https://www.facebook.com/103779098036871/

Kyi Thar, Yangon (2025)

30/01/2025

လူရွေးပေါင်းတယ်ဆိုတာ
*င်ခေါင်းကျယ် တာမဟုတ်ဘူးဗျ

ခင်ဗျားပေါင်းတဲ့သူတွေရဲ့
အတွေးအခေါ်တွေက ကူးစက်မြန်တယ်

ဝတ်တဲ့ fashion
ပြောတဲ့စကားလုံးကစလို့

တန်ဖိုးထားတဲ့အရာတွေကအစ
အကုန်ကူးစက်နိုင်တာမို့

အလာကားနေ လောကကြီးက
ငါ့ကိုတစ်ခုခုပေးမှာ

ငါသာမှန်တယ်
တလောကလုံးမှားတာ

ငါထမလုပ်သေးလို့
လုပ်ရင် ထိပ်ဆုံးရောက်မှာ

တစ်ခုခုရလာမှ (အမွေ)
တစ်ခုခုစမယ်လို့ဆုံးဖြတ်ထားတဲ့သူတွေ

ကိုယ့်အနားမှာရှိနေပြီဆိုရင်
ဟိုး...... အဝေးကြီးပြေးတော့

အဲ့လို ဘူတွင်းနက်နေတဲ့သူတွေနဲ့
ဘယ်နည်းနဲ့မှ ရှေ့ဆက်လို့မရဘူး

တကယ်ဖြစ်ချင်တဲ့သူ
ပြောင်းလဲချင်တဲ့သူ
ရုန်းထွက်ချင်တဲ့သူတွေက

လေမကျယ်ဘူး အာမချောင်ဘူး
အသံမထွက်ဘူး ကိုယ်လုပ်စရာရှိတာကိုပဲလုပ်တယ်

လိုတာထက်ပိုမပြောဘူး
ရှိတာထက် ပိုမကြွားဘူး
ရတာထက်ပိုမသုံးဘူး

ကိုယ်တိုင်က ဘူတဲ့သူဖြစ်နေရင်
အဲ့ ၃ ခုကိုသာအရင်ပြင်လိုက်
လောကကြီးကို အသစ်မြင်သွားလိမ့်မယ်

ကိုယ်နားမှာရှိတဲ့သူတွေက
အဲ့လိုလူတွေလားဆိုတာကို ကြည့်တတ်ဖို့

လူကြောနပ်ဖို့ ( လူကဲခတ်တတ်ဖို့ ) လိုတယ်

လူကြောမနပ်ရင်ဘူတောထဲက
ထွက်မှာမဟုတ်ဘူးမိတ်ဆွေ🙏

#မူရင်းရေးသားသူအားလေးစားစွာဖြင့်creditပေးပါသည်

စာပေလေးတွေကို ကြိုက်နှစ်သက်တယ်ဆိုရင် Page လေးကို Like & Follow နိုပ်ပေးသွားကြပါဦး နော်🙏🙏🙏

အားလုံးဘဲရွှင်လန်း ချမ်း‌မြေ့ကြပါစေ။

19/01/2025

ဘဝမှာ -
[ No.1 ] ပိုက်ဆံစုပါ ။
[ No.2 ] တတ်နိုင်သမျှ ပေးကမ်းပါ ။
[ No.3 ] စိတ်ဓာတ်ကို အဆင့်အတန်းမြင့်မြင့်ထားပါ ။

[ No.4 ] အပေါင်းအသင်းကောင်း များများပေါင်းပါ ။

[ No.5 ] အကောင်းမြင်စိတ် မွေးနိုင်အောင်လုပ်ပါ ။

[ No.6 ] လူတွေရဲ့ ကဲ့ရဲ့မှုကို သိပ်အလေးမထားပါနဲ့ ။

[ No.7 ] အရာအားလုံးဟာ ကိုယ်နဲ့ဆိုင်နေတာ မဟုတ်ပါဘူး
မဖြစ်သေးတာကိုတွေးပြီး မစိုးရိမ်ပါနဲ့ ။
လက်ရှိကာလကို အကောင်းဆုံးနေပါ ။

[ No.8 ] စည်းကမ်းရှိပါ ၊ သပ်သပ်ရပ်ရပ် ဝတ်ဆင်ပါ ။

[ No.9 ] စာများများဖတ်ပါ ။
{ ပိုက်ဆံမရပေမယ့် နှိုင်းလို့မရတဲ့ပညာတွေရပါတယ် }

[ No.10 ] ကိုယ်ထူးချွန်တဲ့အလုပ်ကနေ အောင်မြင်အောင်လုပ်ပါ ။

[ No.11 ] အလုပ်တစ်ခုကို တစိုက်မတ်မတ်လုပ်ပါ ။
အောင်မြင်မှုက အနှေးနဲ့အမြန် ရောက်ပါလိမ့်မယ် ။

[No.12 ] ကျေးဇူးရှိဖူးရင် ကျေးဇူးတရားမမေ့ပါနဲ့ ။

[ No.13 ] ကိုယ်ယုံကြည်ရာ ကိုးကွယ်ပါ ။
ယုံယုံကြည်ကြည် ကိုးကွယ်ပါ ။
{ အကျိုးကျေးဇူးကို တစ်နေ့ခံစားရပါလိမ့်မယ် }

[ No.14 ] ကံကိုမယုံပါနဲ့ ။
{ ကံဆိုတာအလုပ်ပါ ။ အလုပ်ကောင်းရင်ကံကောင်းမယ် }

[ No.15 ] ကိုယ့်ကိုယ်ကို ယုံကြည်မှုအပြည့်ရှိပါ ။
ကိုယ့်ကိုယ်ကိုသာ အားကိုးပါ ။ ။

{ အကောင်းကိုလက်ခံနိုင်သလို
အဆိုးကိုလည်းခံနိုင်အောင် ကြိုးစားပါ } 🚩

- Burmese Duwon

19/01/2025

စိတ်ညစ်နေလားသူငယ်ချင်း...
မင်းလိုပဲ စိတ်ညစ်နေသူတွေ အများကြီးပါ။

တစ်ယောက်ယောက်ကို
ရင်ဖွင့်ချင်နေလား သူငယ်ချင်း..
ခဏတော့ သည်းခံ မျိုသိပ် လိုက်ပါ...

တစ်ခါတစ်လေကျရင်လေ
ဒီနေ့ ပြောချင်နေတဲ့ စကားကို
နောက်တစ်ရက် ရွှေ့လိုက်လို့လည်း
အများကြီး နောက်ကျ မသွားပါဘူး ။

မင်းမမျိုသိပ်နိုင်တော့ရင်
နောက်နေ့မှ..ငါ့ကိုပြောပြနော်...

သေချာပါတယ် နောက်နေ့ကျ
ငါမေးတဲ့အခါ..
မင်းက "ဒီလိုပါပဲ
ဘာမှ မဟုတ်တော့ပါဘူး "
လို့ ပြန်ပြောလိမ့်မယ်။

ဒီလိုပါပဲ သူငယ်ချင်း..ခံစားချက်ဆိုတာ...
အရှိန် တက်နေတုန်းတော့ ရင်နဲ့အမျှပါပဲ....
တစ်ရက်ထက်တစ်ရက်
ရက်ကြာလာတာနဲ့အမျှ
အနယ်ထိုင်သွား လိမ့်မယ်။

အဲ့ဒီ အခါမှာ မင်း..
တစ်ချို့ခံစားချက်တွေကို
ပြန်ပြောပြချင်စိတ် မရှိတော့ဘူး..

တချို့ခံစားချက်တွေကို
ဥပက္ခာ ပြုတတ်လာမယ်....

တချို့ခံစားချက်တွေကို
မင်းပြန်သုံးသပ်တတ်လာမယ်....

တချို့ခံစားချက်တွေကို
သင်ခန်းစာ ယူတတ်လာမယ်...

တချို့ခံစားချက်တွေက
ဟာသ ဖြစ်သွားမယ်....

တချို့ခံစားချက်တွေက
တစ်ကယ်တွေးကြည့်ရင် ဘာမှ မဟုတ်ပါဘူး...

မင်းစဉ်းစားကြည့်
မင်းခံစားချက်တွေကို ငါ့ကိုရင်ဖွင့်ရင်
မှန်လား မှားလားဆိုတာ....

မစာနာလို့ပြောတာမဟုတ်ဘူးနော်
ကိုယ်ချင်းစာလို့ ပြောပြတာ....

မင်းစကားအဖတ်တင်
ကျန်မနေစေချင်လို့ပါ...မင်းခံစားချက်ကို
လူတကာလိုက်ပြောရအောင်
ဝတ္ထုတစ်ပုဒ်မှမဟုတ်ပဲ...
ရင်နဲ့အမျှ ခံစားခဲ့ရတာ တွေလေ

ပြောပြရင်တော့ နားထောင်ကြမှာပဲ..
နားထောင်လို့ ကောင်းတာကိုး..
အပြည့်အဝ ထပ်တူ
ခံစားပေးလိမ့်မယ်လို့ မင်းထင်သလား...

သူတို့က မင်းမဟုတ်ဘူးလေ ....
မင်းအကြောင်းကို မင်းသာ အသိဆုံး....
မင်းခံစားချက်ကိုလည်း မင်းသာ အသိဆုံး ...

ဘာလုပ်သင့်တယ်ဆိုတာ
မင်းသာ အသိဆုံး ဖြစ်ရမှာပေါ့...

