Dalahagen

Name: Dalahagen
Address: Dalevegen 147, Holmefjord, 5642, NO
Telephone: +4790203017
Rating: 5

Hjem
Norge
Holmefjord
Dalahagen

Friske snittblomar dyrka med omsorg, lokalt og bærekraftig.
(6)

23/07/2024

Eg kan vel ikkje hevde at eg har tatt heilt ferie, men litt roligare tempo har det vore no i juli. Eg prøver å planlegge slik at eg har mykje blomar om våren og forsommaren, og så ein ny runde i august og september. I juli er jo mange på ferie og det er ikkje same etterspørselen etter blomar i heimane. Men no byrjar dei første seinsommarblomane å komme i gang og eg er klar for å sende dei ut i verda. Det blir nok ein leveringsrunde til Eikelandsosen fredag ettermiddag! Så om du tenker deg at du vil ha ein fin bukett til helga er det berre å gi ein lyd! 300,- for ein litt enkel men fin bukett i for det meste lyse og lette fargar. Eg sender også avgårde nokre til som har open kafé, bakeri og gardsbutikk torsdag til søndag 😊

22/07/2024

Eg er heilt øvegidd som dei seier over det vetle ferskentreet mitt i drivhuset, som har gitt minst 100 frukter i sitt første produksjonsår. Riktignok små, men veldig gode. Neste år får eg vere flinkare til å tynne så blir dei kanskje større også. Uansett er det deilig å kunne fråtse i slik luksus! Og visst kledde dei blomkarseblomane? Eg held på med produktutvikling til haust og vintersesongen, eddikar smaksatt med spiselige blomar, urter og bær. Blomkarsen gir ein krydra eddik med vakker varmoransje farge, nydelig til salatdressing 🧡

17/07/2024

Det er så hyggelig å få fine bilder frå bryllupa i innboksen! Dette fantastisk fine paret her feira bryllup ei heil helg for eit par veker sidan. Fredagskvelden var det bunad, blomsterkrone og brureferd på Hardangerfjorden. Eg må innrømme at eg tenkte ein del på dei gjennom dagen, for det var altså eit forferdelig ver med piskande regn og sterk vind. Men jammen la dei ut på tur likevel, og ut frå bildene å dømme la uveret ingen dempar på stemninga. Blomsterkrona skulle vere stor og fyldig og passe til dei raude fargane i bunadene, så då blei det korallrosa peoner, oransje ranunkler og andre innslag i varme fargar. Same fargane gjekk igjen i brudebuketten som blei brukt på lørdagen, sjå siste bildet frå den stemningsfulle Hardangerkatedralen i Jondal. Vakkert par, ikkje sant?

09/07/2024

Ein aldri så liten ferietur til fjord, fjell og hav er godt for både folk og dyr. Det blir altså lite blomar å finne frå Dalahagen eit par veker framover, men frå slutten av juli satsar me på full fres med sommarblomar!

29/06/2024

Dagens andre, til ei brur som ville ha ein fargerik bukett med varmt rosa tema og litt uformell form. Til lukke med bryllupsdagen!

Håpar ingen er lei av brudebukettar no, det har vore 8 bryllup på 9 veker denne våren og forsommaren. Men no blir det ei heil stund til neste, og eg ser fram mot litt roligare dagar i juli. Eg vil gjerne få takke for tilliten til alle brurepar som valte lokaldyrka, økologiske blomar til feiringane sine, mange spennande og artige oppdrag som eg har kost meg veldig med!

29/06/2024

Ein av helgas bukettar, til eit bryllup der lokalprodusert og kortreist mat og blomar var i fokus og stilen skulle vere rustikk, frodig og naturleg. Elles var brura open for mine forslag når det gjaldt fargar, og utfrå kva som blomstrar finast nett no blei det då lyse, lette og varme fargar i limegrønt, krem, lysgult, fersken, oransje og korall. Eg ynskjer brureparet til lukke med dagen og kryssar fingrane for at uvèret ikkje stikk for mange kjeppar i hjula på alle planane dykkar for helga!

