Tónlistar- og listahátíðin Ymur – Tilraunakenndur sólarhringur fer fram í fyrsta skiptið 12. -13. Markmið hátíðarinnar er að stefna saman mismunandi listformum og áhersla er lögð á frumraunir, tilraunir, skapandi flæði og síðast en ekki síst eru mistök sérlega velkomin. Ymur fer fram í Listagilinu á Akureyri, nánar tiltekið í sal myndlistarfélagsins og listrýminu Kaktus, þar sem Populus Tremula va
r áður til húsa. Gangur sem liggur út frá sal myndlistarfélagsins verður einnig nýttur undir tónleika og gjörningahald og ef veður leyfir færum við dagskrána út á grasblett fyrir framan. Við stefnum saman kórverkum, elektrónískri tónlist, tilraunakenndri metal tónlist, vídeólist, hljóðlist og lifandi gjörningum.
Það er von okkar að Ymur sé komin til að vera en tilraunakendum listformum hefur kannski vantað samastað undanfarin ár hér á svæðinu. Því teljum við rétt að upphefja tilraunir með tilraun til sólarhringshátíðar. Megi listin lifa og lífið lengjast í gleði sumars og birtu.
