Hending

28/06/2024

Etter ein hektisk vår kan vi sette oss ned i feriemodus i tre veker ☀️

Våren har bestått av hendingar som UKM Vestland, Jølster Aurefest, Elevate karrierefestival med Sunnfjord Utvikling AS, opning av Astruptunet, Skvadron Hending med Framtidsfylket, Sommarfest på Elvetorget, konferansar, næringslivsmøte og festar 😎

God sommar til kundar og samarbeidspartnarar!

Vi gler oss til å starte hausten med Trøkk n' Truck 1. - 3. august!

23/06/2024

Høgtideleg oppdrag i helga med nyopning av Astruptunet.

Tusen takk til Musea i Sogn og Fjordane, Sunnfjord kommune og Sparebankstiftelsen DNB for godt samarbeid - og gratulerer med vel gjennomført restaurering av kunstnarheim og -hage.

I samband med nyopninga stod vi for:
- Invitasjon og påmelding 🗓️
- Teknisk produksjon i samarbeid med Øyre lyd 🎤
- Koordinering av busstransport 🚌

19/06/2024

Nyopning av Astruptunet på laurdag 🌿

Det nærmar seg laurdag og nyopning🥰 - vi har nokre viktige meldingar til alle som kjem og feirar denne store dagen i lag med oss:

🔹Kle deg etter veret. Bruk regntøy i staden for paraplyar, dersom det blir dårleg ver laurdag.

🔸Parkeringsplassen ved Astruptunet kan brukast frå og med kl. 14. Påmelde bebuarar frå sørsida som har bedt om parkering ved Astruptunet har høve til å parkere mellom kl. 11-14. I dette tidsrommet har Nikolai Astrups veg på sørsida redusert framkomst.

🔹Vi sett opp ekstra toalett på parkeringsplassen der bussane stoppar. Det er begrensa toalettfasilitetar i sjølve tunet mellom kl. 11–14.

🔸Vi tilrettelegg med lyd frå fleire punkt i tunet – vi oppfordrar publikum til å spreie seg rundt i anlegget. I aust mot Skei har skogen blitt rydda – eit flott sted med god utsikt.

🔹I etterkant av besøket frå H.M. Dronninga vil stover og galleri vere opne som normalt. Det er gratis å sjå seg rundt denne dagen. Det vil også vere høve til å høyre landskapsarkitekt Ingeborg Mellgren Mathiesen og prosjektleiar Lars-Henrik Milert fortelje om hage og bygg.

🔸Det vert over 300 besøkande – vi er klar til å ta imot deg! Vis omsyn til den vakre hagen, og alle stadane i tunet som no er rehabilitert og nyplanta. Ver med å ta vare på tunet! 🌼

Foto: Astruptunet/Musea i Sogn og Fjordane

15/06/2024

God stemning på Elvetorget i dag, sjølv med nokre regndropar! ☔️

Tusen takk til «Du og eg og vi 2 - 3 - 4», Sunnfjord brann og redning og Mathilde og Jonas.
Arrangementet var sydd saman av vår Julie, i samarbeid med Elvetorget.

God helg! ☀️

14/06/2024

Samarbeid, planlegging og disiplin er viktig i arbeidslivet! Årets traineer i Framtidsfylket fekk eit brått møte med Skvadron Hending denne veka. Takk til Dan Gøran Espedal for eit inspirerande foredrag, og takk til resten av befalet- Rune Øksenberg og Simon Vie👏🏻✅

Ta kontakt om di bedrift treng ei kjekk utfordring 🫡

13/06/2024

Kjekke og travle dagar i Jølster forrige veke! 🎣

Sidan 2021 har vi vore med på Jølster Aurefest som samlar sportsfiskarar i alle aldrar frå heile landet.

Ekstra stas med 10-årsjubileum i år, og nye rekordar for deltaking alle dagar. Takk til sponsorar, komité og frivillige for god hjelp og innsats! 👏

09/04/2024

Du har idéen -> vi gjer resten! ✅

Planlegger du ein festival, konferanse, bedriftssamling eller fest, men tida strekker ikkje heilt til? Vi kan hjelpe til med planlegging og gjennomføring av ditt arrangement, som produsent og/eller prosjektleiar.

Ta gjerne kontakt for ein uforpliktande samtale!

03/04/2024

Skal du ha påmelding eller billettsal til ditt neste arrangement? 🎟

Vi leverer påmeldingssytem til små og store arrangement. Dette passar både til profesjonelle konferansar, enkle konsertar og bygdefestar. Du kan også selge tilleggstenester direkte i påmeldinga. Det blir profesjonelt og sømlaust for deltakarar.

