Anussa Event Planner

27/03/2024

27/03/2024

ពិព័រណ៍កុមារ និងគ្រួសារលើកទី 9 ដែលធ្វើឡើងយ៉ាងរលូននៅថ្ងៃទី 23-24 ខែកញ្ញា ឆ្នាំ 2023 នៅអគារពិព័រណ៍កោះពេជ្រ។

ផេករបស់ពិព័រណ៍៖ Kids Fair & Family Expo Cambodia by Anussa - ពិព័រណ៍កុមារ និងគ្រួសារ

សូមអរគុណដល់ប៉ាម៉ាក់ អ៊ុំពូមីង និងអូនៗកុមារទាំងអស់ដែលបានចូលរួមក្នុងពិព័រណ៍កុមារ និងគ្រួសារលើកទី ៩។ ជួបគ្នាឆាប់ៗនេះម្តងទៀតនៅក្នុងពិព័រណ៍លើកទី ១០ ដែលធ្វើនៅថ្ងៃទី ១៦-១៧ ខែមីនា ឆ្នាំ ២០២៤។

27/03/2024

សិក្ខាសាលាស្តីពី “វិធីសាស្ត្រអប់រំកូន” លើកទី ២ ដែលធ្វើឡើងនៅថ្ងៃទី ២៨ ខែឧសភា ឆ្នាំ២០២៣ នៅ CKCC។

សិក្ខាសាលាស្តីពី “វិធីសាស្ត្រអប់រំកូន” សូមអរគុណដល់វាគ្មិនកិត្តិយស និងអ្នកចូលរួមទាំងអស់ដែលបានចំណាយពេលចុងសប្តាហ៍ ដើម្បីសិក្សាពីចំណេះដឹងថ្មីៗពីការអប់រំកូនជាមួយកម្មវិធីពួកយើង។

សូមអរគុណដល់ក្រុមហ៊ុនឧបត្ថម្ភធំ ទឹកដោះគោ Similac Total Comfort 2 Similac Gain Cambodia និងក្រុមហ៊ុនសហការឧបត្ថម្ភធំ សាលាអន្តរជាតិ Eco International School និង សាលាអន្តរជាតិ ISS International Academy - Phnom Penh ដែលបានចូលរួមក្នុងសិក្ខាសាលាស្តីពី “វិធីសាស្ត្រអប់រំកូន”។

សង្ឃឹមថានឹងជួបអ្នកទាំងអស់គ្នាម្តងទៀតនៅសិក្ខាសាលាក្រោយៗទៀត!

25/03/2024

ពិព័រណ៍កុមារ និងគ្រួសារលើកទី 10 ដែលធ្វើឡើងយ៉ាងរលូននៅថ្ងៃទី 16-17 មីនា ឆ្នាំ 2024 នៅអគារពិព័រណ៍កោះពេជ្រ។

ផេករបស់កម្មវិធីពិព័រណ៍៖ Kids Fair & Family Expo Cambodia by Anussa - ពិព័រណ៍កុមារ និងគ្រួសារ
——————
សូមអរគុណដល់ក្រុមហ៊ុនឧបត្ថម្ភធំ ក្រុមហ៊ុនសហការឧបត្ថម្ភ ក្រុមហ៊ុនឧបត្ថម្ភ និងក្រុមហ៊ុនតាំងបង្ហាញទាំងអស់សម្រាប់ការចូលរួម 🥰✨ អរគុណដល់ប៉ាម៉ាក់ អ៊ុំពូមីង លោកតាលោកយាយ​ និងអូនៗកុមារដែលបានមកកម្សាន្តលេង និងទិញផលិតផលជាច្រើននៅថ្ងៃចុងសប្តាហ៍ជាមួយពិព័រណ៍កុមារ និងគ្រួសារលើកទី ១០! ☺️🎊

សង្ឃឹមថានឹងជួបអ្នកទាំងអស់គ្នាម្តងទៀតនៅពិព័រណ៍លើកទី ១១! ✨🛍️

សូមអរគុណក្រុមហ៊ុន DMD សម្រាប់រូបភាព និងវីដេអូយ៉ាងស្រស់ស្អាត! 📸
Facebook link: https://www.facebook.com/dmdcambo?mibextid=LQQJ4d

