Uniun Ladins Val Badia

12/11/2024

Corusc da d’altonn, sonns soc, usc sterscia che stlüj ite n gran significat

La ciantia dl mëis che i ves portun dant é ciantada y scrita da nosc mëmber Daniel Willeit. Cun sües parores y melodies ál davagné le pröm post pro le concurs de cianties ladines dl’EPL tl 2017.

Lascesse do fora, stlujede i edli y ascutede "Corusc de na sëra d’altonn"

11/11/2024

Corusc da d’altonn, sonns soc, usc sterscia che stlüj ite n gran significat.

La ciantia dl mëis che i ves portun dant é ciantada y scrita da nosc mëmber Daniel Willeit. Cun sües parores y melodies ál davagné le pröm post pro le concurs de cianties ladines dl’EPL tl 2017.

04/11/2024

Lâs y neni se recorda ciamó zoruch che da Gnissant gnôl scialdi fat cajincí arestis/cöci. Da sëra canche al metô man da gní scür y canche düc ê arjigná da jí a dormí, ti gnôl tenü sö ai defunc na scodela de cajincí. La porta restâ dejsarada por che les animes podess gní a cëna. Sciöche an pó lí do tl liber Val Badia, usanzes, cherdënzes y tradiziuns scrit da Lois Trebo, é la tradiziun da ti ofrí valch da mangé ai defunc dër vedla; tröpes é les testemonianzes bele tl eté greca o romana.

21/10/2024

N gran tesur le dizionar dé fora tl 1967 da Franzl Pizzinini – Parores vedles y püch adorades.
"Rajonede, sce ses de plö adüm, ladin!
Vigni ater lingaz lascen a canch' an mëss"

Insciö l' gran dejider dl autur.

14/10/2024

Jí sö por munt fej gní la bona löna, chësc êl bele Alfred Mutschlechner che savô y che á metü fosch sön blanch, ti don les parores a na melodia de na ciantia popolara todëscia intitolada „Lustig ist’s Matrosenleben“.

Rodé sö le ciapel, cighé y cianté tan che an é bugn y reconësce les belëzes che le monn a nos s’á dé – n’é pa nia chësta la dërta richëza?

N gran dilan al , che á lascé ringhiní chëstes beles parores sö sot Pütia.

07/10/2024

N laur che an ne vëiga nia plü gonot, da lí do tl liber scrit da Lois Trebo Val Badia, Usanzes, cherdënzes y tradiziuns

27/09/2024

Da n per de dis un na plata internet nöia te nosta lista de favoris: https://www.dizionar-ladin.it. Cun chësta massaria sarál da atira ciamó plü bel da scrí por ladin.



https://www.rainews.it/tgr/trail/video/2024/09/dizionar-online-giovanni-mischi-thomas-burch-lingaz-ladin--75ac4822-31b2-42e0-a03f-6f808361231f.html

24/09/2024

Do le gran suzes dla pröma ediziun se presentunse cun ligrëza le nü LIBER DL'AMIZIZIA 2024 por mitans y mituns. Cun corusc y motifs nüs de Martina Vallazza y plü plates por dessëgns y recorc de compagnes y compagns de scolina y scora. 😍😍😍

Da ciafé te biblioteca dl Istitut Ladin Micurá de Rü, tles botëghes Mascotte a Al Plan, Malbo a Pidrô y da Mario a Corvara. 😃

16/09/2024

Sce an pënsa a ci che al ó dí ester ladins y ladines nes tomel dagnora ite baié nosc lingaz y conësce nosta cultura.

La liënda dl San Sboaciun é ince da ciafé traslatada tl ladin.

Sce te as vöia da lí les fortünes y les desgrazies de André, ciafeste le liber tla botëga online dl Istitut Ladin Micurá de Rü por 8,00€.

09/09/2024

09/09/2024

LA CIANTIA DL MËIS:
New York y Fanes - Alexander Dal Plan

Se lascé dofora, stlü i edli y ascuté sö… la natöra nes daidará! 🌱

Alexander Dalplan

03/09/2024

Ince por l’ann de scora 2024/25 un arjigné l'ajënda de scora por mituns y mitans dla scora primara cun stories, jüc y rimes por ladin y dessëgns de Gabi Mutschlechner y Sofia Triggiano, en colaboraziun cun Marameolab.

L’ajënda é na publicaziuna oramai classica, dër aprijada da scolares y scolars, mo ince dai/les insegnanc/tes. Le tema da iniann é "Blanch y Fosch sön le Munt Olimp".

Chësta publicaziun ciafun ince da cumpré tles botëghes Mascotte a Al Plan, Malbo a Pidrô, da Mario a Corvara y te biblioteca dl'Istitut Ladin Micurá de Rü.

🎒📐📚

02/09/2024

Gní de Munt 🐮

Setëmber é le mëis olache an vëgn de munt, les regoles de canche vigni munt vëgn cun i tiers nes é gnüdes dades inant da nüsc antenac.

19/08/2024

Sce an pënsa a ci che al ó dí ester ladins y ladines nes tomel dagnora ite baié nosc lingaz y conësce nosta cultura. Tres chësta rubrica, cun val’ pice stomat, zitaziun o spligaziun, orun ves porté plü daimpró a nosta cultura y a nosc lingaz.

Chir fora la parora che mancia pro le dit ladin:

🤓 Dür sciöche, a) la dlacia o b) n crëp
🤓 Trá, a) le ciar o b) le ciol
🤓 Tomé jö, a) dales niores o b) de ciamin

12/08/2024

„…esson ienn orü arjigné ca val’ ćianćes ladines por i fá l’aorela cörta ai ladins” insciö scriô Jepele Frontull tl 1887 y chësc se tolun ince nos dant tla nöia rubrica LA CIANTIA DL MËIS, olache i podarëis ascuté cianties modernes y tradizionales. 🎧

🙏 ProVoXis

09/08/2024

Nos chërdun te nosc lingaz y sun capazi che al pois cunté inant a düc chi che vëgn tla Val Badia che ch'i sun y ciodí ch'i baiun insciö.

Nos, adöm cun d'atri, sun chiló por mantigní en vita döt chësc. 🫶

05/08/2024

I laurs y les tradiziuns ê, suradöt inlaota, liá al tëmp, ai mëisc y ales sajuns.

Por nia ne s’le desmentié orun ves pité vigni mëis la rubrica PASSÉ, PRESËNT, MANTIGNÍ, deache ma sce an sá da olá che i gnun, pón savëi olache i orun jí.

-

Fora dl liber Val Badia. Usanzes, cherdënzes y tradiziuns Lois Trebo.

Ëise vöia da descurí i laurs da d’isté da en laota? Tolede ca chësc bel liber y recordesse che na bona cu sparagna tröpa fadia. 😄

19/07/2024

"Stries dla net, co roda encerch..."

Le video sön USB dl musical "Chë picia stria" ciafëise ince tl bookshop https://www.uniunladins.it/video-dl-musical-che-picia-stria o tla biblioteca dl'Istitut Ladin a San Martin. Y sambëgn te nostes botëghes partner Mascotte a Al Plan, Malbo a Pidrô y da Mario a Corvara. 🧙