Gayatri Mandap Decorators

02/10/2023

13/02/2022

Baby Shower Occasion
Decore By GAYATRI MANDAP DECORATORS
Bharat Patel Gayatri Decorators
Kishan Patel

04/02/2022

🙏🏻
या कुन्देन्दुतुषारहारधवला या शुभ्रवस्त्रावृता
या वीणावरदण्डमण्डितकरा या श्वेतपद्मासना
या ब्रह्माच्युतशंकरप्रभृतिभिर्देवै: सदा वन्दिता
सा मां पातु सरस्वती भगवती नि:शेषजाड्यापहा
🪕🪕🪕🪕🪕

10/12/2021

10/12/2021

05/12/2021

Massage for Quotation +91 7778916149

22/11/2021

Massage For Quotation

04/11/2021

शुभ दीपावली 🙏🏻

02/11/2021

ધનતેરસ લક્ષ્મી દેવીની ખરી વંદના કઈ રીતે કરશો?
તહેવારોમાં 'ધનતેરસ' આગવું મહત્ત્વ ધરાવે છે. વાસ્તવમાં એ ધન્વંતરી તેરસ છે.
દિવાળીનો તહેવાર સૌને માટે પ્રસન્નતાનો સંદેશ લઈને આવે છે. ગરીબ અને તવંગર બધા જ આનંદપૂર્વક દિવાળી ઉજવે છે. ધનતેરસ, કાળીચૌદશ કે નર્કચતુર્દશી, દિવાળી, અન્નફૂટ કે પડવો, ભાઈબીજ આ પાંચ તહેવાર દેશભરમાં વિવિધ રીતે ઉજવવામાં આવે છે.

આ પાંચ તહેવારોમાં 'ધનતેરસ' આગવું મહત્ત્વ ધરાવે છે. વાસ્તવમાં એ ધન્વંતરી તેરસ છે. પ્રાચીનકાળમાં આ દિવસ આયુર્વેદિક ચિકિત્સા શાસ્ત્રના પ્રવર્તક ભગવાન ધન્વંતરીની જયંતી તરીકે ઉજવવામાં આવતો. પાછળથી મુગલ સલ્તનતના સમયમાં હકીમોના વર્ચસના કારણે યુનાની ચિકિત્સા પધ્ધતિનો પ્રચાર વધતો ગયો અને અંગ્રેજોના અમલ દરમિયાન એલોપથીને સરકારી માન્યતા મળતા આયુર્વેદ ભૂલાવા લાગ્યો.

આમ છતાં ઘણા સમય સુધી આ દિવસ દક્ષિણ ભારતમાં અને ઉત્તરના કેટલાક પ્રદેશમાં પણ ધન્વંતરી જયંતી તરીકે ઉજવાતો રહ્યો. હજી પણ આયુર્વેદમાં રસ ધરાવનારાઓ, આયુર્વેદ શીખવનારા-શીખનારાઓ તેમ જ વૈદ્ય અને ચિકિત્સકો આ તેરસના દિવસે ભગવાન ધન્વંતરીની પૂજા-અર્ચના કરે છે અને લોકોને દીર્ધાયુ બનાવવા તેમ જ નિરોગી બનાવવા પ્રાર્થના કરે છે.

પૌરાણિક ઉલ્લેખો અનુસાર દેવો અને દાનવોએ કરેલા સમુદ્ર મંથનમાં ૧૪ રત્નો ઉત્પન્ન થયાં હતાં એ હતાં હલાહલ ઝેર, કામઘેનુ ગાય, ઉચ્ચૈશ્રવા નામનો ઘોડો, ઐરાવત, કૌસ્તુભમણી, કલ્પવૃક્ષ, અપ્સરાઓ, લક્ષ્મીદેવી, અર્ધચન્દ્ર, હાલા નામની સૂરા, ધનુષ્ય, શંખ અને છેલ્લે અમૃત કળશ ધારણ કરેલા ભગવાન ધન્વંતરી! આ ભગવાન ધન્વંતરીએ વિશ્વના મનુષ્યોને શારીરીક અને માનસિક રોગોથી મુક્તિ અપાવવા આયુર્વેદનો પ્રચાર- પ્રસાર કર્યો. આયુર્વેદનો મુખ્ય ઉદ્દેશ 'સ્વસ્થ વ્યક્તિનાં રક્ષણ અને રોગીઓની રોગમાંથી મુક્તિ અપાવવાના છે.

