30/07/2023
ဝါဆိုသင်္ကန်း၊ ကထိန်သင်္ကန်း ကပ်လှူပူဇော်ရာတွင်
"""ကုသိုလ်ပိုရတဲ့နည်း"""
01-August-2023(အင်္ဂါနေ့)သည် ဝါဆိုလပြည့်နေ့ (ဓမ္မာစင်္ကြာအခါတော်နေ့) ဖြစ်ပါတယ်။
ဝါဝင်ခါနီးအချိန်
ရောက်လာပြီဆိုရင်
မြန်မာဗုဒ္ဓဘာသာတွေ
ဘုရားသွားကျောင်းတက်၊
ဝါဆိုသင်္ကန်းကပ်တဲ့
အလှူဒါနတွေပြုလုပ်ကြပါတယ်။
�ဗုဒ္ဓဘာသာမှန်ရင် ဝါဆိုသင်္ကန်း
မလှူဖူးတဲ့သူ မရှိသလောက်ပါပဲ။
ကိုယ့်အိမ်မှာ သံဃာတော်တွေ
ပင့်ဖိတ်ပြီး ဝါဆိုသင်္ကန်းကပ်ကြပါတယ်။
ဘုန်းကြီးကျောင်းတွေ၊
တရားရိပ်သာတွေသွားပြီး
သံဃာတော်အရှင်သူမြတ်တွေကို
ဝါဆိုသင်္ကန်း ကပ်လှူပူဇော်ကြပါတယ်။
�သို့သော် မြတ်စွာဘုရားရှင်ကိုတော့
ဝါဆိုသင်္ကန်းကပ်လှူပူဇော်တဲ့သူ
မရှိသလောက်ရှားပါတယ်။
ဒါကို ...လူတိုင်းမေ့နေကြတယ်။
ကိုယ့်အိမ်မှာရှိတဲ့
ဘုရားရုပ်ပွားဆင်းတုတော်တွေကို
ပန်း ၊ရေချမ်း ၊ဆီမီး ၊
သစ်သီး ၊ဆွမ်း ၊ဆေးတွေ လှူဒါန်းကြပေမယ့် ...
ဒီ ဝါဆိုသင်္ကန်းကပ်လှူပူဇော်ဖို့ကိုတော့
သတိမရကြဘူး . . . မသိကြဘူး။
�ဒီလို
သင်္ကန်းကပ်လှူတာတွေနဲ့ ပတ်သက်ပြီးပြောရရင်....
ဝါဆိုလရောက်လာပြီဆိုရင်
ဝါဆိုသင်္ကန်းဆိုပြီး လှူလိုက်ကြတာ...
ဘုန်းကြီးတွေဆို
ဝါဆိုလဆန်း ၁၃,၁၄,၁၅,
လပြည့်ကျော်(၁)ရက်နေ့ထိအောင်
ကျောင်းကိုမကပ်ရဘူး။
တခါထဲ,
ရလိုက်တဲ့ သင်္ကန်းတွေကလည်း
အစုံ,၅၀,၆၀,၁၀၀
လှူလိုက်ကြတဲ့ သင်္ကန်းတွေ....
ကထိန်ကျတော့လည်း
ပဒေသာပင်တွေနဲ့
လာလိုက်ကြတာ,
ကထိန်သင်္ကန်းတွေ။
ဒီ "ကထိန်သင်္ကန်း"
ဖြစ်ပေါ်လာအောင်
ဒီ "ဝါဆိုသင်္ကန်း"
ဖြစ်ပေါ်လာအောင်
ခွင့်ပြု ပေးတဲ့
မြတ်စွာဘုရားရှင်ကိုတော့
ဘယ်သူ ဝါဆိုသင်္ကန်းကပ်ဖူးလဲ?
မြတ်စွာဘုရားရှင်ကို
ဘယ်သူ ကထိန်သင်္ကန်းကပ်ဖူးလဲ.???
ကပ်ဖူးတဲ့သူ
တော်တော်ရှားပါလိမ့်မယ်...
�လောက လူတွေဟာ
မလုပ်ဖူးတာဆို ... လုပ်ချင်ကြတယ်။
မစားဖူးတာဆို ... စားကြတယ်။
မဝတ်ဖူးတဲ့ အဝတ်အစား အသစ်အဆန်းတွေဆို
ဝတ်ကြတယ်။
မသွားဖူးတဲ့နေရာဆို ... သွားကြတယ်။
အခုလို
မလုပ်ဖူးသေးတဲ့ ဒါနကုသိုလ်မျိုးကိုလည်း
လုပ်ဖို့ မကောင်းဘူးလား.???
ဒါကြောင့်
မြတ်စွာဘုရားရှင်ကို
ဝါဆိုသင်္ကန်း ၊ ကထိန်သင်္ကန်း မကပ်ဖူးသေးရင်
ကပ်လှူပူဇော်ပါ။
ဘယ်လိုကပ်ရမလဲ.?
ကိုယ့်အိမ်ကဘုရားကို
ဝါဆိုသင်္ကန်း ကပ်မယ်ဆိုရင်...
