12/03/2020
කොරෝනා සම්බන්ධව සිංගප්පුරුවේ තත්වය ගැන මම පහුගිය ටිකේ කතා කරා...
ලංකාවෙත් කොවිඩ්-19 ආසාදිතයින් දෙන්නෙක් හමුවුනාට පස්සෙ පොඩි දෙයක් කියන්න හිතුනා...
සිංගප්පුරුවේ කොරෝනා ආසාදිතයෙක් මුලින්ම හම්බවෙන්නේ ජනවාරි 23. ඒ දැනට සති හතකට කලින්...
මේ වෙද්දි ඒ කාලය ඇතුලත සිංගප්පුරුවෙන් රොගීන් 187 දෙනෙක් වාර්තා වෙනවා...
එතනින් 96 දෙනෙක් සුව වෙලා රෝහලෙන් පිටවෙලා තියනවා...
ඉතින් සිංගප්පුරුව වගේ, ලංකාවටත් වඩා ගොඩක් පොඩි රටක, ජන ඝණත්වය වැඩි රටකත් මේක සෑහෙන දුරට පාලනය වෙනවා...
හැබැයි මේක පාලනය කරගන්න නම් වගකීමෙන් වැඩි කොටසක් තියෙන්නෙ ජනතාව අතේ...
මෙහෙ නම් හැමදාම කියන්නෙ " අත හෝදන්න, පිරිසිදුව තියාගන්න කියන එකයි...
සෞඛ්‍ය පුරුදු හරියට අනුගමනය කරන්න....
මුණ අල්ලන එක අඩු කරන්න..." කියන එක...
ලංකාව ගැන කියනවා නම්,
සුළඟින් ඒඩ්ස් බෝවෙයි කියලා බය වෙච්ච,
තමාට අවශ්‍ය දේ කරගන්න ඔක්සිජන් පවා එපා කියපු සමාජයක් අපිට ඉන්නේ. ඒවගේම සමාජ ජාලා හරහා මුළු රටම උනත් ගිනි තියන්න පුළුවන් කොට්ටාශයකුත් ඉන්නවා....
ඒ නිසා කොවිඩ්-19 වෛරසයෙන් විතරක් නෙවෙයි ඒ වගේ අයගෙනුත් පරිස්සම්වෙලා කල්පනාවෙන් විමසිල්ලෙන් හැමෝම වැඩකරන්න ඕනෙ වෙලාවක් මේක....
සැකය නිසා රෝහල් ගත කෙරුනා කියපු ගමන් අන්න අර රෝහලේ කොරෝනා ආසාදිතයෙක් කියලා බය වෙන්න අවශ්‍ය නෑ...
සමාජ ජාලා වල ඒවගේ දේවල් පල කරන්න කලින් සැකය තහවුරු කරගන්න ඉස්සෙල්ලාම....
කලබල විමෙන් වෙන්නෙ අනවශ්‍ය ප්‍රශ්න ඇතිවීම පමණයි...
Panic Attacks අවම කරගන්න උත්සහා කරන්න...
අන්තිමට කියන්න තියෙන්නේ අපි ඔක්කොම පණට ආදරේ මිනිස්සු....
එහෙම කියලා ආත්මාර්ථකාමී වෙලා රෝග ලක්ෂණ තියනකොට හංගගෙන හිටියා කියලා තමාටත් වෙන කිසිම කෙනෙක්ටත් වෙන සෙතක් නෑ...
ඒ වගේම කෙනෙක්ට රෝග ලක්ෂණ තිබ්බා කියලා ඒ මනුස්සයාව සමාජයෙන් තලා පෙලා දාලා හරියන්නෙත් නෑ...
රෝග ලක්ෂණ තියනවා නම් වහාම රෝහල්වෙත යොමුවෙන්න. දන්න කෙනෙක්ට එහෙම තත්වයක් තියනවා නම් වහාම අදාළ අංශ දැන්වත් කරලා නිරෝධනයට සහ ප්‍රතිකාර වලට යොමුකරන්න...
ඒ අය එක්ක ගැවසුනා නම් ඉක්මණට අදාළ අංශ දැන්වත් කරලා නිරෝධනයට යොමුවෙන්න...
ලංකාවට එද්දි නිරෝධනයට යොමුවෙන්න අවශ්‍යයයි කියන රටවල් වල ඉඳන් එන අයත් හරියට ඒ තොරතුරු ලබාදීලා ඒ සඳහා ස්වේච්ඡාවෙන්ම යොමුවෙන්න...
එතකොට තත්වය ඉක්මණට පාලනය වේවි....
ඒ නිසා හැමෝම වගකීමෙන්, බුද්ධිමත්ව, කල්පනාවෙන් වැඩ කරන්න අවශ්‍ය වෙලාවක් මේක....
බොහෝම ඉක්මණටම ලංකාවෙන් කොරෝනා තත්වය දුරුවේවායි ප්‍රාර්ථනා කරමි.......
කලබලවෙලා රටම අවුලවන්නේ නැතුව, බුද්ධිමත්ව, ප්‍රවේසමෙන්, කල්පනාවෙන් මේ ටික කාලය ගෙවමු........