22/06/2024

Ny helg, nytt bryllup! Dagens brur var open for fargar, men då ho plukka ut sine favorittbukettar frå albumet mitt kunne eg sjå at ho var svak for rosa 💗. Så då blei det ulike nyanser av rosa og kvitt i dag. Ved å velge både sterke og dempa rosatonar kan ein likevel få eit sprekt uttrykk, og syrlig grøn marikåpe gjer det heile ei frisk kjensle. Peonar, ranunklar, skjærsmin, løvemunn, astilbe, stjerneskjerm, levkøy, hjertegras og ikkje minst årets aller første rose - den nydelige sorten 'Gertrude Jekyll' med ein duft som kan slå deg i bakken. Til lukke med dagen, eg håpar brureparet får ei strålande feiring!

10/06/2024

Bak glansbildet av fine georginer... ligg ein balje full av råtne knoller. Kvart år går eg på fleire dyrkningssmellar, nokre større og andre mindre. Ein stor smell i år er georginene, eller dahliane. Det viser seg at godt over halvparten av alle knollane mine som eg har overvintra frå i fjor er ødelagte 😓. Eg har fleire teoriar om årsakene, som at det var ein veldig våt haust då eg grov dei opp og mange var overmetta med vatn, eg har ikkje lagra dei godt nok, eg har ikkje fulgt godt nok med gjennom vinteren, det har vore mus i dahliakassene mine, eg starta driving for seint. Mest sannsynleg er det ein kombinasjon av alle desse faktorane. Uansett er resultatet at mange sorter som eg har samla meg opp over fleire år er borte 💔 No har eg støvsugd nettbutikkar og hagesenter etter brukande knollar og potta opp ein heil del, så det blir vel georginer i år også, om enn noko seint. Men eg kjem til å savne mange av mine gode følgesvenner frå tidlegare år 🥺. Men men, her gjeld det å komme seg opp i salen igjen og starte å samle på nytt! Så om nokon sit med overskudd av georginer som egner seg til snittblomster er eg interessert i å kjøpe 🏵

08/06/2024

Dagens bukett er ein fargerik affære, og den duftar heilt magisk av skjærsmin. Sol og regn om kvarandre på bryllupsdagen seiast å love godt for framtida, gratulerer til brureparet!

01/06/2024

Dagens bryllupsbukett er lys og fager i kvitt og grønt. Brura villa gjerne ha prestekrager og valmuer, ellers har eg brukt kvit, fylt syrin som basis, greiner av krossved og bøk, ranunkler, kvit storkenebb, hundekjeks og marikåpe, og så kom eg over den perfekte kvite løvemunnen då eg var innom gartneriet på torsdag. Til lukke med dagen!

31/05/2024

Sommarmarknad på Fjord'n Nærsenter i morgon kl. 10-16, mykje spennende som skjer i Eikelandsosen denne dagen. Hvis du vil ha garantert kalorifritt smågodt har eg plukk og miks på desse sukkertøya av nokre ranunkler og anemoner med superpris 10 kr stk i anledning dagen. Eg har også masse pluggplanter av grønsaker (salat, beter og diverse kål) tomat, paprika og chiliplanter, kortreiste sommarblomar som fantastisk frodige pelargonier frå Toppe Gartneri, kjempeverbena og prydtobakk av min eigen produksjon, pluggplanter med spiselige blomar og så vidare og så vidare. Kanskje snakkast me?

27/05/2024

Det er ikkje berre blomar i Dalahagen faktisk, i år har eg laga mykje pluggplanter av grønsaker også. Salat, beter og ein masse forskjellige kålsorter. Alt sjølvsagt økologisk! Desse får du kjøpt på rekoringane i Åsane og Fyllingsdalen på torsdag, og på sommarmarknad på Fjord'n Nærsenter i Eikelandsosen på lørdag. Friske og sterke småplanter, ferdig herda og klare til å plantast rett ut i hagen. Og no er det dessuten mykje betre utplantingsver enn det har vore på fleire veker, litt kjøligare og fuktigare er bra for småplantene 👍

21/05/2024

*GI-VEKK AVSLUTTA*
Dagens bukettar på Rekoutlevering i Fana og Os. Denne gongen ville tilfellet at eg kom heim igjen med ein bukett som no står trygt plassert på kjøl etter nokre varme timar i bilen. Då tar me ein aldri så liten gi-vekk, tenker eg! I hurtigform 😅 Kommenter med navnet på nokon du trur kunne tenke seg ein slik, så trekker eg ein vinnar i morgon ved lunsjtider. Buketten kan hentast her i løpet av onsdag 💐. Del gjerne, så eg når ut til fleire før det er for seint!

