Feestzaal Ut Tref

07/02/2025

03/02/2025

Mis ut neet: aankômmende zaoterdaag: ut legendarische Pallesaotebal van Vastelaovesgezelschap De Kwas!
Dao isse dan, dao isse dan .. 🎉

Aanstaonde zaoterdaag is 't zoeë wiet!
Dan gaon um 19:45 oor de deure van ós residentie Ut Tref aope um eine ónvergaetelikken aovend aan te vange! Vors Kwastius zal óg zien niej trio veurstelle veur dit jubileumjaor! Nemand minder as Frans Pollux, Jocus Hofkepél, Erwin Brepoels en DJ Salva Pagano traeje veur óg op!

26/01/2025

Zaoterdaag 8 fibberwarie. Bin d’r beej !

25/01/2025

Hae steit volgend jaor in de Ziggo Dome nao ein lange reeks stief oetverkochde Theaterveurstellinge in gans Limburg!

Maar iers steit dezen alleskinner, de Venlose “Golden Boy”, dees bezóndere jubileum editie van ‘t Pallesaotebal op ós eige Kwastebuun!
Frans aomp vastelaovend, de vasteloavesjoeks pómp door zien aore en zit verankerd in zien gene!

Frans Pollux ís vastelaovend en vastelaovend is Frans Pollux!

Kóm det meimake as deze arties in hert en niere Ut Tref op zien gróndveste duit rammele!
‘T Pallesaotebal start op 8 fibberwari um 19:45 en toegank is gratis, zoeë wie geej det gewint ziet van De Kwas!

24/01/2025

Erwin Brepoels is LVK winnaar en stónd zelfs in Ahoy! Aevel op 8 fibberwari steit hae op ós Kwastebuun, gewoeën in ós eige residentie Ut Tref!
Mit zien "Merretkoer" kreeg hae gans Limburg in ziene greep wie "De Griekse nach" oetgebrach waas. Hae is sinds dae tied nimmer weg te dinke oet de Limburgse Vastelaovend.
In 2001 besloot hae solo te gaon en neet zónder succes. Um 't jaor kump hae mit ein niej album waat dan op bezóndere wies geprissenteerd wuurt ónder begeleiding van ein groeët orkes.
Garantie veur ein prachtig optraeje en stumming wies aan 't daak mit ein van de meis pupulaire zengers van Mestreech en wiet daoboete!

'T pallesaotebal start um 19:45 in Ut Tref en toegank is uiteraard gratis.

22/01/2025

Oet de waeg, oet de waeg veur de Hofkepèl!

Zaoterdaag 8 fibberwari staon zeej gewoeën op Kwastebuun tiedes 't Pallesaotebal as vaste begeleidingsband.

Echte Venlose vastelaovesleedjes waere door eur op swingende wies gebrach. Stumming gegarandeerd!

't Pallesaotebal is gratis toegankelik en begint um 19.45 oor in Feeszaal Ut Tref.

De Hofkepèl wuurt dök in einen aom geneump met Jocus, aevel met dees oetzónderlikke talente haet De Kwas en Ut Tref 'ne goje band. Neet allein rippetere zeej op maondaag in ós residentie, ouk op Kwastebühne veule zeej zich good thoes. Zeker op ós Pallesaotebal meuge zeej dus zeker neet óntbraeke!

Mier informatie op www.pallesaotebal.nl

20/01/2025

Naeve 'ne houp bizóndere en joeksige evenemente, organisere weej in dit 6x11 jäörig jubeljaor ouk 'n groeëte loeëterie met fantastische prieze!
Op de alsmaar greujende lies met prieze staon ónder andere 'ne 65" tv, 'ne laptop, 'n Makita gereidschapsset, waardebónne en nog 'ne hiele houp andere tóffe prieze!
Trek dus snel ein van ós (raods)leje aan de jas um óg loeëte te bemachtige!

18/01/2025

Aafgeloupe zóndaag 12 jannewari 2025 is d’n hier Twan Toma gedecoreerd met de Extra Hoeëge Ónderscheijing van Vastelaovesgezelschap De Kwas.
Dit gebeurde tiedes de Grande Première van De Kwastefilm, oetgebrach ter gelaegenheid van ‘t 6x11 jäörig jubileum van ós gezelschap. In ’n oetverkóch Theater De Garage ware leje, iereleje, ald-leje, ald- Prinse en ald-Adjudante aanwezig.
Nao aafloup van ’t vertoeëne van de documentaire woort Twan in de schienwerpers gezatte en kreeg hae inkele vraoge van Vors Kwastius veurgeschótteld. Zien reacties ware as vanalds en met name door zienen fiemel, um alles wies in de kleinste puntjes te regele en details te constatere, haet Twan d’r beej De Kwas veur gezörg, det de leje altied motte streve um veur die 10 te blieve gaon.