កម្មវិធីរៀបចំដោយក្រុមហ៊ុនអនុស្សា និងចូលរួមពីក្រុមហ៊ុនឧបត្ថម្ភដូចជា៖
• ឧបត្ថម្ភធំដោយ៖ ក្រុមហ៊ុន Abbott និងខោទឹកនោម Bippi Cambodia
• សហការឧបត្ថម្ភធំដោយ៖ ម្សៅទឹកដោះគោ STAR GROW Cambodia ខោទឹកនោម PAS MamyPoko Cambodia ម៉ាមីប៉ុកុ, ម្សៅទឹកដោះគោ Physiolac Cambodia និងក្រុមហ៊ុន Cetaphil Cambodia
• ឧបត្ថម្ភដោយ៖ ធនាគារ CIMB Cambodia, ម្សៅទឹកដោះគោ NutriGold Milk, ម្សៅទឹកដោះគោ Kabrita Cambodia, ខោទឹកនោម YAMI Cambodia, សាលា Southbridge International School Cambodia, ថ្នាំបាញ់មូស Ranger Cambodia, ក្រុមហ៊ុន Attitude Mom Cambodia : Electric Breast Pump, ខោទឹកនោម Pao Pao Cambodia, សាប៊ូ DMP Babyclub Cambodia, មន្ទីរពេទ្យ Orchid Koh Pich Hospital, ខោទឹកនោម Drypers Cambodia ដ្រាយផឺរ ខេមបូឌៀ, សាលា CIA FIRST International School, ក្រុមហ៊ុន Medcreate AA, ខោទឹកនោម Daddy Cares, ម្សៅទឹកដោះគោ Wakodo Cambodia, ផលិតផលកុមារ Pureen Cambodia, សាលា Whizz-Kids Montessori Academy, ក្រុមហ៊ុន AngkorMilk និង សាលា New Gateway International School។

21/09/2023

21/09/2023

See you this weekend families and kids!!!

18/09/2023

ជួបគ្នាសៅរ៍ -​អាទិត្យ 23-24​ កញ្ញានេះ​ នៅអគារពិព័រណ៍កោះពេជ្រ

17/08/2023

កូនៗណាខ្លះនឹក Play Zone ពិព័រណ៍កុមារ និងគ្រួសារ?

12/06/2023

ទម្លាប់លេងល្អៗ ដែលធ្វើឲ្យកូនឆ្លាតវៃ!

Like page និង Sub​scribe Telegram Channel ដើម្បីទទួលបានអត្ថបទល្អៗពីវិធីសាស្រ្តក្នុងការចិញ្ចឹម និងបង្រៀនកូនៗ​​។

page: https://www.facebook.com/profile.php?id=100093133707906
Telegram Channel : https://t.me/kechkapamak

ប៉ាម៉ាក់គួរឲ្យកូនលេងរបៀបណាទើបមានប្រយោជន៍សម្រាប់ការលូតលាស់របស់ក្មេង?

១. ការលេងមិនចាំបាច់ទាល់តែលេងភ្លេង ឬលេងកីឡាទេ ទើបមានប្រយោជន៍ដល់ក្មេង។ ឲ្យក្មេងលេងអ្វីក៏បានដែរ ឲ្យតែប៉ាម៉ាក់ឲ្យកូនលេងឲ្យបានគ្រប់គ្រាន់ ក្មេងនឹងរៀនពីការលេងទាំងនោះ។

២. ឲ្យកូនលេងជាមួយរបស់ដែលគេចង់លេងទៅតាមចំណូលចិត្តធម្មជាតិរបស់គេ ដោយមិនមានការណែនាំពីមនុស្សធំ (លើកលែងការលេងរបស់ខ្លះដែលអាចបង្កគ្រោះថ្នាក់)។

៣. ប៉ាម៉ាក់គួរចំណាយពេលលេងជាមួយកូន ប៉ុន្តែត្រូវឲ្យកូនជាអ្នកដឹកនាំការលេងទៅតាមរបៀបដែលគេចង់ឲ្យលេងជាមួយគេ ហើយសង្កេតមើលពីរបៀបដែលកូនលេង។

៤. ឲ្យកូនលេងជាមួយក្មេងដទៃអាយុប្រហែលគ្នា អាយុតិចជាង ឬអាយុច្រើនជាងក៏បាន។ ក្មេងនឹងរៀនពីរបៀបប្រាស្រ័យទាក់ទង និងរៀនដោះស្រាយបញ្ហាទៅតាមកម្រិតនោះ។
———
ចូល channel Telegram របស់កិច្ចការប៉ាម៉ាក់ ដើម្បីទទួលបានអ្វីដែលគួរដឹងជុំវិញការចិញ្ចឹមបីបាច់ និងអប់រំកូន https://t.me/kechkapamak

08/06/2023

បើអ្នកចូលចិត្តអានសៀវភៅ ជីវិតអ្នកនឹងរីករាយជាងមុន!

