KSK Share

11/10/2024

10/10/2024

៙ឱ្យតែនៅមានជីវិតខ្ញុំមិនបោះបង់ចោលគោលដៅទេ នៅតែបោះជំហានទៅមុខជានិច្ច ទោះបីដឹងថាផ្លូវខាងមុខមានឧបសគ្គច្រើនយ៉ាងណាក៏ដោយ ព្រោះថាជីវិតគឺជាដើរផ្លូវលំបាក និងការតស៊ូដ៏វែងឆ្ងាយ៕៚

09/10/2024

💕💞ចាំទុក​! គ្រួសារ​គឺ​សំខាន់​បំផុត 💙កុំទុកការផឹកស៊ី មិត្តភក្តិសំខាន់ជាងគ្រួសារ💕💞🤩
សាក​សង្កេត​មើល ពេល​ឈឺ ឬ​ជិត​ស្លាប់ តើ​អ្នក​ណា​ខ្លះ​ដែល​នឹង​នៅ​ក្បែរ​យើង​ជានិច្ច?
👉មិត្ត យ៉ាង​ច្រើន​មក​មើល​យើង ១ម៉ោង២ម៉ោង
👉ចៅហ្វាយនាយ យ៉ាង​ច្រើន​ទិញអំណោយ​ឲ្យ​យើង​ខ្លះ ហើយ​មក​មើល​យើង ៥​នាទី
👉តែ ប្រពន្ធ កូន នៅ​ជាមួយ​យើង​គ្រប់​ពេល​វេលា
ពេល​អ្នក​នៅរឹងមាំ ពេល​អ្នក​នៅ​មាន​ឈ្មោះ នៅ​មាន​ផលប្រយោជន៍ អ្នក​ណាៗ​ក៏​ស្គាល់​អ្នក អ្នក​ណា​ៗ​ក៏​ចូល​មក​ជិត​អ្នក ប៉ុន្តែ​ពេល​អ្នក​អស់​ប្រយោជន៍​ឲ្យ​គេ ពេល​អ្នក​ជិត​ស្លាប់ ស្ទើរ​តែមិន​សល់​អ្នក​ណា​ឡើយ​នៅ​ក្បែរ​អ្នក ក្រៅ​ពី​សមាជិក​គ្រួសារ
👉ឈប់​ព្រងើយ​កន្តើយ​នឹង​គ្រួសារ​ទៀត
👉ឈប់​ឃើញ​អ្នក​ដទៃ​សំខាន់​ជាង​គ្រួសារ​ទៀត
👉ឈប់​និយាយ​សម្ដី​ខ្លាំង​ៗ​ឲ្យ​អ្នក​ផ្ទះ​ខូច​ចិត្ត​ទៀត
ព្រោះ... នៅពេល​អ្នក​មិន​សល់​អី😞
គឺមាន​តែ​គ្រួសារ​នេះ​ហើយ​ដែល​នៅ​ជាមួយ​អ្នក និង​មើល​ថែ​អ្នក​យ៉ាង​ល្អ​បំផុត៕៚

Credit: CMO Shop

01/10/2024

ក្នុងឱកាសថ្ងៃបុណ្យភ្ជុំបិណ្ឌប្រពៃណីជាតិខ្មែរ សូមគោរពជូនពរ លោកតា លោកយាយ អ៊ុំប្រុសអ៊ុំស្រី ពូមីង បងប្អូន ញាតិមិត្តទាំងអស់ សូមប្រកបតែនឹងសេចក្តីសុខ សេចក្តីចម្រើន សុខសុវត្ថិភាពក្នុងការធ្វើដំណើរទៅកាន់ស្រុកកំណើត និងទទួលបាននូវសុខភាពល្អបរិបូរណ៍ កម្លាំងមាំមួនអាយុយឺនយូរ និងជោគជ័យគ្រប់ភារកិច្ច រស់នៅជួបតែមនុស្សមានចិត្តបុណ្យ មានគុណធម៌ បវាសជៀសឆ្ងាយពីមនុស្សតិរច្ឆាន មនុស្សប្រេត មនុស្សនរក។🙏🙏៚

01/10/2024

រីករាយបុណ្យភ្ជំបិណ្ឌ!!!

