i Agro Lanka | Plantation | Agriculture | Export | Import | Flowers | Garden Center | Agricultural S
17/01/2022
ජනවාරි -17 දුරුතු මස පුර පසලොස්වක පෝය දිනය -.වසරේ සමාරම්භක පෝය දිනය මෙන්ම බුදු රජාණන් වහන්සේ පළමු කොටම ලක්දිවට වැඩම කිරීම සහ මහියංගණයේ යක්ෂ ගෝත්රිකයන්ට ධර්මය දේශනා කිරීම වැනි අතිශය වැදගත් කරුණු අද වැනි දිනක සිදුවීම හේතුවෙන් දුරුතු මස පසළොස්වක පොහොය දිනය ශ්රී ලාංකීය බෞද්ධ අප සියලුදෙනාට ඉතා වැදගත් වේ....
01/01/2022
02/12/2021
මොනවද මේ “සත්ය කුරුඳු” ?
ශ්රී ලංකාවේ නිපදවෙන වඩා වැදගත් ම සහ වටිනා ම කුළුබඩු වර්ගය වනුයේ කුරුඳු ය. ලක් පොළොවට රන් ආකාරයක් වූ ශ්රී ලාංකීය කුරුඳු ගුණාත්මකබවින් අද්විතීය වේ. නූතන ආහාර සුරක්ෂණ තාක්ෂණයේ සම්ප්රාප්තියට පෙර යුරෝපීය ජාතීන් සිය මාංශ නිෂ්පාදන කල් තබා ගැනීම සඳහා ගම්මිරිස් සමග කුරුඳු භාවිතා කර ඇත.
තව ද කුරුඳු තුළ අන්තර්ගත සුවිශේෂී සුගන්ධය හේතුවෙන් බේකරි නිෂ්පාදනවලදීත් ආසියාතික ආහාර පිළියෙල කිරීමේ දී හා තේ රසගැන්වීමේ දී භාවිතා කරනු ලැබේ. මීට අමතරව ඖෂධ ලෙස පුළුල්ව භාවිතාවෙන කුරුඳු ලොව මිල අධික ම රූපලාවන්ය හා සුවඳ විලවුන් නිෂ්පාදනයේ දී ද භාවිතා කෙරේ.
ශ්රී ලංකාවට ආවේණික වූ ශාකයක් වන ශ්රී ලංකා කුරුඳු (Cinnamomum zeylancium) මධ්යස්ථ ප්රමාණයේ සදාහරිත ශාකයකි. නිෂ්පාදනයෙන් 90% කට වඩා අපනයනය කෙරෙන ශ්රී ලාංකීය කුරුඳු, එහි ඇති අද්වීතීය ගුණාත්මකභාවය, වර්ණය, රස හා සුවඳ හේතුවෙන් අන්තර්ජාතික වශයෙන් දිගු කලක් තිස්සේ පවත්නා කීර්තිනාමයක් අත්පත්කරගෙන ඇත. භූ විද්යාත්මක වශයෙන් ශ්රී ලංකාවට භාවිතා වූ පැරණි ඉංග්රීසි නම වූ සිලෝන් (Ceylon) යන්නෙන් ශ්රී ලංකා කුරුඳු (Ceylon Cinnamon) යන නම පැවත එනු ලබයි.
ශ්රී ලංකා කුරුඳු (Ceylon Cinnamon) සහ කැසියා කුරුඳු (Cassia Cinnamon) ලොරේසියේ (Lauraceae) පවුලට අයත් සිනමෝමම් (Cinnamomum) යන එකම ගණයේ කුරුඳු විශේෂ දෙකකි. ශ්රී ලංකා කුරුඳු හෙවත් "සත්ය කුරුඳු" Cinnamomum zeylanicum Blume වෙතින් ද, කැසියා කුරුඳු Cinnamomum cassia වෙතින් ද පැවත එයි. ශ්රී ලංකාව සිනමෝමම් සෙයිලානිකම් (Cinnamomum zeylanicum) හෙවත් “සත්ය කුරුඳු” නිපදවන ප්රධාන රට යි.
ශ්රී ලංකාව තුල මෙම කැසියා කුරුඳු දක්නට නොලැබෙන නමුත් ලෝකයේ කුරුඳු භාවිතාවෙන් 80%කට වඩා වැඩි කොටසක් අත්පත්කරගෙන ඇත්තේ ගුණාත්මයෙන් බාල කැසියා කුරුඳු වේ. එසේ වුව ද ශ්රී ලාංකීය කුරුඳුවලට පවතින ගෝලීය වෙළෙඳපොල වටිනාකම කැසියා කුරුඳුවලට වඩා 8 ගුණයකින් පමණ වැඩි ය.
මූලාශ්ර රට පදනම්ව ගත් විට, ශ්රී ලංකා කුරුඳුවල ප්රභවය ශ්රී ලංකාවේ සිදු වූ අතර එයට ඉහළ ගුණාත්මකභාවයක් ඇති අතර, වඩා වැඩි සෞඛ්ය ප්රතිලාභ ගෙන දෙයි. සත්ය කුරුඳු සහ කැසියා කුරුඳු අතර පෙනුමේ, භෞතික සහ රසායනික ලක්ෂණවල සැලකිය යුතු වෙනස්කම් ඇත. අන්තර්ජාලය තුල Cinnamon යනුවෙන් පරීක්ෂාකොට බැලූ විට වැඩිපුර ම දක්නට ලැබෙන්නේ කැසියා කුරුඳු වේ. ඇතැම්විට ශ්රී ලාංකිකයන් ද මෙම කුරුඳු දෙවර්ගය නිවැරදිව හඳුනා නොගන්නා අවස්ථා දක්නට ලැබේ.
