，
可惜嗰球12碼，
改變晒成場波嘅節奏。」

艾摩廉賽後受訪，
亦被問到海倫入球荒嘅問題，佢話：
「我哋喺前場嘅決定欠佳……
海倫係好努力咁嘗試，
用速度、鬥志……
佢必須繼續努力，
最重要係唔好感到焦慮。」

曼聯喺歐霸16強捉到鹿唔識脫角，
憑藉施克斯建功，
作客一度領先皇蘇，
可惜開心咗只係11分鐘，
般奴犯手球輸12碼，
最終兩隊各一言和。

自阿密特受傷後，
曼聯鋒線更顯無力，
海倫入球荒已增加到19場，
上半場原本有個黃金餐士，
達洛治喺右路突擊，
海倫喺中路擺脫對手攝個靚位，
但達洛治竟然冇傳中，
而係煞停回傳禁區頂……
海倫嬲爆狂鬧，
達洛治亦都知衰，
之後隨即say sorry。

「呢場係我球員生涯嘅代表作！PSG有好多入球機會，不過我班隊友好努力、佢哋盡力去減低我嘅壓力，最後靠艾利洛贏埋波，呢個係最好嘅結局！」艾利臣話係自己代表作，絕對冇誇張，因為佢今場作出9次撲救，係佢加盟利物浦7年以來嘅最高紀錄。今場利物浦只得...
06/03/2025

「呢場係我球員生涯嘅代表作！
PSG有好多入球機會，
不過我班隊友好努力、佢哋盡力去減低我嘅壓力，
最後靠艾利洛贏埋波，
呢個係最好嘅結局！」

艾利臣話係自己代表作，
絕對冇誇張，
因為佢今場作出9次撲救，
係佢加盟利物浦7年以來嘅最高紀錄。
今場利物浦只得2次射門，
PSG 則有27次，
追平歐聯有數據統計以來、射門差距最大嘅淘汰賽紀錄。

利物浦領隊施洛，
賽後當然錫晒艾利臣：
「作為領隊，
我麾下有過一啲好出色嘅球員，
不過直到今日、
我先真正擁有世界最佳門將。」

PSG雖然輸波，
但表現的確係較好嘅一隊，
主帥安歷基話：
「利物浦最強嘅球員係門將，
佢真係好出色……
要分析呢場比賽唔難，
我哋比利物浦強好多。
足球有時就係咁唔公平，
只要次回合可以踢番今場嘅水準，
我哋就可以晉級。」

「好Enjoy呢場比賽！嚟到呢個階段已經好難打，仲要係作客，所以我哋真係踢得好好！球迷們已經見到阿仙奴嘅能力，希望一路Keep住有貨交。」梅開二度嘅奧迪加特賽後受訪，大讚隊友有料兼冇鬆懈。除咗奧隊，今場幫阿仙奴入波嘅仲有添巴、旺拿利、美連奴...
05/03/2025

「好Enjoy呢場比賽！
嚟到呢個階段已經好難打，
仲要係作客，
所以我哋真係踢得好好！
球迷們已經見到阿仙奴嘅能力，
希望一路Keep住有貨交。」

梅開二度嘅奧迪加特賽後受訪，
大讚隊友有料兼冇鬆懈。
除咗奧隊，
今場幫阿仙奴入波嘅仲有添巴、旺拿利、美連奴、托沙及卡拉費奧利，
入球分佈相當平均。

今場勝仗，
係歐聯歷來作客最大勝仗，
亦係阿仙奴自2005/06年球季以來，
首次喺歐聯斬獲5連勝，
同時係球會近31年首次歐戰作客入波「7+」，
上一次已經1993年11月嘅事。
（歐洲盃賽冠軍盃勝標準列治7比0）

