15/09/2023
විවාහ මංගල උත්සවයකදී ආරාධිතයින් හට ආරාධනා කිරීම සහ මංගල උත්සවයක් සංවිධානය කිරීම සබැදිව ඔබට වැදගත් වේ යැයි සිතෙන, මා හට හැඟෙන කරුණු ඉදිරිපත් කිරීම.
1. ඔබගේ, දෙමාපියන් සහෝදර සහෝදරියන් සමග සාකච්ඡා මේසයට පැමිනෙන්න. මංගල උත්සවය සදහා ආරාධනා කරන පිරිස තීරණය කර ගන්න.
එම පිරිස, අතිගරු, ගරු හා සාමාන්‍ය වශයෙන් ද මව පාර්ශවය, පිය පාර්ශව,දෙමාපිය දෙපලේ හිතවතුන්, මනාල/මනාලි හිතවතුන්, සහෝදර සහෝදරියන් ගේ හිතවතුන් ලෙසද වෙන්කර ගත හැකිය.
2. CR පොතක් ගන්න. Computer පහසුකම් ඇත් නම්, Excel Page එකක් සකස් කර ගන්න. ආරාධනා කරන සමීපතමයන් /හිතවතුන්/ගරු කරන්නන් පහත ආකාරයෙන් පොතේ මැද පිටුවක, හරස් අතට හෙඩ් ලයින් වශයෙන් සටහන් කරගන්න.
අ. නම (Surname සමග ප්‍රධාන
නම) සහ Family ( උදා:- Mr & Mrs
Anura Senanayake and Family) හෝ
තනි නම
Mr Anura Dissanayake හෝ දෙපල Mr
& Mrs Anura Amarasinghe.
ආ. Card දෙන අය. නමට ඉදිරියෙන්
x ලකුණක් යොදා ගන්න
ඇ. බුලත් දෙන අය. නමට ඉදිරියෙන්
x ලකුණක් යොදා ගන්න
ඈ. ලිපිනය, දු.අංකය,
ඉ. මංගල උත්සවයට
සහභාගි සංඛ්‍යාව, නමට ඉදිරියෙන්.
ලකුණක් යොදා ගන්න
ඊ. දෙවෙනි ගමනට සහභාගි වන
අය, කැමති ලකුණක් යොදා ගන්න
උ. ලිකර් පාවිච්චි කරන්නන් නමට
ඉදිරියෙන් ලකුණක් යොදා ගන්න
ඌ. RSVP පැමිණීම සනාථ කර
ගන්න
එ. නොපැමිනෙන අය සදහා වෙන
නම් ඇතුලත් කරන්න
ඒ අනුව පහතට ඒ ඒ තීරයන් එකතු කල විට එම කරුණු යටතේ සංපූර්ණ සංඛ්‍යාවන් ලබා ගත හැක.
3. ආරධනා පත් සැකසීමේදී විශේෂයෙන් සැලකිය යුතු කරුණු.
අ. ආරාධනා කරන්නාගේ නම ලියන ස්ථානයේ Mr, Mrs, Miss ලෙස මුද්‍රණය කිරීම අවශ්‍ය නොවේ. එම කොටසත්, Card ලියන කෙනා ලියනු ඇත., එවිට කාර්ඩ් පත අවලක්ෂණ නොවේ.
උදා; Mr & Mrs Ranjith Disanayake and Family
ආ. Card පත් මුද්‍රණය කරන
ස්ථානයේදි Draft එක හරිදැයි
පැහැදිලිව ස්ථීර කර ගන්න. කාර්ඩ්
සකස් කරනු ලබන පේපර්ස් හෝ
බෝර්ඩ්ස් පිළිබඳව, සැලකිලිමත්
වන්න. (ලිවීමේ පහසුව සදහා)
ඇ. ආරාධිතයාගේ නම ලියන
ස්ථානයේ වැඩි ඉඩ කඩක්
තබා ගන්න.
4. ආරාධනා කරන්නන්ගෙන්, සමීපතමයින්, හිතවතුන් හට ආරාධනාපතින් ඇමතීමේදී එදිනෙදා ඔවුන්ට ඇමතූ ආකාරය වඩාත් යෝග්‍ය වේ.
උදා: ඔහු හා ඇය, පවුල.......