25/05/2023

ស្វែងយល់ពីរបៀបអប់រំថ្មីៗ ដើម្បីបញ្ចៀស និងដោះស្រាយផលប៉ះទង្គិចអវិជ្ជមានដែលអាចកើតមានលើកូនៗ ជាមួយអ្នកជំនាញចិត្តសាស្រ្ត និងគ្រួសារដូចជា៖
• លោក ហឿ សេធុល អ្នកចិត្តសាស្រ្ត ឯកទេសបញ្ហាគ្រួសារ
• បណ្ឌិត អ៊ាន និល អ្នកឯកទេសព្យាបាលការប៉ះទង្គិចផ្លូវចិត្ត
• លោកស្រី សុខ ផាណែត អ្នកប្រឹក្សាយោបល់ផ្លូវចិត្ត និង អ្នកសម្របសម្រួលគម្រោងនៅអង្គការ TPO
-----------------
ក្នុងសិក្ខាសាលានេះ នឹងបង្ហាញអ្នកពីប្រធានបទសំខាន់ៗក្នុងការអប់រំកូនដែលមានដូចជា៖
+ ទិដ្ឋភាពទូទៅនៃការងារជាឪពុកម្តាយគេ
+ Smart Parenting សម្រាប់គ្រួសារសម័យថ្មី
+ ជម្រើសនៃរបៀបអប់រំកូនស្របតាមលក្ខណៈដោយឡែករបស់ឪពុកម្តាយ (Parenting Styles)
+ ការវិវឌ្ឍន៍ ផ្នែករូបរាងកាយ ចិត្ត និងតម្រូវការរបស់កុមារ
+ ការបង្កើតទំនាក់ទំនងវិជ្ជមានជាមួយកូន
+ វិធីសាស្ត្របណ្ដុះទម្លាប់ល្អ វិន័យ និងឥរិយាបថសកម្ម
+ ការដោះស្រាយបញ្ហាកូនរឹង ខូច មិនស្ដាប់បង្គាប់
+ វិធីសាស្ត្របណ្ដុះភាពវៃឆ្លាតកុមារ
+ ការបញ្ចៀស និងការដោះស្រាយការប៉ះទង្គិចផ្លូវចិត្តដែលអាចកើតមានលើកូន
-----------------
សិក្ខាសាលាស្តីពី “វិធីសាស្ត្រអប់រំកូន” នឹងធ្វើឡើងនៅថ្ងៃទី ២៨ ខែឧសភា ឆ្នាំ ២០២៣ នៅ CKCC ចាប់ពីម៉ោង ១រសៀលដល់ ៦ល្ងាច។ កម្មវិធីនេះរៀបចំដោយក្រុមហ៊ុនអនុស្សា ឧបត្ថម្ភធំដោយទឹកដោះគោ Similac Total Comfort 2 និងសហការឧបត្ថម្ភធំដោយសាលាអន្តរជាតិ ECO និង សាលាអន្តរជាតិ ISS ។
-----------------
តម្លៃសំបុត្រ (ចូលរួមផ្ទាល់ ឬតាមអនឡាញ)៖ ទិញក្នុងខែឧសភា តម្លៃ ១៤$ និងទិញក្នុងថ្ងៃកម្មវិធី តម្លៃ ១៦$។
សូមផ្ញើសារមកកាន់ផេកសម្រាប់ការទិញសំបុត្រ និងសាកសួរព័ត៌មានបន្ថែម។

18/05/2023

ស្នាមញញឹមនៃគ្រួសារគឺផ្តើមចេញពីអ្នក 💖

10/05/2023

បញ្ហាមួយណាដែលអ្នកតែងតែជួបប្រទះជាមួយកូនៗ? បញ្ឈប់ និងបញ្ចៀសនូវបញ្ហាទាំងនេះ ជាមួយរបៀបក្នុងការអប់រំដែលស័ក្តិសមសម្រាប់កូនៗ ដោយមិនធ្វើឲ្យប៉ះពាល់ដល់សុខភាពផ្លូវចិត្ត និងសុភមង្គលក្នុងគ្រួសារ។

ជួបជាមួយអ្នកឯកទេសជំនាញកុមារ និងគ្រួសារ៖
• លោក ហឿ សេធុល អ្នកចិត្តសាស្រ្ត ឯកទេសបញ្ហាគ្រួសារ
• បណ្ឌិត អ៊ាន និល អ្នកឯកទេសព្យាបាលការប៉ះទង្គិចផ្លូវចិត្ត
• លោកស្រី សុខ ផាណែត អ្នកប្រឹក្សាយោបល់ផ្លូវចិត្ត និង អ្នកសម្របសម្រួលគម្រោងនៅអង្គការ TPO

