Viðburðaríkt ehf.

er fyrirtæki á sviði viðburðastjórnunar og rannsókna á viðburðum. Fyrirtækið skipuleggur og heldur viðburði, auk þess að bjóða upp á ráðgjöf varðandi framkvæmd viðburða og rannsóknir á áhrifum þeirra. Þá vinnur fyrirtækið að kennslu á sviði viðburða og ferðaþjónustu. Forsvarsmaður fyrirtækisins er Áskell Heiðar Ásgeirsson, fyrrverandi sviðsstjóri hjá Sveitarfélaginu Skagafirði og upphafsmaður og

annar umsjónarmanna tónlistarhátíðarinnar Bræðslunnar og einn skipuleggjenda tónlistarhátíðarinnar Drangey Music Festival. Þá er Heiðar fyrrum framkvæmdastjóri Landsmóts hestamanna. Auk Heiðars hefur fyrirtækið tengsl við fagfólk á öllum sviðum viðburðastjórnunar sem tekur þátt í verkefnum fyrirtækisins.
Áskell Heiðar hefur unnið við ferðamál, menningarmál, kynningarmál og skipulag viðburða árum saman, bæði fyrir Sveitarfélagið Skagafjörð og á eigin vegum. Hann er með MA gráðu frá Háskólanum á Hólum og Leeds Beckett University í ferðamálum og viðburðastjórnun. Heiðar kennir viðburðastjórnun og ferðamálafræði við Ferðamáladeild Háskólans á Hólum og við Ferðamáladeild Háskóla Íslands. Heiðar er ennfremur framkvæmastjóri Sýndarveruleika ehf. sem rekur sýninguna 1238 : The Battle of Iceland á Sauðárkróki.