07/09/2024

“ #ចិត្តអ្នក”
រថភ្លើងនៅមានចំណតដើម្បីចត ហើយហេតុអ្វីក៏ចិត្តអ្នកគ្មានចំណតដើម្បីដាក់ខ្ញុំបែបនេះ! ហេតុអ្វី? ភ្លើងនៅមានកុងតាក់បិទ និងបើក ម៉េចចិត្តអ្នកចេះតែបិទបែបនេះ ...ហេតុអ្វីទៅ...?
មិនអាចបង្ខំបានតែហេតុអ្វីអ្នកចេះតែព្រងើយ បើដឹងហើយថាចិត្តខ្ញុំវាស្ទើរតែឆ្កួតម្ដងៗទៅហើយនៅពេលបាត់វត្តមានអ្នក អ្នកអាក្រក់ណាស់ ចិត្តខ្មៅណាស់ ម៉េចបានជាមិនយល់ពីបារម្មណ៍ខ្ញុំបែបនេះ? បេះដូងអ្នកថ្មមែនទេ តែបើថ្មគង់តែអាចទម្លុះ តែវាប្រហែលមិនមែនថ្មទេ វាប្រហែលជាសិលាដែលខ្ញុំមិនអាចទម្លុះបានព្រោះ សូម្បីតែផ្លូវរថភ្លើងគង់មានកន្លែងវាង តែចិត្តអ្នកហាក់ត្រង់ដោយមិនងាក...។
ហេតុអ្វីខ្ញុំត្រូវទៅខ្វល់នឹងរឿងដែលគេមិនចាប់អារម្មណ៍ជាមួយខ្ញុំទៅវិញ? ហេតុអ្វីក៏ខ្ញុំមិនចាប់ផ្ដើមជាមួយអ្នកដែលឱ្យតម្លៃខ្ញុំទៅ? មិនខ្វល់ថាចិត្តគេយ៉ាងណា បែបណាតែរឿងដែលសំខាន់យើងគឺជាយើង យើងមានខ្លួនឯងនៅក្នុងចិត្តរបស់ខ្លួនឯង ស្រឡាញ់ខ្លួនឯងឱ្យបានច្រើនៗ។

អត្ថបទ៖ “ #សៀវភៅជីវិត”

