PR Government College Alumnis

09/10/2019

09/10/2019

17/12/2018

Happy to open this Page on FB

17/12/2018

నా పేరు దామ‌రాజు వెంక‌టేశ్వ‌ర్లు. పిఆర్ ప్ర‌భుత్వ క‌ళాశాలలో 1974-77లో బిఏ తెలుగు చ‌దివాను. కాకినాడ‌లో ఒక వివాహానికి వెళ్లిన‌ నేను 16 డిసెంబ‌ర్, 2018వ తేదీ ఉద‌యం కాలేజి సంద‌ర్శించాను. అనుకోకుండా ఆ స‌మ‌యంలో పూర్వ విద్యార్థి స‌మావేశం జ‌రుగుతోంది. పిఆర్ కాలేజికి వెళ్లిన నేను ఆ స‌మావేశంలో కాసేపు కూచున్నాను. ఉద‌యం వేళ‌లో కాలేజిలో అడుగు పెట్టిన నాకు మ‌న‌సులో ఎన్నో ఆలోచ‌న‌లు. ఆ కాలేజికే ఆ రోజుల్లో హైలైట్ అయిన సెంట‌ర్ బిల్డింగ్ ఉందా లేదా, అలాగే మా క్లాసులు జ‌రిగిన అండ‌మాన్స్ ఉందా లేదా అన్న ఆలోచ‌న‌లు చుట్టుముడుతూ ఉండ‌గా కాలేజిలోకి అడుగుపెట్టాను. మొద‌ట అప్ప‌ట్లో ప్రిన్సిపాల్ కార్యాల‌యం, ఆఫీసు, లైబ్ర‌రీ వంటివి ఉన్న భ‌వ‌నం య‌థాత‌థంగా క‌నిపించింది. అక్క‌డే మా బ్యాచ్ మేట్ స‌త్యం క‌నిపించారు. స‌త్యం అప్ప‌ట్లో పొలిటిక‌ల్ సైన్స్ మెయిన్‌గా చ‌దివాన‌ని చెప్పారు. అత‌ని పేరు గుర్తు లేదు గాని అడిగితే త‌న పేరు స‌త్యం అని చెప్పారు. ఏ బ్యాచ్ అంటే 1974-77 అన‌గానే నా క్లాస్ మేట్ అని గుర్తు ప‌ట్టాను. నా స‌న్నిహిత మిత్రుడు చేంబోలు శ్రీ‌రామ‌శాస్ర్తి, మూలా కామేశ్వ‌ర‌రావు, రామ‌చంద్ర‌రాజు, బులుసు వెంక‌టేశ్వ‌ర్లు నా స‌హాధ్యాయులు. కాలేజి హాకీ క్రీడాకారుడు జాన్ జెర్మియా నా సీనియ‌ర్‌. ఆ త‌ర్వాత వాడు, నేను ఎంఏలో ఆంధ్రా యూనివ‌ర్శిటీలో క్లాస్ మేట్స్. మా ఇద్ద‌రి స్నేహం హ‌లోతో ప్రారంభ‌మై కొద్ది రోజుల‌కే ఒరేయ్ దాకా వెళ్లింది. అవ‌న్నీ నెమ‌రు వేసుకుంటూ పూర్వ విద్యార్థి స‌మావేశం జ‌రుగుతున్న బివిఆర్ మోహ‌న‌రెడ్డి ఆడిటోరియంలో కాసేపు కూచున్నాను. ఉద్యోగ బాధ్య‌త‌ల్లో నేను త‌ర‌చు క‌లుస్తూ ఉండే బివిఆర్ మోహ‌న్ రెడ్డిగారు కాకినాడ ఇంజ‌నీరింగ్ క‌ళాశాల పూర్వ విద్యార్థి అని తెలుసు గాని, పిఆర్ క‌ళాశాల పూర్వ విద్యార్థి కూడా అని అప్పుడే తెలిసింది. మోహ‌న్ రెడ్డిగారు అక్క‌డ పియుసి చ‌దివార‌ని తెలిసింది. మ‌రి కొంద‌రు పెద్ద‌లు, నా క‌న్నా సీనియ‌ర్లు క‌నిపించారు. కొంద‌రితో ముచ్చ‌టించాను. ఓ అర‌గంట అక్క‌డ కూచుని నేను తిరిగి ప్ర‌యాణం కావ‌ల‌సి ఉన్నందున బ‌య‌ట‌కి వచ్చేశాను. ఐ యామ్ ప్రౌడ్ టుబి ద ఓల్డ్ స్టూడెంట్ ఆఫ్ పిఆర్ కాలేజ్. అప్పుడే ఒక ఆలోచ‌న వ‌చ్చింది. పిఆర్ కాలేజి పాత విద్యార్థుల వేదిక‌గా నా ఫేస్‌బుక్‌లో ఒక పేజి ఓపెన్ చేయాల‌నిపించింది. హైద‌రాబాద్ రాగానే ఆ ఆలోచ‌న కార్య‌రూపంలో పెట్టి పాత విద్యార్థులంద‌రినీ ఈ వేదిక‌లోకి తెచ్చే ప్ర‌య‌త్నం చేస్తున్నాను. పిఆర్ కాలేజి పూర్వ విద్యార్థులంద‌రూ ఇందులో చేర‌వ‌చ్చున‌ని ఆహ్వానం ప‌లుకుతున్నాను. నేను కాలేజిని సంద‌ర్శించిన సంద‌ర్భంగా తీసిన కొన్ని ఫొటోలు కూడా ప్ర‌చురిస్తున్నాను.