ශ්රී ලංකා කුරුඳු සහ කැසියා කුරුඳු අතර දෘශ්ය වෙනස්කම්
කැසියා කුරුඳු
---------------------
• පහසුවෙන් නොකැඩෙන ඝන පොත්ත සහිත සවිමත් වයනය සහ වඩාත් වැඩි සැර රසක් පවතී.
• සාමාන්ය වර්ණය තද දුඹුරු හා රතු පැහැයට හුරු දුඹුරු වර්ණය
• කුරේ ඇතුලට යොමු වූ එක් නැම්මක් සහ ඇතුළත හිස් කුහර ඇත.
• ඉහළ සිනමැල්ඩිහයිඩ් Cinnamaldehyde (>80%) ප්රතිශතයක් ඇත.
• ඉහළ කුමරින් (Coumarine content > 5%) ප්රමාණයක් ඇත. (කුමරීන් යනු පිළිකාකාරක සංයෝගයකි)
• දීර්ඝ කාලීන භාවිතයේ දී විෂ සහිත විය හැක.
ශ්රී ලංකා කුරුඳු
------------------------
• පහසුවෙන් කැඩෙන සුළු වයනයක් සහිත අතර ප්රසන්න සුගන්ධවත් රසයක් ඇත.
• සාමාන්ය වර්ණය ලා රන්වන් දුඹුරු වර්ණය වේ.
• කූර තුල නැමි හෝ ස්ථර ගණනාවක් ඇත.
• සිනමැල්ඩිහයිඩ් මධ්යස්ථ ප්රමාණයක් ඇත. (50% - 80%)
• ඉතා පහළ කුමරින් ප්රමාණයක් අඩංගුව ඇත.
• ශරීර සෞඛ්යයට ඉතා යෝග්ය ය.
සත්ය කුරුඳුවල සෞඛ්ය ප්රතිලාභ
-----------------------------------------
අතීතයේ සිටම කුරුඳු ඇතුළු කුළුබඩු වර්ග නොයෙකුත් රෝගාබාධ සඳහා පිළියම් ලෙස භාවිතා කළ බව ඓතිහාසික පුරාවෘත්ත වල සඳහන් වේ. විශේෂයෙන් ම ආයුර්වේද වෛද්ය විද්යාවේ දී ඖෂධ ලෙස කුරුඳු යොදා ගැනීම බහුලව සිදු වේ. කුරුඳු වල ඖෂධීය වටිනාකමක් ඇති ගුණාත්මක ලක්ෂණ පැවතීම ඒ සඳහා හේතු පාදක වී ඇත.
• රුධිරගත සීනි මට්ටම අඩු කරන අතර, හෘදය වස්තුවේ සෞඛ්ය තත්වය ආරක්ෂාකොට දියවැඩියාව පාලනය කරයි.
• කොලෙස්ටරෝල් ප්රමාණය අඩු කරයි.
• ඉහළ ප්රතිඔක්සිකාරක මුලාශ්රයකි.
• දැවිල්ල ඇති නොකරන ද්රව්ය අඩංගු ය.
• පිළිකා අවදානම අඩු කිරීමට උපකාරී වෙයි.
• ආසාදන සහ වෛරස් වර්ග වලට එරෙහිව සටන් කරයි.
• මුඛ සෞඛ්ය සහ මුඛයේ නැවුම් සුවඳ ස්වභාවිකව රැක දෙයි.
• චර්ම සෞඛ්ය ආරක්ෂා කර ගැනීමට උපකාරී වෙයි.
• ආසාත්මිකතාවන්ට එරෙහිව ක්රියා කරයි.
• සීනි නොමැතිව වුවද කෑම වට්ටෝරු රස ගන්වයි.
• ස්වභාවික ආහාර සුරක්ෂකයකි.
• බුද්ධි මට්ටම හීන වීමෙන් ආරක්ෂා කර දී මොළයේ ක්රියාකාරිත්වය රැක දෙයි.
අපනයන කෘෂිකර්ම දෙපාර්තමේන්තුවේ දැනුවත් කිරීමකි.
(මෙවැනි වටිනා තොරතුරු නිතර දැනගන්න අපගේ මෙම ෆේස්බුක් පිටුව Like /Follow කර එකතුවෙන්න)
16/10/2021
😁
19/09/2021
ගෙවතු වගා සෙට් එක කෝ බලමු
05/09/2021
ඔබට නිවන් සුව ලැබේවා 🙏
04/09/2021
🐰🐰🐰
01/09/2021
රාජාලි ගැහැනු සතෙකු තම පැටවුන් සඳහා පියෙකු තෝරා ගන්නේ කෙසේදැයි ඔබ දන්නවාද?......👇
ඇය ඒ සඳහා කරන්නේ ඉතා සිත්ගන්නා සුළු දෙයකි,
ඇය ගසක් හෝ පඳුරකින් අත්තක් කඩා, හොටෙන් ගෙන, ඉතා ඉහල අහසට නැගී, එහි රවුම් ගැසීමට පටන් ගනී. එවිට එය දකින රාජාලීන් ගැහැණු සතා වටා පියාසර කිරීමට පටන් ගනී.
පසුව ඇය මෙම අත්ත බිම හෙළා, අහසේ රැඳී බලා සිටී. එවිට සමහර රාජාලීන් වේගයෙන් පහතට පියඹා, මෙම අත්ත අහසේ සිට බිම වැටෙන්නට නොදී අල්ලාගෙන, එය හොටෙන් රැගෙන ඉහල නැගී ඉතා ප්රවේසමින් ගැහැණු සතා වෙත ගෙන එයි.
