Aðalvideoleigan Taka-Tvö

16/04/2023

Aðalvideoleigan Lokar 6 pistil
Elsku fallegu frábæru viðskiptavinir, velunnarar og allir aðrir til sjávar og sveita
Það er nefnilega svolítið þannig að meðan við mannfólkið erum upptekin við að gera stóru plönin…….. þá hlægja guðirnir!
Laugardagurinn 1 apríl átti að vera síðasti opnunardagur Aðalvideoleigunar eftir stóra planinu, en á meðan voru guðirnir að sjáfsöguðu að hlægja að, hvað var mikið eftir af frábærum kvikmyndum, sem að þurfa að finna sér nýtt heimili.
Til að mæta þessu skopskyni blessuðu guðanna höfum við bara eitt svar.
NÚ VIÐ OPNUM BARA AFTUR --- VERÐUM MEÐ SKYNDIOPNUN SEM BYRJAR Á Mánudaginn 17-04 OG VERÐUR TIL OG MEÐ SUNNUDEGINUM 23-04...DVD TIL SÖLU - ALLT Á AÐ FARA
OPNUNARTÍMAR ALLA DAGANNA
Mánudag …17-04 .....16:00 til 23:30
Þriðjudag …18-04 ......16:00 til 23:30
Miðvikudag 19-04 …..16:00 til 23:30
Fimmtudag 20-04 .….16:00 til 23:30 Gleðilegt Sumar
Föstudag … 21-04…...16:00 til 23:30
Laugardag ..22-04…...15:00 til 23:30
Sunnudag ..23-04…...15:00 til 23:30 loka loka loka dagur
Allra allra síðasta tækifærið til að komast yfir fullt af góðum kvikmyndum…Fyrir lítið fé …Allt á að fara…frábær lækkuð verð….
Þá erum við enþá að safna í lokunarsjóðinn og þeir sem eru aflögufærir beðnir um að hugsa til okkar . hér eru upplýsingar til að koma þeim hugsunum í verk. . (Aðalfélagið 570914 0490 - 0301-26-004907)(Gott er að setja í skýringar “styrkur”)
Dreifing á þessum pósti er með öllu og að fullu bæði löglegur og æskilegur gjörningur (með fyrirfram þökkum)


Þessir aurar munu koma hundraðfallt til baka
Þökkum innilega fyrir okkur.
Aðalvideoleigan
Klapparstíg 37
Verið velkomin
ÁST OG FRIÐUR
Aðal-Reynir

01/04/2023

01/04/2023

Aðalvideoleigan Lokar 5 pistil
Laugardagur 1 Apríl (þetta er alls ekki aprílgabb)
Við ákváðum að hafa opið einn aukadag vegna áskoranna og vegna þess að það er svo mikið til af frábærum kvikmyndum, sem vantar að komast í göngutúr og/eða bítúr á sitt nýja heimili..
Fullt af kvikmyndum sem að voru ekki til í gær eða fyrradag hafa verið í þeim stöflum af myndum sem hafa verið settir fram af lagernum góða. Sendum inn myndir af myndum í dag eins og við komumst yfir.
Í dag verða allskonar frábær tilboð og ýmislegt að gerast.
Þá ætlar föðurbetrungurinn sonur minn, nafni og besti vinur að standa með “Gamla” vaktina.(Hann hefur verið á vaktinni nánast frá því að hann var 4 ára og til dagsins í dag)
Þá er söfnuninn okkar í lokunarsjóðinn í fullu gangi og þeir sem eru aflögufærir beðnir um að hugsa til okkar . hér upplýsingar til að koma þeim hugsunum í verk. . (Aðalfélagið 570914 0490 - 0301-26-004907)(Gott er að setja í skýringar “styrkur”)
Dreifing á þessum pósti er með öllu og að fullu bæði löglegur og æskilegur gjörningur


Þessir aurar munu koma hundraðfallt til baka
Þökkum innilega fyrir okkur.
Aðalvideoleigan
Klapparstíg 37
Verið velkomin
Aðal-Reynir

31/03/2023

Aðalvideoleigan Lokar. 4 pistill

Fimmtudagskvöld 30 Mars….
…og við á Aðalvideoleigunni alveg á fullu að selja allt kvikmyndasafnið okkar, það hefur gengið bara nokkuð vel og mikið af góðu fólki komið til okkar og keypt meira en það ætlaði og/eða beðið um að vera rukkað umfram verð vörunar sem verið er að kaupa og/eða lagt inn á okkur, það sem hverjum passar.
Þetta átti að vera næstsíðasti opnunardagurinn okkar, en vegna fjölda áskoranna höfum við ákveðið að bæta laugardeginum 1 apríl við. Þannig að föstudagurinn á morgunn verður næstsíðsasti opnunardagurinn og síðan verður opið á laugardag frá 18:00 til 23:30
Hún Valerie okkar ætlar að vera með okkur annað kvöld, föstudagskvöldið og taka sína síðustu vakt á Aðalvideoleigunni…frá kl 18:00 og eitthvað frameftir kvöldi. (Hún hefur verið meira og minna viðloðandi Aðalvideoleiguna í 27 ár.)
Við ætlum meðal annars að leggja áherzlu á seríur á morgunn, en mikið er til af fábærum seríum (Buffy - Angel - Firefly -Wire – House – Family Guy – Fringe – Rome – Dallas – West Wing – Greys Anatomy - Dynasy – Babylon 5 – Spartacus – Game of Thrones - Breaking Bad - Bridge - The Killing – Downton Abbey – Kingdom - Simpsons - Löður o.s.fv.) Það er nóg til af myndum við allra hæfi.
Eins og komið hefur fram áður, söfnuðust upp hjá okkur talsverðar skuldir síðustu tvö ár og við erum að safna í lokunarsjóð svo að við komumst frá þessu eins vel og hægt er.
Fyrir þá sem vilja leggja okkur lið, eru hér upplýsingar til að koma því í kring. . (Aðalfélagið 570914 0490 - 0301-26-004907)(Gott er að setja í skýringar “styrkur”)
Þessir aurar munu koma hundraðfallt til baka
Eins og áður dreifið þessu eins og vindurinn.
Þökkum innilega fyrir okkur.
Aðalvideoleigan
Klapparstíg 37
Verið velkomin
Aðal-Reynir

18/03/2023

Aðalvideoleigan Lokar... Pistil 3. Laugardagur

Jæja það gengur ágætlega að selja kvikmyndirnar okkar og hugsanlega er búið að selja svona eins og 10% - 15% af þessu gíðarlega stóra og merkilega kvikmynda safni okkar.