�ဝါဆိုလဆန်း ၁၂,၁၃,၁၄, ရက်တွေမှာ
သင်္ကန်းတိုက်မှာသင်္ကန်းသွားဝယ် . . .
"ဗန်းလေးနဲ့ကလပ်လေး"နဲ့ထည့်။
ဘုရားရှေ့မှာ,
" ဘုန်းကြီးတော်မူသော မြတ်စွာဘုရား,
တပည့်တော်တို့ ဤဝါဆိုသင်္ကန်းကို
ဆက်ကပ်လှူဒါန်းပါတယ်ဘုရား "
ဆိုပြီး ဘုရားကို ဝါဆိုသင်္ကန်း ကပ်ပါ။
တတ်နိုင်တဲ့သူတွေကတော့..
အိမ်ကို သံဃာ(၅)ပါးပင့်ဖိတ်ပြီး
မြတ်စွာဘုရားရှင်ကို
သင်္ကန်းတစ်စုံ
သံဃာတော်
အရှင်သူမြတ်တွေကိုလည်း
သင်္ကန်းတစ်စုံစီ ဆက်ကပ်လှူဒါန်းပါ။
မြတ်စွာဘုရားရှင်ကို
ကပ်လှူထားတဲ့
ဝါဆိုသင်္ကန်းကို တစ်မိုးတွင်းလုံး
ဘုရားစင်မှာ ကပ်လှူထားပါ,..
"သီတင်းကျွတ်"တော့မှ စွန့်ပါ။
စွန့်ပြီး အဲ့ဒီသင်္ကန်းကို
ဘယ်ကျောင်းကကိုယ်တော်
သင်္ကန်းမရှိဘူးလဲ
အဲ့ဒါလှူလိုက်ပါ..
ဒါမှမဟုတ်
ကိုယ့်အိမ်မှာ ဆွမ်းခံကြွနေတဲ့
ရဟန်းတော်,တစ်ပါးပါး
ရှိလိမ့်မယ်.
အဲ့ဒါစွန့်ပြီး ပြန်လှူလိုက်..
" ဘုရားလှူရတဲ့ ကုသိုလ်ရယ် "
" သံဃာလှူရတဲ့ ကုသိုလ်ရယ် "
ကဲ . . . ဓမ္မမိတ်တွေတို့
ကုသိုလ်ပိုရသလား . . . မရဘူးလား?
�ပြီးတော့ သင်္ကန်းဝယ်ရင်လဲ
အညံ့စားမဝယ်နဲ့...
လောက အထွဋ်အထိပ်ဖြစ်တဲ့
ဘုရားရှင်ကိုလှူမည့်သင်္ကန်း,
သင်္ကန်းကောင်းကောင်းဝယ်ပါ..
သရီးရိုင်ဖယ်တို့ ဘာတို့ ပေါ့...
အဲ့ဒါ
ဆွမ်းခံကြွတဲ့ ကိုယ်တော်ကလည်း
သရီးရိုင်ဖယ်လို
သင်္ကန်းအကောင်းစား
ရတော့ သူကလည်းပျော်လို့...
သဘောတွေကျလို့ပေါ့....
�သီတင်းကျွတ်လပြည့်ကျော် (၁)ရက်နေ့ကစပြီး
သင်္ကန်းတစ်စုံ ထပ်ဝယ်,
ဘုရားကို ကထိန်သင်္ကန်းလှူထား
ဘုရားခွင့်ပြု တော်မူတဲ့လ,
သီတင်းကျွတ်
လပြည့်ကျော်(၁)ရက်နေ့ကနေ
တန်ဆောင်မုန်းလပြည့်ထိ,
တစ်လတာအတွင်း, ကထိန်သင်္ကန်း လှူလို့ရတယ်..
အဲ့ဒါ ဘုရားမှာ
တစ်ပတ်လှူ , (၅)ရက်လှူ , (၃)ရက်လှူ
လှူပြီးတာနဲ့ စွန့်ပြီး
အိမ်နားက ကျောင်းမှာ ကထိန်ခင်းတာရှိမယ်...
အဲ့ဒါ သွားလှူလိုက်ပါ။
အဲ့တော့ ဘုရားလည်း
"ကထိန်သင်္ကန်း"ကပ်ရတယ်။
ကျောင်းမှာလည်း သံဃာတော်တွေအတွက်
"ကထိန်သင်္ကန်း လှူရတယ်။
ကဲ...ဘယ်လိုလဲ,?
ဒါ..
ကောင်းလား,မကောင်းဘူးလာ?
ကုသိုလ်ပိုရသလား,မရဘူးလား?
�အဲ့တော့
ဒီအသက်အရွယ် ဒီအချိန်အထိ
ဘုရားရှင်ကို
" ဝါဆိုသင်္ကန်း "
" ကထိန်သင်္ကန်း "
မကပ်ဖူးသေးတဲ့ သူတွေ
ဒီနည်းအတိုင်းလုပ်ပါ...
တရားကိန်း၍ ကုသိုလ်အထူးလည်းရကြပါစေ....
🙏🙏🙏
မူရင်းရေးသားသူအား လေးစားစွာဖြင့် ပြန်လည်မျှဝေ ပူဇော်ပါသည်။
