Was ist die Webseite?

https://www.facebook.com/108391110700890/

dr Glaibasler

Startseite
Schweiz
Basel
dr Glaibasler

Schnitzelbangg vo dr IG WuF
(1)

20/06/2024

D Esther Keller duet im TV Basel praale
dass für d’Parkkarte meh muesch zahle
by me groosse Auti do het sy s’Gfyyl
das brucht meh Blatz no zimmlig vyyl
bim Parkplatz sueche das macht weh
han ych glaini Auti in groosse lugge gseh
wär au sy Klapf in d Lugge stellt e so
wurd lieber in e Parkplatz training go

12/05/2024

Ha nit könne schloofe letschti Nacht
mi Härz het Freudesprüng nur gmacht
dä Syyg vom Nemo isch doch voll famoos
dr Erfolg für die glaini Schwiz so grandioos
dr ESC in Basel das wär doch genial
jä in dr Mässehalle wär’s doch ideal
me söt e bitz entschtaube und au butze
so könnt me die Halle ändlig wider nutze
Nemo kumm nach Basel das wär toll
Jä die Stadt isch wirgglig wundervoll

09/05/2024

Es isch toll jä in dr Stadt isch öbbis los
dr Aadrang vor dr Mäss isch grandios
verglemmi vyyli kömme mit em Kaare
und wänn in d’Mäss dert yyne fahre
jä au stoosch denn bi de Kassen aa
alli wänn e Billje vo däm Aloss ha
mini Gedangge jä die blyybe hängge
muess an d’Fasnacht immer dängge
mir sin e Mässe-Stadt am schöne Rhy
jä so söt`s doch wirgglig immer sy

25/02/2024

D Fasnacht isch verbyy, das Gfühl isch gar nit toll
ha drummlet bängglet aifach numme wundervoll
jä dr Alldaag kunnt zrugg e Résumé wird gmacht
an de scheenschte Dääg do han ych nit nur glacht
s wird kritisiert und bewärtet ych find’s nit guet
jede wo in dr Stadt duet Bänggle bruucht Muet
doch wär isch schöner grösser toller uf dr Gass
mir wänn doch alli zämme numme unsre Spass
au d Clique Gugge Wääge Schääse schaffe vyyl
e schöni Fasnacht zämme ha jä das wärs s Zyyl
nit nur Zyt und Gäld au Härzbluet isch derbyy
jä dä Ufwand für drei Dääg denn ischs verbyy
für Respäggt und Toleranz wär ych wirgglig froh
wenn mir ändlig mol dien richtig zämme stoh
mit aabe mache machsch wirgglig kaim e gfalle
s git ai Fasnacht z Basel und die ghört uns alle

26/12/2023

an dr Wiehnacht han ych vergässe
dass ych nit so vyyl hät dörfe ässe
Jetz kunnt dr Silveschter ych freu my scho
das git e Fescht jä s Neue Joor ka ko
und am Morge gits denn nur no Tee
my Kopf dä brummt s’macht alles wee
es isch jo aigentlig kai gsundi Zyt
Sport wär guet so wirsch au wider fyt
an dr Fasnacht das isch wirgglig toll
schloofsch kuum, au bisch nie so voll
de läbbsch vo Subbe Waie und Wysse
mänggmol gits e Wurscht zum Bysse
bisch immer pünggdlig und stoosch yy
jä die drei Dääg sin so schnäll verbyy
rutschet guet, basset uf in däre Nacht
ych wünsch euch none tolli Vorfasnacht

11/11/2023

Es isch Elfte Elfte an vyyl Ort goots loos
mit dr Fasnacht jä d’Freud isch grooss
und d Schwobe feschte schone moll
ych find das aifach numme wundervoll
mit Funkemariechen und hellau hellau
hösch das könne mir in Basel sicher au
jä bald isch Wiehnacht die muess syy
und in e baar Wuche isch die au verbyy
denn kunnt Blaggedde und dr Vogel Gryff
au Marschiebige für dr letschti Schliff
hösch d Stimmig in dr Clique die isch do
d Vorfreud uf d Fasnacht duet langsam ko
jä in drei Monet ischs ändlig denn sowyt
es isch halt immer no die schönschti Zyt