09/08/2024

#រូបមន្តគ្រួសារ:💕
- មុនអាពាហ៍ពិពាហ៍ : ត្រូវជជែកគ្នាឱ្យច្បាស់ថា តើ :
1/ ការងារមានលំនឹងហើយឬនៅ?
2/ ទារកកើតមកអ្នកណាជាអ្នកថែ?
3/ អ្នកណាទៅធ្វើការ?
4/ លុយកាក់សមស្របក្នុងស្ថានភាពហើយឬនៅ?
5/ ចេះជួយថែទាំផ្ទះសម្បែងនិងចេះជួយគ្នាពេលមានអាសន្នហើយឬនៅ ?
6/ ដឹងប្រវត្តិសុខភាពគ្នាហើយឬនៅ?
7/ ដឹងពីប្រវត្តិគ្រួសារទៅវិញទៅមកហើយឬនៅ ?
8/ ពិតជាមានក្តីស្រឡាញ់ទៅវិញទៅមកដោយគ្មានការបង្ខិតបង្ខំមែនទេ?
9/ ចេះពិភាក្សាគ្នាដោយការគោរពគ្នាទៅវិញទៅមកហើយឬនៅ?
10/ ចេះស្តាប់ពីតំរូវការពីគ្នាទៅវិញទៅមកហើយឬនៅ?
11 តើពិតជាជឿទុកចិត្តគ្នាហើយមែនទេ?
- ក្រោយអាពាហ៍ពិពាហ៍ :
1/ ត្រូវចេះគោរពស្រឡាញ់ញាតិទាំងសងខាង
2/ គោរពមិត្តភ័ក្ត្រទាំងសងខាង
3/ ចេះស្វែងយល់ពីការលំបាកក្នុងគ្រួសារ
4/ ស្វែងយល់ពីការជ្រៀតជ្រែកចូលក្នុងរឿងគ្រួសារពីអ្នកដទៃ សូម្បីតែសាច់ញាតិខ្លួនឯង
5/ ត្រូវត្រៀមខ្លួនផ្លាស់ប្តូរ សម្របសម្រួលគ្នាទៅវិញទៅមក និងស្វែងរកឪកាសរីករាយជាមួយប្តីប្រពន្ធតែពីរនាក់
6/ ទាំងពីរនាក់ពិតជាមានស្មារតីប្តេជ្ញាចិត្តការពារគ្នា
7/ ថែទាំកូនចៅសូម្បីតែជីវិតគ្រួសារបានជួបព្យុះសង្ឃរាដ៏ធំមហិមាណាមួយក៏មិនបោះបង់ចោលគ្នាហើយមែនទេ ?
8/ ស្នេហាងាយបង្កើតតែពិបាករក្សា កូនងាយបង្កើត តែការចិញ្ចឹមឱ្យក្លាយជាមនុស្សល្អគឺមិនងាយឡើយ....!!៕៚💕 💕 😘

24/06/2024

នៅពេលដែលអ្នកកាន់តែធំ អ្នកនឹងកាន់តែដឹងថា ៖

១)-ការអត់ធ្មត់គឺជាគុណធម៌៖ (Patience is a Virtue)
ពេលអ្នកកាន់តែចាស់ អ្នកនឹងដឹងថាជីវិតមិនមែនជាការប្រញាប់នោះទេ។ អ្នកនឹងរៀនយល់ឲ្យតម្លៃទៅលើរឿងតូចតាច ចំណាយពេលវេលារបស់អ្នក និងរីករាយនឹងការធ្វើដំណើរលើផ្លូវជីវិត។

២)-ពេលវេលាមានតម្លៃ៖ (Time is Valuable)
អ្នកចាប់ផ្តើមយល់ថាពេលវេលាមានដែនកំណត់របស់វា រាល់ពេលដែលអ្នកចំណាយ។ អ្នករៀនកំណត់អាទិភាពទៅលើអ្វីដែលសំខាន់ ហើយប្រើពេលវេលារបស់អ្នកឱ្យច្រើនបំផុត។

៣)-មេរៀនពីកំហុស៖ (Lessons from mistakes)
នៅពេលអ្នកកាន់តែចាស់ អ្នកដឹងថាកំហុសគឺជាផ្នែកសំខាន់មួយនៃការរៀនសូត្រ។ អ្នករៀនធ្វើចិត្តល្អចំពោះខ្លួនឯង ហើយប្រើកំហុសរបស់អ្នកជាឱកាសសម្រាប់ការលូតលាស់។

៤)-ការ​ឱប​ក្រសោប​ភាព​មិន​ល្អ​ឥត​ខ្ចោះ៖ (Embracing imperfection)
អ្នក​រៀន​ទទួល​យក​ថា​គ្មាន​នរណា​ម្នាក់​ល្អ​ឥត​ខ្ចោះ​នោះ​ទេ ហើយ​វា​មិន​អី​ទេ។ អ្នកឈប់ខិតខំដើម្បីភាពល្អឥតខ្ចោះ ហើយផ្តោតលើការធ្វើជាខ្លួនឯងដ៏ល្អបំផុត។