ငါပေးတဲ့ အကြံက
ဘယ်လောက်မှန်နိုင်မှာမို့လို့လဲ...
ငါခိုင်းတဲ့ အတိုင်းကော
မင်းလိုက်လုပ်မှာမို့လို့လား

စိတ်ပေါ့သွားရုံသက်သက်နဲ့တော့
ရင်မဖွင့်ပါနဲ့....မင်းခံစားချက်တွေ
တန်ဖိုးမဲ့ သွားမှာ ...
စကား အဖတ်တင်ကျန်ခဲ့မှာ စိုးလို့ပါ..

တစ်ချို့ခံစားချက်တွေက
ခံစားရတဲ့သူတိုင်း
မှန်နေတယ်လို့ ပြောလို့မရဘူး..
နေရာတိုင်းမှာ အကြောင်း
အကျိုးဆက်နွယ်မှုတွေရှိနေတတ်တာကို
မမေ့ဖို့တော့ မှာချင်တယ် ....

နွားသိုးမှန်ရင် ဂျိုချက်နဲ့ မကင်းပါဘူး ...
ရင့်ကျက်မှုဆိုတာကလည်း
ရင်ထဲက အနာတရတွေက
တစ်ဆင့် ရလာတာ....
ဘဝအတွေ့အကြုံတွေကနေ
တစ်ဆင့်ရလာတာပါ...

ဒဏ်ရာမရှိတဲ့
နှလုံးသားပိုင်ရှင်ဖြစ်ချင်ရင်တော့
မင်းကလေးလေးပဲလုပ်တော့..
ဘယ်တော့မှ လူလားမြောက်လာမှာ မဟုတ်ဘူး..

စိတ်ညစ်ပြေသွားပြီလားသူငယ်ချင်း ....
စိတ်ညစ်မပြေသေးဘူးဆို
နောက်နေ့တွေကျမှ
ငါ့ဆီလာ ရင်ဖွင့်လိုက်ပါ......☘️

19/01/2025

အိပ်ယာကို ထချင်တဲ့ အချိန်မှ
ထနိုင်ဖို့ အတွက် ...

မထချင်ဘဲ ကြိတ်မှိတ်ပြီး
ထခဲ့ရတဲ့ နေ့တွေကို အရင်
ဖြတ်ကျော် ရတတ်တယ်။

စားချင်တာကို စျေးမကြည့်ဘဲ
ဝယ်စားနိုင်ဖို့ အတွက် ...

စားချင်စိတ်ကို ကြိတ်မှိတ်သည်းခံရတဲ့
နေ့တွေကို အရင်ဖြတ်ကျော်ရတတ်တယ်။

သွားချင်တဲ့ ခရီးကို ချက်ချင်း
ထသွားနိုင်ဖို့အတွက် ...

သွားချင်ရဲ့နဲ့ ကြိတ်မှိတ်ပြီး
အလုပ်တွေ လုပ်နေရတဲ့ နေ့တွေကို
အရင် ဖြတ်ကျော်ရတတ်တယ်။

" ကိုယ်ဖြစ်ချင်တာတွေ ဖြစ်ဖို့
ကိုယ် မလုပ်ချင်တာတွေကို
အရင်လုပ်ပြီး ပေးဆပ်ရတာ
လောကသဘာဝပဲ။ "

အခု " အသာစံပြီး "
နောက်မှ " အပင်ပန်းခံ " မလား။

ဒါမှမဟုတ် ..

အခု " အပင်ပန်းခံပြီး "
နောက်ပိုင်းမှာ " အသာစံ " ချင် တာလား။

သင်စိုက်တဲ့အတိုင်း သင်ရိတ်ရမှာမို့
အဖြေက သင့်မှာပဲ ရှိပါတယ် မိတ်ဆွေ။ ✅

19/01/2025

ကိုယ့်အတွက်မဟုတ်ရင်
မသိမသာလေးတောင်မကြည့်နဲ့...။

ပိတ်ထားတဲ့တံခါးတွေကိုလည်း
လက်အနာခံပြီးမခေါက်နဲ့....။
စိတ်လည်းမဝင်စားနဲ့...။

မချိုတဲ့မျက်နှာတွေကိုမပြုံးပြနဲ့
မလိုတဲ့တံခါးရှေ့လည်းမရပ်နဲ့
လူတချို့ပြတ်တယ်ဆိုတာထက်
ပိုပြတ်နိုင်တဲ့လုပ်ရပ်မျိုးကို
ပိုလုပ်နိုင်တဲ့သူဖြစ်ရင်
ပိုကောင်းတယ်...။

စိတ်တိုင်းမကျရင်
စိတ်အမောမခံနဲ့
သဘောမကျရင်မရောနဲ့....။
အပေါစားဆန်စရာ
ဘာအကြောင်းမှမရှိဘူး..။

အေးအေးလေးပဲနေ..
ရိုးရိုးရှင်းရှင်းလေးပဲစိတ်ကိုထား
မာနထားတတ်အောင်လည်းကြိုးစား..။

တစ်ခါတစ်ရံမှာ..
မာနထားလိုက်ခြင်းက
ကိုယ့်အတွက်..
အဆိုးတွေကိုဖယ်ရှားပေးပါတယ်။

#အသိပညာ #ဗဟုသုတ #စာပေ #အလွမ်း #အဆွေး #ခံစားချက်

15/01/2025

မတော်တဆ လည်ချောင်းမှာ ငါးအရိုးစူးလျှင်
ဒါတွေလုပ် လိုက်ပါ .

ငါး အရိုးမျက်လျှင် အတော့်ကို ခံစားရခက်သည်မှာ အားလုံးလည်း သိပြီးဖြစ်မှာပါ။ တစ်ခါတရံ ခဏလေးနဲ့ ပျောက်သွားပေမယ့် အခန့်မသင့်လျှင်ဆေးရုံတက်ပြီး
လည်ချောင်းကနေ
ခွဲထုတ်ရတဲ့အထိ ဖြစ်တတ်ကြပါတယ်။ ဒါ့ကြောင့် ငါးအရိုးမျက်လျှင် အလွယ်တကူပြုလုပ်နိုင်မယ့် အိမ်တွင်းကုထုံးလေးများကို ရသမျှစုစည်း၍ တင်ပေးလိုက်ပါတယ်။
ကိုယ်နဲ့ အဆင်ပြေရာနည်းကို ပြုလုပ်နိုင်ကြပါတယ်။

(၁) သံပုရာသီးကို အခွံမာများခွါ၍ အလုံးကို သွားကြားထိုးသံဖြင့် အပေါက်လေးများ ထိုးဆွထား၍ခေတ္တမျ ငုံထားပါ။ အရည်ကို တဖြေးဖြေး မျိုချပေးပါ။ အချဉ်ဓါတ်က ငါးရိုးများကိုတိုက်စားသွားပေလိမ့်မည်။

(၂) ငှက်ပျောသီး စားပါ။ ဘာငှက်ပျောသီးဖြစ်ဖြစ်အဆင်ပြေပါသည်။

(၃) ကြက်ဥအကာကို သောက်ပေးပါ။ ငါးရိုးသည်အချွဲများနှင့်အတူ ကျသွားမည်။

(၄) သံပုရာသီး သို့မဟုတ် သံပုယိုသီးကို ၄ စိတ်ခွဲ၍ ပါးစပ်ဟကာ အာခေါင်ထဲကို တစ်စိတ်ချင်းစီ အရည်ညျစ်၍ သံပုရာရည်ကို ခေတ္တငုံထားပါ။ ပြီးမှ ရေသောက်လိုက်ပါ။ ငါးရိုးမျက်ခြင်းပျောက်ကင်းသွားလိမ့်မည်။

(၅) ဇီးဖြူသီးကို အလုံးလိုက် ဝါးစားပြီး အရည်ရော အဖတ်ပါ မျိုချပါ။ ငါးရိုးများ အရည်ပျော်ကျသွားပါလိမ့်မည်။

(၆) ရေများများ သောက်ပါ။ သောက်ရေထဲကို ဆားအနည်းငယ် ခတ်၍ သောက်ပါ။ ဆားဓါတ်က ငါးရိုးကို အမြတ်ချေဖျက်ပေးနိုင်ပါသည်။

(၇) သံလွင်ဆီ အနည်းငယ်ခန့်ကို သောက်ပါ။ ငါးရိုးများ ဆီနှင့်အတူ လျှောကျသွားမည်။ လည်ချောင်းနာလည်း ပျောက်မည်။

(၈) လိမ္မော်ရည်၊ သံပုရာရည်တို့ကို ဖျော်သောက်ပါ။ ၄င်းတို့မှာ ပါ၀င်သည့် Citric Acid က ငါးရိုးများကို အမြန်ကျေသွားစေပါသည်။

(၉) ထမင်းပူပူနွေးနွေးကို အနေတော်ခန့် လက်ဖြင့်ဆုပ်လုံး၍ မျိုချပါ။ အာခေါင်တွင် ကပ်ညှိနေသော ငါးအရိုးများ အောက်ကို ထိုးကျသွားပါမည်။

(၁၀) ယခုခေတ်တွင် ပေါများနေသော Coke, Pepsi စသည့် ဂက်စ်ပါ၀င်သည့် အချိုရည်တို့ကို သောက်ပါ။ ငါးရိုးကို အမြန်ပျော့သွားစေပါသည်။

သတိပြုရန်

ငါးရိုးမျက်နေစဉ် လည်ချောင်းအပြင်ဘက်မှ ဖိခြင်း၊ နှိပ်နယ်ခြင်းများ မပြုလုပ်ပါနှင့်။ သင့်ပတ်၀န်းကျင်မှာလည်း ငါးရိုးမျက်၍ ဒုက္ခရောက်သူများအတွက် ဒီ Post လေးကို Share ပေးနိုင်ကြပါတယ်။ အားလုံးပဲ ဘေးအန္တရာယ် ကင်းရှင်းနိုင်ကြပါစေ။