Chandhi Akka & Kalu Aiya and Family
වෙනත් ඇමතිය හැකි ආකාරයන් :-
Mr & Mrs Ranjith Wickramasinghe and Family
5 Card එකෙහි එසේ ලීවත්, ලිපි කවරයෙහි Family සදහන් නොකළ යුතු වුවද පොදු කාර්ඩ් පතක් සකසා, ලිපි කවර පමණක් ලියන්නන් ලිපි කවරයෙහි Family ලිවීමට හැක.
6. අනෙකුත් ගරු කරන්නන් ඇමතීමේදී පහත ආකාරයෙන් ඔවුන් හට ඇමතීම සුදුසුය. නමක් ලියුවාට පසුව ක්‍රමවත් බවක් හැඟෙන්නේ, නම කොටස් දෙකකට වඩා ලියූ විටය.(මුල් නම සමග ප්‍රධාන නම)
Mr Kumara Rathnayake (Write with
Surname)
Mr & Mrs Kuma Allen & Family
Mrs AMW kumari Dissanayake
Mrs Dhilma Petrick
Miss Saleema Niyaz
Ms Navodya Dias
Hon Sandun Amarasinghe
Hon Minister Kumari Cooray
Rev Fr Francis Almedha
Prof Ariyadasa Illeperuma
Dr Sanjaya Senaratne
Dr & Mrs Kumari Dewaperuma
Dr & Dr Mrs Amara Siriwardhana
Prof & Dr Mrs Dilma Alwis
HE The Prasident Hon .......
Hon Prime Minister.......
Former Prisident Hon ......
Only Forces ;-
Card - Maj Gen & Mrs ARMUT Rathnayake.
Envelope - Mrs ARMUT Rathnayake
C/O Maj Gen ARMUT
Rathnayake USP RSP ndc
7. ආරාධනා පත් හා ලිපි කවරයන්හි ආරාධිතයින් ගේ නම් ලිවීම සදහා සුදුසු (Calligraphy Writer) කෙනෙකු සොයාගන්න.
8. ඔබ විසින් සකසා ගත් නාම ලේඛනය පරිඝණක ගත කරන්න.
9. Card පත් සහ Envelope හී ආරාධිතයින් ගේ නම් ලිවීම සදහා වෙන වෙනම Name List දෙකක් සකසා ගන්න.
උදා ;- Card - Mr & Mrs Sumith Dissanayake
Envelope - Mrs Amara Dissanayake
යම් මැතිණියකගේ ප්‍රධාන නම නොදන්නා විට,
Card එකෙහි ලියූ ආකාරයෙන්ම Envelope හි ලිවිය හැක. (Without Family)
10. බොහෝ පිරිසකට මංගල උත්සවය ට ආරාධනා කරන්නේ නම්, බෙදා හැරීමේ පහසුව සදහා ඒ ඒ ප්‍රදේශ අනුව ලේඛනය සකසා ගත හැක.
ඒ අනුව Cards සහ Envelopes ප්‍රදේශ අනුව පිළිවෙළකට (මාර්ග අනුව) තබා ගන්න. බෙදීමේ පහසුව සදහා.
11. මංගල උත්සවයේ පහසුව සදහා ඔබ සකසා ගත් CR පොත පහත පිළිවෙළට සකසා ගන්න.
අ. නැකත් පත්‍රයේ පිටපතක් මුල්
පිටුවේ අලවා ගන්න.
ආ. ආරාධනා කරන්නන්ගේ නාම
ලේඛනය.
ඇ. පෝරුව චාරිත්‍රය සදහා ඇවසි
බඩුබාහිරාදිය ලේඛනයේ
පිටපතක්
ඈ. මංගල ගමනට හා හැඩ
ගන්වන ස්ථානයට ඔබ රැගෙන
යන දෑ. (ඒ අනුව බෑග අසුර
ගන්න)
12. මංගල උත්සවය පැවැත්වීමේ දී දෙමාපියන් ගේ විශේෂ වගකීම, අමුත්තන් පිළිගැනීම හා සුහදත්වය පළ කිරීම වේ.
13. Table Arrangements පරිදි දෙමාපියන් විසින් පිළිගනු ලැබූ ආරාධිතයින් හට මග පෙන්වීමේ කටයුතු සදහා කෙනෙකු හෝ දෙදෙනකු නම් කර ගැනීම සුදුසු වේ.
14. තම විශ්වාසවන්ත සමීපතමයින්ගේ උදව් පහත කාරණා සදහා යොදවා ගත හැක.