આજે ધનતેરસના દિવસે કોઈ ભગવાન ધન્વંતરી કે આયુર્વેદને યાદ નથી કરતું. અરે, પૈસા પાછળ પાગલ બનેલા સ્વાર્થી માણસો સ્વાસ્થ્ય કરતાં પણ સંપત્તિને જ વધુ મહત્ત્વની લેખે છે. એટલે આજકાલ ધનતેરસને ધનલક્ષ્મીનો દિવસ ગણવામાં આવે છે! વેપારી કોમ એ દિવસે લક્ષ્મીની પૂજા કરે છે. ચોપડા પૂજન કરે છે.

ધનતેરસ રૂમઝૂમ કરતી શુકનવંતા પગલે દિવાળી અને નૂતનવર્ષની વધામણી લઈ આવે ત્યારે લક્ષ્મીદેવીનું પૂજન હોય. ચોમેર નજર કરતાં કલિયુગમાં ધન અને લક્ષ્મીનું વર્ચસ્વ સૌથી વધુ જણાય. ધનને સામાન્ય રીતે 'પૈસો' તથા ઝવેરાત જેવા શબ્દથી સૂચવાય અને ત્યારે કોઈપણ કામ કઢાવવા કોઈપણ સ્થળે પૈસાના જ ખેલ જણાય. પૈસાદાર થવા ભ્રષ્ટાચાર પણ અપનાવાય ત્યારે એ નાણું રંગ બદલી કાળું થાય. પૈસાદાર થવા નસીબની રેખા જોર કરે. જમીન જાગીર ધન મેળવનારને લોક ઝૂકી ઝૂકી સલામ ભરે.

'દાને દાને પર લીખા હૈ, ખાનેવાલેકા નામ' ઉક્તિ, સ્પષ્ટ સંકેત આપે છે કે ધનપતિ બનવા કિસ્મત જરૂરી છે. એક ઉક્તિ છે કે ''વાવો ને કરમમાં હોય એટલું ખાવ.' એમાં પણ જ્યોતિષ વિદ્યા સાથે તેના અર્થને ગાઢ સંબંધ હોવાનો રણકો છે. જ્યોતિષ વિદ્યા પૈસાદાર થવાની આગાહી કરે, પણ પૈસાના દાસ બનવા સૂચન કરતી નથી. જે પૈસા ખાતર જ જીવે છે તે સાચા અર્થમાં ધનવાન નથી. પૈસો ખાવાની વસ્તુ નથી છતાં પૈસા ખવાઈ ગયા એમ કહે છે. અહીં આપણે ધન, સંપત્તિ, લક્ષ્મી વગેરે શબ્દોના સૂચિતાર્થો સમજીએ.

લક્ષ્મીદેવી કમળ ઉપર બિરાજે છે તે સ્પષ્ટ સૂચવે છે કે કમળ જેવી નિર્મળવૃત્તિની વ્યક્તિ જ કમાઈને સમૃદ્ધિ લાવે. લક્ષ્મીનો અર્થ લક્ષ કે હેતુ જ આબાદી છે. ધન શબ્દ માત્ર નાણાના ગંજ પૂરતો સંકુચિત નથી. દરેક દેશના મોટા સિક્કા ગોળ આકારના હોય એ શું સુચવે? સંપત્તિ સિક્કાની જેમ ગોળ ગબડતી રહે તેનો એ સંકેત છે. એને એક જ જગાએ રોકી રાખનાર ધનપતિ સુખ અનુભવતો નથી.
સાચી સ્વકમાઈને મેળવેલી સંપત્તિ લક્ષ્મીના આશિષ સાથેની છે. પણ જે નાણાનો કે ધનનો દુરુપયોગ કરે તે પાયમાલ થઈને રહે, કારણ વધુને વધુ ધન મેળવવાની ઝંખનાએ જુગારી બની, કરોડપતિમાંથી રોડપતિ બની જાય. ત્યારે લક્ષ્મી વગોવાય. સાચી રીતે લક્ષ્મીનું લક્ષ્ય ચૂકી એને વેશ્યા ગણે એ લક્ષ્મીદેવીનું મહત્ત્વ નહીં અનુભવે. કેટલાંક પૈસાને હાથનો મેલ કહે છે. પણ ખરી વાત એ છે કે તેઓ પૈસા ગમે તેમ વેડફે છે. એટલે તેમને એ મેલ જેવા લાગે છે.