ගැහැනු රාජාලියා මෙම අත්ත හොටින් ගෙන එය නැවත බිම හෙළයි,
පිරිමියා එය නැවත අල්ලා ඇය වෙත ගෙන එයි, ඇය එය නැවත විසි කරයි ...
මෙසේ මෙය බොහෝ වාරයක් යලි යලිත් සිදුවේ. මෙසේ අත්ත විසිකරන තාක්, රාජාලියකු ඒ සෑම අවස්ථාවකදීම එය අල්ලාගෙන තමා වෙත රැගෙන එයි නම්, ගැහැනු සතා එම රාජාලියා සිය ස්වාමියා ලෙස තෝරාගනියි.
ඇය මෙය කරන්නේ ඇයිද යන්න ඔබට පසුව වැටහෙනු ඇත.
ඉන් පසු ඔවුන් පර්වත මුදුනක් මතට එකතු වී, ශක්තිමත් ලී දඬු වලින් කූඩුවක් සාදන අතර, මව සහ පියා තම හොටෙන් ශරීරයේ ලොම් සහ පිහාටු ඉරා දැමීමට පටන් ගනී. මෙම ලොම් හා පිහාටු යොදාගෙන ඔවුන් කූඩුවේ ඇති සියලුම සිදුරු පුරවා, මෘදු හා උණුසුම් ලෙස සකසයි.
එසේ මනාව සකසන ලද කූඩුවේ බිත්තර දමන මව, බිත්තර රැකීමෙන් පසු රාජාලි පැටවුන් මෙලොවට පැමිනෙන්නේ ඉතා දුර්වල, පිහාටු නොමැති නිරුවත් ලෙසකිනි. දෙමව්පියන් ඔවුන් වැඩී ශක්තිමත් වන තුරු වර්ෂාවෙන්, දැඩි අව් රශ්මියෙන් වලකා, ඔවුන්ව පියාපත් වලින් වසාගෙන ආරක්ෂා කරති.
ඔවුන් ආහාර, ජලය, ගෙනැවිත් පැටවුන්ට කවන පොවන අතර ඔවුන් සෙමෙන් වැඩෙති. මෙසේ පිහාටු වැඩීමට පටන් ගෙන පියාපත් සහ වලිගය ශක්තිමත් වේ. ඔවුන් තවමත් කුඩා වුවත් දැන් ඔවුන්ට කූඩුවෙන් පිටතට පැමිනීමට කාලය එළඹ ඇතිබව දෙමාපියන් වටහා ගනියි.
තාත්තා කූඩුවේ පිටතින් පැමින පියාපත් වලින් එයට පහර දීමට පටන් ගනියි. මෙම පහරදීමෙන් කූඩුව සෙලවෙන අතර එහි සිදුරුවල හා සුවපහසුව ඇතිවන ලෙස අලවා තිබූ පිහාටු හා ලොම් ගැලවී හැලී ගොස් දැඩි අතු රිකිලි සහිතව මුල් අවස්ථාවේ තිබූ ලෙස රාමුව පමණක් ඉතිරි වේ. මව පෙනෙන්නට නොමැත.
රාජාලි පැටවුන් මෙම සෙලවෙන කූඩුව තුළ හිඳගෙන සිටින අතර, ඔවුන් අපහසුතාවයට පත් වී, බිය වී ඇති නමුත් සිදු වූ සියලු දෙය ඔවුන්ට නොවැටහේ.අම්මා සහ තාත්තා කලින් ඉතා ආදරයෙන් හා සැලකිලිමත්ව සිටියද දැන් ඔවුන් වෙනස් වී ඇත.
මේ අවස්ථාවේදී අම්මා කොහේ හෝ සිට පියාසර කරමින් පැමිනෙන අතර ඇගේ හොටේ මාලුවකුද සිටියි. එහෙත් වෙනදා මෙන් අල්ලාගෙන පැමිනි මාලුවා රැගෙන ඔවුන් වෙත නොපැමින කූඩුවේ සිට තරමක් ඈතින් වාඩි වී පැටවුන්ට එය පෙනෙන්නට සලස්වයි. පසුව එය පැටවුන්ට හොඳින් පෙනෙන ලෙස ඇය මෙම මාළුවා ආහාරයට ගැනීමට පටන් ගනී. පැටවුන් කැදැල්ලේ වාඩි වී කෑ කෝ ගසමින්, එය දෙස බලා සිටිති.
සිදු වූ දේ ඔවුන්ට තවමත් නොතේරෙන මුත් සියල්ල වෙනස් ලෙසකින් සිදුවෙයි. අම්මාත් තාත්තාත් ඔවුන්ව පෝෂණය කලේය, වතුර පෙව්වේය, දැන් සියල්ල පහව ගොස් ඇත. කැදැල්ල දැඩි වී පිහාටු සහ සුව පහසුව නැති වී ඇත. දෙමව්පියන් විසින්ම මාළු අනුභව කළත් ඔවුන්ට එය දුන්නේ නැත.
කුමක් කල යුතුද? සියල්ලට පසු, ඔවුන්ට කෑමට අවශ්ය බැවින් ඔවුන් කූඩුවෙන් එළියට විත් මව දෙසට යාමට උත්සහ කරයි. ඒ සඳහා පැටවුන් කිසි දිනෙක නොකළ චලනයන් කිරීමට පටන් ගනී. ඔවුන්ගේ දෙමව්පියන් දිගටම ළදරුවන්ට කෑම ලඟා කළහොත් ඔවුන් එම චලනයන් කිරීමට උත්සහ නොකරනු ඇත.