අ. Vehicle Arrangements ( නම්කර
CR පොතට ගන්න. Veh No, Driver
Name, Mobile No) වාහන
හැසිරවීමට කෙනෙකු නම්
කර ගන්න.
ආ. පෝරුව චාරිත්‍ර සදහා
අවශ්‍යතා
තබා ගැනීමට හා නිවැරදි වෙලාවට
ලබාදීමට වගකීම කෙනෙකුටත්,
මංගල දෙපල පෝරුවට නැග්ගවීම
බැස්සවීම සදහා යෝජිත දෙපල
වෙලාවට අසල තබා ගැනීමේ
වගකීම කෙනෙකුට ද රත්‍රන් හා
අනෙකුත් දෑ සදහා තව කෙනෙකු ද
වගකීම CR පොතෙහි සටහනක්
තබා ගන්න. ( සියලු දෙනාගේ
Mobile Nos ගන්න)
ඇ. කේක් සංග්‍රහ සහ සහයෝගය
දක්වන්නන්ගේ සේවාවට ද අයෙකු
පත් කර ගන්න.
15. කස පැන් පාවිච්චි කරන්නන්ගේ දල සංඛ්‍යාව ප්‍රධාන ලේඛනයෙන් තීරණය කර, ඒ අනුව 08 දෙනෙකුට ලීටරය වන සේ හෝ ඔබට හැඟෙන පරිදි Arrangements කර ගත හැක. සේවාවන් උත්සව ශාලාවෙන් නොලැබෙන්නේ නම්, ඔබට මෙය සූදානම් කර ගත හැක. එසේ නම් කට ගැස්ම, ලිකර්, වයින් වර්ග, අනෙකුත් දෑ සදහා ද පොතෙහි පිටුවක් වෙන් කරගෙන ප්ලෑන් කර ගත හැක. මෙහි පාලන කටයුතු සිදු කිරීම පිණිස කවරෙකු හෝ නම් කර ගත යුතුය.
16. මනාලිය හා මනාලයා හැඩ ගැන්වීම් කටයුතු සිදු කරනු ලබන අය, ආයතන හා ඔවුන්ගේ නම්, ලිපිනයන්, පිටත්වීමේ වේලාවන්, රැගෙන යනු ලබන දෑ හා අදාල සේවා කරුවන්ගේ Mobile Nos සදහා ද
අදාල පොතෙහි පිටුවක් වෙන් කර ගන්න.
17. උත්සවය පැවැත්වෙන ශාලාවේ, ඉන් පිටත හා ඇවසි ස්ථානයන් අලංකාර කටයුතු බාර දෙනු ලබන ආයතනය හෝ පුද්ගලයන්, ඔවුන්ගේ Mobile Nos, අදාල සේවාවේ විස්තර සදහා ද එම පොතේ පිටුවක් වෙන් කරගන්න.
18. සංගීත සේවාවන්, පිළි ගැනීම් කණ්ඩායම් හා වෙනත් සේවාවන් ඇත් නම් බාර දී ඇති අයගේ සියලු විස්තර සදහා ද පොතේ එක් පිටුවක් වෙන් කරගන්න.
19. මංගල උත්සවය පැවැත්වෙන වේලාවට පැයකට පෙර ශාලාවේ නිරීක්ෂණ කටයුතු සිදු කරන්න. අඩු පාඩු සොයා බලන්න.
20. පෝරුව, සෙටිබැක්, සියලුම මේස, පුටු(කැඩී බිඳී ඇති පුටු තිබේදැයි) ශාලාවට පැමිණීමේ දොරටුව යනාදී ස්ථාන පිරිසිදුව, ක්‍රමවත්ව, ආරක්ෂාකාරීව ඇත්දැයි සොයා බැලීම.
21. පවුලේ දැනුම් තේරුම් ඇති උත්සවය සංවිධානාත්මක කටයුතු කල හැකි අයෙකු වේ නම්, ඔහුට ඔබ සකසා ගත් CR පොත ලබාදීමෙන් හා ඒ අනුව ක්‍රියාත්මක වීමෙන් ඔබගේ මංගල උත්සවය සාර්ථකව පවත්වා ගත හැකි වේ යැයි සිතමි.
22. ඔබට සුබ මංගලම්.....!
මේ ඔබගේ මංගල සේවා සහායක,,,,,
Dolapallege Samarapala USP
Calligraphy Writer
No 214/1/2
Ekathumuthu Mawatha
Puwakwatta Road
Meegoda
Sri lanka.
0718029400
10. 09. 2023.