ધન અનેક જાતનાં હોય. બુદ્ધિધન કે સંસ્કારધન ભાગ્યશાળી જ ભોગવે. ધન લૂંટાય તો મહેનતે પાછા મેળવી શકાય. તંદુરસ્તી બગડે તો થોડું નુકસાન થાય. પણ ધનપતિ હોવા છતાં ચરિત્ર જ ના હોય તો એના જેવો નિર્ધન કોઈ નહીં. લક્ષ્મીનું આસન કમળ છે તે આજે હેતુ જણાવે છે. આબરૂને પ્રતિષ્ઠા લક્ષ્મીના વરદાન છે.

બુદ્ધિધનને અંગ્રેજીમાં 'ટેલેન્ટ' એટલે અક્કલ કે ચાતુરી થાય. ઈટાલીના સોનાના સિક્કાને પણ ટેલેન્ટને નામે ઓળખાય છે. એક શાહસોદાગર યાત્રાએ જાય છે ત્યારે એના ત્રણ દીકરાને એક એક સોનાની ટેલેન્ટ આપી કહે છે કે ' હું પાછો આવીશ ત્યારે હિસાબ લઈશ.' સોદાગર પરદેશ ગયો. સૌથી મોટા દીકરાએ હાથમાં આવેલી તક લઈ ખાઈ પી મોજ કરી. ઉડાઉપણે ધન ખર્ચી નાખ્યું. વચલાએ હિસાબ આપવાની ધાકે એક ચીંથરામાં લપેટી સોનાની ટેલન્ટને ઝાડ નીચે દાટી દીધી. સૌૈથી નાનાએ ટેલન્ટનો સદુપયોગ કરી વેપાર વધાર્યોને સાચેસાચ સમૃદ્ધ થયો.

પિતા પાછા ફરતાં હિસાબ માગ્યો મોટાને દેવાદાર જાહેર કરી ઠપકો આપ્યો કે 'ખોટાં માર્ગે જે બુદ્ધિ વાપરે તે બીજે ભવ બેવકૂફ રહીને જીવે' વચલાએ પેલી ટેલન્ટ ચીંથરામાંથી કાઢી આપી ત્યારે પિતાએ કહ્યું. 'તુ કંજૂસ છે. ધન દાટવા માટે નથી હોતું. ખોટી બુદ્ધિ વાપરી, એટલે તું આવતે ભવભીખ માંગશે.' નાનાએ ખોબલો ભરી અને ટેલન્ટ પિતા સમક્ષ ધરી કહ્યું બાપુજી, તમારી આપેલી ટેલન્ટ લઈ લો. બાપુ ખુશ થયા કે, ''તને બુદ્ધિ વાપરતાં આવડી અને સમૃદ્ધિ વધારી એ જ લક્ષ્મીનો હક્કદાર છે. એની ચાતુરી ચાર ગણી થશે.'' આ પ્રસંગ સૂચવે છે કે, કયા પ્રકારે ધનનો ઉપયોગ થાય. તે ઉપરથી અક્કલનું માપ નીકળે અને ચારિત્ર જાહેર થાય.