20/05/2024

Litt godt å kjenne på at eg no haustar dei aller siste tulipansortene - fløyelsmjuke Black Hero og leikne Blue Parrot. Det har vore nokre hektiske veker, og det blir godt med ein liten pause før dei neste avlingane blir klare. Vil du sikre deg ein av årets siste tulipanbukettar i desse lekre lilla/svarte fargane må du vere snar - eg kjem til Rekoringane i Fana og Os i morgon (tirsdag) kveld, eller du kan bestille her lokalt og hente til helga. Skal også ein tur med levering til Eikelandsosen på fredag.

16/05/2024

Då var ein lang dag over og eg setter snuten heimover. Ikkje enkelt å frakte tulipanar i denne varmen, kjøleanlegg på full pinne hindrar dei ikkje i å sprette i bilen... Men holdbarheita skal vere bra likevel, og no er dei jo på sitt finaste til morgondagens feiring! Rekordomsetning på Reko-ringane i dag, tusen hjertelig takk til alle som velger lokaldyrka, bærekraftige 17. maiblomar til festbordet! ❤️🤍💙

14/05/2024

Eg har fått henta nydelige sommarblomar frå , veldig stas å kunne lukke ut mine favorittar der og finne skattar på alle bord. Vanskeleg å begrense seg, kan ein trygt seie! Diverse sommarplanter i kjempefine fargar, og utrulig kraftige og fine pelargonia, både Dronning Ingrid og ein kirsebærrosa stor ein. Er du i beit for planter til krukkene før 17. mai er det berre å svinge innom i løpet av morgondagen, eg er her og jobbar heile onsdag 🌱

09/05/2024

Buntesalg på tulipaner denne helga: 3 for 2 🌷🌷🌷
Ope i drivhuset 12-15 torsdag, fredag, lørdag!

08/05/2024

Så er det langhelg! Og eg har ope i drivhuset torsdag, fredag og lørdag kl 12-15. Har enno fine planter av tomat, agurk, paprika og chili. Byrjar tynnast ut mellom urtene men rikelig med rosmarin er her. Småplanter av blodbeger og kjempeverbena, og ikkje minst masse flotte tulipanar! Så her blir det tulipanfest med utstilling av alle sortane som blomstrar så langt i år, og miksbunter for salg. Og ikkje minst er det kyllingar i drivhuset for dei som har lyst til å komme og helse på 🐤🐥.
Ps: om ikkje opningstidene passar er det berre å sende ei melding og avtale ei tid, oftast er eg jo her uansett 😊.

06/05/2024

I morgon kveld er det Reko-utlevering i Fana igjen og eg kjem med tulipanar i alle mulige variantar. Sist hadde eg berre nok til halvparten av alle som ville ha, denne gongen har eg slike mengder at eg trur det skal rekke til alle! Du kan bestille på facebookgruppa Reko-ringen Fana, evt sende meg ei melding. Helst i løpet av dagen i dag!

04/05/2024

Eitt av helgas konfirmasjonsoppdrag. Blir det meir vårkjensle enn dette?

03/05/2024

Nei, no må eg sei det er mykje fine tulipaner i omløp! Her er nokre av gårsdagens bukettar, eg lagar fleire slike i dag. Eg har også bestilt inn flotte planter av tomat (biff, cherry og gul cherry), paprika, chili, snacksagurk, salatmix, rosmarin og andre urter. Alle norskproduserte av god kvalitet! Eigen produksjon av kålplanter, beter, urter og spiselige blomar er klar om nokre veker 🌱 Ope i drivhuset i dag fredag kl 14-18 og i morgon lørdag kl 12-15!

30/04/2024

Gamle bilder, men dagsaktuelt innhald: eg fråtser i denne fantastiske tulipanen, Verona Sunrise, som har ei fascinerande fargeforandring undervegs i utviklinga. Startar som sart rosa, går over til knallrosa og så etterkvart ei fyrverkeri i fersken, oransje, cerise. Her har den selskap av den enkle Salmon van Eijk, fylte narsisser og litt blomstrende greiner. Vil du ha ein slik bukett? Torsdag kjem eg til Rekoringen i Fyllingsdalen/Åsane og fredag/lørdag har eg utsalg i drivhuset. Bestill gjerne på førehand om du vil sikre deg!