Fullt af frábærum titlum til og verið að bera fram myndir alveg á fullu. Myndir sem ekki hafa verið frammi áður. Allt að gerast og koma svo.

Margir eru búnir að koma og margir hafa bæði keypt myndir og /eða styrkt okkur smávegis. Illugi minn Jökulsson leit við í dag, en hann er einn af okkar ástsælu og góðu viðskiptavinum í gegnum árin. Hann tók ekki annað í mál en að millifæra og skamm skamm Illugi minn, þetta var bara of mikið, okkar kæri vinur. Hjartans þakkir fyrir það.

Í gagnagrunn Aðalvideoleigunar eru skráðir 25.680 viðskiptavinir og meirihluti þeirra hefur á einum tímapunkti eða öðrum, fengið hluta eða alveg felld niður leigugjöld fyrir aukadaga með mynd. Biðum þá auðmjúklega að hugsa til okkar núna.

Fyrir þá sem brenna í skinninu að leggja inn á okkar þá eru hjérna upplýsingarnar til að koma því í kring. . (Aðalfélagið 570914 0490 - 0301-26-004907)(Gott er að setja í skýringar “styrkur”)

Dreifa má þessum pósti alveg af hjartans lyst, með þökkum

Opið í kvöld til 23:30...Opið frá mánudegi til og með laugardegi frá 18:00 til 23:30

Þessir aurar munu koma hundraðfallt til baka
Þökkum innilega fyrir okkur.
Aðalvideoleigan
Klapparstíg 37
Verið velkomin
Aðal-Reynir

12/03/2023

LOKUN AÐALVIDEOLEIGUNAR PISTILL 2
Elsku bestu súkkulaði kleinuhringirnir, kanilsnúðarnir, ástarpungarnir og aðrir sem að vilja kanski bara ekkert kenna sig við neinar bökunarvörur.
Rýmingarsala Aðalvideoleigunar á dvd kvikmyndum byrjaði vel, þó ekki sjáist högg á vatni, það er bara svo mikið til og betur má ef duga skal
Rýmingarsalan heldur áfram út mánuðinn. Vorum að bera fram fullt af myndum, sem ekki hafa verið frammi til sölu áður…Þeir fyrstu sem koma ná auðvitað í bestu gullmolana.
Næsta vika verður svaka spennadi og byrjar á mánudaginn 13 mars kl 18:00 til 23:30 síðan verður sami opnunartími út vikuna mán til lau og lokað á sunnudag.
Nokkur orð um lokunarsjóðinn, við erum með smá svona söfnun í gangi til að hjálpa okkur til við að loka með svona um það bil þokkalegri reisn. Söfnunarkrukka er staðnum og bjóðum við síðan upp á að millifært sá beint á bankareikningin okkar.
Tilfellið er að fólk hefur verið í sambandi við okkur um hver sé nú svona upphæðin til að millifæra. Við höfum verið að fá millifærslur frá 1000 kr. og upp í 100.þús. kr. Við mælum með að upphæðin sé alls ekki hærri en 2500 kr., sem flestir ættu að vera aflögufærir með og fjöldinn myndi sjóðinn. (Aðalfélagið 570914 0490 - 0301-26-004907)(Gott er að setja í skýringar “styrkur”)
Stórfyrirtæki, Bankar, Reykjavíkurborg,(Dagur) og Ríkisstofnanir mega hins vegar algjörlega missa sig hvað þetta varðar.
Þið sem að dreifuð þessu fyrir mig síðast, hafið mitt innilega þakklæti fyrir og væruð þið til í að endurtaka leikinn.
Þökkum innilega fyrir okkur.
Aðalvideoleigan
Klapparstíg 37
Verið velkomin
Aðal-Reynir

09/03/2023

Jæja elsku bestu viðskiptavinir til margra ára og allir aðrir til sjávar og sveita. Nú er komið að þessu…Aðalvideoleigan…Síðasta kvikmyndaleigan í fullum rekstri á íslandi er loka núna um næstu mánaðarmót.

Frá og með morgundeginum 10 mars verður ótrúlegt úrval titla á dvd til sölu, frá öllum heimshornum og allar gerðir af kvikmyndum. Gerið mér nú síðasta greiðan dreifið þessari tilkynningu og komið til að hjálpa mér að loka, svo að ég komist frá uppsöfnuðu tapi síðustu tveggja ára, svona eins vel og hægt er.

Það gerir maður/kona með því að koma og kaupa myndir eða gefa eitthvað smáræði í lokunarsjóðinn. Söfnunarkrukkan verður á borðinu og fyrir þá sem vilja millifæra þá er það. (Aðalfélagið 570914 0490 - 0301-26-004907)

Þessir aurar munu koma hundraðfalt til baka
Þökkum innilega fyrir okkur.
Aðalvideoleigan
Klapparstíg 37
fös-lau 18:00 til 23:30

Verið velkomin
Aðal-Reynir