ក្នុងសិក្ខាសាលានេះ នឹងបង្ហាញអ្នកពីប្រធានបទសំខាន់ៗក្នុងការអប់រំកូនដែលមានដូចជា៖
+ ទិដ្ឋភាពទូទៅនៃការងារជាឪពុកម្តាយគេ
+ Smart Parenting សម្រាប់គ្រួសារសម័យថ្មី
+ ជម្រើសនៃរបៀបអប់រំកូនស្របតាមលក្ខណៈដោយឡែករបស់ឪពុកម្តាយ (Parenting Styles)
+ ការវិវឌ្ឍន៍ ផ្នែករូបរាងកាយ ចិត្ត និងតម្រូវការរបស់កុមារ
+ ការបង្កើតទំនាក់ទំនងវិជ្ជមានជាមួយកូន
+ វិធីសាស្ត្របណ្ដុះទម្លាប់ល្អ វិន័យ និងឥរិយាបថសកម្ម
+ ដោះស្រាយបញ្ហាកូនរឹង ខូច មិនស្ដាប់បង្គាប់
+ វិធីសាស្ត្របណ្ដុះភាពវៃឆ្លាតកុមារ
+ ការប៉ះទង្គិចផ្លូវចិត្តដែលអាចកើតមានលើកូន ការបញ្ចៀស និងការដោះស្រាយ
-----------------
សិក្ខាសាលាស្តីពី “វិធីសាស្ត្រអប់រំកូន” នឹងធ្វើឡើងនៅថ្ងៃទី ២៨ ខែឧសភា ឆ្នាំ ២០២៣ នៅ CKCC ចាប់ពីម៉ោង ១រសៀលដល់ ៦ល្ងាច។ កម្មវិធីនេះរៀបចំដោយក្រុមហ៊ុនអនុស្សា ឧបត្ថម្ភធំដោយទឹកដោះគោ Similac និងសហការឧបត្ថម្ភធំដោយសាលាអន្តរជាតិ ECO និង សាលាអន្តរជាតិ ISS ។
-----------------
តម្លៃសំបុត្រ (ចូលរួមផ្ទាល់ ឬតាមអនឡាញ)៖ ទិញក្នុងខែឧសភា តម្លៃ ១៤$ និងទិញក្នុងថ្ងៃកម្មវិធី តម្លៃ ១៦$។
សូមផ្ញើសារមកកាន់ផេកសម្រាប់ការទិញសំបុត្រ និងសាកសួរព័ត៌មានបន្ថែម។

10/03/2023

រៀបចំជាពិសេសជូនប៉ាម៉ាក់ ដើម្បីកូនៗ និងជំនាន់ក្រោយដែលកាន់តែប្រសើរ!

28/02/2023

ពិព័រណ៍កុមារ និងគ្រួសារលើកទី៨ ដែលធ្វើឡើងនៅថ្ងៃទី ១១-១២ ខែកុម្ភៈ ឆ្នាំ២០២៣ នៅអគារពិព័រណ៍កោះពេជ្រ។
----------------------
ក្នុងពិព័រណ៍នេះបានផ្តល់ឲ្យអូនៗកុមារនូវទីធ្លាលេងកម្សាន្ត កម្មវិធីបញ្ចេញសមត្ថភាព ក្រោមប្រធានបទ “ក្មេងសកម្ម” និងការប្រកួតនៅលើឆាកដើម្បីឈ្នះរង្វាន់។ ចំណែកឯប៉ាម៉ាក លោកតាលោកយាយ អ៊ុំពូមីងរីករាយក្នុងការដើរទិញទំនិញដែលមានការបញ្ចុះតម្លៃរហូតដល់ទៅ ៥០% និងស្គាល់ផលិតផលថ្មីៗល្បីៗដែលមកពីវិស័យខុសគ្នាប្រមាណ ១៥០ស្តង់។
-------------
កម្មវិធីរៀបចំដោយក្រុមហ៊ុនអនុស្សា និងចូលរួមពីអ្នកឧបត្ថម្ភដូចជា៖
• ឧបត្ថម្ភធំដោយ៖ ខោទឹកនោម Bippi ទឹកដោះគោ Similac Total Comfort2 និងស្ព្រៃបាញ់ច្រមុះ Aqua Maris។
• សហការឧបត្ថម្ភធំដោយ៖ ទឹកដោះគោ Enfagrow, ទឹកដោះគោ Dumex, ក្រុមហ៊ុន Danone, ក្រុមហ៊ុន ម៉ាហូ, ក្រុមហ៊ុន Elite Maison, បុរី ចន្ទគីរី និងសាលា ACE។
• ឧបត្ថម្ភដោយ៖ ធនាគារ CIMB, សាលា ECO, ទឹកដោះគោ NutriGold, សាលា Western, Home Salmon, ខោទឹកនោម Juju & Pony, សាលា Paragon, ទឹកដោះគោ Star Grow, សាលា Southbridge, ក្រុមហ៊ុន Nanyka, ក្រុមហ៊ុន Babi Mild, ស្តេចទុរេន, ធនាគារ ABA, ក្រុមហ៊ុន MedCREATE, សាលា CIA First, សូកូឡា Kinder Joy, ក្រុមហ៊ុន Manulife, ក្រុមហ៊ុន Biolance និង Bepanthen។