Vårt påmeldingsystem tilbyr:
- Betaling via faktura, kort og Vipps
- Registrering og akkreditering
- Kommunikasjon med deltakarar via epost og SMS.

08/03/2024

UKM Vestland nord blir arrangert i år på Førdehuset 19. - 21. april!🎉

Vi er med som produsent for tredje år på rad. Som produsent har vi mellomanna ansvaret for kommunikasjon, innhald og logistikk. I lag med Vestland fylkeskommune samlar vi ungdom frå heile “gamle Sogn og Fjordane” til ei helg med framsyningar, kunstutstilling og workshops. På UKM er ungdommen også med som arrangørar, og vi gler oss til å samarbeide med Unge Arrangørar.

Vi ynskjer alle kommunefestivalane i fylket lykke til med gjennomføring av UKM.🫶

26/02/2024

Nostalgi på din neste fest, konfirmasjon eller jubileum? Vi har fått to nye arcademaskiner som er klare for utleige 😎 Perfekt for fans av PacMan og Street Fighter! Ta kontakt om du er interessert📲

29/01/2024

Spennande dag i morgon!

TYSDAG 30.1 kl. 12:00 - Lansering av Heilekonferansen 2024‼️

Følg med i morgon for å få ein liten smakebit på årets konferanse. Du kan få påmeldinga direkte på e-post i morgon ved å melde deg på Heilekonferansen sitt nyhetsbrev -> https://www.heilekonferansen.no/nyhetsbrev

23/01/2024

Årets tilflyttar kom til Førde for to år sidan frå New York. På desse to åra har ho bygd opp eit fantastisk teatertilbod for born og ungdom i Sunnfjord i samarbeid med Sunnfjord kulturskule og Teater Vestland. 🎭

Vinnaren jobbar med stor profesjonalitet i teaterfaget, til inspirasjon for både elevar og publikum. Tilbodet bidreg til eit viktig mangfald i fritidstilbodet i regionen.

Gratulerer til Greta Pemberton som årets tilflyttar 2023!🎉

🎥 Photoevent

22/01/2024

Vinnaren av årets næringspris 2023 vart etablert i 2015 og har hatt ei eventyrleg reise gjennom dei åtte første åra. ⚡️

Bedrifta har hatt eit spesielt år som førte til tøffe val som utfordra omdømme og vekst.

Juryen la vekt på at bedrifta har har utmerka seg i 2023. I tillegg har bærekraft, verdiskapin og vekstpotensiale vore viktige vurderingskriterier.

Vi gratulerer til Tibber som vinnaren av årets næringspris 2023!🎉

🎥 Photoevent

22/01/2024

Sunnfjord har idrettsutøvarar som har levert på eit høgt nivå i 2023 i langrenn, skiskyting, friidrett, vektløfting og lagidrett. ⚽️

Årets idrettsprestasjon vann kongepokalen under NM i april 2023 og representerte Norge i Armenia under eit senior EM samme månad.

Gratulerer til vektløftar Ragnar Holme frå Naustdal! 🎉

🎥 Photoevent

22/01/2024

Årets helse-/omsorgarbeidar er sjukepleiar og jobbar som assisterande einingsleiar i Skei heimeteneste. I tillegg har ho ei 20% stilling i demensteamet i området for tidligare Jølster.

Ho jobbar utrøtteleg for rett pasientbehandling i eiga eining, men har og meiningar og visjonar om korleis demensomsorga i heile Sunnfjord bør vere.

Vi gratulerer Anne Karin Huus Erikstad som årets helse-/omsorgarbeidar 2023!

🎥 Photoevent

21/01/2024

Kyrre Eikås Ottersen vart tildelt kulturprisen 2023! 🎉

Den talentfulle skodespelaren har i gjennom 30 år formidla historier til eit breitt publikum. Ottersen er hardarbeidande og har hatt mange ulike typar rollar gjennom si karriere. No er han aktuell som Tollak i Tollak til Ingeborg ved Teater Vestland.

Kulturprisen vart delt ut av Sunnfjord kommune, og heidra på Sunnfjordgallaen!✨

21/01/2024

Eldsjelprisen 2023 gjekk til Egil Hjelmeland!

Med sitt engasjement for musikk har han gjort mykje for kulturlivet i Sunnfjord. Han har hatt ein sentral rolle i skulekorpset i Sande, Førde og Gaular. I 1987 var han med å starte opp Gaularspelet, som hadde 30-årsjubileum i 2017.

Eldsjelprisen er Sunnfjord kommune sin årlege pris, som i år vart heidra på Sunnfjordgallaen! 🙌

🎥 Photoevent

21/01/2024

FOR EIN KVELD! 🤩

Sunnfjordsalen full av festkledde folk, det vart ein kveld med latter, tåre og stoltheit! Tusen takk til alle som var med å heidre nokre flinke Sunnfjordingar!

