Password Production

10/11/2025

Конечно, самостоен концерт на Buč Kesidi во Скопје!

Најжешкото синт-поп/диско-рок дуо од регионот — во МКЦ, петок, 19 декември 2025. За нас ексклузивна прилика, за нив генерална проба пред големиот концерт во Арена Загреб.

Буч Кесиди, соло за затворање на Таксират Фестивал. 💃

Билети: https://mktickets.mk/event/buc-kesidi/

04/11/2025

Три наши фестивали се номинирани за фестивалските оскари! Taksirat, PIN и Д Фестивал се повторно во трката за најпрестижната фестивалска титула на European Festival Awards! 🏆

Номинирани сме во категоријата Best Small Festival (капацитет 10.000 посетители дневно), а публиката од цела Европа веќе гласа за новите победници.

Затоа сега ни е најпотребна вашата поддршка: ГЛАСАЈТЕ за еден од нашите фестивали!

НАЈДОЦНА ДО 20 НОЕМВРИ,
ТУКА👉 https://www.europeanfestivalawards.org/public-voting/

03/11/2025

Втор бран UPBEAT артисти на PIN Showcase!
27-29 ноември * МКЦ * Слободен влез

29/10/2025

27/10/2025

Почивај во мир, најдраг Коста. 😢

Со огромна тага, ве известуваме дека по кратко боледување на 65-годишна возраст почина Коста Јаневски, филмски работник и еден од сопствениците и основачите на радио Антена 5. Учествуваше во основањето, техничкиот развој и креирањето на програмата, а ја извршуваше функцијата Технички директор во Антена 5 од 1994 година.

Работеше на техничката и програмска реализација на сите домашни и меѓународни музички и културни настани пренесувани на програмата на Антена 5: Британските музички награди, Ем-Ти-Ви европските музички награди (MTV ЕМА), Зимската музичка конференција во Мајами, Викенд Медиа фестивалот, Егзит, Таксират, Интернационалниот фестивал на филмска камера “Браќа Манаки” и Д Фестивал во Дојран.

Пред основањето на Антена 5, беше дел од програмата Радио Микс на Радио УНО и проектот Радио Топ Листа на Македонија.

Дипломира на Електротехничкиот факултет. Својата кариера како филмски работник ја започнува во осумдесетите години, како монтажер на тон и тон снимател. Во 1985 година работеше како слободен филмски работник во Друштвото на филмски работници на Македонија, а од наредната година работи во продуцентската куќа “Вардар филм”. Во текот на својата кариера учествуваше во реализација на филмски проекти од домашна продукција и странски копродукции, голем број на играни, документарни, краткометражни и долгометражни филмови како “Македонска сага”, “Среќна Нова ‘49”, “Тетовирање” и многу други. Беше член на Друштвото на филмски работници на Македонија и член на Здружението на тонски сниматели на Македонија.

Погребот ќе биде во вторник од 11:30 на Градските Гробишта Бутел во Скопје.

Антена 5 изразува најдлабоко сочувство на семејството и пријателите.

22/10/2025

Еден ден ќе раскажувам во маало, седиме во Лондон, јас, Милчо, Влатко Стефановски, Виле (екс-Мултимедиа), Мишко (Fx3x), кај кралот дома... Влатко му подари свој албум, Милчо му даде домашно да го гледа Before the Rain, јас нешто треснав на англиски и така сите ние по нешто, а тој нѐ слуша, се насмеа, ни кажа пар гачки, не бараше селфи, почасти од неговиот bio apple juice и ни подари една убава вечер дружејќи се со Докуфест, Сараево Филм Фестивал, Exit, Раде Шербеџија, Британски Совет итн... Беа тука и пар премиери, нашиот, Рама, Курти, Мацут и така, тие отидоа порано дома, а ние останавме да го допиеме сокот и да ги пробаме сите колачиња.

Punks not dead!
-Л.К.

20/10/2025

Ana Konstrakta Đurić и Kiril Džajkovski ќе настапат како специјални гости на концертот во чест на ВЛАДА ДИВЉАН, на 17.11. во Филхармонија!

КОНСТРАКТА и КИРИЛ ЏАЈКОВСКИ, специјални гости на скопскиот концерт во чест на Влада Дивљан!

„ИМАМ САМО ЕДНА ЉУБОВ“
17 ноември 2025 | Филхармонија, Скопје.

Иновативните уметници кои го восхитија светот и поставија нови музички стандарди на балканската сцена, ќе настапат заедно со музичарите од бендот „Невладина Организација“ сочинет од долгогодишните пријатели и соработници на Влада: Зденко Колар, Саша Шандоров, Борис Буњац, Марко Миливојевиќ, како и подмладокот Дамјан Дашиќ и Марко Чалиќ.

Единствена прилика за публиката, заедно со бендот повторно да ги доживее безвременски хитови и музиката од богатиот опус на Влада Дивљан, од периодот на Идоли, преку соло делата со групата Олд Старс, па Невладина организација и Љетно Кино.

Не пропуштај!
Влезници: https://mktickets.mk/event/vlada-divljan-nvo/