ಊಟದ ಡಬ್ಬ/Ootada Dabba

ನಮಸ್ಕಾರ ಎಲ್ಲರಿಗೂ. ಇವತ್ತಿನ ಥೀಮ್ ಪ್ರಕಾರ Kids lunch Box. ನಾನು ಮಾಡಿದ ತಿಂಡಿ, Cheese veg parota :- ಮಾಡಲು ಬೇಕಾದ ಸಾಮಾಗ್ರಿಗಳು :- ಗೋಧಿ ಹಿಟ್ಟು. 2 ಬಟ್ಟಲು ಎಣ್ಣೆ. ಸ್ವಲ್ಪ ಸಕ್ಕರೆ ಸ್ವಲ್ಪ ಉಪ್ಪು ರುಚಿಗೆ ತಕ್ಕಷ್ಟು ಮೊಸರು ಸ್ವಲ್ಪ ಚಿಕ್ಕದಾಗಿ ಹೆಚ್ಚಿದ ಕ್ಯಾಬೇಜ್ 1 ಬಟ್ಟಲು ಕ್ಯಾರೆಟ್ ತುರಿ 1 ಬಟ್ಟಲು ಚೀಸ್ ತುರಿ. 1 ಬಟ್ಟಲು ಕೊತ್ತುಂಬರಿ ಸೊಪ್ಪು ಸ್ವಲ್ಪ ಹಸಿಮೆಣಸಿನಕಾಯಿ 1(ಬೇಕಿದ್ದರೇ ಅಥವಾ ಕಾಳುಮೆಣಸು ಪುಡಿ) ವಿಧಾನ :- * ಒಂದು ಬೌಲಲ್ಲಿ ಗೋಧಿ ಹಿಟ್ಟು, ಉಪ್ಪು, ಸಕ್ಕರೆ, ಎಣ್ಣೆ ಹಾಕಿ ಕಲಸಿ. * ಆ ಹಿಟ್ಟಿಗೆ ಮೊಸರು ಸೇರಿಸಿ, ಸ್ವಲ್ಪ ನೀರು ಬಿಸಿ ಮಾಡಿ ಕಲಸಿ ಚೆನ್ನಾಗಿ ನಾದಿಕೊಳ್ಳಿ.ಇದನ್ನು 20 ನಿಮಿಷ ನೆನೆಯಲು ಬಿಡಿ. * ಮತ್ತೊಂದು ಬೌಲಿಗೆ ಕ್ಯಾಬೇಜ್, ಕ್ಯಾರೆಟ್, ಕೊತ್ತಂಬರಿ ಸೊಪ್ಪು, ಹಸಿಮೆಣಸಿನಕಾಯೀ(ಚಿಕ್ಕದಾಗಿ ಹೆಚ್ಚಬೇಕು),ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಬೆರಸಿ. * ಹಿಟ್ಟನ್ನು ಮತ್ತೊಮ್ಮೆ ನಾದಿಕೊಂಡು ಚಿಕ್ಕ ಚಿಕ್ಕ ಉರುಳಿ ಮಾಡಿ ಲಟ್ಟಿಸಿಕೊಳ್ಳಿ(ತುಂಬಾ ತೆಳ್ಳಗೆ ಲಟ್ಟಿಸಿಕೊಳ್ಳಬಾರದು). * ಲಟ್ಟಿಸಿದ ಚಪಾತಿಯಲ್ಲಿ ಬೆರಸಿದ ತರಕಾರಿ ಮಿಶ್ರಣ ಹಾಕಿ ಅದರ ಮೇಲೆ ತುರಿದ ಚೀಸ್ ಹಾಕಿ ಅರ್ಧ ಮಡಿಚಿಕೊಂಡು ಎರಡು ಕಡೆ ಬೆಣ್ಣೆ ಹಾಕಿ ಬೇಯಿಸಿಕೊಳ್ಳಿ. * ಹೀಗೆ ರುಚಿ ರುಚಿಯಾದ ಪರೋಟಾ ರೆಡಿ. ಇದನ್ನು ಕಾಯಿಚಟ್ನಿ ಅಥವಾ ಟೋಮೇಟೋ ಸಾಸ್ ಅಥವಾ ಗಟ್ಟಿ ಮೊಸರಿನ ಜೊತೆ ತುಂಬಾ ಚೆನ್ನಾಗಿರುತ್ತದೆ..‌.