26/04/2024

Nydelige vårdagar her hos oss, men bitande nordavind og minusgrader om natta gjer at det går seint, seint framover med neste runde tulipaner. Eg satsar på overflod neste helg, og då kjem også første ladning med grønsaker og urter til deg som vil dyrke sjølv. For eksempel tomater, paprika, chili og agurk - noko har eg sjølv dyrka fram og anna er innkjøpt frå norske gartnerier. Litt sommarblomar har eg også, sånt som tåler kjølig temperatur no på vårparten. Så då er det opent i drivhuset fredag 14-18 og lørdag 12-15 🌱

18/04/2024

Eg har vore i lio og henta grønt til årets første bukettar - villplommer fulle av blomsterknoppar, hatlegreiner med bladknoppar som perlerader og vier med søte små gåsungar. Vårliljer og tulipanar kjem frå drivhuset. No er me i gang! I første omgang blir det bukettar til dei som har blomsterabonnement, men det kan jo tenkast at eg får nokre ekstra, då gir eg beskjed her 😊. For ei glede med ei sånn li som leverer mengder med materialer!

15/04/2024

I vinter har eg vridd hjernen for å tenke ut korleis eg best kan utnytte 50 kvm drivhus til både utsalg/kurslokale og planteoppal/dyrking. Mange arbeidsteikningar og snikretimar seinare er eg endeleg ferdig! I den halvdelen som er til dyrking har eg no fire store plantekasser og to av dei fungerer som plantebenkar om våren, den eine med varmekabler tilogmed. Når eg er ferdig med oppal og alle småplanter er ute kan eg berre hive av toppen på benkane og vips, så har eg store kasser til å plante i! Eg trivst visst like godt med hammar og drill i hendene som bukettar og dekorasjonar 😅 Nett no unner eg meg nokre minutt i godstolen for å nyte synet, og høyre på humlene som surrar rundt i blomane på ferskentreet 🌸🐝🌸

12/04/2024

Vår er det, men foreløpig ein veldig våt sådan. Treng du å jukse fram litt vårkjensle så har eg eit lite utvalg nydelige løkblomar i krukker i drivhuset, som desse babyblå perleblomane. Og dei kvite narsissene er ei skikkelig duftbombe, herlig for både syns- og luktesansen med andre ord. Eg er på post i morgon (lørdag) frå 12-15 🌸

01/04/2024

I dag gravla me Mons. Han var gamal, heile 13 år, og bar preg av det. Giktbrudden, halvblind og inkontinent var det nok best for både han og oss at han no fekk kvile. Men sjå for ein staskatt han var i si tid - ein stor branne med eit mildt vesen. Til ære for minstemann i huset vart det gravferd på riktig, med minneord og gravstein og sjølvsagt blomar på grava. Etter jordfestinga las me dikt av Olav H. Hauge.

Katten

Katten
sit i tunet
når du kjem.
Snakk litt med katten.
Det er han som er varast i garden.

27/03/2024

Det byrjar bli mindre utvalg i påskeblomar no, men enno har eg ein heil del av desse skjønne minipåskeliljene - ein i kvitt/lysegult og ein med fylte stjerneforma blomar. Løkane kan plantast ut i hagen etter blomstring og kjem fint igjen år etter år. Her er også egg (både brune og grøne) og tulipanbukettar i påskefargar. Ope 12‐15 i dag 🐣

Adresse

Dalevegen 147
Holmefjord
5642

Telefon

+4790203017

Nettsted

http://dalahagen.no/

Varslinger

Vær den første som vet og la oss sende deg en e-post når Dalahagen legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Bedriften

Send en melding til Dalahagen:

Videoer

Skikkelig dårlig ver ute, men vår i drivhuset med mykje fint i påskefargar og andre fargar. Ranunklar, påskeliljer i ulike variantar, duftpelargonium, tulipanbuketter osv. Ope lørdag 12-15, mandag 14-17 og onsdag 12-15. Men obs - begrensa mengde varer, når det er tomt er det tomt!

Skikkelig dårlig ver ute, men vår i drivhuset med mykje fint i påskefargar og andre fargar. Ranunklar, påskeliljer i ulike variantar, duftpelargonium, tulipanbuketter osv. Ope lørdag 12-15, mandag 14-17, onsdag 12-15. Men obs - begrensa mengde varer, når det er tomt er det tomt!