15/01/2025

ဒီပုံထဲကလူကြီးကို ကျေးဇူးတင်တယ်ဗျာ
သွေးတိုးတာ ၁၆၀ ဆိုရင်မခံနိုင်တော့ဘူးလည်ပင်းတွေအစ်ထလာပြီးစုံးဖမ်းသလိုနတ်မမ်းသလိုလိုနဲ့ ဂေါင်းတွေကိုက် မျက်စိတွေမှုန်ဝါးလာပြီး ခေိထောက်တေလက်တေ လေးလံထိုင်းမှိုင်းလာပြီး လေငန်းဖြတ်ဖို့ချည်လုပ်နေတယ်
အရင် ၂ ခါလဲ လေငန်းဖြတ်ဖို့လုပ်လို ဆေးရုံ ပြေးရသေးတယ်

သူပြောတဲ့အတိုင်းလုပ်ထား
အခု သွေးမတိုးတော့ဘူး သူပြောတာတော့ ၃ ရက် ဆက်တိုက် မနက်တကြိမ် နေ့လယ်တကြိမ် ညတကြိမ် ၃ ရက် ဆက်သောက်ရင် အနဲဆုံး ၆လ လောက်ကတော့ အေးဆေးပဲတဲ့ စားချင်တာစားလို့ရတယ်ဆိုပဲ
ကျနော်ကတော့အခုမှသောက်ထာဆိုတော့ သွေးတိုးကျတာပဲသ်ိသေးတယ်
ဓါတ်ပြောင်းတာဖြစ်မယ်

ဘဲဥတလုံး သံပုရာသီတလုံးအရည်အကုန်နဲ့ ဖျော်

အမယ်နည်းရှိသဗျ
သံပုရာသီးကို တချမ်းခွဲ ဖန်ခွက်ထဲအရင်ထည့် အစေ့တွေဆယ်ပစ်လိုက်
ဘဲဥ ကို ခွဲထည့်လိုက် အဲဒါကို နာနာခေါက်ဖျော်လိုက်ဗျာ
သောက်တော့မယ်ဆိုရင် ရေအဆင်သင့်ယူထား
အသက်ကို ဝအောင်ရှူပြီအောင့်ထားလိုက် ချိုက်ခနဲနေအောင်သောက်ချလိုက် အသက်မရှူနဲ့အုံးနော် သောက်ပီး ပလုပ်ကျင်းလိုက် ပီးမှအသက်ရှူ အနဲငယ်လောက်ပဲညှီနံ့ရပါတယ်
ဘဲဥဘာအရသာမှမရှိဘူး နဲနဲချင်တာပဲရှိတယ်
တနေ့့၃ ချိန်ပေါ့နော် ၃ ရက်ဆက်သောက်ထာ သွေးတိုး ပြေးတော့တာပဲဗျို့

အဲ သံပုရာသီးပါတဲ့အတွက် ဖျားနေသူများမတည့်သေးပါ အဖျားပြတ်တော့ဆက်သောက်ပေါ့ အကိုက်အခဲပျော်ဆေးတွေနဲ့တော့ နီးနီးစပ်စပ်မသောက်ထာကောင်းတယ်

သွေးတိုးသမားတွေသောက်ကြစမ်းပါလို့
တိုက်တွန်းလိုက်ရပါတယ်

ဖတ်မိတဲ့သူများ ရှယ်ပေးပါရန် မေတ္တာ ရပ်ခံပါတယ်ခင်ဗျား

ဒီလူကြီးပဲကျေးဇူးတင်နေတော့တယ်

15/01/2025

"မကျော်သင့်သောစည်းကလေးများ"

လူတစ်ယောက်နဲ့တစ်ယောက်ကြားမှာ
စည်းလေးတစ်ခုတော့ထားပေးပါ.

သူငယ်ချင်းပဲဖြစ်ဖြစ်
ချစ်သူချင်းပဲဖြစ်ဖြစ်
မောင်နှမကြားမှာပဲဖြစ်ဖြစ်
မိဘနဲ့ဆရာ ကြားမှာပဲဖြစ်ဖြစ်.
နောက်ဆုံး မိဘနဲ့သားသမီးကြားမှာတောင်
စည်းလေးတစ်ခုရှိရပါမယ်

လိုတာထက် ပိုမဝင်မိစေဖို့...
သူ့ရဲ့ကိုယ်ပိုင်ဆုံးဖြတ်ချက် ကိုယ်ပိုင်ခံယူချက်
သူ့ရဲ့လွတ်လပ်ခွင့် သူ့ရဲ့ရည်မှန်းချက်
သူ့ရဲ့ပြင်လို့မရတဲ့ဗီဇနဲ့စရိုက်တွေအတွက်
ကိုယ်က ဝင်ရောက်သင့်တဲ့အတိုင်းအတာထက်
ပိုပြီးမဝင်မိစေဖို့....
မေးသင့်မေးထိုက်တာထက်
ပြောသင့်ပြောထိုက်တာထက်ပိုပြီး
ဘောင်တွေမကျော်ဖို့အတွက်
စည်းတစ်ခုထားကိုထားရပါမယ်...

အရမ်းချစ်ကြတဲ့သူတွေ
ဘာလို့မုန်းသွားကြသလဲ?
အရမ်းခင်ကြတဲ့မိတ်ဆွေတွေက
ဘာလို့အမုန်းဆုံးရန်သူတွေဖြစ်သွားကြသလဲ?
အရင်ကအရမ်းအဖွဲ့ကျ
စားအတူသွားအတူပျော်ခဲ့ကြတဲ့ သူတွေ
ဘာလို့ခပ်တန်းတန်းတွေဖြစ်ကုန်ကြသလဲ?
ဘာလို့ တစ်ယောက်နဲ့တစ်ယောက်အထင်မကြီး
မလေးစားကြတော့တာလဲ...?

ပြဿနာအများစုရဲ့အဖြေကတော့
လိုတာထက်ပိုပြီး စည်းတွေကျော်
ဘောင်တွေနင်းခဲ့ကြလို့ပါ...

အဆင်ပြေနေတုန်းတော့ အဆင်ပြေနေတာပေါ့

ကိုယ့်အတွေးကိုယ့်အမြင်တွေကို
သူကလက်မခံတဲ့အခါ ရန်တွေဖြစ်လာကြတယ်..

သူ့ရဲ့စည်းလွတ်ဘောင်လွတ် နယ်ချဲ့ပြီး
မိမိအတွင်းရေးအထိ ပါဝင်လာတာကိုလည်း
ကိုယ်တိုင်က အရင်လိုမနှစ်သက်နိုင်တော့ပါဘူး

အဲဒီအခါမှာတော့...
သူ့အပေါ်ကိုယ်မြင်ခဲ့တဲ့ ကိုယ်အထင်ကြီးခဲ့တဲ့
အားသာချက်တွေအပြင်
ကိုယ်လက်ခံလို့မရတဲ့ ကိုယ်မကြိုက်နှစ်သက်တဲ့
သူ့ရဲ့ character တွေပါသိလာရတဲ့အချိန်မှာ
စည်းတွေတော်တော်ကျော်နေပါပြီ...

အကောင်းမြင်တာတွေမှေးမှိန်ပြီး
မကောင်းမြင်ချက်တွေ
အားသာလာတဲ့အချိန်မှာတော့
လူနှစ်ဦးရဲ့ဆက်ဆံရေးဟာ အရင်ကလိုမနွေးထွေးနိုင်တော့ပါဘူး...

သူကငါထင်သလိုမဟုတ်ဘူး ဆိုတာတွေ
သူကမိတ်ဆွေကောင်းမဟုတ်ဘူး ဆိုတာတွေ
တွေးမိလာကြပါတယ်

တကယ်တော့
လူတိုင်းရဲ့အတွင်းစိတ်မှာ
weak point တွေရှိနေပါတယ်
မရင့်ကျက်မှုတွေရှိတယ်
မပြည့်ဝတာတွေလည်းရှိနေပါတယ်..

အပေါ်ယံကသာ လူတွေနဲ့အဆင်ပြေဖို့
လူအထင်ကြီးဖို့ ရုပ်ဝတ္ထုပစ္စည်းတွေ
အပြုံးတုတွေနဲ့ဖုံးကွယ်ထားကြတာပါ..

ခက်တာက လူတွေက
ကိုယ်တိုင်သာကောင်းအောင်မနေနိုင်ကြတယ်
သူများကိုတော့ကောင်းတဲ့အရာကိုပဲ
မြင်ချင်ကြတာမျိုး ကြုံချင်ကြတာမျိုးပါ....
ဒါ့ကြောင့် သူတပါးရဲ့ weak point တွေနဲ့
ကြုံတွေ့ရတဲ့အခါ
စည်းလွတ်ဝါးလွတ်တွေပြောဆိုကြ
ပြင်ဖို့ကြိုးစားကြ
မရတဲ့အခါ လှောင်ပြောင်ရှုံ့ချကြ
ကဲ့ရဲ့အတင်းပြောကြရင်း စိုသောလက်တွေ
ခြောက်လာကြတာကြုံဖူးကြမှာပါ..

ဒါ့ကြောင့်
လူနှစ်ဦးအနေနဲ့
လူတစ်စုအနေနဲ့ ရေရှည်လက်တွဲသွားဖို့
ရည်ရွယ်တယ်ဆိုရင်....

နေသင့်တဲ့နေရာမှာပဲနေပါ
မမေးသင့်တဲ့အရာတွေကိုမမေးပါနဲ့.
လိုလိုလားလား ရှင်းပြတာကို နားထောင်ပါ.
မသိသင့်တဲ့အကြောင်းတွေကို မသိချင်ပါနဲ့..

