04/11/2022
Happy Birthday 🤣
BALAY NGA PA-ARKELAHAN SA AMERIKA, GINASAMOK OG KALAG NGA MAGSIGEG UTNGA
Dili lamang pagpang-hadlok ang gibuhat sa mga kalag nga dili mahimutang, sanglit sa usa ka balay nga pa-rentahan didto sa Texas, Estados Unidos, dunay babayeng kalag nga magsigeg utnga.
Kini ang gibutyag karon sa landlady nga si Linda Hill, didto sa Gainesville, Texas.
Matud ni Hill, napulo na ka tenants ang misulay pag-puyo sa iyahang balay, apan dili sila modugay og unom ka bulan, tungod sa madungog nila nga magsigeg utnga ang kalag.
Dugang pa sa landlady, siya gani mismo, gi-baklad pud sa kalag, tungod kay duna siyay nadungog nga miingon kaniya og “lookin good.”
Dihang gisubay niya hain gikan ang tingog, saysay ni Hill nga duna siya nakita nga itom nga porma sa usa ka babaye nga nasalipdan sa kurtina.
Nagtuo siya nga iyahang bana ang nakita niini, apan dakong kakurat niya dihang ang bana niini misulod sa kasilyas ug nangutana kung kinsa ang iyahang ka-estorya.
Nag-imbita og paranormal expert ang magtiayong landlord ug landlady, ug didto nila nadungog ang utnga sa babaye gamit ang electronic voice phenomenon equipment.
Tungod sa insidente, nakahukom ang magtiayong hill nga ipa-renta na lang ang balay ngadto sa mga indibidwal o grupo nga mahilig magpahigayon og paranomal activity ug maniid sa mga kalag.