''લક્ષ્મી ચાંદલો કરવા આવે ત્યારે મોં ધોવા ન જવાય'' આ બીજી અગત્યની કહેવત છે. બલકે એ સત્ય છે. કિસ્મત ખુલે ત્યારે લક્ષ્મીજી સામે ચાલી ધન આબાદી- આપવા આવે. એ તક ચૂકે તે ભવ ચૂકે. ધન કમાવા તક અગત્યની છે. એ તક કિસ્મતની રેખામાં હોય એને સામેથી મળે છે. પણ એ જાગૃત હોવો જોઈએ, નહીં તો ગફલતમાં તક ચૂકે.

આજે અનેક ઉદ્યોગપતિઓ આબાદ થયા તેનું કારણ એ જ કે તેઓએ યોગ્ય સમયે યોગ્ય નિર્ણય લીધા હતા. ધૂળમાંથી સોનું મેળવનાર ભાગ્યશાળી ગણાય. પણ લક્ષ્ય સાફ હોવું જરૂરી છે. બુરી દાનત લક્ષ્મી દેવીને માન્ય ન હોય, એના હાથમાંથી આવેલું ધન પણ વેડફાઈ જાય. તમને લલચાવીને જુગારી બનાવે. દાણચોર બનાવે. વધુ નાણા કમાવા તમે આડા રસ્તે ચઢી જાવ.

મહાન સમ્રાટ સિકંદર ખૂબ ખજાનો મેળવી શક્યો. અનેક જાગીરનો માલિક બન્યો. યુદ્ધમાં અનેકનાં લોહી રેડી જાતની મોટાઈ મેળવવા લોભમાં જંગ લડતો જ રહ્યો. સૌ એને સલામ ભરે. બધા જ જય જય કાર કરે. સવારી નીકળી ત્યારે રસ્તામાં એક ફકીરે સિકંદરને સલામ નહીં ભરી . એના પ્રધાને અને સિકંદરે કારણ પૂછ્યું તો ફકીર કહે મારે જે ધનની જરૂર છે તે તારી પાસે નથી. મારે તારી પાસેથી કંઈ જોઈતું નથી. તો હું એને સલામ ન ભરું જે મને ખોબલે ખોબલે આપી શકે!

ફારસીમાં કારૂન જેવો માલદાર ધનપતિ કોઈ જ નહતો. ચાલીસ મોટા ભંડારો ભરાય એટલું ધન એણે મેળવેલું. પરંતુ એ મરી જતાં એને કોઈ યાદ નથી કરતું. કારણ એણે પૈસો સંગ્રહ કરતાં જ જાણ્યું. દાન આપતાં જાણ્યું નહીં. ચારિત્ર ધન સાચી સંપત્તિ હોવાની ગવાહ છે.

એક ફકીર 'ખુદાનો બંદો' ભજનો ગાય ત્યારે દિલ ડોલાવી નાખે. નગરપતિએ એને સભામાં બોલાવી ભજન ગાવા જણાવ્યું. એણે ફકીરી અમીરી છે એવું ભજન સુણાવ્યું. નગરશેઠે એની કસોટી કરવા લાખની કિંમતની મોતી માળા ઈનામ તરીકે આપી. ત્યારે ફકીરે ઈનકાર કર્યો. ''મને વગર વાંકે મોતીનો ફાંસો શા માટેે?'' એવી ટકોર કરી.

નગરશેઠે ટોણો માર્યો ''મૂર્ખ! એક ભજન માટે આવી કિંમતી ભેટ આપનાર તને કોઈ બીજો મળે તો કહે જે'' ફકીરે ઉંચા મસ્તકે જણાવ્યું. ''આપનાર મળી રહેશે, પણ મારી જેમ તેનો ઈન્કાર કરનાર મળે તો તમે કહેજો.'' ફકીરની ખુમારીથી સૌ સ્તબ્ધ થયા. એ ચાલ્યો ગયો ત્યારે સત્ય સમજાયું કે મનમાં ખુમારી, ઝિંદાદિલી અને આત્મવિશ્વાસ સાચી સંપત્તિ છે. જે મરણબાદ પણ ખૂંચવાતી નથી.