පැටවුන් කූඩුවෙන් එලියට ඇවිද යාමට පටන් ගනී. ඒ සමගම රාජාලි පැටවා කූඩුවෙන් එළියට වැටී, එතරම් නුහුරු තැනෙක සිටගැනීමට නොහැකිව පෙරලෙමින් යයි. කූඩුව පර්වතයක, බෑවුමක් මත පිහිටා ඇති අතර එමඟින් කිසිදු විලෝපිකයෙකුට සමීප විය නොහැකි තැනක ඉදි වූවකි. පැටවා මෙම බෑවුම දිගේ ඇදී ගොස් පසුව ප්රපාතයට ඇදවැටීමට පටන් ගනියි.
එවිට තාත්තා කලින් අතු අල්ලා ගත් ලෙසින් වේගයෙන් පහලට පියඹා ගොස් මෙම රාජාලි පැටවා ඇදවැටීම වලක්වයි. ඔහුව අල්ලාගෙන නැවත පර්වතය මත ඇති කැදැල්ලට රැගෙන එන අතර සියල්ල නැවත ආරම්භ වේ. මෙම පැටවුන් නැවත නැවතත් වැටේ, පියා ඔවුන් අල්ලාගෙන නැවත රැගෙන එයි. රාජාලියා කිසිඳු විටෙක පැටවෙකු ඇදවැටෙන්නට ඉඩ නොහරියි....
මෙසේ වැටෙන එක් අවස්ථාවක, සුලඟත් සමග රාජාලි පැටවා කිසි දිනෙක සිදු නොකළ චලනයන් කිරීමට පටන් ගනී, පියාපත් සුළඟට විහිදී සුලං පහර සමග ගැටීමෙන් පාවී ගොස් පියාසර කිරීමට පටන් ගනී. රාජාලීන් තම පැටවුන්ට උගන්වන්නේ මෙම ආකාරයෙනි.
පැටියා තනිවම පියාසර කිරීමට පටන් ගත් විගස දෙමාපියන් ඔවුන් සමඟ මාළු සිටින ස්ථාන වෙත ගොස් ඒවා පෙන්වති. ඔවුන් ඒවා තවදුරටත් තම හොටෙන් රැගෙනගොස් කවන්නේ නැත....
අත්තක් විසි කිරීමෙන් ගැහැනු සතා ස්වාමියා තෝරා ගැනීම පුදුමයක් නොවේ. තම දරුවන් ඇද වැටෙනවාට ඇය කැමති නැත. පරීක්ෂාකාරී නොවී, ඔබ නොසැලකිලිමත් පියෙකු තෝරා ගතහොත්, ඔබ දරුවන්ගේ ඇදවැටීම ගැන නොසලකා කටයුතු කරයි.
For a great lifeskill...
උපුටනයකි...💞💕🦅🦅🦅
21/08/2021
මේවගේ තොරතුරු දැන ගන්න පේජ් එකට ලයික් එකක් දාලම යන්න ❤️
06/08/2021
❤️❤️❤️
04/08/2021
❤️
01/08/2021
ලෝකයට වටිනා සම්පතක්, සම්පතක් ලෙස ආරක්ෂා කර හැක්කේ,
සම්පතකටම පමනි..........♥️🍃
Thank you Sampath Bank ❤️🙏
17/07/2021
කඳුකර පෙදෙසක කමතක අසිරිය බලනු මිතුර නෙත් හෙලා ❤️❤️
ඡායාරූපය මුල් අයිතිකරු සතුය ❤️
පේජ් එකට ලයික් එකක් දාලම යන්න ❤️
12/07/2021
පොල් ඉඩමේ කොම්පෝස්ට් නිෂ්පාදනය
කාබනික පොහොර පිළිබඳ කතා කිරීමේදී කොම්පෝස්ට් යනු වාණිජ වටිනාකමක් ඇති ප්රධාන කාබනික පොහොර වර්ගය යි. කොම්පෝස්ට් නිෂ්පාදනයේ දී සිදු කරන්නේ ශාක කොටස් හා සත්ව අපද්රව්ය ක්ශුද්රජීවීන් මගින් දිරා පත් කිරීමයි. කොම්පෝස්ට් පොහොර අපට වෙළෙඳ පොළෙන් මිලදී ගන්න පුළුවන්, හැබැයි ඒවායේ ප්රමිතිය පිළිබඳව N, P, K ප්රතිශතය පිළිබඳව නිවැරදිව සඳහන් කරන්න පුළුවන් කමක් නැහැ. ඔබගේ පොල් ඉඩම කොම්පෝස්ට් නිෂ්පාදනයට ඉතාම සුදුසු ස්ථානයයි. පොල් ගස් අතර වැඩි පරතරය සමඟ ලැබෙන ඉඩකඩ, අමුද්රව්ය සුලභතාවය මේ සඳහා බලපානවා.
කොම්පෝස්ට් නිෂ්පාදනය කළ හැකි විවිධ ක්රම තිබෙනවා. මේ අතරින් පහසුම ක්රමය ගොඩ ක්රමයයි. මෙහිදී ඉක්මණින් දිරාපත් වීම පෙරලීමට පහසු වගේ වාසි රාශියක් තිබෙනවා. බොහෝ වාණිජ කොම්පෝස්ට් නිෂ්පාදකයින් වගේම කුඩා පරිමාණව ද අනුගමනය කරන්නේ ගොඩ ක්රමයයි.
සාර්ථකම ක්රමය ලෙස හැඳින්වීමට පුළුවන්. වල ක්රමය, කෝටු රාමු ක්රමය, බැරල් ක්රමය ආදී ක්රම ගෙවතු ආශ්රිතව සිදු කළ ද එතරම් සාර්ථක ක්රම නොවෙයි. විවිධ අමුද්රව්ය භාවිතයෙන් කොම්පෝස්ට් නිෂ්පාදනය කරන්න පුළුවන්. එවිට අපිට ඇතිවෙන ගැටලුව තමයි පොල් ගසකට යෙදිය යුතු කොම්පෝස්ට් ප්රමාණය පිළිබඳ නිර්දේශයක් ලබා දීම.