៥)-ការដឹងគុណគឺជាគន្លឹះ៖​ (Gratitude is Key) អ្នកចាប់ផ្តើមដឹងគុណចំពោះអ្វីដែលល្អនៅក្នុងជីវិត ហើយបង្ហាញពីការដឹងគុណចំពោះអ្វីដែលអ្នកមាន។

៦)-ជីវិតមានតម្លៃ៖ (Life is Precious)
អ្នករៀនឱ្យតម្លៃលើភាពស្រស់ស្អាត និងភាពផុយស្រួយនៃជីវិត ហើយប្រើប្រាស់ពេលវេលាឱ្យបានច្រើនបំផុត។

នេះគ្រាន់តែជាឧទាហរណ៍មួយចំនួននៃរឿងជាច្រើនដែលមនុស្សតែងតែរៀនសូត្រនៅពេលពួកគេធំឡើង មានវ័យចាស់ទុំជាងមុន។ ចុះ​អ្នកទាំងអស់គ្នា​វិញ? តើអ្នកបានរៀនអ្វីខ្លះពេលអ្នកកាន់តែចាស់ទុំ? 😊🌸💫

ប្រភព: mindbooks

16/06/2024

ដាក់គោលដៅដោះបំណុលឲ្យបានច្រើនណា!
រៀនគំនិតដោះបំណុលក្នុងសៀវភៅ២១គោលការណ៍👇🏻

16/06/2024

💑ចូរកុំទាមទារឱ្យប្រពន្ធរបស់អ្នកល្អគ្រប់លក្ខណ៍ ប្តីរបស់អ្នកល្អគ្រប់ដប់ គ្មានប្តីប្រពន្ធណាល្អឥតខ្ចោះទេ មានតែប្តីប្រពន្ធដែលចេះអធ្យាស្រ័យគ្នា ជួយគ្នាឱ្យមានសេចក្តីសុខប៉ុណ្ណោះ។🤍