Scandic Sunnfjord Hotel & Spa Førde Industri og Næringssamskipnad

Det er ikkje typisk sunnfjordsk å heidre seg sjølv. Men etter i kveld, ser vi kanskje ei endring i den trenden.

18/01/2024

FÅ PLASSAR IGJEN PÅ MIDDAG!

Middagen med Terje Ness på Scandic Sunnfjord Hotel & Spa er nesten heilt fullt.🔥

FRIST for kjøp av billett med middag går ut i KVELD kl. 21:00!
Bli med på heile gallaen og nyt nydelig mat 👇

Kvelden for å heidre Sunnfjordingar!Vi legg janteloven og “den trauste sunnfjordingen” igjen heime og viser stolt fram eit knippe av bautane i Sunnfjord.Vi er stolte av vårt lokalmiljø og vil heidre dei flotte folka som gjer Sunnfjord til ein god plass å vakse opp, bu og leve i.Velkomen til ...

12/01/2024

Her er dei nominerte per 11.1, er din favoritt nominert?✨
Du kan nominere her -> https://forms.office.com/e/VbkC0j7xAH

Nominasjonen er open til søndag 14.1 kl. 12:00.
https://sunnfjordgalla.no/nominerte

15/12/2023

Kjekt på julesamling med næringslivet på onsdag! Dette var vårt siste arrangement i 2023 og det nærmar seg juleferie 🎄

28/11/2023

Kjekt å arrangere julebord🥰

God mat frå Ferske Smakarog nydelig julesang i frå Sigrid Felde

Tusen takk til Sunnfjord U40og AFA for samarbeidet.

Vi var heldige som kunne dele ut fine premiar frå opplevelser i Sunnfjord , tusen takk til Fyrig Sauna, Førdehuset, Trøkk n' Truck, Håjen Kafé og Jølster Skisenter AS 🎁

Helsing julienissen 🎅🏼

21/11/2023

Julestemning på Elvetorget, laurdag 25. november 🎄

🎹KONSERT PÅ TORGSCENA🎹
Laurdag 25.november tenner vi lysa og det store juletreet vårt på Torgplassen🎄 Vi fyller dagen med lys og musikk, gløgg og pepperkake og ynskjer alle velkomne til ein liten lysfest på Torgplassen✨⭐️På Torgscena underheld Sigrid Felde oss med ein nydeleg konsert etter at vi har tent lysa. Velkomen🥰

17/11/2023

Nattope er så gøy! 😁 Vi føler oss som julenissen når vi får lov til å levere premiar til ein verdi over kr 220 000 til tre heldige vinnarar! 🎅 Tusen takk til lokale bedrifter som sponsar premier og er med å bidra til at Førde får ein pangstart på julehandelen.

Bra initiativ og flott tradisjon av Førde Industri og Næringssamskipnad, Alti Førde og Elvetorget! 🎉

16/11/2023

Bygg, Brunsj og Bustad er eit flott eksempel på eit godt samarbeid mellom bedrifter og organisasjonar for å få til eit innhaldsrik arrangement. Obs Bygg la inn eit ynskje til Sunnfjord U40 om å ha eit arrangment i lag. Vidare blei Hending kobla på og dette blei Julie sitt første oppdrag som produsent. 😎

Over 60 medlemmer av Sunnfjord U40 møtte opp på ein søndag på Kronborg. Her fekk dei lære å sparkle av Obs Bygg, delta i konkurransar, listing av Vm-Bygg As, salstips av Førde Takstkontor og interiør-inspirasjon med Marias Hus 🪚🧰🪛

Foto: Jostein Vedvik Photography

15/11/2023

2. november fylte Oddvar Torsheim 85år! 🎉

Vi var med å arrangere ei flott bursdagsfeiring i Førdehuset. På festen var det lokal musikk med kor og korps og premiere av filmen "Idear frå Gud, djevelen og dei fire verdshjørna". Kvelden vart avslutta med Oddvar sin eigen favoritt: Napoleonskake og kaffi - til 500 gjester 🍰

Takk til Sunnfjord kommune, Førdehuset, Kino Førde, Sogn og Fjordane Kunstmuseum, Sunnfjord Cafè & Catering As, Naustdal Dampbakeri a/s, Arne Øvrebø, Førde musikklag, Buldre Mannskor, Sunnfjord kulturskule, Korskulen i Førde kyrkje, Vookal

85-årsjubilanten Oddvar Torsheim vart hylla og feira med song, talar og filmpremiere. Men det var då han fekk sette seg ned i ro og mak med eit Napoleonskake-stykke at han verkeleg såg ut til å trivast.