මෙන්න මේ ගැටලුව විසඳීමට කොකෝ කොම්පෝස්ට් හඳුන්වා දෙනවා. එක් ගසක එක් අවුරුද්දකට අවශ්ය කොම්පෝස්ට් ප්රමාණය සකස් කිරීමට අවශ්ය අමුද්රව්ය ප්රමාණය වන්නේ, පිදුරු 6Kg, තණකොළ 6Kg, ග්ලිරිසිඩීයා 15Kg, කෙසෙල් කඳන් හෝ කොළ 5Kg, මුහුන්/පරණ කොම්පෝස්ට් 500g, එප්පාවල රොක් පොස්පේට් 500g වේ.
කොළ වර්ග ලෙස ගිරිසීඩියා ලපටි කොළ හා දඬු භාවිතා කළ හැක. ඉපිල් ඉපිල්, වල් සූරියකාන්ත එරබදු ආදියත් මේ සඳහා යොදාගන්න පුළුවන්. කෙසෙල් කඳන් කොළ ආදිය කුඩාවට කපාගෙන භාවිතා කළ යුතුයි. මේ වෙනුවට වෙළඳපොළෙන් ඉවත් කරන තැලුනු එළවළු ආදියත් යොදාගන්න පුළුවන්. වල් මර්ධනයේදී එකතුවන තණකොළ ආදී වල් පැලෑටි/ගිනි තෘණ ආදිය වුවද භාවිතා කළ හැකියි. ශාක කොටස් වලට අමතරව සත්ව අපද්රව්ය භාවිතය ඉතා වැදගත්. මේ සඳහා ගොම/කුකුල්/ එලු පොහොර ආදිය භාවිතා කළ හැකියි. මුහුන් ලෙස භාවිතයට කලින් නිපදවාගත් කොම්පෝස්ට් අවශ්යවෙයි. නැතිනම් ගෙවත්තේ දිරාගිය කුණු වුවද භාවිතා කළ හැකියි. කොම්පොස්ට්හී අඩංගු පොස්පරස් ප්රතිශතය වැඩි කිරීම සඳහා එප්පාවල රොක් පොස්පේට් භාවිතා කළ යුතුයි.
කොම්පෝස්ට් නිෂ්පාදනයේ දී පළමුවෙන්ම අමුද්රව්ය සපයා ගැනීමට ජලය සපයා ගැනීමට පහසු තැනිතලා බිමක් තෝරා ගන්න. පළමුව පිදුරු තට්ටුවක් අතුරන්න. ගොඩේ උපරිම පළල අඩි 5ක් පමණද දිග අමුද්රව්යවලට සරිලන පරිදිද තෝරා ගන්න. දෙවැනි තට්ටුව ලෙස සත්ත්ව පොහොර යොදන්න. ඉන්පසු නිපදවාගත් කොම්පොස්ට ස්වල්පයක් සෑම ස්ථානයකටම ඉසින්න. සත්ත්ව පොහොර තට්ටුවට පසුව ශාක කොටස් භාවිතා කළ යුතුයි. ගිලිරිසීඩීයා වැනි කොළ වර්ග ඇසිරීමේදී මෝරපු දඬු කොටස් ගොඩ කෙළවරට අඟල් දෙක තුනක් එලියට සිටින සේ අසුරන්. එවිට පළමු පෙරළීමේ දී ඒවා ඉවත් කිරීමට පහසු වෙනවා. ඊළඟට රොක්පොස්පේට් ඉසීම සිදු කරන්න. ගොඩ සැකසීමේදී දිරාපත් වීමට පහසු ද්රව්ය හා අපහසු ද්රව්ය මාරුවෙන් මාරුවට ඇසිරිය යුතුයි. තෙතමනය පවතින කොටස් ඉක්මනින් දිරාපත් වෙනවා. ශාක කොටස් තට්ටු දෙකකට වත් වරක් සත්ව පොහොර යෙදිය යුතුයි. ඒ වගේම දිරාපත් වීමට අපහසු අමුද්රව්ය මතට මුහුන් යෙදීම අත්යවශ්ය වේ. ගොඩ අඩි හතරක් පමණ උස් වූ විට ජලය යෙදීම සිදුකළ යුතුයි. සකස්කරගත් ගොඩට වාතාශ්රය ලැබෙන පරිදි කළු පොලිතීන් භාවිතා කර වසා ගත යුතුයි. පොළොව මට්ටමේ සිට අඟල් හයක් වත් උසකින් ආවරණය පවත්වා ගන්න. දින 6කට 7කට වරක් ඉටි රෙද්ද අයින් කර තෙතමනය පරීක්ෂා කළ යුතුයි. තෙතමනය අවශ්ය ප්රමාණයට නොමැතිනම් ජලය යෙදීම කළ යුතුයි. ගොඩ සකස්කරගෙන මාසයකට පසුව පළමු පෙරළීම සිදු කරන්න. දෙවන පෙරලීම මාස දෙකකින් සිදු කරන්න. මාස තුනක් වන විට ඔබට අවශ්ය කොම්පෝස්ට් භාවිතයට සුදුසු මට්ටමට සකස් වී ඇත.