21/05/2024

21/05/2024

៙ជនជាតិជប៉ុនបង្រៀនកូន÷
1. ជនជាតិជប៉ុនតែងតែគិតថា ការរៀនពូកែ ឆ្លាតវៃ មិនស្មើនឹងឥរិយាបទល្អ ស្មោះត្រង់និងមានមនុស្សធម៌។
2. បរិស្ថានរស់នៅនិងការសិក្សាគឺសំខាន់ណាស់ - ដើម្បីកូន
ជនជាតិជប៉ុនតែងតែព្យាយាមផ្លាស់ទៅកន្លែងដែលល្អប្រសើរជាង។
3. ពួកគេស្រឡាញ់កូន ប៉ុន្តែដាច់ខាតមិនតាមចិត្តកូន។ កុំឲ្យកូនអត់ចង់ញ៉ាំគឺអត់ញ៉ាំ ចង់ស្រែកគឺស្រែកតាមចិត្ត។ ការញ៉ាំមិនមែនជារឿងលេងសើចទេ។ ត្រូវអង្គុយលើកៅអីញ៉ាំ មុនញ៉ាំត្រូវលាងដៃ។ មិនលូកញុំាផ្ដេសផ្ដាស ញ៉ាំត្រូវទៀតទាត់ពេលរាល់ថ្ងៃ។
4. បង្រៀនកូនឲ្យចេះគោរព រាបសានិងវៃឆ្លាត។ ត្រូវឱ្យកុមារសំរេចចិត្តដោយខ្លួនឯងនូវ "បញ្ហា" របស់ខ្លួន។
5. បង្រៀនកូនឲ្យមានចិត្តស្មោះត្រង់ វិធីគឺឪពុកម្តាយមិននិយាយកុហក នៅក្នុងការរស់និងនៅក្នុងគ្រួសារ។
6. ពេលកុមារបាន 5ឆ្នាំ គួរបង្រៀនរបៀបចាយប្រាក់។ ឱ្យលុយរាល់សប្តាហ៍តែមានកំណត់ជានិច្ច។
7. ត្រូវបង្រៀនកូនឲ្យចេះក្លាហាន ទទួលតួនាទីរបស់ខ្លួន បង្រៀនក្មេងឱ្យចេះរង់ចាំ បង្រៀនអំពីអត្ថន័យនៃមនុស្សធម៌។ ត្រូវតែបង្រៀនកុមារពីជីវិត ចេះឱ្យគេ និងចេះទទួលជំនួយពីគេ។ ហើយអ្នកដែលមានក្ដីសុខ តែងទទួលយកតិច ឱ្យទៅច្រើន។ ត្រូវបង្រៀនកូនឲ្យនិយាយស្ដីមានសុជីវធម៌។
8. ត្រូវបង្រៀនឱ្យកុមារយល់ថា ការបរាជ័យគឺជារឿងធម្មតា។ ដួលគឺត្រូវក្រោកឈរ មិនចាំឱ្យអ្នកដទៃអាណិតអាសូរ។
9. កុមារតែងងាយនឹងឈឺ កុំបារម្ភអំពីរឿងនេះ មិនបាច់ព្រួយបារម្ភទាំងរឿង កូនហាលក្ដៅរាល់ថ្ងៃ ទុកឱ្យកុមារលេងតាមចិត្ត ជិតស្និតនឹងធម្មជាតិ។ មានដូច្នេះទើបកុមាររឹងមាំ ធន់ពេលកុមារធំឡើង។
10. រៀនសូត្រមិនចាំបាច់ កាន់សៀវភៅ"កខគ" ទេ។ រៀនគឺលេង
ផ្តល់ឱកាសដល់កុមារ ស្វែងយល់ពីខ្លួនឯង រួចស្វែងយល់ពីពិភពលោកនៅជុំវិញ។ នោះពិតជាការចាំបាច់ណាស់។
11. សម្រាប់អ្នកដែលជាឪពុកម្តាយ ត្រូវធានារាល់ថ្ងៃ ត្រូវលេងជាមួយកូន ទោះជារវល់យ៉ាងណាក៏ដោយ។ លេងល្បែងជាមួយគាត់ គោលបំណងនៃល្បែងទាំងនេះ គឺធ្វើឱ្យក្មេងសើចសប្បាយ សំណើចពិតជាសំខាន់ណាស់ គឺជួយឱ្យក្មេងឈរនឹងនៅក្នុងសង្គម៕៚
From JAGODO
ប្រភព ៖ ទស្សន:ភាសាជប៉ុន
====

18/05/2024

៙ថ្ងៃនេះយើងបានជួបគ្នា មិនប្រាកដថា នៅថ្ងៃស្អែក ឬក៏ថ្ងៃខានស្អែក យើងនឹងបានជួបគ្នាទៀតទេ ដូច្នោះហើយ យើងត្រូវប្រើជីវិតដែលនៅសេសសល់ បន្តិចបន្តួច ក្នុងសភាពមានមេត្តារាប់អានគ្នា កុំបៀតបៀនគ្នា កុំបំផ្លាញគ្នា ត្រូវចេះយោគយល់អធ្យាស្រ័យឱ្យគ្នាទៅវិញទៅមក នោះទើបធ្វើជីវិតរបស់យើងបានសុខចម្រើន និងរស់នៅក្នុងភាពសុខស្ងប់៕៚

