08/10/2024
Vanoggend slaan dit my tussen die oë dat sommer gou-gou is nòg 'n jaar verby. Intussen het ons Mamma Salmarie & Baba Henro gevier (Hy is nou ampertjies 1), ons het 'n Kaapse draai gemaak & die Boland nooi'tjie Theresé bederf met 'n spesiale kombuistee, ons reis toe na Stormsvlei vir die Van Der Westhuizen bruilof, waar ek behoorlik myself kon uitleef deur haar tafels se décor, blomme & "styling" te kon doen. Ek was soos 'n kindjie in 'n lekkergoed winkel.
Die blomme en mooimaak gogga byt kwaai hier aan my hakskene. Daar is mooi vooruitsigte vir Teetyd, maar alles vat tyd! As ons 'n bietjie stil is, weet ons is besig om te droom, besig met baie planne. Binnekort as jy jou oë uitvee is daar iets mooi op die horison.
Moenie die liefde aanvuur voor die tyd daarvoor ryp is nie - Hooglied 3:5 ♥
Hierdie is nou wel gemik op verhoudings, maar wat is 'n besigheid tog sonder verhoudings.
Suiker groete, mooiloop ♥