11/07/2021
පේජ් එකට ලයික් එකක් දාලම යන්න ❤️
30/06/2021
Happy Birth Day Sanath Jayasuriya ❤❤❤
18/04/2021
සරුසාර වගාවකට නිරෝගී ඉඟුරු බීජ යොදා ගනිමු (තරුණි පුවත්පත : රසකාරක බෝග වගාව 2021.04.14)
සරුසාර පොළොවක් හිමි අපට ඕනෑම බව භෝගයක් කිසිදු අපහසුවකින් තොරව වගා කර ගැනීමට හැකිවීම ඉමහත් භාග්යයකි. ඒ අතරින් ඉඟුරු භෝගය වඩා වැදගත් වන්නේ් එය ශ්රී ලංකාවේ ඕනෑම ප්රදේශයක ඉතා පහසුවෙන් වගා කරගත හැකිවීමයි.
එමෙන්ම ඉඟුරු යනු හිරුඑළිය හොඳින් ප්රියකරන ශාකයකි. ගෙවත්තේ පාත්ති ලෙසින් මෙන්ම බඳුන්ගතව ද ඉඟුරු වගා කළ හැකි අතර නාගරිකව නම් තම එදිනෙදා පරිභෝජනය සඳහා බඳුනක හෝ වගා මල්ලක මේ ඉඟුරු ශාකයක් සිටුවා ගත හැකිය.
ඊට අමතරව ඔබට අමතර ආදායමක් උපයන භෝගයක් ලෙසින් ද මේ ඉඟුරු වගා කළ හැකියි. එහිදී ප්රධාන වශයෙන් නිරෝගී සහ හොඳින් මේරූ ඉඟුරු බීජ අල තෝරා ගැනීමට ඔබ සැලකිලිමත් විය යුතුය. මන්ද නිරෝගීමත් සරුසාර අස්වැන්නක් ලබා ගැනීමට නම් නිරෝගී බීජ තෝරා සිටුවිය යුතුය.
ඉගුරු වගාවේ දී වැඩි මුදලක් වැය වන්නේ ද හොඳින් මේරූ බීජ අල සපයා ගැනීමටයි. එබැවින් ඉඟුරු අස්වැන්න නෙළා ගැනීමේ දී ඊළඟ වගාව සඳහා සරු, පළුදු නොවූ නිරෝගී බීජ ඉතිරි වන පරිදි එය කළයුතු අතර අනතුරුව ඒවා සිටුවා ගන්නාතුරු පරිස්සමට ගබඩා කර තැබීමත් ඉතා වැදගත්.
නිරෝගී ඉඟුරු බීජ
සාමාන්යයෙන් සිටුවා ගැනීම සඳහා රෝග පළිබෝධවලින් තොර ඉඟුරු වගාවකින් බීජ තෝරා ගත යුතු අතර එය මාස නවයක් ඉක්ම වූ හොඳින් මේරූ බීජ විය යුතුය. විශේෂයෙන්ම ඉඟුරු බීජවල අග කොටස එහෙමත් නැතිනම් අග්රස්ථය වියළීී හෝ කුණුවී ඇත්නම් ඒවා වගාවට සුදුසු නොවේ. ඊට අමතරව බැක්ටීරියා රෝග සහ කෘමි හානි සහිත බීජ දැයි සරල පරීක්ෂාවක් මඟින් ද ඔබට හඳුනා ගත හැකිවේ.
බැක්ටීරියා මැළවීමේ රෝගය හඳුනා ගන්නා අන්දම
ඔබ තෝරාගත් ඉඟුරු අලයක් කැබැලි කිහිපයකට කපා පැහැදිලි ජල වීදුරුවකට දමන්න. අනතුරුව එම කැබැලි මඳක් තද කිරීමෙන් සුදු පැහැ දුමාරයක් ජලය තුළින් පහළට ගලා යන්නේ නම් ඒවා බැක්ටීරියා මැළවීමේ රෝගයට පාත්ර වූ බීජ ලෙසට හඳුනා ගත හැකිය. එමෙන්ම මෙම ඉඟුරු බීජ කැබැලි වල රෝස පැහැයට හුරු තද පැහැ වළල්ලක් දක්නට ලැබෙන්නේ නම් එයද මෙම රෝගය පාත්ර වී ඇති බවට සාක්ෂියකි. එබැවින් එවැනි අල සිටුවීමෙන් වළකින්න.
කොරපොතු කෘමියාගේ හානිය
ඊට අමතරව ඉඟුරු බීජ කොරපොතු කෘමියාගේ හානියට ලක්වී තිබිය හැකියි. එය වළක්වා ගැනීමට බීජ අල සෙල්සියස් අංශක 50 ට වඩා එහෙමත් නැතිනම් මඳ උණුසුම් ජලයේ විනාඩි 10 ක් ගිල්වා තබන්න. මෙම ක්රමය තුළින් ඔබට ඉඟුරු බීජවල වට පණු හානි ද පාලනය කළ හැකිය.
දිලීර හානි
දිලීර හානි පාලනය කිරීම සඳහා මැන්කොසෙබ් දිලීර නාශක ග්රෑම් 30 ක් ජලය ලීටරයක දියකර කොටස්වලට වෙන් කරගත් ඉඟුරු බීජ එහි ගිල්වා තබන්න. අනතුරුව ඒවා මඳක් වියළෙන්නට හැර වගාවට යොදාගන්න.
අස්වනු නෙළීමේ දී
බීජ අල ලබාගැනීම සඳහා අස්වනු නෙළීමේ දී උදලු මුල්ලුවක ආධාරයෙන් ඉඟුරු අලවලට හානි නොවන පරිදි ගලවාගන්නට වගබලාගන්න. අනතුරුව බීජ සහ මුල් පරෙස්සමට ඉවත් කරන්න. පසුව පිරිසුදු ජලයෙන් සෝදා මඳ පවනේ වියළා වගා කාලය එළඹෙන තෙක් දහයියා යොදා ගබඩාකර තබන්න.