28/02/2023

សន្និសីទអាហារូបករណ៍លើកទី ៩ កាលពីថ្ងៃទី ១១ ខែធ្នូ នៅ CJCC ដោយមានការចូលរួមពីវាគ្មិនដែលជាតំណាងស្ថានទូត ស្ថាប័នផ្តល់អាហារូបករណ៍ និងអតីតនិស្សិតដែលទទួលបានជោគជ័យក្នុងការដាក់អាហារូបករណ៍ជាច្រើនរូប។

សូមអរគុណដល់វាគ្មិនកិត្តិយស និងសិស្សនិស្សិតទាំងអស់ដែលបានចំណាយពេលចុងសប្តាហ៍ជាមួយពួកយើង។ សង្ឈឹមថានឹងឃើញភាពជោគជ័យរបស់អ្នក ហើយត្រឡប់មកវិញក្លាយជាវាគ្មិនមួយរូបដែលអាចចែករំលែកចំណេះដឹងបន្តទៀតទៅអ្នកជំនាន់ក្រោយ។

កម្មវិធីនេះរៀបចំដោយក្រុមហ៊ុន​អនុស្សា និងសហការឧបត្ថម្ភដោយ European Union in Cambodia និង IELTS by IDP ។

09/02/2023

ក្រុមការងារសុំការយោគយល់ចំពោះការឆ្លើយតបយឺត ដោយសារជាប់ដៃរៀបចំពិព័រណ៍កុមារនៅចុងសប្តាហ៍នេះ។ ជួបអ្នកទាំងអស់គ្នានៅកោះពេជ្រ!

Sincerely apologize for delay in responding. Our team is now tight up with Kids & Families Fair 8th preparation. See you all this weekend 11-12 February at Koh Pich.

30/01/2023

ធ្វើបានប៉ុន្មានចំណុចដែរ ប៉ាៗម៉ាក់?

របស់៧យ៉ាងដែលជនជាតិជ្វីហ្វបង្រៀនកូនពួកគេ
ជនជាតិជ្វីហ្វ មានមិនដល់ 0.20% ទេ នៃចំនួនប្រជាជនពិភពលោក ប៉ុន្តែ
ប្រហែល 30 ភាគរយនៃកំពូលមហាសេដ្ឋី១០០នាក់លើលោកនេះ គឺជាជនជាតិជី្វហ្វ។ ក្នុងចំណោមអ្នកឈ្នះពានរង្វាន់ណូបែលទាំងអស់ មាន22.4% ជាជ្វីហ្វ។ ក្នុងចំណោមនិស្សិតដែលបានចូលរៀននៅសកលវិទ្យាល័យលំដាប់កំពូលអាមេរិក Ivy League មាន 21% ជាជនជាតិជ្វីហ្វ ហើយ 37% នៃអ្នកឈ្នះពានរង្វាន់ Academy ក៏ជាជនជាតិជ្វីហ្វ។

ពួកគេជាអ្នកវិទ្យាសាស្ត្រ អ្នកសិល្បៈ អ្នកនយោបាយ និងអ្នកជំនួញដែលជោគជ័យបំផុតក្នុងលោក។

តើឪពុកម្តាយជ្វីហ្វបង្រៀនកូនៗ របស់ពួកគេយ៉ាងដូចម្តេច?

1. គេបង្រៀនគម្ពីរ Torah ជំនួញ និងហែលទឹក

ការបង្រៀន “Torah” គឺការបង្រៀននូវឥវិយាបថត្រឹមត្រូវ ដែលរួមមានទាំងការស្រលាញ់ថែទាំខ្លួនឯង ការគិតគូរពីអ្នកដទៃ ការរក្សាភពផែនដី ការរក្សាប្រវត្តិសាស្ត្រ ការតស៊ូ និងការបន្សល់ទុកឲ្យមនុស្សជំនាន់ក្រោយ។

ការបង្រៀន "ជំនួញ" ជាការបង្រៀនអំពីការរស់នៅជាក់ស្តែងក្នុងសង្គម ដើម្បីឲ្យក្មេង និងយុវជនមានផលិតភាពខ្ពស់ និងមានសមត្ថភាពគ្រប់គ្រាន់ដើម្បីចិញ្ចឹមជីវិតរបស់ពួកគេ។

ការបង្រៀន "ហែលទឹក" ជាការបណ្តុះនូវជំនាញជាមូលដ្ឋានសម្រាប់ការរស់រានមានជីវិត។ គេត្រូវរៀនស្គាល់ពីគ្រោះថ្នាក់ រៀនពីរបៀបជៀសវាង ឬយកឈ្នះលើគ្រោះថ្នាក់ទាំងនោះ។