સંતોષધન કોઈક જ પાસે હોય. એ લક્ષ્મીના વરદાનથી જ મળે. લક્ષ્મીપૂજન સાચા અર્થમાં દાન દ્વારા થાય (ધન વૃધ્ધિ) સમૃદ્ધ આબાદી બીજાનાં સુખ કાજે હોય. પોતાના નાણાં પોતાને માટે વાપરનારા તો સૌ કોઈ હોય પરંતુ પોતાની સંપત્તિ પારકા માટે નિ:સ્વાર્થ ભાવે લૂંટાવનાર જ ખરા દાનવીર કહેવાય. આવા લોકો જ લક્ષ્મીના સાચો લાડકવાયા કહેવાય.

સમુદ્રમંથન થયું ત્યારે ચૌદ રત્નો ઉત્પન્ન થયા તેમાંનું એક રત્ન ધન હતું. જેની કારકિર્દી ઉજ્જવળ હોય, જેણે દેશ કાજે મહાન સમર્પણ કર્યું હોય, તેની ભારતમાં સર્વોચ્ચ ખિતાબ 'ભારતરત્ન' આપી કદર થાય છે. એ લક્ષ્મીપૂજનનો તરીકો નથી?આ ઉજ્જવળ કારકિર્દી જ સાચું ધન બને છે. બાકી તો ખાલી હાથે આવેલા, ખાલી હાથે જ જાય છે. વેઠ ઉપાડી મેળવેલું બધું જ આ દુનિયાનું ધન છોડીને જવાનું છે. ત્યારે સાચું ધન 'ભલાઈનું ભાથું' બને છે. સન્મતિ ઉત્તમ ધન છે.

શારદા, સરસ્વતી, કલા અને વિદ્યાની દેવીઓ છે. જેના પૂજન કરનાર કલાનિપુણ બને કે વિદ્યાસંપન્ન થાય. તેની કિંમત કરોડપતિ સોદાગર કરતાં સમાજમાં વધુ ગણાય છે. કહેવાય છે. સરસ્વતી દેવીનું પૂજન કરનાર કદી ધન પ્રાપ્ત કરતો નથી. અને મહોતાજ મરે છે. પણ વિદ્યાદાન કરનાર દાનેશ્વરી પૂજાય છે. સંતોની મૂડી ઈર્ષા કરવા જેવી હોય છે. તેઓ વિદ્યાનો ફેલાવો કરે છે.

બ્રિટિશ સત્તાને પડકારનાર, હંફાવનાર, હંકારનાર, બાપુ ગાંધી પાસે ના હતું. સૌંદર્ય, ના પહેલવાની કાયા કે ના પોશાકનાં કોઈ આકર્ષણ. આત્મબળનું ધન હતું. ખુમારી અને ઝિંદાદિલી હતા. આ ખુમારી લક્ષ્મી નિભાવે છે. વાચક વિચારે છે કે પૈસાદાર થઈ ચારિત્રનું લીલાઉ કરવું છે કે પૈસાદાર થઈ બીજાના સુખ વિચારવાં છે? બીજાનાં દિલે દીવા ચેતાવનારની જ સાચી દિવાળી કહેવાય. એને જનૂતન વર્ષની સાચી ખુશાલી થાય. જે આપે એ જ લક્ષ્મીપૂજન સાચું. કિસ્મત આપણે જ ઘડીએ છીએ. પ્રારબ્ધ અને પુરુષાર્થ એક જ સિક્કાની બે બાજુ છે. માગીએ તો પુરુષાર્થ કરવાની તક અને શક્તિ માગીએ. સાચું સબરસ એ જ છે.

તમામ મિત્રોને ભગવાન ધન્વંતરીની જયંતી ની ખૂબ ખૂબ હાર્દિક શુભકામનાઓ. જય માતાજી. શુભ દિપાવલી.

07/10/2021

Happy Navratri 💃

20/05/2021

😊

16/05/2021