08/05/2024

បញ្ហាបុគ្គលិក÷
1. ភាពមិនសហការគ្នា ជាមួយក្រុមការងារ ឈ្លោះគ្នា ប្រកាន់បក្សពួកនិយម
2. ភាពអសកម្ម: មិនសកម្ម និងរហ័សរហួនក្នុងការបំពេញការងារ មិនចូលរួមជាមួយស្ថាប័ន។ ការដឹកនាំបុគ្គលិកដូចជាការដឹកនាំទ័ព បើមានទ័ពណាមួយមិនសកម្ម ខ្លាចក្នុងការប្រយុទ្ធក្នុងសរមភូមិ អាចធ្វើឱ្យមានបញ្ហាដល់នគរទាំងមូល
3. មិនគោរពតាមបទបញ្ជាផ្ទៃក្នុង និងវិន័យរបស់ក្រុមហ៊ុន ជាពិសេសមិនគោរពម៉ោងធ្វើការ មិនគោរពតាមស្តង់ដារក្រុមហ៊ុនបានកំណត់ ធ្វើឱ្យធ្លាក់រាសីដល់ក្រុមហ៊ុនទាំងមូល
4. ការនិយាយមិនល្អពីប្រធាន: បុគ្គលិកខ្លះអាចនិយាយមិនល្អពីប្រធានផ្ទាល់ខ្លួន ឬប្រធានក្រុមហ៊ុនទៅកាន់អ្នកផ្សេង ហើយអាចធ្វើឱ្យអ្នកដទៃគិតមិនល្អពីប្រធានផងដែរ
5. លួចទ្រព្យសម្បត្តិ: បុគ្គលិកខ្លះអាចលួចទ្រព្យសម្បត្តិក្រុមហ៊ុនដូចជាសម្ភារៈ ហើយកាន់តែសំខាន់នោះគឺព័ត៌មានសំងាត់ ផ្ទៃក្នុងរបស់ក្រុមហ៊ុនទៅប្រាប់អ្នកផ្សេង ឬក្រុមហ៊ុនផ្សេងទៀត ដែលអាចធ្វើឱ្យប៉ះពាល់ខ្លាំងដល់ស្ថាប័នទាំងមូល
6. បុគ្គលិកខ្លះមិនចេះក្នុងការបែងចែកពេលវេលាក្នុងការធ្វើការឱ្យបានត្រឹមត្រូវ ធ្វើឱ្យតែចប់ម៉ោង លួចយកម៉ោងការងារទៅធ្វើរឿងផ្សេងដែលមិនផ្តល់ជាប្រយោជន៍ដល់ស្ថាប័ន ហើយពេលខ្លះបញ្ហាផ្ទាល់ខ្លួនអាចជះឥទ្ធិពលដល់ការបំពេញការងារ
7. ភាពមិនជ្រាបច្បាស់ពីបេសកកម្មនៃក្រុមហ៊ុន: បុគ្គលិកខ្លះអាចមិនជ្រាបច្បាស់ពគោលដៅនិងបេសកកម្មរបស់ក្រុមហ៊ុនទេ ធ្វើឱ្យពួកគេមិនស្រឡាញ់ មិនអនុវត្តទៅតាមការដឹកនាំ បង្កើតបរិយាកាសមិនល្អនៅកន្លែងការងារ

នៅក្នុងអាជីវកម្មមួយតែងតែមានបញ្ហាជាច្រើន ហើយបញ្ហាធំមួយក្នុងចំណោមនោះគឺបញ្ហាបុគ្គលិកជារឿងសំខាន់។ បញ្ហាទាំងនោះអាចគ្រប់គ្រងបានឬមិនបានគឺអាស្រ័យលើម្ចាស់អាជីវកម្មមានសមត្ថភាពក្នុងការបង្វឹកបុគ្គលិកប៉ុណ្ណា ហើយបុគ្គលិកមានឆន្ទៈប៉ុណ្ណាក្នុងការកែប្រែនិងអភិវឌ្ឍន៍ខ្លួន។

21/04/2024

មេហ្មត់ចត់ច្បាស់លាស់ កូនចៅមិនសូវចូលចិត្តទេ តែមេហ្នឹងហើយ ដែលធ្វើឱ្យពួកគេខ្លាំងក្លារឹងមាំ មានវិន័យល្អនោះ។ ឯមេមិនហ្មត់ចត់ធូររលុង កូនចៅតែងចូលចិត្ត តែមេហ្នឹងមិនបានធ្វើឱ្យពួកគេខ្លាំងក្លារឹងមាំ និងគ្មានវិន័យនោះទេ៕៚

20/04/2024

👉 បើចង់បានភាពគង់វង្សនៃមិត្តភាពត្រូវតែជៀសវាងឱ្យផុតពីរឿង ៨ យ៉ាងគឺ
🔺 ១ កុំល្អតែពីខាងមុខ
🔺 ២ កុំដឹងតែចង់បានពីមិត្ត
🔺 ៣ កុំល្អបានតែមាត់និយាយ
🔺 ៤ កុំប្រកាន់ហួងហែងច្រើនពេក
🔺 ៥ កុំយករួចខ្លួនពេលដែលមិត្តជួបបញ្ហា
🔺 ៦ កុំចាក់បណ្តោយតាមមិត្តដែលធ្វើខុស
🔺 ៧ កុំនិយាយដឹកនាំមិត្តឱ្យប្រព្រឹត្តអបាយមុខ (ស្រី/ប្រុស ស្រា ល្បែង ខ្ជិល សេពគប់មិត្តអាក្រក់)។
🔺 ៨ កុំបោកប្រាស់មិត្តដើម្បីផលប្រយោជន៍ខ្លួន។

20/04/2024

៙ចូរស្វែងរកសេចក្តីសុខពិតប្រាកដ ដែលជាសុខមិនលាយជាមួយទុក្ខ កុំរកតែសេចក្តីសុខក្លែងក្លាយមួយភ្លេតៗនោះ។
ធ្វើការ ៨ម៉ោង ដើម្បីរស់មួយថ្ងៃ
ធ្វើការ ៦ថ្ងៃ/សប្តាហ៍ ដើម្បីសម្រាក ១ថ្ងៃ
ធ្វើការ ៨ម៉ោង ដើម្បីញ៉ាំរយៈពេល ១៥នាទី
ធ្វើការពេញមួយឆ្នាំ ដើម្បីសម្រាកមួយ ឬពីរសប្តាហ៍
ធ្វើការពេញមួយជីវិត ដើម្បីចូលនិវត្តន៍នៅពេលចាស់ទៅ ឬដល់ដង្ហើមចុងក្រោយក៏មាន ៖ នៅទីបំផុតទើបយើងដឹងថា ជីវិតគឺគ្មានអ្វីក្រៅពីត្រូវប្រឹងប្រែងដើម្បីតែសេចក្តីសុខក្លែងក្លាយ ភ្លេចគិតពីការសន្សំនូវសេចក្តីល្អ សេចក្តីសុខផ្លូវចិត្ត ហើយ​ក្លាយ​ទៅ​ជាទាសករនៃតណ្ហា (លោភៈ ទោសៈ មោហៈ) ទាសករនៃលោកធម៌ ចង់បានអំនាច ទ្រព្យសម្បត្តិ សម្ភារៈនិយមតាមគ្នា និង​ទាសភាពរបស់​សង្គម ដែល​យើង​មើលមិនឃើញ​ថាជាច្រវាក់​លោកីយ៍ឡើយ ។
ជីវិតគឺជាដំណើរដ៏ខ្លី និងមិនទៀងមួយ ហើយជាមធ្យមម្នាក់ៗ មានពេលរស់នៅលើផែនដីនេះ ១០ឆ្នាំត្រឹមតែ ៧ ទៅ ៨ ដងតែប៉ុណ្ណោះ ចូររៀនរីករាយនូវទី ១០ឆ្នាំ ដែលអ្នកកំពុងមានឲ្យមានសេចក្តីល្អពិតៗ សេចក្តីសុខពិតប្រាកដក្នុងជីវិតជាទីបំផុតឲ្យខ្លួនឯង៕៚