ကိစ္စတစ်ခု ပြဿနာတစ်ခုကို
သင်နဲ့ထပ်တူကျဖို့ ဘယ်တော့မှအတင်းအကြပ်
မကြိုးစားပါနဲ့..

ကောင်းဖို့အတွက်စေတနာနဲ့ပြောတာရယ်
ဝင်ရောက်စွတ်ဖက်တာရယ်က
မတူဘူးဆိုတာသိပါ...

မိတ်ဆွေကောင်းဆိုတာ ရိုးသားရပါမယ်
ဒါ့အပြင် အကင်းလည်းပါးရပါမယ်
သူ့စည်းကိုယ့်စည်း ၂ခုစလုံးကို
မပြောဘဲနဲ့အလိုလိုနားလည်ရပါမယ်...

လူနှစ်ယောက်ဟာ
ဘယ်သောအခါမှ
အရာရာအတွက်
ထပ်တူကျနိုင်မယ်မဟုတ်ဘူးဆိုတာလည်း
သိရပါမယ်

ဒါ့ကြောင့်
မချစ်ခင်က မမုန်းဖို့အတွက်
ကြိုတင်ပြင်ဆင်ထားလို့ရပါတယ်

စည်းကလေးတွေ မနင်းမိအောင်ပေါ့....
ဘောင်ကလေးတွေ မကျော်မိအောင်ပေါ့..

15/01/2025

မူရင်းရေးသူ မသိပါ
အသက် ၄၀ အရွယ် ကစ၍ လုပ်သင့်သည့်အချက်များ

■ နေ့တိုင်း နံနက်စာ မှန်မှန်စားပါ

■ ၆ လလောက် ခန္ဓာကိုယ် သန်စွမ်းတဲ့ လေ့ကျင့်ခန်း လုပ်ပါ -
နောက်ပိုင်းမှန်မှန်လမ်းလျှောက်ပါ။

■ ကယ်လ်စီယမ်နဲ့ ဗီတာမင် ဒီကို မှန်မှန်မှီဝဲပါ

■ စိတ်ဖိစီးမူကို ထိန်းချုပ်တတ်အောင် လေ့ကျင့်သင့်နေပါပြီ
ရောဂ၊ တရားထိုင်၊ အသပ်ရူသွင်း/ ထုတ်တဲ့ နည်းများလုပ်ပါ

■ငါး၊ ကြက်သား၊ အခွံမာစေ့များစားပေးရင်
လိုအပ်သည့် ပရိုတင်းဓာတ်ကို ရရှိမယ်
စိတ်ခံစားမူ အဆင့်မြင့်တက်စေ လန်းဆန်းစေတယ်။

■အဖော်နဲ့ ခရီးထွက်ပေးပါ

■သူငယ်ချင်းများနဲ့တွေ့ဆုံပြီး စိတ်ဖိစီးမူလျော့ပါ

■ ပုံမှန် ကျန်းမာရး စစ်ဆေးမူကို ခံယူပါ။
_______________________

အသက် ၄၅ နဲ့ ၆၀ ကြား ဖြစ်တတ်သောရောဂါ

* အရိုး *

● အရိုးတွေ ချောင်လာတယ်

● ဒူးနာတတ်တယ်

● ချဉ်ဆီခမ်းလို့ ဒူးချောင်တတ်တယ်

● ခါးဆစ်ရိုးတွေလည်း နာတတ်တယ်

●ချော်မလဲအောင် ဂရုစိုက်ပါ

● ဒူးကို ကွေးလိုက် ဆန့်လိုက် လုပ်ပေးခြင်းဖြင့် တဖြေးဖြေး နာခြင်းသက်သာလာမယ်။

* ကြွက်သား *

■ ကြွက်သား အားမရှိတာ
အမျိးသားက ၃ ပုံ ၁ ပုံ နဲ့
အမျိုးသမီးက တဝက်လောက် အဖြစ်များတယ် ။

■ ကြွက်သားဆိုတာ လက်မောင်းကြွက်သားနဲ့ ခြေသလုံးကြွက်သား ၂ မျိုးလုံးပါတယ်။

■ လေ့ကျင့်ခဏ်း လုပ်ခြင်းဖြင့် ကြွက်သားအားရှိအောင် လုပ်ပေးကြပါ။

* အကြော၊ အဆစ်

●အကြော အဆစ် နာတတ်တယ်

● ဝတဲ့ သူများ ပိုပြီး ဟိုနာ ဒီနားဖြစ်လွယ်တယ်
( အကြောအားဆေး သောက်ပေးပါ)

● ဦးနှောက် အာရုံကြောက ပိုမရေးကြီးတယ်

● အိပ်မပျော်တာများရင် ထိခိုက်သလို ခဏခဏ မေ့လွယ်တတ်တယ်။

* အတွင်းကလီစာများ *

▪~အသက်ကြီးလာတာနဲ့အမျှ ..
ကိုယ်တွင်းကလီစာတွေက တဖြေးဖြေး အားနည်းလာတယ်။

▪~ နှလုံး၊ ကျောက်ကပ်၊ သရက်ရွက်၊ သည်းခြေ၊ အသည်း
ညဖက် ဆီးခဏခဏ သွားတာနဲ့ ဆီးမခိုင်တာတွေ ဖြစ်တတ်တယ် ။

▪~ အများအားဖြင့်ယောက်ျားတွေက ၄၅ နှစ်ကျော်နဲ့
အမျိုးသမီးတွေကအသက် ၅၀ ကျော်တွေ အဖြစ်များတယ် ။

▪~ ဝမ်းချုပ်များခြင်း ဝမ်းသွားမကုန်ခြင်းနဲ့ အဆီ၊ အပူ၊ အစပ်များစားလို့ အူလမ်းကြောင်းမှ အညစ်အကြေးများရင် အူကင်ဆာ ဖြစ်လွယ်တယ် သတိထားကြပါ။

* နှလုံး *

နှလုံးစဖြစ်ရင်...
●အသက်ရူမဝခြင်း

●ရင်ဘတ်အောင့်ပြီး တချက် တချက် နာခြင်း

● ဘယ်ဘက်ပုခုံး ထုံကျဉ်နာပြီး ကြောကုန်း အပေါ်ဖက်လည်း ညောင်းပြီး အကြောတက် တတ်တယ်။

● အိပ်ရာထချိန် ဇက်ကြောတက်တတ် လည်ပင်းညောင်းတတ်တယ်။

● မျက်လုံး ၂ လုံးပေါ် ကန့်လန့်ဖြတ်စင်းတခု ထင်းကနဲ ပေါ်တတ်တယ်။

● နှလုံးမှာ ( အဓိကကြောက်ရတာ) သွေးကြော ၃ ချောင်းရှိတယ် အားလုံးပိတ်ရင် စက်တပ်ရတယ်။

●နှလုံးသွေးကြော စပိတ်တာနဲ့ အဲဒီလက္ခဏာတွေ ပြင်းထန်ရင် ဆေးရုံမှာ check သွားလုပ်ပါ။

● အဆီတွေလျော့စား လေ့ကျင့်ခန်းလုပ် ရေများများသောက်ကြပါ။

* အသည်း *

◆အသည်းပြဿနာဖြစ်ရင် ညာဖက် ဗိုက်ခေါက် အပေါ်ဘက်ကို နာကျင်တယ်

◆ညာခါး အနောက်ဖက် ညောင်းနာမယ်

◆ညာဖက်ပုခုံး ထုံကျင်ညောင်းနာ

◆ ညအိပ်ချိန် ခြေသလုံး ခဏခဏ ကြွက်တက်တတ်တယ်

◆ အသည်းမကောင်းရင် ည ကောင်းကောင်း အိပ်မပျော်ပါ

◆ ပါးစပ်ခါးပြီး သွားတိုက်ရင် သွေးထွက်လွယ်တယ်

◆အစာ အစားချင် / ခံတွင်းပျက်ပြီး နဲနဲလေးစားတာနဲ့ ဗိုက်ပြည့်လွယ်တယ်

◆ လမ်းနည်းနည်းလေးလျှောက်တာနဲ့ ခြေထောက်ညောင်းလွယ်တယ်

◆ တကိုယ်လုံး နူံးပြီးအားမရှိသလို ခံစားရတယ်

◆ ခြေမခိုင်ဘဲ ချော်လဲလွယ်တယ် / ခြေလိမ်တတ်တယ်

◆ အရက်သောက်များသူများက လျော့သောက်တာနဲ့ အရေပြားယားရင် သတိထားပါ

◆ အသည်းရောဂါ ပိုပြင်းထန်ရင် မျက်နှာအရောင် မွဲခြောက်ခြောက်နဲ့ မဲလာတယ်

◆ အရေပြား ခြောက်သွေ့ လာတယ်/ နှာခေါင်းထိပ်နီလာတယ်

◆ အသား၊လက်ဖဝါး၊မျက်လုံးအိမ်တွေ ဝါလာမယ်

◆ အသည်းစဖြစ်ချိန် တောရုံလက္ခဏာမပြဘူး
ပြတဲ့အချိန်ဆို သိတာနောက်ကျတာ များတယ်
( ခုပြောတာက Taiwan တရုတ်ဆေးနည်းပညာနဲ့ ကြည့်နည်းပါ)

