22/05/2022
هيدا الشهر هوي شهر الصحة النفسية والعقلية،اللي هيي مهمة متل الصحة الجسدية واكتر.
نحنا اغلب الوقت منعيش مع افكارنا وبراسنا اكتر ما منعيش برا واكتر ما منعيش اللحظة كرمال هيك ما تستحوا تهتموا بصحتكن النفسية ، تطلبوا المساعدة وتحكوا،شو مخاوفكن،هواجسكن ومشاكلكن ، مش عيب تحكوا وتهتموا بحالكن ..اذا انت عندك مشكلة وبحاجة لمساعدة صغيرة مش يعني انت مش ذكي ومش يعني انت ضعيف ومش يعني انت ما بتستاهل حياة حلوة ...يعني انت متل كل الناس بحاجة لحدا يساعدك ...ما حدا فينا مش مارق بظروف صعبة وما حدا فينا ما عندو خوف او قلق من المستقبل ،ما حدا فينا كامل وما عندو افكار ممكن تزعجوا اوقات..يمكن كتار بيهربوا من حالن بطرق مختلفة : بيحضروا مسلسلات ،بيضهروا، بيعملو رياضة، وكتير قصص تانية ...هيدي القصص مفيدة وحلوة بس مش لما تكون وسيلة هروب لانو بالاخر ما فينا نهرب من حالنا كل الوقت...حلو نصير نفهم حالنا ونعرف نتعامل مع كل شي فينا بدون خوف كرمال هيك بس تصير القصة شو ما كانت تزعجكن وما تقدروا تتعاملوا معها لحالكن مش غلط ولازم تطلبوا مساعدة ..
لأنو مش عيب ولأنو فيها حياتنا تكون احلى وأوضح 🧡🤎