----------------------
ពិព័រណ៍កុមារ និងគ្រួសារលើកទី ៨ នឹងធ្វើឡើងនៅថ្ងៃទី ១១-១២ ខែកុម្ភៈ ឆ្នាំ ២០២៣ នៅអគារពិព័រណ៍កោះពេជ្រ ពីម៉ោង៨ព្រឹកដល់៩យប់។ កុំភ្លេចនាំកូនៗ និងក្រុមគ្រួសារមកកំសាន្តសប្បាយជាមួយទីធ្លាកុមារ ការប្រកួតលើឆាក ការសម្តែងសមត្ថភាព និងការលក់បញ្ចុះតម្លៃពិសេសរហូតដល់៥០%ពីបណ្តាក្រុមហ៊ុនល្បីៗជាង១៥០ម៉ាក។
----------------------
2. គេបង្រៀនកូនឱ្យមានភាពម្ចាស់ការ

ឪពុកម្ដាយជនជាតិជ្វីហ្វយល់ថា បើគេខំការពារកូនៗគ្រប់សព្វបែបយ៉ាងនៅតែក្នុងភាពសុខសាន្តនៃរង្វង់គ្រួសារ នោះពួកគេនឹងក្លាយទៅជាទន់ខ្សោយ ភ័យខ្លាច និងគ្មានភាពក្លាហាន។ ដូច្នេះពួកគេអនុញ្ញាតឱ្យកុមាររៀនធ្វើអ្វីដោយខ្លួនឯង។ នៅហាងកាហ្វេក្នុងប្រទេសអ៊ីស្រាអែល អ្នកអាចនឹងឃើញក្មេងៗជ្វីហ្វដែលអង្គុយញ៉ាំអាហារដោយខ្លួនឯង ដោយមិនបាច់ម្តាយបញ្ចុក ទោះបីជាពួកគេមានអាយុប្រហែល 1 ឆ្នាំក៏ដោយ។ ដើម្បីឲ្យក្មេងមានទម្លាប់ឯករាជ្យ ឪពុកម្តាយគួរទទួលស្គាល់ និងសរសើរការខិតខំប្រឹងប្រែងរបស់ពួកគេ។

នៅពេលដែលក្មេងៗរៀនបានពិន្ទុខ្ពស់ ឬឈ្នះការប្រកួត វប្បធម៌អាស៊ីតែងតែផ្តល់ឱ្យកូននូវរង្វាន់ជាសម្ភារៈ។ ប៉ុន្តែផ្ទុយទៅវិញ សម្រាប់ឪពុកម្តាយជនជាតិជ្វីហ្វ រង្វាន់ដែលពួកគេផ្តល់ឱ្យកូនគឺជាការទុកចិត្ត ដែលជាធាតុសំខាន់នាំទៅរកភាពជាម្ចាស់ការលើខ្លួនឯង។

3. គេបង្រៀនអំពីការគោរព
កុមារត្រូវបានអនុញ្ញាតឱ្យលេង សាកល្បង និងធ្វើខុសតាមសារជាតិក្មេង ប៉ុន្តែពួកគេត្រូវតែមានការគោរព។ ឧទាហរណ៍ ក្មេងតូចមិនដឹងអី អាចនឹងលាបជញ្ជាំងបន្ទប់ លេងទឹកអប់របស់ម៉ាក់ គូរឡានរបស់ប៉ា។ ឪពុកម្តាយនឹងអត់ឱន ណែនាំតាមសម្រួល ដើម្បីកុំឲ្យធ្វើដូច្នេះទៀត ប៉ុន្តែគេនឹងដាក់វិន័យយ៉ាងតឹងរ៉ឹងប្រសិនបើក្មេងវាយក្បាលជីដូន ឬប្រព្រឹត្តិអំពើមិនសមរម្យលើមនុស្សចាស់។

4. គេបណ្តុះទម្លាប់អាន
ដោយសារតែជនជាតិជ្វីហ្វត្រូវបានបណ្ដេញចេញពីទឹកដីកំណើតរបស់ពួកគេរាប់ពាន់ឆ្នាំ ហើយត្រូវរស់នៅលើទឹកដីនៃប្រទេសដ៏ទៃ ចំណេះដឹង និងជំនាញគឺជាវត្ថុមានតម្លៃតែមួយគត់ដែលពួកគេអាចយកជាប់ខ្លួនបាន។ នេះហើយជាមូលហេតុដែលឪពុកម្ដាយជនជាតិជ្វីហ្វលើកទឹកចិត្តកូនៗឲ្យចាប់ផ្ដើមទម្លាប់អានតាំងពីក្មេង។ ពួកគេនឹងអានរឿងនិទានឲ្យកូនៗស្តាប់ សើចលេងជាមួយគ្នា និងជួយក្មេងៗស្វែងរកសៀវភៅដែលគេចូលចិត្ត។