* ကျောက်ကပ် *

¤ ကျောက်ကပ်ပြဿနာကတော့ ခါးနား ကြောနာ မလန်းဆန်းဘူး

¤ ခြေသလုံး ညောင်းလွယ်တယ် အားမရှိဘူး

¤ အသားအရေ ယားယံတတ်တယ်

¤ ဆီးသွားရင် အမြုပ်ထတယ် ဆီးမခိုင်ဘူး

¤ ခြေ လက် အေးတတ်တယ်

¤ ခြေထောက်တွေ ရောင်လာတတ်တယ်

¤ အိပ်မကောင်းဘူး / ခဏခဏနိုးတတ်တယ်

¤ အထိုင်အထ ကြာကြာ မလုပ်နိုင်ဘူး

¤ ခြေသည်းခွံတွေ ကြမ်းလာတယ်

¤ အထူးသဖြင့် ခြေမရဲ့ ခြေသည်းခွံ အရှည်နှေးလာမယ် - ကြမ်းပြီးထူလာတယ်

¤ အထူးသဖြင့် ဆီးချိုသမားတွေ သတိထားပါ -
အမြဲဆေးသောက်ပါ ဆီးချိုချိန်ပါ

¤ ကျောက်ကပ် ပျက်စီးလို့ သွေးအပေါ်မတက်နိုင်ရင်လည်း မူးတတ်တယ်

¤ သွေးပေါင်ကျလည်း မူးတတ်တယ် ကျောက်ကပ်ကို အထူးဂရုစိုက်ပါ

* သရက်ရွက် *

◆ သရက်ရွက် မကောင်းရင် ခေါင်းတခြမ်းကိုက်တတ်တယ်

◆ လည်ပင်း ဇက်ကြော တက်လွယ်တယ်

◆ ဝမ်းချုပ် ဝမ်းလျော ၂ မျိုးလုံးဖြစ်တတ်တယ်

◆ အစာချေဖျက်မူ ကောင်းအောင် လုပ်နိုင်ပြီး ဝမ်းမှန်ရင် ခေါင်းကိုက် ပျောက်လွယ်တယ်

◆ ခေါင်းကိုက်တိုင်း အကိုက်အခဲ ပျောက်ဆေး သိပ်မသောက်ပါနဲ့

◆ အကိုက်အခဲပျောက်ဆေးက အသောက်များရင် ကျောက်ကပ်နဲ့ အစာအိမ် အူလမ်းကြောင်းကို ထိပြီး သွေးယိုတတ်တယ်

◆ ဝမ်းသွား သွေးပါရင် သတိထားပါ
( သွေးရောင်နီတာက လိပ်ခေါင်းကြောင့်ဖြစ်နိုင်သလို သွေးရောင် မဲညစ်ညစ်ဆို အစာအိမ် အူလမ်း ကြောင်းရဲ့ နံရံပါး ( သို့ )ပေါက်ပြီး ဖြစ်တတ်တယ်။

◆ ကိုယ့်ဝမ်းသွားတိုင်း ကိုယ့်ဝမ်းပုံစံကိုအမြဲကြည့်ပါ
(ရှောကနဲ အဖြောင့်လိုက်သွားပြီး ဖင်မကပ်ရင်အကောင်းဆုံးပါ)
(ပြတ်တောင်း ပြတ်တောင်း ဆိတ်ချီးတုံးပုံဆို ဝမ်းမစင်ပါ)

◆တခါတလေ မနက်ရေနွေးသောက်လို့ မနက်ပိုင်း ဝေါကနဲ ပန်းတာမျိုးက အပူတွေထုတ်ပစ်တာ ကြောက်စရာမလို - ကောင်းတယ် -
(တရက်လုံး ပန်းရင်တော့ ဝမ်းလျောပြီ)

◆ အကောင်းဆုံးက နေ့တိုင်း ဝမ်းမှန်အောင်လုပ်ပါ ( စကားပုံရှိပါတယ် ဝမ်းတလုံး
ကောင်းရင် ခေါင်းမခဲဆိုတာ)

* အူမကြီး *

● အူမကြီးမကောင်းရင်ပါးစပ်ခါးပြီး တချိန်လုံးရေသောက်ချင် ရေငတ်တတ်တယ်

● နှာခေါင်းပိတ်တတ် နှာရည်ယိုတတ်တယ်

● သွားပိုးမစားပဲ သွားကိုက် သွားနာ ဖြစ်တတ်တယ်

● လည်ပင်းရောင် ဖောင်းတတ်တယ်

● တော်ရုံ အနည်းငယ်လေးတာတောင် အလေး မ , မ နိုင်ပါ

● ဝမ်းချုပ်ရင်လည်း သွားကိုက်တတ်တယ်
( အပူများတဲ့သဘော )

● ဝမ်းချုပ်ရင် ခါးလည်း တခါတလေ နာတတ်တယ်

● အူမကြီးက ဝမ်းနဲ့ဆိုင်တယ်

● ခုကမ္ဘာမှာ အူမကြီးကင်ဆာက နံပါတ် ၂ စွဲနေတယ်

● လူတွေက အစာတွေ စုံအာင်စားပြီး ဝမ်းအဖြစ် အညစ်အကြေးတွေကို မထုတ်ပစ်လို့
နဲနဲစီ အူနံရံမှာ ကပ်ပြီး ကြာတော့ အညစ်အကြေးကနေ ကင်ဆာဖြစ်သွားတယ်

●အစာအိမ်ကနေ အူနံရံပါး. အနာဖြစ်.ပြီးသွေးယိုလဲ ကြာရင်ကင်ဆာဖြစ်တတ်တယ်

●အစာအိမ်နဲ့ အူလမ်းကြောင်းက ဆက်နေတယ်
( အစာမခံပဲ ဗိုက်ဆာရင်စားပါ)

● အပိန်ကျင့်ပြီး အစာမစားတာလည်း မလုပ်ပါနဲ့

●အစာအိမ် အချဉ်ပေါက်ပြီး လည်ပြွန်ပေါ် ပြန်တက်တာလဲ အပူအစပ်ရှောင်ပါ

● နည်းနည်းချင်းနဲ့ အကြိမ်အရေအတွက် များများစားပါ
(တခါတည်းအများကြီးမစားပါနဲ့)

● တချို့ကျတော့ ဘယ်လောက်စားစား မဝ ဘူး- ပိန်ပိန်ပဲ ဒါမျိုးကကျန်းမာရင် ပြဿနာမရှိပါ။

● သို့သော် ဘယ်လောက်စားစား (သို့ ) မစားနိုင်ပဲ ပိန်ပိန်လာပြီး လက်ဆစ်တွေ ငေါထွက်လာရင် ဂေါက်ရောဂါနဲ့ အစာအိမ်က စုပ်ယူအား မကောင်းတော့ဘူး ဗီတာမင်မယူနိုင်တော့ဘူး။
( ဆရာဝန်နဲ့ သေချာပြပါ )

● ဂေါက်ရောဂါရှိရင် ဘီယာနဲ့မတဲ့ပါ

● ရေချိုးရင် မချော်တတ်တဲ့ဘိနပ်စီးပြီးချိုးပါ

● ခြေထောက်နဲ့ ကျောက်ပြား တိုက်ရိုက်ထိ အေးရင်လည်း အကြောချဉ် ကိုက်တတ်

● ချော်လဲကျလွယ်တယ်

● အသက်ကြီးရင် အရိုးတွေက weak ဖြစ်နေပြီး အရိုးအားဆေးစားပါ

● ချော်မလဲကျပါစေနဲ့

* အသက် ၄၀ အရွယ် * ကစ၍လုပ်သင့်သည့်အချက်များ

■ နေ့တိုင်း နံနက်စာ မှန်မှန်စားပါ

■ ၆ လလောက် ခန္ဓာကိုယ် သန်စွမ်းတဲ့ လေ့ကျင့်ခန်း လုပ်ပါ -
နောက်ပိုင်းမှန်မှန်လမ်းလျှောက်ပါ။

■ ကယ်လ်စီယမ်နဲ့ ဗီတာမင် ဒီကို မှန်မှန်မှီဝဲပါ

■ စိတ်ဖိစီးမူကို ထိန်းချုပ်တတ်အောင် လေ့ကျင့်သင့်နေပါပြီ
ရောဂ. တရားထိုင်. အသပ်ရူသွင်း/ ထုတ်တဲ့ နည်းများလုပ်ပါ

■ ငါး ကြက်သား အခွံမာစေ့များစားပေးရင် လိုအပ်သည့် ပရိုတင်းဓာတ်ကို ရရှိမယ် စိတ်ခံစားမူ အဆင့်မြင့်တက်စေ လန်းဆန်းစေတယ်။

■အဖော်နဲ့ ခရီးထွက်ပေးပါ

■သူငယ်ချင်းများနဲ့တွေ့ဆုံပြီး စိတ်ဖိစီးမူလျော့ပါ

■ပုံမှန် ကျန်းမာရး စစ်ဆေးမူကို ခံယူပါ။

* အသက်ကြီးသူများလိုက်နာရန် *

မျောက်လို လူပ်ရှား
ကြောင်လိုစား
နွားလိုရေသောက်
လိပ်လိုလျှောက်
တုတ်ထောက်မပျင်းနှင့် ..