阿仙奴會喺嚟緊周日作客曼聯，
下周三次回合則回師主場再鬥PSV。

「好對唔住，再一次令曼聯球迷失望，感謝你哋無與倫比嘅支持！」舒克斯宴客後坐喺地下爆喊，賽後更喺IG向球迷道歉。幾經辛苦先追成平手，可惜加時把握唔到機會，最終喺互射12碼階段不敵富咸，宴客嘅除咗舒克斯，仲有域陀連迪路夫。曼聯主帥艾摩廉，賽後拒...
03/03/2025

「好對唔住，
再一次令曼聯球迷失望，
感謝你哋無與倫比嘅支持！」

舒克斯宴客後坐喺地下爆喊，
賽後更喺IG向球迷道歉。

幾經辛苦先追成平手，
可惜加時把握唔到機會，
最終喺互射12碼階段不敵富咸，
宴客嘅除咗舒克斯，
仲有域陀連迪路夫。

曼聯主帥艾摩廉，
賽後拒絕責怪球員：
「我哋有好多機會，
最後輸12碼係冇得好講，
今日唔係我哋嘅日子。」

事實上，
撇除以往輝煌歷史，
單以表現論的話，
今場的確係曼聯近期踢得比較好嘅一場波。

隨住足總盃衛冕夢碎，
曼聯今季唯一可爭嘅冠軍得番歐霸盃。

「因為我老婆都有入場，所以我好開心，我要為慶祝入球向皇馬球迷道歉，係皇馬令我實現夢想，呢間球會永遠都喺我心入面…」一傳一射，艾斯高延續佢嘅弗爆狀態，近11場聯賽入5球、2次助攻，帶領貝迪斯以2:1反勝皇馬。2012年金童獎得主，之後強勢加盟...
02/03/2025

「因為我老婆都有入場，
所以我好開心，
我要為慶祝入球向皇馬球迷道歉，
係皇馬令我實現夢想，
呢間球會永遠都喺我心入面…」

一傳一射，
艾斯高延續佢嘅弗爆狀態，
近11場聯賽入5球、2次助攻，
帶領貝迪斯以2:1反勝皇馬。

2012年金童獎得主，
之後強勢加盟皇馬、登上頂峰，
歷盡高山低谷，
2022年8月加盟西維爾，
可惜唔夠4個月又被解約，
諗住出走西甲、轉投德甲柏林聯，
但臨門一腳撻Q，
量地半年後，
先喺23年夏天落戶貝迪斯。

貝迪斯另一話題人物，
當然係曼聯借將安東尼，
佢喺曼聯嗰陣雖然表現一般，
但總算係瘋狂奔跑、幫手回防嘅代表，
嚟到貝迪斯，
佢呢種特質更大派用場，
今場對皇馬有2次關鍵傳送，
6次成功攔截更係全場最高，
作為一位翼鋒，
數據絕對係相當全面。
賽後安東尼豪言：「我嘅巔峰依家先開始！」

咩話？又脫魔重生？「拉舒福特表現相當精彩！以佢嘅級數，我哋要做嘅事係令佢舒服、幫佢拎番信心，好開心，佢依家喺重返巔峰嘅路上。」艾美利賽後大讚拉舒福特。福仔同馬高阿辛斯奧合作無間，福仔兩助攻、阿辛斯奧入兩球，維拉2:1反勝車路士。兩位冬窗新兵...
23/02/2025

咩話？又脫魔重生？

「拉舒福特表現相當精彩！
以佢嘅級數，
我哋要做嘅事係令佢舒服、
幫佢拎番信心，
好開心，
佢依家喺重返巔峰嘅路上。」
艾美利賽後大讚拉舒福特。

福仔同馬高阿辛斯奧合作無間，
福仔兩助攻、
阿辛斯奧入兩球，
維拉2:1反勝車路士。

兩位冬窗新兵當然要讚，
更凸顯維拉同艾美利嘅轉會操作更加神，
送走杜蘭袋6500萬鎊，
借番福仔、阿辛斯奧及用2350萬鎊簽馬倫，
擴軍為前4同歐聯雙線出擊，
但1件換3件之餘竟然仲要有賺，
計埋兩位後衛迪沙斯同安迪加西亞，
維拉直情係1換5，
相當誇張！