Lokaldyrka, berekraftige bryllupsblomar i takt med sesongane. Alle årstider kan by på noko magisk om ein berre veit å setje pris på det! Er du interessert i doggfriske, økologiske vestlandsblomar til din store dag? Ta kontakt for å få tilsendt Dalahagens bryllupsguide med inspirasjon og praktisk info. #bryllupsblomster #brudebukett #bryllup2024 #dittbryllup #brudepar #norskebryllup #sommerbryllup #vårbryllup #høstbryllup #maibryllup #junibryllup #julibryllup #augustbryllup #septemberbryllup #lokaleblomster #økologiskeblomster

Ikkje mykje som minnar om vår ute for tida, men inne går det an å jukse! Eg gjer klar til første utlevering av vinterens blomeabonnement i morgon, med blant anna nydelige, norskproduserte primula i ulike variantar. Det gjer godt, kjenner eg 🌸. Har kapasitet til litt fleire, hvis nokon vil hive seg med i siste liten. https://www.dalahagen.no/produkt/blomsterabonnement-vinter/

Ruskever ute, men lun stemning i drivhuset. Salg av blomsterløk for haustplanting, og bukettar med pyntekål frå Dalahagen og krysantemum frå Toppe i Åsane. Ope lørdag 12-16 og søndag 12-16, velkommen!

Eg binder bukettar i dag, og det blir ekstra til sals i drivhuset 14-17. Gi ein lyd om du vil hold av! Det er også litt fine haustblomar til utekrukkene for dei som vil pynte litt i fineveret 🍁

Gladnyheit! Eg er opptatt med 17. komitéarbeid på tirsdag, og tenkte difor eg måtte droppe rekoutlevering i Fana den kvelden. Fleire faste kunder har etterspurt blomar, og eg har jo masser hausteklart av denne fine oransje frynsetulipanen blant anna som eg var redd for å brenne inne med. Heldigvis vil no snille Veronica frå Lygre Livsgard ta med seg tulipanbuntar til utleveringa i Fana, så då løyser det seg! Annonse ligg ute i Facebookgruppa Reko-ringen Fana 🍁, betre seint enn aldri. Så hvis du vil ha tulipanar i gyldne fargar til festbordet kan du bestille der! Og de som bur lokalt eller har vegen forbi kan sjølvsagt også bestille for henting her i Dalahagen dagane fram mot 17. mai.

Snarveier

Del

Type

Blomsterhandel

Miljøvenlege, kortreiste blomar

Er du på jakt etter blomar som ser ut som om dei er henta rett inn frå hagen, og er dyrka på miljøvennleg vis? I Dalahagen er eg opptatt av bærekraft, mangfald og ikkje minst blomar! Her dyrkar eg utan bruk av sprøytemiddel og kunstgjødsel, og ønskjer å ivareta eit yrande liv i både jorda og i lufta. Eg tilbyr blomar etter sesong, frå april/mai til september/oktober. Foreløpig er eg i startfasen og driv i liten skala, men meir informasjon om korleis du kan kjøpe blomane vil kome etterkvart. Dalahagen held til i Nore Fusa, seks mil utanfor Bergen.

Om meg

Eg som dyrkar i Dalahagen heiter Elisa Kolle, og eg har vore levande interessert i blomar og dyrking så lenge eg kan huske. Som barn gjekk eg på tur med ein liten lommeflora i handa, eg fekk min eigen hageflekk i foreldra mine sin hage, eg hadde blomsterdyrking som oppgåve i 4H. Som student i byen hadde eg parsellhage der eg tilbrakte lange fridagar, og sykla heim om kveldane med korga full av blomar og grønsaker. Eg fekk ordentlig hage i 2007, same år som eg vart mor for første gong. I løpet av permisjonstida slo tanken om eigen snittblomsthage rot på alvor. Sidan den gong har eg sådd og prikla, luka og grave, planta og hausta omtrent utan pause. Etterkvart flytta me til eit lite småbruk i Fusa der eg verkeleg har fått utfolde meg, og no er det endeleg tid for å dele av overskotet!

Om du er interessert kan du ta kontakt via sida her, på e-post [email protected] eller telefon 90203017. Eg leverer også blomar gjennom REKO-ringane i Bergen når eg har mogleheit til det.

Kan hende du også liker

kagaramagarden