●မျောက်လိုလူပ်ရှား -
အသက်ကြီးလာလျှင် လူပ်လူပ်ရှားရှားနေပါ လူပ်ရှားမူ မရှိပါက
အကြောများဆိုင်း၍ လူမမာဖြစ်တတ်သည်။

●ကြောင်လိုစား -
လူကြီးများက နည်းနည်းနဲ့ မကြာခဏအစာကို စားမှ အစာကို ကျေညက်စေနိုင်သည်။
တကြိမ်တည်း များစွာမစားရ။

●နွားလိုရေသောက် -
ဆီး ဝမ်းမှန် စေရန်အတွက် ရေကို များများသောက်ပေးပါ။

●လိပ်လိုလျှောက် -
အသက်ကြီးလျှင် အရိုးအဆစ်များ မသန်မာသည့်အတွက် သွားလာ
လူပ်ရှားလျှင် ချော်လဲ မကျအောင် ဖြေးဖြေးနှေးနှေး သွားလာပါ။

●တုတ်ထောက်မပျင်းနှင့် -
အရိုးအဆစ်များ မသန်မာအသက်ကြီးသူများ တုတ်ကောက်
ဆောင်ခြင်းသည် အားကိုးတခုဖြစ်သည် -
မိမိကိုယ်ကို လဲမကျအောင် တုတ်ကောက်က အကူရသည်။

credit
#ကျန်းမာရေး

14/01/2025

နံနက်စာမစားတာ ဘယ်လောက်ကြောက်စရာကောင်းလဲ ?လူတိုင်းဖတ်သင့်ပါတယ်
ဖတ်ချိန်၃၀စက္ကန့်....................
ကျွန်တော်တို့လို လူငယ်တွေဟာ နံနက်စားစားဖို့ အင်မတန်ပျင်းကြပါတယ်။ နံနက်ဆို ဘာမှမစားချင်လို့၊ နံနက်စာစားဖို့ အချိန်မမီလို့၊ အိပ်ရာထနောက်ကျလို့၊ စတဲ့ စတဲ့ အကြောင်းပြချက်အမျိုးမျိုးနဲ့ နံနက်စာကို ရှောင်တတ်ကြပါတယ်။ တကယ်တော့ နံနက်စာက နေ့တစ်နေ့အတွက် အရေးအကြီးဆုံးဖြစ်ပြီး နေ့လည်စာနဲ့ ညစာထက်တောင် ပိုအရေးကြီးပါတယ်။ နံနက်စာမစားတာ လနဲ့ချီ၊ နှစ်နဲ့ချီ ဖြစ်လာတဲ့အခါ အန္တရာယ်တွေ စတင်ဖြစ်ပေါ်လာပါတော့တယ်။
____________________________________

1. စိတ်ပိုင်းဆိုင်ရာ ထိခိုက်လာမယ်။
နံနက်စာမစားတဲ့အခါ သွေ.တွင်းသကြားဓာတ်နည်းလာပြီး စိတ်ဖိစီးမှုနဲ့ စိုးရိမ်ပူပန်စိတ်တွေ မြင့်တက်လာစေနိုင်ပါတယ်။ တစ်ယောက်တည်းနေတဲ့အခါ စိတ်ခြောက်ခြားလာတာမျိုး၊ အလိုလို ဝမ်းနည်းလာတတ်တာမျိုးတွေ ဖြစ်လာနိုင်ပါတယ်။ ပျော်ရွှင်မှုတွေ ပျောက်ဆုံးလာနိုင်ပါတယ်။
____________________________________

2. လူမှုဆက်ဆံရေး အားနည်းလာမယ်။
ဒါကလည်း စိတ်ပိုင်းဆိုင်ရာထိခိုက်မှုကနေ ထပ်ဆင့်ဖြစ်လာတဲ့ ဆိုးကျိုးဖြစ်ပါတယ်။ ပျော်ရွှင်မှုနဲ့ တက်ကြွမှုတွေ ပျောက်ဆုံးပြီး စိတ်ဖိစီးမှုများနေတဲ့သူဟာ လူမှုဆက်ဆံရေးပိုင်းမှာ ဘယ်လိုမှ အဆင်ပြေမှာမဟုတ်ပါဘူး။ လက်ရှိ ခင်မင်ရင်းနှီးရသူတွေနဲ့လည်း ပြဿနာတွေ များလာနိုင်ပါတယ်။ ပတ်ဝန်းကျင်မှာလည်း ဝင်ဆံ့တော့မှာ မဟုတ်ပါဘူး။
____________________________________

3. ဦးနှောက်ကျန်းမာရေး ထိခိုက်လာမယ်။
နံနက်စာမစားတဲ့သူဟာ အမေ့လွယ်တာတွေ၊ ကြာကြာမစဉ်းစားနိုင်တာတွေဖြစ်တဲ့အပြင် အသက်ကြီးလာတဲ့အခါ အယ်လ်ဇိုင်းမားရောဂါ အလွယ်တကူဝင်နိုင်ပါတယ်။ မှတ်ဉာဏ်စွမ်းရည် ကျဆင်းလာပြီး အာရုံစူးစိုက်နိုင်စွမ်း လျော့နည်းလာပါလိမ့်မယ်။ တီထွင်ဖန်တီးနိုင်စွမ်းလည်း လျော့နည်းလာပါလိမ့်မယ်။
____________________________________

4. ဆံပင်ကျွတ်နိုင်တယ်။
နံနက်စာမစားတဲ့အခါ protein ကို ပြည့်ဝစွာမရရှိနိုင်ပါဘူး။ အဲ့ဒီအခါ ဆံသားအတွက်လိုအပ်တဲ့ keratin လည်း မရရှိတော့ပါဘူး။ ဒါကြောင့် ဆံပင်ကျွတ်တာတွေ၊ ထိပ်ပြောင်တာတွေ ဖြစ်လာနိုင်ပါတယ်။ ဆံပင်ပြန်ပေါက်ဖို့လည်း ခက်ခဲလာနိုင်ပါတယ်။
____________________________________

5. Gym ဆော့ပေမယ့် အကျိုးမရှိတော့ဘူး။
နံနက်စာစားတဲ့အခါ မာဆယ်တွေဟာ သိသိသာသာဖွံ့ဖြိုးပါတယ်။ ဒါကြောင့် gym ကစားတဲ့သူတွေဟာ အာဟာရအပြည့်နဲ့ နံနက်စာကို စားပေးရပါတယ်။ မစားဘူးဆိုရင်တော့ gym ဘယ်လောက်ဆော့ဆော့ ခန္ဓာကိုယ်ဟာ ကိုယ်မျှော်လင့်ထားသလို ပုံပန်းကျ လှပနိုင်မှာ မဟုတ်ပါဘူး။
____________________________________

6. ဝမ်းဗိုက်အဆီတွေ ဖြစ်လာမယ်။
နံနက်စာရှောင်တဲ့သူတွေဟာ နေ့လည်စာနဲ့ ညစာကို ပိုစားတတ်ကြပါတယ်။ တကယ်တော့ နံနက်စာဟာ ဘယ်လောက်အများကြီးစားစား ဝမ်းဗိုက်အဆီကို ဖြစ်မလာစေပါဘူး။ နေ့လည်စာနဲ့ ညစာကတော့ စားရင်စားသလို အဆီတက်စေပါတယ်။ တကယ်လို့ ဝိတ်ချမယ်လို့ စိတ်ကူးထားတယ်ဆိုရင် နေ့လည်စာနဲ့ ညစာကို လျော့စားပြီး နံနက်စာကို အဝ စားပေးသင့်ပါတယ်။
____________________________________

7. နှလုံးရောဂါ ဖြစ်လာမယ်။
နံနက်စာမစားတဲ့သူဟာ တဖြည်းဖြည်းနဲ့ နှလုံးအားနည်းလာပါတယ်။ ကြာလာတဲ့အခါ silent killr လို့ တင်စားတဲ့ နှလုံးရောဂါ ဖြစ်လာမှာပါ။ နှလုံးရောဂါဟာ ရုတ်တရက်အသက်ရှူရပ်ပြီး အသက်ဆုံးစေနိုင်တဲ့အထိ ပြင်းထန်ပါတယ်။ ဖြစ်ပြီးသွားရင်လည်း အရှင်းမပျောက်တော့တဲ့ ရောဂါမျိုးဖြစ်ပါတယ်။
____________________________________

8. ဆီးချိုရောဂါ ဖြစ်ပွားနိုင်ချေ များပါတယ်။
နံနက်စာမစားတဲ့သူတွေဟာ အမျိုးအစား (၂) ဆီးချိုရောဂါ ဖြစ်နိုင်ချေများတယ်လို့ ဆရာဝန်တွေက ထောက်ပြထားပါတယ်။ အင်ဆူလင် လုံလုံလောက်လောက်မထွက်တာကြောင့် အမျိုးအစား (၂) ဆီးချိုရောဂါ ဖြစ်ပွားလာရခြင်း ဖြစ်ပါတယ်။
____________________________________

9. ခေါင်းကိုက်ဝေဒနာ ဖြစ်လာမယ်။
နံနက်စာမစားတဲ့အတွက် သွေ.တွင်းသကြားဓာတ်နည်းလာတဲ့အခါ ခန္ဓာကိုယ်က ဟော်မုန်းတစ်မျိုးကို ထုတ်ပါတယ်။ အဲ့ဒီဟော်မုန်းကြောင့် သွေးဖိအားမြင့်တက်လာပြီး ခေါင်းကိုက်တာ၊ ခေါင်းတစ်ခြမ်းကိုက်တာတွေ ဖြစ်နိုင်ပါတယ်။ အာရုံကြောအားနည်းတဲ့သူဆိုရင် ပိုပြီး ပြင်းပြင်းထန်ထန် ခံစားရနိုင်ပါတယ်။
____________________________________

10. အသက် ၄၀ လောက်နဲ့ အားအင်ချိနဲ့လာမယ်။
နံနက်စာမစားတဲ့သူဟာ ပုံမှန်လူတွေထက် ကျန်းမာသန်စွမ်းမှုနဲ့ လျင်မြန်သွက်လက်မှုတွေ မြန်မြန် ကျဆင်းနိုင်ပါတယ်။ အသက်ကြီးလေ သိသာလေ ဖြစ်လာမှာပါ။ သူများအသက် ၄၀ ဆို သန်မြန်နေဆဲပေမယ့် နံနက်စာမစားတဲ့သူကတော့ အသက် ၄၀ လောက်နဲ့ အဖိုးကြီး၊ အဖွားကြီးတွေ ဖြစ်နေကြမှာပါ။