曼城皇朝完結？「好正常，每個時代都有終結嘅一日。優勝劣敗，最出色嘅球隊獲勝，我哋唔配晉級。以第22名完成聯賽階段，已經說明我哋出咗問題，今年係我哋最差嘅一年。」次回合再次不敵皇馬1:3，兩回合計輸夠3:6，自08/09球季以來，哥迪奧拿首次...
20/02/2025

曼城皇朝完結？
「好正常，
每個時代都有終結嘅一日。
優勝劣敗，
最出色嘅球隊獲勝，
我哋唔配晉級。
以第22名完成聯賽階段，
已經說明我哋出咗問題，
今年係我哋最差嘅一年。」

次回合再次不敵皇馬1:3，
兩回合計輸夠3:6，
自08/09球季以來，
哥迪奧拿首次未能進軍歐聯16強；
哥帥賽後輸得心服口服，
亦承認曼城已經今不如昔，
嚟緊會專心衝前4。

至於大演帽子戲法嘅麥巴比，
今場光芒四射，
甚至有2018世界盃巔峰時期嘅表現：
「我想為皇家馬德里譜寫歷史！
我嘅適應期已經完結，
依家開始，
必須向球迷展示我嘅真正實力！」

你玩晒啦！安東尼去到貝迪斯變咗球王，今場佢又爆Seed，先喺上半場博到個12碼，雖然洛希素宴客，但換邊後安東尼再次挺身而出，球不着地轟入超靚波，助貝迪斯打破缺口，最終贏皇蘇3:0。安東尼加盟貝迪斯後，4場波3次拎MOTM，仲要近3場都有波入...
17/02/2025

你玩晒啦！
安東尼去到貝迪斯變咗球王，
今場佢又爆Seed，
先喺上半場博到個12碼，
雖然洛希素宴客，
但換邊後安東尼再次挺身而出，
球不着地轟入超靚波，
助貝迪斯打破缺口，
最終贏皇蘇3:0。

安東尼加盟貝迪斯後，
4場波3次拎MOTM，
仲要近3場都有波入，
球王級數據、相當誇L張！

安東尼上場對根特賽後曾經講過：
「當你開心嗰陣，
一切好事，
都會好自然咁發生。」
吸引力法則都出埋，
睇嚟佢喺貝迪斯，
一日比一日開心喎～

「當佢瞓喺度嗰一刻，每個人都好驚、包括我，好彩佢其實係笑住走，醫生嗰邊都冇咩壞消息，所以佢應該冇事嘅。」哥迪奧拿賽後除咗激讚馬莫殊，亦講解番夏L嘅傷勢。曼城主場大炒紐卡素4:0，馬莫殊大演帽子戲法搶盡風頭，而夏L雖然冇入波，但埋齋嗰球二傳堅...
16/02/2025

「當佢瞓喺度嗰一刻，
每個人都好驚、包括我，
好彩佢其實係笑住走，
醫生嗰邊都冇咩壞消息，
所以佢應該冇事嘅。」

哥迪奧拿賽後除咗激讚馬莫殊，
亦講解番夏L嘅傷勢。

曼城主場大炒紐卡素4:0，
馬莫殊大演帽子戲法搶盡風頭，
而夏L雖然冇入波，
但埋齋嗰球二傳堅靚，
加上佢嘅牽制，
令到雙翼有更多發揮空間，
絕對功不可沒。

夏L今場戴起隊長臂章，
哥迪奧拿話：
「佢簽咗一份10年嘅合約，
所以我認為佢可以擔任隊長，
至於佢會唔會坐正做長期隊長，
其實都一定會，
只係遲早問題。」

曼城嚟緊會喺周三歐聯附加賽次回合，
作客再戰皇馬，
力爭收復首回合2:3嘅失地。

「脫魔重生」成為潮流，安東尼加盟貝迪斯後3戰入兩球，2次拎MOTM，今場更入咗球遠射靚波，帶領貝迪斯作客3比0大勝真特，晉級歐協聯16強機會高唱入雲。「我將呢場勝仗獻畀球迷，因為佢哋對我嘅支持，由我加盟一刻到依家都冇停止過。我知道我會喺貝迪...
14/02/2025

「脫魔重生」成為潮流，
安東尼加盟貝迪斯後3戰入兩球，
2次拎MOTM，
今場更入咗球遠射靚波，
帶領貝迪斯作客3比0大勝真特，
晉級歐協聯16強機會高唱入雲。

「我將呢場勝仗獻畀球迷，
因為佢哋對我嘅支持，
由我加盟一刻到依家都冇停止過。
我知道我會喺貝迪斯過得好開心，
呢點我可以肯定！」

安東尼由入波、被換走到賽後訪問，
全程四萬咁口，
神情同佢喺曼聯嗰陣，
堅係判若兩人。

遠嘅唔講，
淨係計今季，
離開曼聯後大爆發嘅，
分別有森林艾蘭加、
馬賽格連活特、
拿玻里麥湯文尼等，
辛祖日前指福仔轉會維拉重獲自由，
名宿里奧亦承認，
為曼聯比賽有沉重嘅壓力，
可能係球員踢唔出水準嘅原因之一。

「成場波好似以前舊式打吡咁，好激、好體力化，全晚嘅氣氛同情緒都好高漲，好正！球迷今場嘅支持係不可思議，完場後嘅事(衝突)唔係重點，好好享受葛迪遜最後嘅日子啦！」莫耶斯賽後大讚拖肥迷夠晒熱情，梗係熱情啦！自從莫耶斯回歸後，愛華頓穩步上揚，連埋...
13/02/2025

「成場波好似以前舊式打吡咁，
好激、好體力化，
全晚嘅氣氛同情緒都好高漲，好正！
球迷今場嘅支持係不可思議，
完場後嘅事(衝突)唔係重點，
好好享受葛迪遜最後嘅日子啦！」

莫耶斯賽後大讚拖肥迷夠晒熱情，
梗係熱情啦！
自從莫耶斯回歸後，
愛華頓穩步上揚，
連埋今場2:2逼和利物浦，
愛華頓近4場聯賽獲3勝1和，
現已甩開降班區10分，
護級壓力大大舒緩。

事實上，
愛華頓今夏會搬去5萬人新球場，
今場係葛迪遜公園最後嘅默郡打吡。
兩軍踢到飛沙劈石、互有領先，
而達哥斯基最後一刻扳平，
更令葛迪遜內嘅球迷瘋狂跳喊，
聲音畫面極度震撼。

完場後，
杜哥利趁氣氛高漲，
走去客軍球迷區挑釁慶祝，
居迪斯鍾斯衝上去將佢推開，
兩軍隨即大混戰，
杜哥利同鍾斯分別拎第2張黃牌被逐，
而利物浦領隊施洛之後同球證奧利華握手，
未知中間發生咗咩事，
施洛就食紅牌，
助教侯索夫亦同樣被逐離場。

「我見到嗰幅Banner，無論係邊場波都好，我見到敵對球迷咁樣寸我，我都會份外搏命，係佢哋畀我更大動力。」雲尼素斯指嘅Banner，係曼城球迷精心製作，上面有洛迪錫金球獎獎座嘅相，然後仲有Oasis《Stop Crying Your Hea...
12/02/2025

「我見到嗰幅Banner，
無論係邊場波都好，
我見到敵對球迷咁樣寸我，
我都會份外搏命，
係佢哋畀我更大動力。」

雲尼素斯指嘅Banner，
係曼城球迷精心製作，
上面有洛迪錫金球獎獎座嘅相，
然後仲有Oasis《Stop Crying Your Heart Out》嘅歌名，
明寸雲尼素斯舊年杯葛頒獎禮嘅小家行為。

因為一時意氣，
的確激起咗雲尼素斯鬥心，
呢位巴西翼鋒今場創造兩個入波，
獲選為今場最佳球員，
助皇馬絕殺曼城3:2。

至於曼城兩度領先，
最後又因為艾達臣同域高路易斯先後犯錯而倒輸，
令次回合變得更加惡打。
哥迪奧拿賽後嬲爆爆咁話：
「我哋成日都喺比賽尾段出錯，
喺呢啲水平嘅賽事，
一犯錯就會受到懲罰！
講緊唔係一次，
今季已經發生過太多次！」

次回合會喺下周中舉行，
皇馬坐鎮巴拿貝主場迎戰曼城。

「好多人都讚我口才好好，不過講真，我依家唔知講乜好。今日係普利茅夫日，希望大家盡情慶祝，而我就會返屋企睇重播，食栗米片、飲芬達，哈，我份人就係咁無聊！」普利茅夫主帥梅斯歷（Miron Muslic），曾經係波斯尼亞難民，雖然只得42歲，但早...
10/02/2025

「好多人都讚我口才好好，
不過講真，我依家唔知講乜好。
今日係普利茅夫日，
希望大家盡情慶祝，
而我就會返屋企睇重播，
食栗米片、飲芬達，
哈，我份人就係咁無聊！」

普利茅夫主帥梅斯歷（Miron Muslic），
曾經係波斯尼亞難民，
雖然只得42歲，
但早喺2018年已開始教練生涯，
教過唔少歐洲二、三線球隊，
之前教比甲嘅色格拉布魯日，
直到上個月頂替朗尼，
任務當然係帶領英冠包艇嘅普利茅夫逃出生天。

除咗梅斯歷有不平凡嘅過去，
普利茅夫陣中，
原來亦有唔少豪門棄將，
中場柏爾遜（Victor Palsson）曾經係利物浦預備隊隊長，
基亞比（Darko Gyabi）更加係一代妖人，
2018年以14歲之齡加盟曼城，
可惜只係虛耗光陰，
坐到2022年轉投列斯聯。
居倫胡禮（Callum wright）踢過李斯特城，
曾經喺2008年做過利物浦出戰歐聯4強嘅球僮。
西班牙中堅柏古蘇路（Julio Pleguezuelo），
係馬體會、巴塞嘅青訓產品，
2016年被阿仙奴睇中、力邀過檔，
可惜都係外借同齋坐，
2019轉投川迪、2023加盟普利茅夫。

英冠包艇贏英超1哥，
當然係童話式勝仗，
但利物浦一眾後備兵今場真係堅曳，
領隊施洛被轟輕敵，
沙拿、麥卡里士打、加普、VVD等主力，
甚至不被列入大軍名單，
想變都冇得變。

「普利茅夫今日嘅表現好精彩，
而我哋嘅狀態好一般，
今日呢個賽果，
Hurt咗所有同利物浦有關嘅人，
包括球迷、我同埋球員……」
施洛賽後承認對今場表現相當相當失望。

曼城反勝甲組仔，本來都冇咩好講，點知馬會整咗咁大粒花生，曼城落後0:1嗰陣，反勝竟然有80倍！好明顯開錯盤，但最離奇係假設你入完貨、再用派彩快即時走佬的話，淨袋最高派彩嘅5成多啲！坊間暫時流傳最多嘅注碼，係有網友買咗1000，最高派彩係8萬...
08/02/2025

曼城反勝甲組仔，
本來都冇咩好講，
點知馬會整咗咁大粒花生，
曼城落後0:1嗰陣，
反勝竟然有80倍！

好明顯開錯盤，
但最離奇係假設你入完貨、
再用派彩快即時走佬的話，
淨袋最高派彩嘅5成多啲！

坊間暫時流傳最多嘅注碼，
係有網友買咗1000，
最高派彩係8萬，
佢即時走佬、執4萬2過肥年！

小編老Best買咗100、都有唔錯斬獲，
據佢所講，
80倍盤口只係維持咗大約10秒。
曼城最終反cup，
成功開出80倍客W，
不過佢都聲稱冇揼春，
因為冇嘢好得過買完即刻有40倍回報。

以往馬會都有開錯盤紀錄，
更曾經試過扣番波友戶口錢、
扣到變負數，
但當時係因為比數出錯，
情況同今次純開錯盤唔同。

最新消息，
經傳媒查詢後，
馬會承認有人為操作錯誤，
但所有派彩會以最後賽果為準，
簡單講，即係照賠，皆大歡喜～

所以話，勤有功吖嘛，有網友捕住個app，見到馬會開錯盤，即時買完再用派彩快，搞掂～PS.理論上係冇得追番，情況唔同上次比數出錯圖片及資料來源：齊齊贏馬會group
08/02/2025

所以話，勤有功吖嘛，
有網友捕住個app，
見到馬會開錯盤，
即時買完再用派彩快，
搞掂～

PS.理論上係冇得追番，情況唔同上次比數出錯

圖片及資料來源：齊齊贏馬會group

「我哋唔係輸畀費格遜時間，係輸畀越位時間！」李城領隊雲尼斯達萊，係費格遜王朝嘅其中一員，今場賽後，雲佬嬲還嬲，當然都會尊重恩師。「我哋踢波一定要保持信念，今場比賽與費格遜時間無關，不過我都必須強調，無論球員有冇波在腳，都要做得再好啲。」賽後...
08/02/2025

「我哋唔係輸畀費格遜時間，
係輸畀越位時間！」
李城領隊雲尼斯達萊，
係費格遜王朝嘅其中一員，
今場賽後，
雲佬嬲還嬲，
當然都會尊重恩師。

「我哋踢波一定要保持信念，
今場比賽與費格遜時間無關，
不過我都必須強調，
無論球員有冇波在腳，
都要做得再好啲。」
賽後艾摩廉避重就輕，
拒與費格遜時間扯上關係。

李城今場喺42分鐘由列特打開紀錄，
68分鐘舒克斯扳平1:1，
去到補時3分鐘，
般奴開罰球，
麥佳亞喺越位位置下頂入，
助曼聯反超前2:1完場。
由於足總盃要到第5圈先至有VAR，
喺旁證走漏眼下，
曼聯把握漏洞過骨。

費格遜時間，
係指費Sir執教曼聯期間，
每當曼聯落後，
往往會獲得較多補時，
甚至補到直到入波為止。

Address

Hung Hom

Website

Alerts

Be the first to know and let us send you an email when 一體 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 一體:

Videos

78‘ 0:2 82’ 1:2 90+ 2:2 領先兩球、 完場前8分鐘內連失2球， 賽後哥帥躁狂「擁抱」奧迪加： 「我滿意呀， 我只係同佢傾番一個個別動作， 我讚佢用波好咗、為佢表現感到開心。」

#渣古 #硬爆

#夏L #怪腳

38歲298日！ 老將捷西斯拿華斯， 招牌式右路助攻， 火箭式窩利直轟入網， 助西維爾1:0小勝基達菲~ 西甲嚟到第5輪， 西維爾終於開齋。 捷西斯拿華斯打破球會最老入球球員紀錄， 佢賽後答謝粉絲不離不棄嗰陣， 更忍唔住流下男兒淚。 拿華斯03年喺西維爾出道， 2013轉投曼城， 去到2017重返母會效力至今。 拿華斯早已宣佈今季季尾會掛靴， 呢位忠臣前後為西維爾效力18年， 今季將會係佢嘅最後一季。

「當我覺得團火熄咗， 我先會考慮退休， 踢得一場得一場！」 39歲C朗絕殺蘇格蘭， 今日踏入39歲嘅摩迪同樣大癲， 佢尋晚憑一個超精彩罰球定江山， 助克羅地亞1比0擊敗波蘭～

哈利卡尼今季獎項： 德甲金靴獎 歐聯神射手 歐洲金靴獎 IFFHS頂級聯賽最佳射手 歐國盃金靴獎 🏆：0……

尼馬飛去美國探班撐場， 當佢親眼見證巴西悶和哥斯達黎加後， 佢嘅反應……

Shortcuts

Share

Category