គន្លឹះដើម្បីធ្វើឱ្យក្មេងចូលចិត្តអាន គឺនិទានរឿងកំប្លែង ឬរឿងដែលមានសាច់រឿងសប្បាយរីករាយ។ នៅពេលដែលកូនៗចាប់ផ្តើមចូលចិត្តការនិទានរឿង សូមឱ្យពួកគេអានឲ្យអ្នកស្តាប់ម្តង រួចសួរគេនូវសំណួរទាក់ទងនឹងអ្វីដែលគេកំពុងអាន ហើយស្តាប់ចម្លើយរបស់ពួកគេ។

5. គេបណ្តុះទម្លាប់គិតបែបតក្កៈ (logical thinking)
ឪពុកម្តាយជ្វីហ្វតែងលើកទឹកចិត្តកូនឱ្យរៀនសួរសំណួរ រៀនស្វែងរកចម្លើយ និងផ្តល់ចម្លើយប្រកបដោយតក្កវិជ្ជា។ ឪពុកម្តាយនឹងសួរសំណួរដល់កូនៗយ៉ាងទៀងទាត់ ហើយស្តាប់ចម្លើយរបស់កូន។ ពួកគេមិនទទួលយកចម្លើយបែបឡេះឡោះ គេចវេស ឬចម្លើយមិនសមហេតុសមផលឡើយ។ ឪពុកម្តាយតែងចង្អុលបង្ហាញពីភាពខ្វះចន្លោះនៅក្នុងចម្លើយរបស់កូន ប្រកបដោយហេតុផល អំណះអំណាង។ ពេលឪពុកម្តាយកំពុងជួបបញ្ហា ពួកគេក៏មានទម្លាប់សួរទៅកាន់កូនៗដើម្បីទទួលបានគំនិត និងយោបល់ពីកូន។ ធ្វើដូចនេះ ក្មេងនឹងមានទម្លាប់ចេះដោះស្រាយបញ្ហាក្នុងការរស់នៅ ប្រកបដោយការថ្លឹងថ្លែង។

6. គេបង្រៀនតាមរយៈការធ្វើជាគម្រូ
ជនជាតិជ្វីហ្វជឿថា សូម្បីតែពាក្យនិយាយកំប៉ិកកំប៉ុកមិនប្រយ័ត្ន ឬកំហុសតូចតាចដែលប្រព្រឹត្តដោយឪពុកម្តាយនៅចំពោះមុខកូនក៏អាចមានផលវិបាកដែលមិនងាយប៉ះប៉ូវដែរ។ ដូច្នេះ ឪពុកម្តាយជ្វីហ្វព្យាយាមធ្វើជាគំរូរបស់កូនតាមរយៈទង្វើ និងអាកប្បកិរិយាប្រកបដោយទំនួលខុសត្រូវ។ សម្រាប់កុមារក្នុងវ័យក្មេង គេនឹងធ្វើតាមនូវអ្វីដែលគេបានឃើញ។ ហេតុនេះ ពាក្យស្លោកដែលថា ពុតគ្រូកុំត្រាប់ ច្បាប់គ្រូសឹមយក មិនអាចយកមកអនុវត្តលើកុមារឡើយ។

7. គេបង្រៀនកុមារឱ្យចេះគ្រប់គ្រងពេលវេលា
កុមារជ្វីហ្វមិនងាយស្គាល់ពាក្យថាខ្ជិល ឬភាពទំនេរគ្មានអ្វីធ្វើនោះទេ។ គេរៀនជំនាញផ្សេងៗជាច្រើន ដូចជាតន្ត្រី ភាសា គណិតវិទ្យា កីឡា ក្នុងពេលតែមួយ។ ក្រៅពីបណ្តុះជំនាញ និងពង្រីកការយល់ដឹងបានទូលាយ ការប្រើប្រាស់ពេលវេលារៀនសូត្រលើបំនិនទាំងនេះនឹងជួយឲ្យក្មេងមានទម្លាប់ឧស្សាហ៍ មានផលិតភាពខ្ពស់ និងចេះប្រើប្រាស់ពេលវេលាបានល្អ។

---------------------------------------------------
ឯកសារយោង
https://www.chicagojewishnews.com/what-percentage-of-the-worlds-billionaires-are-jewish-2/
https://www.aei.org/carpe-diem/looking-back-at-the-remarkable-history-of-the-nobel-prize-from-1901-2020-using-maps-charts-and-tables/
https://www.nytimes.com/2006/10/01/magazine/so-the-torah-is-a-parenting-guide.html
https://www.forumdaily.com/en/sem-mudryx-pravil-vospitaniya-detej-u-evreev/
https://www.chicagotribune.com/lifestyles/sc-jewish-parenting-secrets-1004-20160930-story.html
https://18doors.org/teaching_jewish_values_to_your_children/
https://tipsmake.com/10-methods-of-teaching-children-of-jews-every-parent-should-learn
------------------------------------------------