နံနက်စာ စားသင့်တဲ့အချိန်ကတော့ အိပ်ရာထပြီး ၂ နာရီအတွင်း ဖြစ်ပါတယ်။ ဒါပေမယ့် အိပ်ရာထချိန်ဟာ နံနက် ၆ နာရီကနေ ၉ နာရီအတွင်း ဖြစ်ရပါမယ်။ ကျွန်တော်ကတော့ ၇ နာရီခွဲဆို အိပ်ရာထပြီး ၈ နာရီခွဲကနေ ၉ နာရီအတွင်း နံနက်စာ ပုံမှန်စားဖြစ်ပါတယ်။ နံနက် ၁၀ နာရီလောက် အိပ်ရာထပြီး နေ့လည် ၁၁ နာရီမှာ စားတဲ့အရာကိုတော့ နံနက်စာလို့ မခေါ်ပါဘူး။

နံနက်စာ စားတဲ့အခါမှာလည်း အာဟာရဖြစ်စေမယ့်အရာတွေ စားပေးဖို့လိုပါတယ်။ ကြဥ၊ ကွေကာအုပ်၊ ကော်ဖီ၊ ဘယ်ရီသီးတွေနဲ့ အခွံမာသီးတွေက ကျွန်တော်တို့ စားပေးသင့်တဲ့ နံနက်စာတွေ ဖြစ်ပါတယ်။

ဂရုစိုက်ကြပါမိတ်ဆွေများခင်ဗျာ..တစ်ဆင့်ပြပြန်လည်မျှဝေခြင်းဖြစ်ပါသည်။

++++++++++++
ကျွန်တော်တို့တင်ပြပေးထားသည်ဖတ်၍မိဘပြည်သူများအနေဖြင့်
ဗဟုသုတအဖြစ်မှတ်သားစရာတစ်ခုခုကျန်ခဲ့မယ်ဆိုရင် အလွန်ဝမ်းမြောက်မိမှာပါ။
အခြားသူများလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးကြပါရန် မေတ္တာရပ်ခံအပ်ပါသည်။

လေးစားစွာဖြင့်မူရင်းရေးသားသူကို

14/01/2025

သူများထက် ခြေတလှမ်း ပိုသာချင်တယ်ဆိုရင်

⛳️သူများအိပ်တဲ့အခါ
ကိုယ်က လေ့လာပါ ~

⛳️သူများ တွေဝေနေတဲ့အခါ
ကိုယ်က ဆုံးဖြတ်ပါ ~

⛳️သူများ လေထဲ တိုက်ဆောက်နေတဲ့အခါ
ကိုယ်က ပြင်ဆင်ပါ ~

⛳️သူများ အချိန်ဆွဲနေတဲ့အခါ
ကိုယ်က စတင်ပါ ~

⛳️သူများ ဆုတောင်းနေတဲ့အခါ
ကိုယ်က လက်တွေ့လုပ်ပါ ~

⛳️သူများ ဖြုန်းနေတဲ့အခါ
ကိုယ်က စုပါ ~

⛳️သူများပြောနေတဲ့အခါ
ကိုယ်က နားထောင်ပါ ~

⛳️သူများမျက်နှာကြောတင်းနေတဲ့အခါ
ကိုယ်က ပြုံးပါ ~

⛳️သူများရပ်လိုက်တဲ့အခါ
ကိုယ်က ဇွဲရှိပါ ~~~

⛳️အားမလျော့ပါနဲ့
လွယ်တယ်ခက်တယ်ဆိုတာ
အခြေအနေတခုပါ
ကိုယ်မပိုင်ပါဘူး...

⛳️ကိုယ်ပိုင်တဲ့
ကြိုးစားအားထုတ်မှုသာ အားကိုးပါ...
ဘယ်သူကောင်းတယ်မကောင်းတယ်ဆိုတာ
သူတို့ရဲ့ပုံရိပ်တွေပါ
ကိုယ်မပိုင်ပါဘူး
ကိုယ်ပိုင်တဲ့ဘဝသာ ကောင်းပါစေ...

⛳️ရွေးချယ်ခွင့်မရှိတဲ့အခြေအနေတွေရယ်
မပိုင်တဲ့ တပါးသူတွေရယ်
ဘယ်တော့မှ ပြုပြင်ဖို့မကြိုးစားပါနဲ့
မိမိကိုယ်သာ
အကောင်းဆုံး ဘဝနေထိုင်တတ်အောင်ကြိုးစားပါ...
ဌက်တကောင်ရဲ့အမြင့်မှာနေတာ
သစ်ကိုင်းကြောင့်မဟုတ်ပါဘူး
သူရဲ့တောင်ပံစွမ်းအားပါ
ကျနော်တို့ရဲ့ အမြင့်ရောက်နိုင်စွမ်းက
မှီခိုရာအမြင့်နေရာက လူပုဂ္ဂိုလ်တွေ
မဟုတ်ပါဘူး
ကျနော်တို့ရဲ့
အတွေးအခေါ်နဲ့ကြိုးစားအားထုတ်မှု
တောင်ပံတွေပါ...

⛳️ကြေကွဲလို့ရတယ်
၀မျးနညျးလို့ရတယျ
နာကျင်လို့ရတယ်
ထိခိုက်လို့ရတယ်
ပြိုလဲလို့လည်းရတယ်
အော်ငိုမယ်ဆိုလည်းအဆင်ပြေတယ်
⛳️ဒါပေမယ့်
မင်း ကျရှုံးသွားလို့တော့မရဘူး
ဘာလို့လဲဆိုတော့

⛳️မင်းကိုမုန်းတဲ့သူတွေ
ရှိနေသေးတယ်။
မင်းကိုမနာလိုတဲ့သူတွေ
ရှိနေသေးတယ်။
မင်းကိုတိုက်ခိုက်မယ့်သူတွေ
ရှိနေသေးတယ်။
မင်းအကြောင်းမကောင်းပြောမယ့်သူတွေ
ရှိနေသေးတယ်။
မင်းဟာကွက်ကိုအလစ်ချောင်းနေတဲ့သူတွေ
ရှိနေသေးတယ်။
မင်းကျရှုံးတာကိုလက်ခုပ်တီးပြီး
လှောင်ကြမယ့်သူတွေ ရှိနေသေးတယ်

⛳️အဲ့တာကြောင့်
ဘယ်တော့မှမကျရှုံးစေနဲ့
မရရအောင်ပြန်ထ
မင်း ဇ ရှိသလောက်
အောင်မြင်ပြလိုက်စမ်းပါ
#လူငယ်တွေအောင်မြင်ဖို့

⛳️ဖြစ်ချင်တာတွေ ဖြစ်မလာသေးတဲ့အခါ
ရည်မှန်းချက်နဲ့ ကြိုးစားမယ်။
မဖြစ်ချင်ချင်တာတွေ ဖြစ်နေရတဲ့အခါ
သည်းခံစိတ်နဲ့ ဆက်လျှောက်မယ်။
ဘာအတွက်နဲ့မှ စိတ်ကို
အလေလွင့် အဆုံးရှုံးမခံနဲ့။
တစ်ချို့အရာတွေက ကံနဲ့ဆိုင်သလို
တစ်ချို့အရာတွေက အားထုတ်မှု အနည်းအများနဲ့ ဆိုင်တယ်။
လုပ်ပိုင်ခွင့်ရတဲ့အချိန်မှာ
အကောင်းဆုံး ကြိုးစားခဲ့ရင်
ဘယ်လိုရလဒ်အတွက်ကြောင့်မှ
နောင်တရစရာ မလိုပါဘူး။

⛳️အိပ်မက်တွေက ဈေးကြီးတယ်။
တတ်နိုင်သလောက် နည်းနည်းချင်း စုသွားရင်တော့
တစ်နေ့မှာ အိပ်မက်အကောင်းစားကြီးတစ်ခုကို
လက်ဝယ်ပိုင်ပိုင် ရရှိမှာပါ။

⛳️မကြိုးစားဘဲနဲ့ ညည်းငြူနေတာဟာ
လူညံ့လူဖျင်းတွေ လုပ်နေကျအလုပ်ပါ။
မျှော်လင့်ချက်တွေ အရောင်မမှိန်သ၍
ငါတို့မှာ တောက်ပတဲ့အနာဂတ်တွေ ရှိတယ်။
လဲကျရင် ပြန်ထမယ်။
ထို၊းနှက်ရင် သည်းခံမယ်။
နှေးရင် နှေးပါစေ။
ရပ်မနေဖို့သာ အရေးကြီးတာပါ။

⛳️ဆက်လျှောက်နေသ၍
ပန်းတိုင်သွားတဲ့လမ်း မပျောက်ပါဘူး။
တစ်နေ့ရောက်ဖို့ လျှောက်နေဖို့ပဲ လိုပါတယ်။

အကောင်းမြင်စိတ်နဲ့ရှင်သန်ပါ
ကြိုးစားချိန်မှာ ကျရှုံးမှာမကြောက်ပါနဲ့

🙏မြန်မာပြည်ဖွား လူငယ်များစွာ ကြီးပွားတိုးတက်ပါစေ🙏
🧘‍♀️🧘‍♂️🧘‍♀️🧘‍♂️🧘‍♀️🧘‍♂️🧘‍♀️🧘‍♂️🧘‍♀️🧘‍♂️
အားလပ်ချိန်လေးမှာ လေ့လာဖတ်ရှုမိသော
စာပေအနှစ်ချုပ် Essence များကို
ပြန်လည် မျှဝေပေးခြင်းသာ။

ဒီစာဖတ်ပြီး ဘ၀အတွက် တစ်ခုခုရလိုက်တယ်ဆိုရင်
သူငယ်ချင်း မိတ်ရွှေများပါ သိရအောင်
Share ပေးလိုက်ပါဦးခင်ဗျာ။ ကျေးဇူးပါ။
🙏 အောင်မြင်ပျော်ရွှင်နိုင်ပါစေ ခင်ဗျာ 🙏

14/01/2025

ညအိပ်မပျော်သူတိုင်း ရောဂါဖြစ်နေသူပဲဖြစ်ဖြစ် အိပ်မပျော်လျှင်
၁.ဖီးကြမ်းငှက်ပျောသီး မှည့်စားပါ။အိပ်စက်ခြင်းတွက် အထူးကောင်းမွန်းပြီး အားရှိသည်။
၂.နွားနို့သောက်ခြင်းက အရိုးအဆစ်သန်မာသည့်အပြင် အိပ်စက်ခြင်းကို မြန်ဆန်စေပါသည်။
၃.ကြက်သွန်ဖြူခေါင်းအုံးအောက်၃တက်ထားအိပ်ပါ။ဦးနှောက်မှ အဆိပ်အတောက်များကို ဖယ်ရှားပေးပြီး အိပ်စက်မှုကို မြန်ဆန်စေသည်။
၄.ကြက်သွန်နီထက်ခြက်ခွဲပီး ခြေဖဝါအလည်တည့်တည့်ကပ်ပါ။
တစ်ကိုယ်လုံးမှ အဆိပ်အတောက်များကို စုပ်ယူပါလိမ့်မယ်။
အအေးမိနာစေးသူ ကလေး လူကြီးမရွေး လုပ်ပေးပါက သက်သာ
ပျောက်ကင်းစေပါမည်။

14/01/2025

ဗဟုသုတ💙💙
ရုတ် တရက် အား အင်ကုန်ခမ်းသလိုဖြစ်နေပြီး၊ မူးဝေသလို၊ အိပ်ရေမဝသလိုဖြစ်နေရင် ဒီနည်းလေး စမ်းသုံး ကြည့်ပါ “

အားအင်ကုန်ခမ်းမောပန်းနွမ်းနယ်ခြင်းနှင့် မူးဝေခြင်းကိုသက်သာပျောက်ကင်းစေသည့် ကြက်ဥသံံပုရာဆမ်းဆေးတစ်ခွက်”

အလုပ်ပင်ပန်းလို့ဖြစ်ဖြစ်၊အားအင်ကုန်ခမ်းလို့ ဖြစ်ဖြစ်၊မူးဝေနေရင်ပဲဖြစ်ဖြစ်အလွယ်တကူ သက်သာပျောက်ကင်းစေတဲ့ဆေးနည်းတစ်လက် ကိုမျှဝေပေးပါ့မယ်။

ပါဝင်ပစ္စည်းတွေကတော့

(1) ကြက်ဥအစိမ်းတစ်လုံး၊

(2) သုံပုရာသီးအမှည့်တစ်လုံး၊

(3) သကြားဖြူဟင်းစားဇွန်းနှစ်ဇွန်းတို့ကိုဖေါက် ထည့်ရောမွှေပေးပါ။

သံံပုရာအစေ့တွေကိုဖယ်ရှားပစ်ပါ။ ပါဝင်ပစ္စည်းအားလုံးကိုနှံ့နှံ့စပ်စပ်ရောမွှေ ပြီးသောက်ပေးရင်အမောအပန်းပြေပြီးအားရှိလာမှာဖြစ်ပါတယ်။

ဒီဆေးနည်းကကျွန်တော့်ဖခင်ပေးတဲ့ရိုးရာဆေး တစ်လက်ဖြစ်ပါတယ် ။

သွေးအားနည်းသူတွေနဲ့ သွေးပေါင်ကျသူတွေပိုပြီးသုံးစွဲသင့်ပါတယ် ။ အိပ်ရေးပျက်သူတွေအတွက်လည်းအားဆေးတစ်လက်ပါ။။

“ကျန်းမာချမ်းသာကြပါစေ”

Creditvia. sai min thant

14/01/2025

ဆောင်းတွင်း နှာခဏခဏ စီးနေသူများ
အတွက် ပူစရာ မလိုတော့ဘူး

လန်ဒန်မှာ ပညာတော်သင် ရောက်နေတဲ့
ဆရာဝန်လေး တစ်ယောက်က

နှာခဏခဏ စီးနေလို့ လန်ဒန်မှာနေတဲ့
ဆရာဝန်ကြီးတစ်ယောက် အိမ်ကို
အလည်သွားရင်း

ဘာဆေး သောက်ရမလဲလို့
မေးတဲ့အခါ...

ဆရာဝန်ကြီးက သူ့ ဇနီးကို
ငါစားနေကြ ဆေးလေး လုပ်ခဲ့ပါဦးလို့
ပြောလိုက်တဲ့အခါ

ခဏကြာတော့ ကြက်သွန်ဖြူ မီးဖုတ်တွေ
ပန်းကန်လေးနဲ့ ထည့်ယူလာပါတယ်။

အဲဒါ စား ဘာဆေးမှ သောက်စရာ မလိုဘူးတဲ့
စားပြီးတဲ့နေ့က စပြီး သက်သာသွားပါသတဲ့။

အခုလည်း နှာတစ်ချိန်လုံး စီးနေတဲ့သူကို
ဒီနည်းပေးပြီး စားခိုင်းတော့ သက်သာလို့ပါတဲ့။ ။

မြန်မာတိုင်းရင်းဆေး

12/01/2025

🤝😊 ကျန်းမာရေး အတွက် အသည်းကိုဆေးပေးခြင်း
လူ့ကိုယ်ခန္ဓာမှာ အသည်း ကျန်းမာရေး ဟာ အရေးကြီးဆုံးပါ
ဒါကြောင့် တစ်ပတ်တစ်ကြိမ်အဆိပ်အပုပ်ထုတ်တဲ့အစီအစဉ်အရအခုအပတ်မှာအလှည့်ကျတာကတော့အသည်းကိုဘယ်လို ဆေးမလဲ ဆိုတာ မျှဝေပေးမှာဖြစ်ပါတယ်
ခန္ဓာကိုယ်မှာအသည်းဟာအရေးကြီးတဲ့အင်္ဂါတစ်ခုဖြစ်သလိုအလုပ်အများဆုံးသောကလီစာလည်းဖြစ်ပါတယ်။စားအမျှအစာတွေကအဆိပ်တွေကိုဖြေပေးရပါတယ်။နေ့စဉ်စားနေတဲ့အစာတွေထဲမှာအဆိပ်တွေကအများကြီးပဲ။ဒါကြောင့်အသည်းကောင်းဖို့သိပ်အရေးကြီးပါတယ်။
အသည်းကိုဆေးဖို့အကောင်းဆုံးကတော့မန်ကျည်းဖျော်ရည်ဖြစ်ပါတယ်။မန်ကျည်းသီးဟာအသည်းအတွက်သဘာဝကပေးထားတဲ့ဆေးလည်းဖြစ်ပါတယ်။အသည်းကိုနုပျိုစေပါတယ်။အသည်းခြောက်ခြင်း၊ကျုံ့ခြင်း၊ကြွပ်ခြင်း၊ဆတ်ခြင်း၊ပုပ်ခြင်းတွေမဖြစ်အောင်ကာကွယ်ပေးပါတယ်။
အခုခေတ်မှာBပိုးCပိုးHပိုးစသည်ဖြင့်ဖြစ်ကြတာဟာအသည်းပုပ်လို့ပါ။ပိုးဆိုတာပုပ်မှတွယ်တာပါ။မပုပ်ရင်မတွယ်ပါဘူး။အဲ့လိုပိုးမတွယ်အောင်အသည်းကိုဆေးကြောပေးဖို့လိုပါတယ်။ရိုးရိုးလေးပါပဲ၊မန်ကျည်းဖျော်ရည်သောက်ပေးရုံပဲဖြစ်ပါတယ်။
မန်ကျည်းမှည့်လက်တစ်ဆုပ်၊ထန်းလျှက်သင့်ရုံ၊ဆားအနည်းငယ်ကိုမတ်ခွက်ထဲမှာထည့်ပြီးရေနွေးဆူကိုလောင်းထည့်ပါ။မနက်ထဲကနှပ်ထားရင်ညနေဆိုသောက်လို့ရပါပြီ။ဆန်ကာနဲ့စစ်လိုက်ရင်အရသာရှိတဲ့မန်ကျည်းဖျော်ရည်ကိုရပြီပေါ့။သံပရာသီးကြိုက်ရင်ညှစ်ထည့်၊အေးအေးလေးသောက်ချင်ရင်ရေခဲထည့်သောက်ပါ။
အသည်းကအဆိပ်အပုပ်တွေသာမကဝမ်းဗိုက်ထဲကအပူအပုပ်တွေလည်းထွက်သွားပြီးလူကပေါ့ပါးလန်းဆန်းသွားပါလိမ့်မယ်။အဆိပ်အပုပ်အပူအစပ်တွေကင်းရှင်းသွားတော့သွေးသားသန့်စင်ပြီးအလှတွေလည်းတိုးပြီပေါ့။
ဒါကြောင့် ကျန်းမာဖို့အတွက် အသည်းဆေးပေးခြင်းကို
စာဖတ်သူများ ဗဟုသုတ ရရှိစေရန်ပြန်လည်မျှဝေပေးပါသည် 🤝😊 -
* မိတ်ဆွေများအားလုံးကျန်းမာသုခနဲ့ပြည့်စုံကြပါစေ *
🤝 Credit 🤝

Kyi Thar

30/01/2025

19/01/2025

19/01/2025

19/01/2025

19/01/2025

15/01/2025

15/01/2025

15/01/2025

15/01/2025

14/01/2025

14/01/2025

14/01/2025

14/01/2025

14/01/2025

12/01/2025

Address

Website

Alerts

Contact The Business

Videos

Shortcuts

Share

Category