22/10/2023

Ych freu my uf dr Källerabstiig dä isch glyy
zerscht goots uf d Mäss jä das muess syy
de driffsch Kollege, die hesch lang nümm gseh
und dringge zämme no zwai drei Hopfetee
de schwätzisch vo dr Fasnacht d Stimmig toll
s`isch scho Morge d Käller sinn no immer voll
ych gang Hai und bi so glügglig smacht mi froh
jä my Freud uf d Fasnacht die isch richtig koo

19/10/2023

Es schmeggt nach Mäss, die Zyt isch numme scheen
statt drummle freu my, wenn mir mit dr Clique gehn
wenn alli mit de Bahne fahre, dien vyyli Auge funggle
jä d Stimmig die isch toll, vor allem denn im Dunggle
es isch aifach numme scheen, jä das isch wundervoll
do erinnere ych mi zrugg als Kind, jä es isch so toll
so söts immer blyybe, vorallem au das gueten ässe
do kan ych d Broblem mol für en Obe ganz vergässe
wie d Fasnacht wärs halt scheen es giengi nie verbyy
das gits halt wirgglig nur bi uns in Basel an mym Rhy

30/09/2023

Ych sött no wähle, es wär für Basel sicher wichtig
weli Partei oder wele Politiker wär für mi dr richtig
es muess kai Doggter sy, e Fasnächtler das wär toll
aifach e gladde Siech, jä das wär wirgglig wundervoll
ych kumm bi däne vyyle Wahlzeedel nümme druss
drumm mach ych mit so vyyle Parteie aifach schluss
und gründ e aigeni, wo sich yysetzt mit aller Macht
für e hailoos heerligi, scheeni, tolli Basler Fasnacht

21/08/2023

Es isch haiss hüt dr Durscht isch riise grooss
au schwizisch numme im Auti uf dr Strooss
hösch an so Daage das isch wirgglig s Beschte
gläbt sich kain uf d Stroosse vo de Aggtiwischte

29/07/2023

Ych bi in de Ferie in dr Provence jä voll krass
es isch schön und s Wätter macht nur spass
ych dängg an d Fasnacht bin ych no ganz bache
was isch in Basel so bassiert über was kasch lache
es gfallt mer wirgglig guet do drüber bin ych froh
doch s‘isch immer wider schön au s haime ko
drumm gniess ych die schöne Stunde an däm See
und freu mi z‘Basel mini Fründe wider z‘gseh

09/07/2023

Ych sitz do am wunderschöne Rhy
Menschemasse schwimme au verbyy
bald goots mit em Tattoo denn loos
au my Vorfreud die isch ryyse grooss
exotischi sproche hörsch uf dr Gass
au fremdi Kulture s’macht aifach Spass
mer hälfe de Tourischte jä so simmer
sin fründlig lächle maischtens immer
so kan ych au in de Ferie stolz druff syy
e Schwizer us em schöne Basel z’syy

17/06/2023

An dr Art Basel kasch dy dert verlaufe
und Kunscht für X Millione Dollar kaufe
jä dert gits so Skulpture zum begaffe
ych miesst s Läbe lang drfür go schaffe
ych verstand das nit so wie die Maischte
au ka mer das jä sowiso nit laischte
my Kunscht ych find das wirgglig guet
wenn d Ladärne drei Daag strahle duet

18/05/2023

In dr Clique isch s’Verainsjoor gstartet
Jä uf dä Momänt do han ych gwartet
an dr GV gits wie immer Diskussione
jä mir hän für das Joor groossi Visione
nit allne passts das kasch vergässe
es wird spoot wenn gits ändlig z’Ässe
hösch bi uns isch immmer öbbis loos
die Problem sin wirgglig nit sehr grooss
und göhn au maischtens schnäll verbyy
drumm bin ych glügglig do in Basel z’syy

12/04/2023

D Credit Swiss die bruuche sehr vyyl Kohle
vo wämm wänn sy dä Stutz ächtscht hoole
109 Milliarde das sin natürlig Frangge
für das do schaffe mir bis 80 dangge
ai Milliarde sin dausig Millione so am Rand
das git e Durm vo hundert Meter ufenand
und das mol 109 die sin doch nit ganz bache
do sin Boni vo baar Milliönli nur zum lache
d Bängger die Prolete ich ka das nit verstoh
hän Joore lang mi Gäld vom Konto gnoo
ha numme miesse Spese zahle sone Saich
und mi ainzig Freud isch no dr Morgestraich

06/04/2023

am Schlussoobe bin ych haiser gsi jä dangge
ha mi gfühlt au derte wiene rächte Grangge
drumm entschuldigt bitte mini haisri Stimm
und hoff es isch für euch nit all zue schlimm
hösch jetzt isch die Männergribbe au verbyy
an dr Fasnacht muess das sicher nümme syy

25/03/2023

Hösch s’isch Mäntig und dr Aldaagsdrugg
är het my voll und ganz au wiider zrugg
ych dräum no immer vo mym Schnitzelbangg
jä im Publikum do g’höört mi Dangg
wiesoo ka’s hösch nit immer Fasnacht syy
die scheene Zyte sin so schnäll verbyy
s’tolle duet au immer flott umme go
d Erinnerige im Kopf die sin no immer do
villicht do dräffe mir uns in dr Stadt
ame Fescht im Summer das wär glatt
drumm Kopf hoch jetzt das isch s’Bescht
wel es git no vyyli tolli scheeni Fescht

12/03/2023

Dr Schlussoobe isch jetzt au verby
my Kopf brummt no vom vyyle Wy
doch muess ych do no öbbis bringe
au im Groossbasel duen ych singe
well im fasnacht.ch s’isch nit dr Hit
stoot gschriibe ich sing dert äne nit
dr Bricht isch toll dä isch so scheen
do spyyrsch so richtig Wufler Geen

Der nächste Bangg ist «Dr Glaibasler» (Hösch!). Schwer heiser, aber mit einem sehr humorvollen Vortrag und einem – das haben wir noch nie gesehen – gesprochenen Marathonvers über das Drämmlifahren. Dr Glaibasler singt seine Verse übrigens ausschliesslich im Glaibasel… Hösch.

02/03/2023

dr Glaibasler Väärs Fasnacht 2023

Ooh das scheene Glaibasel Glaibasel Glaibasel
ooh das scheene Glaibasel Glaibasel hösch

Isch d Familie nit ganz bache
iber dyni Frau wird glache
d Kinder mache nur Beschwärde
so kasch z`Ängland Keenig wärde

Hösch my Portemonnaie ojee
het scho lang kai Gäld me gsee
Y bi syt Monet nur no blangg
Drfür han ych e volle Tangg

Mit Energie muesch spaare
Gasverbruuch wird abegfaare
uf em Hörnli wird ungeniert
numme no souvide gremiert

Dr Putin maint är syg dr Zar
dr Kim Jong-Un isch au e Star
doch die gröschte Gängschter sin
no immer in dr Fifa drin

Im Sohn sy Zimmer isch voll krass
är gamed dert ständig s macht em spass
wenn är aimol söti ko
schalt y s’W-Lan ab, denn stoot är do

Jä d Schugger laufen uns dervoo
dr Stress syg z`gross das syg esoo
es fäält an Zyt zum sich z‘erhoole
vom QR-Code uf d Buesse z moole

Hösch Google isch nit schlächt
Google het au immer rächt
und waiss alles ganz genau
wie my Schwiigermammen au

D Fasnacht die isch wider doo
d Baizer die sin wiirgglig froo
wel bim blääche kas bassiere
dass die greftig abkassiere

My Copain Megge das isch so
ka fuurchbaar mir uf d Närfe go
gang zum Deifel guete Maa
do lüddet dä im Putin aa

Im Eglisee sait e Daame
das bruucht e neie Naame
s Fraueli, do maint sy grad
haisst nei, Islam a bad

Ych styg in 6er im Hirzbrunne yy
E Wälle Schweiss kunnt do verbyy
das macht my wiirgglig M**f
well s stinggt do wie im Buff
Es kunnt e Durchsaag das isch toll
S Drämmli sygi jetz scho voll
nonem Badisch Bahnhof do wird`s guet
jetz wird gschwöbelet, ych grieg e Wuet
ojee jä nai ych bi nümm froo
dä vor mir het ein faare loo
in dr Clarastrooss do muess ych saage
kunnt e braiti Frau mit Yykaufswaage
sy bruchi immer zwai Sitz nämmli
es kunnt zur Schleegerei im Drämmli
am Clarablatz, schöne drägg
isch my Portemonnaie ewägg
und d Faart die goot nümm wyter do
well es duet e Demo ko
die sin doch voll dernääbe
dien sich do uf d Schiine glääbe
ych stygg us und finds voll krass
sone Drämmlifaart macht spass

24/02/2023

d Fasnacht goot für mi in Basel loos
jä mi Freud die isch jetzt riise grooss
dä Uftritt z Basel jä ich ha gschwitzt
d Väärs die raime, s Goschtüm sitzt
ich bruuch mir nümme Sorge mache
hüt Zoobe löömers in de Käller grache
jä au s Wätter wird nur aifach toll
d Fasnacht die wird wundervoll

12/02/2023

Schrummeli 2023

05/01/2023

s neue Logo

27/12/2022

D Wiehnacht isch jetzt au verby und umme
ych dängg die ganzi Zyt jä nur ans drummle
und schryyb an mine Värs für dr Schnitzelbangg
s Fasnachtsfieber kunnt ych fühl mi au scho Krangg
das Gfühl kann ych do nit beschryybe s’isch nur toll
jä ych freu my so uf d Fasnacht die wird wundervoll

17/12/2022

d Wiehnacht die kunnt au scho gly
und s alte Joor isch bald verby
d Gschänggli han ych immer nonig
für die z’kaufe miesst y us dr Wohnig
und au in d Stadt in Kaufrusch go
das macht mer Angscht jä sowiso
und bi däm Wättter s’isch saukalt
für dä Stress do bin ych aifach z’alt
drum lueg ych Fasnacht in dr Kischte
uf Youtube das isch s’Allerbeschte
ych freu my e tolli Fasnacht z’mache
und mit euch do kan y härzlig lache
ässet guet an dr Wiehnacht z’Nacht
das git zwai Kilo mee es isch e Pracht
jä blybet alli gsund jä das isch wohr
das wünsch ych euch im neue Joor

04/12/2022

S`isch Advänt jä d Vorberaitige die laufe
d Gschänggli duen ych jetz scho kaufe
im Garte duen ych au elektrisch spare
und dr Stromverbruch dert abefahre
au lueg ych Fuessball maischtens zobe
ooh laider nümme mit de Schwobe
über Fuessball dert in Katar kasch klage
aber ych will nüt me doderzue no sage
d`Vorfreud lon ych mir jetz nümme näh
es wird e Basler Bundesroot bald gä
und d`Wiehnacht isch au bald verbyy
jä denn kunnt ändlig d Fasnacht glyy

11/11/2022

Elfi Elf ab sofort lauft jetzt d’Zyt
d Fasnacht die isch nümm so wyt
d Schwobe feschte schone moll
hösch ich find das au so richtig toll
mit Funkemariechen und hellau
das könne mir in Basel sicher au
e dreifachs Tatää Tatää Tatää
uf das dien mir hüte au ain nä

07/11/2022

In dr Clique wird jetzt ändlig wider glacht
s Sujet hämmer d Latärne die wird gmacht
und au s`Goschtüm han ych scho brobiert
jä mi Larve die wird jetzt au scho kaschiert
so muess die Wiehnacht au nur schnäll verby
denn kunnt dr Vogel Gryff, das isch scho gly
mi Vorfreud stygt und stygt ych freu mi scho
vo mir us könnti d Fasnacht hüt scho ko
numme mini Värs für dr Schnitzelbangg ojee
jä do bruuch ych unbedingt denn au no meh
über was kasch aigentlig no Värsli mache
Krieg Klima Energie jä das isch nit zum lache
drum bin ych wider froh an d Fasnacht z go
so kan ych wider au uf anderi Gedangge ko
und am Morgestraich so bim Subbe ässe
sött me s Laid vo vyyle nit so ganz vergässe

Adresse

Basel
4058

Webseite

facebook.com

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von dr Glaibasler erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Videos

am Schlussoobe bin ych haiser gsi jä dangge ha mi gfühlt au derte wiene rächte Grangge drumm entschuldigt bitte mini haisri Stimm und hoff es isch für euch nit all zue schlimm hösch jetzt isch die Männergribbe au verbyy an dr Fasnacht muess das sicher nümme syy

Ich schwelg immer no und bi wirgglig froh dass au ich ha dörfe mol im Färnse ko für die wo`s nonig kenne das isch krass lueget`s nomool do und händ viel Spass