සාමාන්යයෙන් එක් වළක සිටුවීම සඳහා ඉඟුරු බීජ අල ග්රෑම් 30 - 40 ත් අතර ප්රමාණයක් යොදා ගනියි. ඒ අනුව අක්කරයක තනි ඉගුරු වගාවක් සඳහා බීජ ඉඟුරු කිලෝ ග්රෑම් 500 - 700 ක් වැනි ප්රමාණයක් අවශ්ය වේවි. ඊට අමතරව ඉඟුරු අතුරු භෝගයක් ලෙසද ඉතා ජනප්රිය අතර පොල්, කෙසෙල්, බඩ ඉරිඟු වැනි වගා සමඟ මිශ්රව වගා කළ හැකිය.
ඉඟුරු වගාකරන කාලය
ඉඟුරු යල කන්නයේ වගාකරන භෝගයක් වුවද ජලය සැපයීම කළ හැකි නම් ඕනෑම කාලවකවානුවක වගා කළ හැකියි. මාර්තු සහ අප්රේල් මාසවල ඉඟුරු වැඩි වශයෙන් වගා කරන අතර, ඒ සඳහා බීජ නිසි ප්රමිතියකින් යුතුව ලබාගැනීමෙන් සාර්ථක වගාවක් සහ ඉහළ අස්වැන්නක් ලැබිය හැකියි.
විශේෂ ස්තූතිය- දිශාන්ති කොඩිතුවක්කු
උපදෙස්
අපනයන කෘෂිකර්ම දෙපාර්තමේන්තුවේ, සහකාර අධ්යක්ෂ (කුරුණෑගල/පුත්තලම)
නිරෝෂන් විජේසිංහ
සටහන : චම්පා වරුසප්පෙරුම
16/04/2021
❤️💚💙
08/04/2021
පලතුරු ශාක පුහුණු කිරීම හා කප්පාදුව 🌱❤️
07/04/2021
තල් මල ❤️
04/02/2021
73 වන නිදහස් දිනය අභිමානයෙන් සමරමු 🇱🇰🇱🇰🇱🇰
01/01/2021
Wish you a Very Happy New Year 2021❤️
ඔබ සැමට සුබ නව වසරක් වේවා 2021 ❤️
25/12/2020
සාමය, සතුට හා සංහිඳියාව පිරි සුබ නත්තලක් වේවා. ❤️
23/12/2020
යමුද 🤩🤩
18/12/2020
සුභ උපන් දිනයක් වේවා ❤️
17/12/2020
ඇපල් කෑමට පෙර දෙවරක් සිතමු
ඔබ වෙළඳපොළෙන් ලබාගන්නා පළතුරු අතරින් කවුරුත් අතර බොහෝ ප්රචලිත පළතුරක් තමයි ඇපල් කියල කියන්නේ. නමුත් ඔබ ඇපල් ගෙඩියක් මිලදී ගැනීමේදී එහි වර්ණය හා වයනය (දෘඪබව) හැර කෙදිනකවත් එහි ඇති ස්ටිකරය හෝ ලේබලය නිරීක්ෂණය කර තිබෙනවාද? ඔබ එහි අන්තර්ගතය ගැන සැලකිල්ලක් දක්වා නැතුවට කිසිදු සැකයක් නැත. නමුදු එය නිකම්ම ලේබලයක් නොවන බව ඔබ දන්නවාද ?
මෙම ලේබලයෙහි අඩංගු කේත අංක පදනම් කරගෙන ඇපල් වගා කර ඇති ආකාරය පිලිබඳව අදහසක් ලබා දෙනවා. මෙම ලේබලයෙහි සදහන් කේත ක්රමය ජාතික ෆෙඩරල් නිෂ්පාදන තත්ත්ව සහතික ආයතනය (International Federation for Produce Standards) මගින් 1990 වර්ෂයේදී ලොවටම හදුන්වා දෙන ලද්දකි. මෙරට වෙළඳපළෙහි ඇති ඇපල් තොග බොහෝමයක් පිටරට වලින් ආනයනය කරන ලද ඒවායි. ඉතින් එහි තත්ත්වය ගැන අපට සහතික විය හැකිද? බොහෝමයක් වෙළඳපළ හි ඇති ඇපල් රසායනික ද්රව්ය භාවිතා කර හෝ ජාන ඉංජිනේරු තාක්ෂණය භාවිතා කර හෝ කාබනික පොහොර භාවිතා කර හෝ වගා කරන ලද ඒවාය. මෙම PLU (price look up code) කේත ක්රමය මගින් එම ඇපල් තොග වගා කර ඇත්තේ කෙසේදැයි දක්වයි. අපි ඒ පිළිබඳව විමසා බලමු.
මෙම ලේබල වල කේත ක්රමය සැලකීමේ දී එම කේත අංකය අංක 3 හෝ 4 න් ආරම්භ වන ඉලක්කම් 4 කින් යුක්ත එනම්, 3000-4999 දක්වා කේත අංක මගින් දක්වා ඇති ඇපල් වගා කර ඇත්තේ සාම්ප්රදායික කෘමිනාශක හා පළිබෝධනාශක භාවිතා කරමිනි. කේත අංකය අංක 5කින් යුතු 8 න් ආරම්භ වන අංකයක්, එනම් 83000-84999 සංඛ්යා පරාසය මගින් එම ඇපල් තොග ජානමය ඉංජිනේරු තාක්ෂණය භාවිතයෙන් පිළියෙල කර ඇති බවට හදුනාගත හැක. ජානමය ඉංජිනේරු තාක්ෂණයෙන් පිළියෙල කළ ඇපල්වල (genetically modified apples /GMO) විශේෂත්වය නම් ඒවා අවපැහැයට එනම් දුඹුරු පැහැයට ලක්වීම පාලනය මගින් අපතේ යාම වැළැක්වීමට ඇති හැකියාවයි. නමුත් මෙම සම්ප්රදායික කෘමිනාශක හා පලිබෝධනාශක භාවිතා කර හෝ ජානමය ඉංජිනේරු තාක්ෂණය භාවිතයෙන් පිළියෙල කළ ඇපල් දිගුකාලීන ව භාවිතය මඟින් පිලිකා, ජානමය විකෘති හෝ බෝ නොවන රෝග වැනි අහිතකර බලපෑම් ඇතිවීමේ අවදානමක් ඇති බව හඳුනාගෙන ඇත.