13/01/2023

សន្និសីទអប់រំរបស់អនុស្សាដែលគ្រោងនឹងរៀបចំឡើងនៅក្នុងឆ្នាំ២០២៣នេះ មានចម្រុះប្រធានបទដូចខាងក្រោម! ស្វាគមន៍អ្នកចូលចិត្តរៀនសូត្រជាប់ឥតដាច់ និងអ្នកធ្វើការ ឬមានចំណូលចិត្តក្នុងវិស័យពាក់ព័ន្ធ។

ជារៀងរាល់ឆ្នាំ សន្និសីទអប់រំក្រោមប្រធានបទផ្សេងៗគ្នាត្រូវបានរៀបចំឡើង ដោយប្រមូលផ្តុំអ្នកជំនាញពីវិស័យដោយឡែកៗដើម្បីចែករំលែកចំណេះដឹងល្អៗ ព័ត៌មានសំខាន់ៗ និងការណែនាំផ្អែកលើបទពិសោធន៍ជាក់ស្តែង ដល់អ្នកចូលរួម ដែលសុទ្ធតែជាអ្នកចូលចិត្តរៀនសូត្របន្ថែម។ សន្និសីទជាទម្រង់នៃការរៀនដ៏មានប្រសិទ្ធភាពមួយ នៅត្រង់ការចែករំលែកខ្លឹមសារសំខាន់ៗដោយផ្អែកលើការអនុវត្តជាក់ស្តែងជាជាងទ្រឹស្តីទូទៅ ឬព័ត៌មានដែលមានលក្ខណៈទូលំទូលាយពេក។ អ្នកចូលរួមអាចយល់ដឹងពីប្រធានបទណាមួយដោយចំណាយពេលត្រឹម៤ម៉ោង ហើយអាចចាប់បានរូបភាពធំនៃវិស័យណាមួយជាក់លាក់។

ប្រធានបទសម្រាប់២០២៣៖
 សន្និសីទ វិធីសាស្រ្តអប់រំកូនសម្រាប់ប៉ាម៉ាក់ជំនាន់ថ្មី
 សន្និសីទ សុខភាព និងសុខុមាលភាព
 សន្និសីទ ច្បាប់សម្រាប់ជីវិត
 សន្និសីទ រៀនធ្វើជំនួញក្នុងវិស័យកសិកម្ម
 សន្និសីទ ស្ថាបត្យកម្មកម្ពុជាសម័យទំនើប
 សន្និសីទ រៀនទិញដី
 សន្និសីទ យុទ្ធសាស្រ្តទីផ្សារ
 សន្និសីទ អាហារូបករណ៍

សូមស្វាគមន៍វត្តមានរបស់អ្នក ក្នុងនាមជាអ្នកចូលរួមសន្និសីទ និងអ្នកចូលរួមឧបត្ថម្ភ!
ទំនាក់ទំនង៖ Telegram 012 37 72 71, [email protected];

Anussa's educational conferences to be held in 2023 come in a variety of topics as follows! Welcome to those who love continuous learning and those who are working or have a passion in the selected sectors.

Every year, educational conferences on various topics are organized by bringing together experts from different fields to share good knowledge, important information and practical experiences with hundreds of active learners.

Conferences are an effective form of learning in which important information sharing is based on practicality rather than general theories. Participants can understand a new topic in just 4 hours and be able to capture the big picture of a specific field.

Welcome learners and sponsors for the coming conferences in 2023!

Contact: Ms. Lyn, telegram: 012 37 72 71, [email protected]

14/12/2022

សន្និសីទអាហារូបករណ៍លើកទី ៩ រៀបចំដោយក្រុមហ៊ុនអនុស្សានៅថ្ងៃទី ១១ ខែធ្នូ ឆ្នាំ ២០២២ នៅ CJCC។

13/10/2022

Hello, how have you been all beloved kids and families? Kids Fair misses you and we hope you miss us too!

13/10/2022

ជួបគ្នានៅថ្ងៃទី១១ ធ្នូ ២០២២ នៅ CJCC ពីម៉ោង១ដល់៦រសៀល។
សម្រាប់សិស្ស និស្សិត ដែលចង់ពង្រឹងសមត្ថភាពរបស់ខ្លួន ដើម្បីបង្កើតឱកាសឲ្យខ្លួនឯង ក្នុងការទទួលបានអាហារូបករណ៍ នេះជាចំណុចផ្តើមល្អបំផុត សម្រាប់ស្វែងយល់ពីអាហារូបករណ៍ ទទួលបានគន្លឹះ ការលើកទឹកចិត្ត និងទំនាក់ទំនង។

ឱកាសល្អអាចកើតមានដល់មនុស្សច្រើនគ្នា តែមានតែអ្នកដែលបានខំប្រឹង និងត្រៀមខ្លួនទុកជាមុនទេ ដែលអាចប្រើឱកាសនោះឲ្យទៅជាប្រយោជន៍!