Twan kwaam begin jaore ‘80 beej De Kwas. Vanaaf det moment doorleep hae verschillende
kemissies. Met name beej de Technische Kemissie en de Kleierkemissie kwaam zien geveul en gedöld veur ‘t fiemelwerk good van pas. Beej de idejekemissie stónd hae dök in verschillende rolle op Kwastebühne. Ouk noom hae zitting in ’t jubelcomité 3x11 jaor De Kwas en haolde, meide door zien idee, de Black Fööss nao Venlo. In detzelfde jubeljaor ging hae as Prins Twan I met zien adjudante Hay en John de Venlo-Zuidse vastelaovend veur.
Op 8 oktober 1994 volgde Twan, Martin Christis op as Vors Kwastius. Det bleef Twan doon wies april 1998. In 2002 is Twan gestop beej De Kwas.
Met ’t oet d’n aek dreije van de Kwastefilm woort Twan door de jubelkemissie 6x11 jaor De Kwas benaderd of hae d’r veur aope stónd um aan dit filmdocument mei te werke. Vanzelfspraekend zag hae vólmondig jao! Ouk heej waas hae, veural in ’t begin, weer de gedreve Kwastemins van vruueger.
De ier um de Extra Hoeëge Ónderscheijing in óntvangs te meuge neme, kwaam veur Twan volledig ónverwach. Zoeë hebbe weej, as De Kwas, ózze fiemelaer efkes stil gekrege.
Maar det dan waal met ’n diek dankewaal!

16/01/2025

Zóndaag 9 fibberwari wuurt ós nieje Jeugtrio oetgerope.

Kóm same met óg blage kieke wae d'r dit jaor veurop geit in dae Venlo Zuidse Jeugvastelaovend.

07/01/2025

Zet maar in ôg agenda! Ut Pallesaotebal op 8 fibberwarie! Entree veur nop. Dao wilse toch beej zien?

Zaoterdaag 8 fibberwari a.s. 19.45 oor - Toegank gratis

Thema: "De Kwas, dao zit meziek in!”

06/01/2025

Ziet geej d’r al klaor veur?
Weej hebbe d’r al hiel vuuel zin in!
Zet dees datums alves in ógge agenda zoeëdet geej niks mis!

02/01/2025

Aanstaonde 12 jannewari nimp De Kwas óg beej d’n erm en geit met óg 66 jaor truuk in d’n tied mit ein hertverwermende film! (Óntvangs um 13:00 oor)

Veur de ald leje die weej nog neet bereik hebbe, maar neteurlik ouk andere minse die De Kwas ein werm hert toedrage en dit neet wille misse:
D'r zien nog inkele plaatse vreej! Meld óg snel via [email protected]!

30/12/2024

Letste feesje van ut jaor !

Almost time to party!
We are sold out!

30/12/2024

Ut jaor löp alwaer op ut ind, nog ein Sylvesterparty te gaon en dan is ut alwaer 2025.

Traditiegetrouw starte weej ut nieje jaor met ôzze niejaorsborrel veur leeje van ôs veurdeurdeilers, buurtbewoëners en idderein dae ôs ein werm hert toedruëg.

Zeen we ôs aankômmende vriedaag?

Names ut bestuur en alle vreejwilligers ein fijne jaorwisseling en de beste winse veur 2025 !

29/12/2024

🎄Inzameling kerstbuim!

Zaoterdagmorge 4 januari haole diverse vereiniginge vanaaf 10.00 oor kerstbuim op (zónder pot en versiersele!). Ouk weej zien weer van de partie in ós eige Venlo Zuid. Zörg det ógge boum véur 10.00 boéte leet, zoëdet ós jeug dae same met eur elders en de "groeëte Kwas" op kin haole.

28/12/2024

De kinderkienaovend van de Kwas waas waer drök bezôch!

27/12/2024

Morrege aovend ! Met de staon-zitrondes !