01/01/2022
Vandag is die laaste dag wat ek 'n boodskap op Die Windpompie se blad sal plaas...
Dankie vir elke liewe ouer en kindjie wat my ondersteun het, mag julle vir altyd julle ervarings by Die Windpompie onthou.
Dankie vir almal wat Die Windpompie by my gehuur het vir julle spesiale geleenthede mag julle altyd die lekker kuiers onthou.
Dankie vir elke persoon wat saam met my gewerk het, Elmari, Yolandi, Maria, Aletta, Irene, Lindo, Sharon en Jessica...vir julle was dit net so belangrik soos vir my om elke ete met liefde ❤ voor te berei. Dankie vir julle ure en ure se harde werk...sit en rus het ons nie geken nie.
Dankie vir die skool en onderwysers wat my ondersteun het.
Dankie vir my kinders dat julle altyd bereid was om my te help.
Dedré'tjie gelukkig hoef jy nou nie meer agter in die kar tussen Chips bokse en koeldranke te sit nie...🤣.
Zané'tjie jou hulp met die klerebank...sjoe hoe sou ek dit ooit sonder jou kon doen.
My ma en oom Johan dankie vir julle ondersteuning, bystand en hulp en dat julle altyd in my glo en aanmoedig.
Gogo, dankie vir al die klere wat jy altyd met soveel sorg en liefde gewas en stryk het...en nooit gekla het nie.
Dan my man...
My liefste mens ek sou niks maar niks sonder jou kon doen nie. Jy was en is net altyd daar vir my. Van die begin af wou jy net alles vir my doen en Die Windpompie mooi maak vir my en die kindertjies tot die laaste nog soveel planne vir die plekkie gehad.
Dankie vir jou opoffering en tyd om Something Nice vir ons te bou en jou vertroue in ons om dit te kan maak "werk".
Dankie aan my Hemelse Vader vir elke dag wat ek my kon uitleef met soveel liefde vir my amper 900 kindertjies.
Ek weet nou dat U ander planne vir my het en sien uit na die tyd wat ek saam met my 2 dogters kan spandeer.
Die Windpompie en sy kindertjies sal altyd na aan my hart lê...vir my was dit nie net 'n besigheid nie maar n harts plek.
Met liefde...❤
Altyd liefde...❤