තවද, මෙම කේතය "9" ඉලක්කමෙන් ආරම්භ වී ඉලක්කම් 5කින් යුක්ත වේ නම් එමගින් දක්වන්නේ එම ඇපල් කාබනික පොහොර භාවිතයෙන් වගා කරන ලද බවයි. මෙම කාබනිකව නිපදවා ඇති බවට නිකුත් කරන කේත කාණ්ඩය කිසියම් ආයතනයක ට ලබා ගැනීම පහසු කාරණයක් නොවන්නේ එහි තත්ත්ව සහතික කිරීම සදහා බොහෝ පරීක්ෂණ වලට එය ලක් කරන බැවිනි. මෙම ඇපල් කාණ්ඩය වෙළඳපළෙහි ඉතා ඉහළ මිලකින් අලෙවි වන්නේ එහි ඉහළ පෝෂණ ගුණය හා රසායනික බලපෑම් අඩු බැවිනි. ඒ අතර ම ලංකාව තුළ සාමාන්ය පාරිභෝගිකයාට මෙම ඉහළ ප්රමිතියකින් යුතු ඇපල් ලබා ගැනීමට නොහැකි වන්නේ එම ඇපල් ආනයනය සීමිත වීමත් හෝටල් කර්මාන්ත මඟින් මේවා ඉහළ මිලකට තොග වශයෙන් ගැනීම ත් නිසාවෙනි. වත්මන් වෙළඳපළෙහි ඇති මෙම ඇපල් තොග වල ලේබලය අඩංගු වේ ද? එලෙස ඔබ මිලදී ගන්නා ඇපල්වල ලේබලය නොමැති ව එහි තත්ත්වය ගැන ඔබට සහතික කළ හැකිද? සාමාන්ය පාරිභෝගිකයින් ලෙස ඔබ අප මේ පිලිබඳව ඇති නොදැනුවත් බව නිසා ම වෙළඳපළ මේ පිලිබඳව වැඩි සැලකිල්ලක් නොදක්වයි. මන්ද යත් එය ලංකාවේ ආහාර හා සබැඳි නීති මාලාවේ අනිවාර්යයෙන්ම දක්වා තිබිය යුතුය යන නීතිමය අවශ්යතාවයක් නොමැති බැවිනි. නමුත් පාරිභෝගිකයා ලෙස අප ඒ පිලිබඳව අවබෝධයක් ලබා තිබෙන්නේ නම් වෙළඳපළ ඒ සදහා නිරායාසයෙන් ම යොමුවන්නේ යැයි මාගේ හැඟීමයි. වෙළඳපළෙහි සැමවිට ම ගුණාත්මක දේ ම සොයන ඔබ වෙනත් රටකින් ආනයනය කරන මෙවැනි අවධානමක් සහිත පළතුරක් භාවිතයේ දී දෙවරක් සිතා බැලිය යුතු නොවේද?
-භාෂිකා සෙනෙවිරත්න-
22/11/2020
🙏🙏🙏🙏🙏🙏🙏🙏🙏🙏
ශ්රි ලංකා රාමඤ්ඤ මහා නිකායේ 14වන මහානායක ධුරයෙන් පිදුම් ලැබූ...
අප මීරිගම මිණීඔළුව විද්යාවාස පිරිවෙන් මහා විහාරාධිපති
ශ්රි ලංකා රාමඤ්ඤ මහා නිකායේ අනු නායක ධුරන්දර, සිරි සරණංකරෝපසේන වංසාලංකාර සාසන සෝභන, සාහිත්ය කීර්ති ශ්රි, පරියත්තිධර, මහෝපාධ්යාය
ත්රිපිටක විශාරද, ශාස්ත්රපති
අග්ගමහාපණ්ඩිත අතිපූජ්ය මකුලෑවේ විමල මහානායක මහා ස්වාමීන් වහන්සේට තිසරණ සරණයි ..!!!
(උපත:1948.8.25/උපසම්පදාව;1969.7.22)
21/11/2020
ගෙවත්තේ වගාව - පළමු කොටස
❤️ අපි ගෙවත්තේ වැවිය යුත්තේ ඇයි
❤️ ගෙවත්ත සැලසුම් කිරීම
❤️ ගෙවත්තක වගා කළ හැකි විවිධ බෝග වර්ග
❤️ මී මැසි පාලනය
❤️ ගව පාලනය
❤️ කුකුල් / වටු පාලනය
❤️ ගෙවතු වගාවේ සැලකිලිමත් විය යුතු කරුණු
❤️ බෝග මගින් භූමි අලංකරණය
පේජ් එකට ලයික් එකක් දාලම යන්න ❤️🙏
20/11/2020
😂😂😂
17/11/2020
ඔබ වහන්සේ අමා මහ නිවනින් සැනසීම ලබත්වා 🙏
14/11/2020
Wish all of you a Happy Diwali! 🪔🙏🏻
Address
Mirigama
11204
Telephone
Website
Alerts
Be the first to know and let us send you an email when I Agro Lanka posts news and promotions. Your email address will not be used for any other purpose, and you can unsubscribe at any time.
Contact The Business
Send a message to I Agro Lanka: