Kunningarstovan í Havn

22/07/2024

Ólavsøku-upphiting á kampingøkinum við live-tónleiki, mati og saunagos🇫🇴
Sum nakað nýtt fara vit á Visit Tórshavn at gera Ólavsøkuupphiting (bókstaviliga) hendan dagin, við live-tónleiki, mati og saunagos🎶🧖‍♀️

Send a message to learn more

29/04/2024

Ein dagur á grynnuni verður aftur 4. mai🐟

Leygardagin, 4. mai, verður miðbýurin í Havn aftur karmur um hugnaliga og hugkveikjandi tiltakið, Ein dagur á Grynnuni, ið savnar føroyingar at fagna góða, staðbundna sjómatin.

Á tiltakinum luttaka kokkar og matfólk úr øllum landinum, umframt gestakokkar úr grannalondum, og frá ovast í Tórsgøtu til niðast í Vágsbotni vera serstakar matoyggjar, har gestirnir kunnu smakka alskyns brellbitar úr sjónum.

Endamálið við afturvendandi tiltakinum er at seta sjóneykuna á virðismikla sjótilfeingið, og talan verður um alskyns nýveidd fiskasløg eftir árstíð.

Umframt leskiligu matupplivingarnar, verður hugfjálgur tónleikur á skránni, og bjóðað verður til góðar matløtur fyri fólk í øllum aldri.

Tiltakið byggir á sjálvboðið arbeiði og vælvild frá vinnuni, og allar matupplivingarnar á degnum eru ókeypis.

Ein dagur á grynnuni byrjar kl. 11.00 og tiltakið endar kl. 17.00.

Meira kunning um dagin og skránna verður tøk á facebooksíðuni hjá tiltakinum: Ein dagur á grynnuni.

📸 Ein dagur á grynnuni

24/04/2024

Flaggsdagshald verður á Vaglinum frá kl. 15:00-16:30 í morgin.
Góðan Flaggdag :) 🇫🇴

Vælkomin til árliga flaggdagshaldið á Vaglinum í Havn. Jon Hestoy heldur røðu, og skótarnir selja kaffi og annað gott.

09/04/2024

Mikudagin 10. apríl kl. 19.00 verður nýggja bókin hjá Lisbeth Nebelong "Sonate for sorgfulde hjerter" løgd fram í Gamli Bókahandil/ Paname Café ✨

Lisbeth Nebelong er høvundurin handan 'Færø Blues Trilogien' og nú er hon klár við stuttsøgusavninum "Sonate for sorgfulde hjerter".❤️📘

14/03/2024

Norðurlandahúsið hevur ymiskar beinleiðis stroymdar fyrilestrar frá Aarhus Universitet á skrá.

19.mars kl.18 verður fyrilesturin BUMBAN!💥

Beinleiðis stroymdur fyrilestur í náttúruvísindi frá Aarhus Universiteti

05/03/2024

Spæl føroyskt er hesa vikuna👏🇫🇴

Fert tú at lurta eftir, einum av teimum mongu føroysku framførslunum?🎶

Skráin fyri Spæl Føroyskt vikuna 2024

12/02/2024

Góðgæti til allar grýlur🧛‍♂️🦸‍♂️🧙‍♀️

Í dag bjóða vit øllum grýlum góðgæti at taka við sær.

Vit gleða okkum at síggja tykkum🍭🍬

08/02/2024

Matstovudagar vera 19.-25. februar.
3-7 rættir frá 9 matstovum, fyri ein nógv betri prís🍷🍗

19/01/2024

Ung í dansi skipa fyri áhugaverdum tiltaki leygarkvøldið🧐😊

UPP Á STOVUGÓLV Á VELBASTAÐ
⭐ minnist til at melda til húsvitjanir ⭐

Í ár skipar »Ung í Dansi« aftur fyri »Upp á Stovugólv«, sum verður tann 20. januar 2024. Hesaferð verður tiltakið í bygdunum heimanfyri, Kirkjubø og Velbastað.

Tvær húsavitjanir í Kirkjubø, ein á Velbastað og dansur í Sólarmagn á Velbastað. Møtt verður á Velbastað og bussur koyrir fólk til Kirkjubø til vitjanir og aftur til Velbastaðar. Tað fer at ganga nakað soleiðis fyri seg:

► Fólk koma til Sólarmagn á Velbastað, har tey verða býtt upp í tríggjar bólkar.
► Hesir bólkar fara so í hvørt sítt hús, har ein vertur er í hvørjum húsi. Vertirnir greiða so frá onkrum kvæði, vísu ella tátti, sum tey hava valt og aftaná verður tað (ella bara eitt brot av tí) kvøðið í húsinum. Síðan rotera bólkarnir.
► Tað verður 1 tími í hvørjum húsi.

Byrjað verður kl. 18:00. Og húsavitjanirnar enda kl 21:00. Síðan verður okkurt at eta og drekka í Sólarmagn og eisini verður skipað fyri almennum føroyskum dansi kl. 22:00.

Tað er avmarkað pláss í húsunum, tí er neyðugt við tilmelding. Hetta verður gjørt við at ringja ella skriva til ein av hesum:

► Kristian Jacobsen 272957 / [email protected]
► Jón Rói Høgnesen 276301 / [email protected]

Til tann almenna føroyska dansin, ið verður í Sólarmagn aftaná, eru øll hjartaliga vælkomin og her er ikki neyðugt við tilmelding.
💰 Kostnaður fyri tiltakið og dans er kr. 100 (í reiðum peningi).
💰 Kostnaður fyri almennan dans er kr. 50 (í reiðum peningi).

Her er suppa við í prísinum, og so verður ymiskt at drekka til sølu. Tiltakið er rúsfrítt.

17/01/2024

Vetrarjazz 2024🎷🎶

21. - 27. januar verður Vetrarjazz í Tórshavn.
Har verður bæði jazzfilmur, jazzquiz og ein rúgva av fantastiskum tónleiki.
Tit finna skránna á www.jazz.fo 🤩

Her kemur tað deiliga yvirlitið! Skráin liggur eisini á www.jazz.fo, har til ber at lesa meira um bólkarnar og keypa atgongumerki til ymsu konsertirnar í t.d. Norðurlandahúsinum, Løkshøll og Listastovuni. Vit hopa tit gleða tykkum líka nógv sum vit! 6 dagar!!!

----

Ladies and gentlemen: The program. We hope you are as excited as we are about this years' festival. Only 6 days to go!!! Make sure to check out our website www.jazz.fo, where you can also find the program, read more about the different concerts and bands, buy tickets (for Norðurlandahúsið, Løkshøll and Listastovan), and more. We can't wait to see you all!!!

11/01/2024

Í dag letur Kria Studio upp í Niels Finsensgøtu 32, kj.🤩
Har kann tú m.a. evna tær smúkkur og leir🎨💍

05/01/2024

Tørvar tær eitt yvirlit yvir hvat hendir í Havn næstu dagarnar ?🤩

So kanst tú lesa og taka niður tað nýggjasta What’s On, á okkara heimasíðu:

https://visittorshavn.fo/en/see-do2/what-s-on

Er eitt tiltak, ið vit ikki vita um? Skrivað okkum eini boð ella skrivað eina viðmerking, so vit kunnu deila boðini. 🗣️

28/12/2023

Vikuskiftið í Blábar 🎼🎹🍹🎉

19/12/2023

17/12/2023

Jólamenn á súkklu🎅

Í dag, sunnudagin 17. desember, kl. 15 koma jólamenn í býin á súkklubaki og við sær hava teir eina rúgvu av karamellum.

Jólamennirnir hittast síðani í Tinghúsgarðinum, har Angela og Hannibal fara at undirhalda á vøkru Pavilionini. Angela og Hannibal eru eisini komin í jólahyr, spennandi hvat Angela fær frá Hannibal í gávu!

Klokkan 17 syngur Morgunkórið á Pavilionini.

Forvitnisligi jólamarknaðurin í Betri garðinum og á Vaglinum hevur opið til kl. 20, eins og handlarnir í býnum og í SMS.

Tiltakið er ókeypis og øll eru hjartaliga vælkomin!

17/12/2023

Leikhúsjól – ”Millum skins og hold” í Sjónleikarhúsinum😍

Í jólaleikinum í ár, noyðast vættrasystrarnar Gladiola og Gifla at flyta heimanfrá, tí arbeiðsmennirnir bora og oyðileggja alt við fjarhitarørum. Tær mugu flýggja millum skins og hold, men har er longu onkur annar fluttur inn…

Hvat skulu vættrar so gera? Tær skulu gera tað sum tær duga allarbest – arga!

Millum skins og hold er fittur og sera skemtiligur jólaleikur fyri alla familjuna.

Atgongumerki fáast til keyps her👇

https://www.atgongumerki.fo/2391527/leikhusjol-millum-skins-og-hold

16/12/2023

✨✨Sunnudagin 17. desember pynta vit kajakkirnar við ljósum og rógva Luciarógving✨✨.

Vit rógva av Álakeri, og koma inn á Vágsbotn uml. kl 15:00✨✨.

🍫🍬🥤Við hava vit karamellur og Mist/kakao, til tey ið koma at heilsa uppá.🥤🍬🍫

12/12/2023

Fríska luft í jólagávu ? 😀✨🏃‍♂️🌥

Kennir tú ein, sum kundi hugsað sær at verið partur av gongufelagnum í Havn ?

Limahald í gongufelagnum er PERFEKTA gávan til ein sum ynskir sær upplivingar í jólagávu.

Árliga gjaldið er kr. 240. Tá er tað fyri alt húskið, og harafturat ert tú altíð vælkomin at taka tínar summargestir við, tá vit ganga túrar.

Les meira um Gongufelagið her: https://visittorshavn.fo/fo/felagid-torshavn3

09/12/2023

Í dag hava handlarnir í Miðbýnum opið til kl. 18 og í morgin, sunnudagin til kl. 20.✨🎄
Kom oman í hugnaliga, jólaliga Miðbýin.🎄
Jólaskipið kemur inn á bryggjubakk kl. 15 í dag, og nógva annað er á skránni.😊

Sunnudagin 9. desember er opið til kl. 20🎁

Havnarkortið er gávan til ein, tú vilt gleða. Kortið gevur frælsið at velja millum 75 støð í Havnini.

Við Havnarkortinum kann tann, tú vilt gleða, fara til handils, á vakurleikastovu, á matstovu, til sjónleik, á konsert, á ferð og nógv, nógv annað.

Havnarkortið fæst hjá Visit Tórshavn í Steinatúni í Havn, og tú velur hvør upphæddin skal vera.

Opið er sunnudagin 9. desember frá kl. 14.00 til 20.00💖

09/12/2023

MYNDAÓDN

Sum siður er letur árliga Myndaódnin upp í Steinprenti í dag, leygardagin 9. des klokkan 15-17 við gløgg og góðari list við denti á grafisk listaverk, sum eru gjørd í ár í Steinprenti. Tey, sum hava arbeitt á verkstaðnum í ár eru: Claus Carstensen, Tróndur Patursson, Nina Maria Kleivan, Hanni Bjartalíð, Hansina Iversen, Fríða Matras Brekku, Silja Strøm, Tóroddur Poulsen, Uffe Christoffersen, Louise Aakerman Nielsen, Rannvá Kunoy, Heiðrik á Heygum, Anna Seppälä og Torbjørn Olsen.

Framsýnd verða eisini seks prent hjá Silju Strøm, sum hon hevur gjørt til gávuprent til limir í áhugafelagnum Steinbrá. Gávuprent kunnu heintast í Steinprenti frá týsdegnum 5.des kl 12. Ársins gávuprent eru serstakliga litrík og tykjast at síggja til rættiliga abstrakt við dynamiskum og glitrandi gulum, ljósareyðum, reyðum og grønum strokum og skapum, ið so líðandi samla seg til glaðlynt menniskjaskap, sum hoppa og dansa runt á myndaflatanum. - Gávuprent verða latin, tá prógv fyri árligt limagjald fyriliggur.

Nýggir limir eru altíð hjartaliga vælkomnir! Steinbrá er sjálvstøðugt grafiskt áhugafelag, sum øll kunnu gerast limir í. Fyri limagjald fáast árlig gávuprent, sum eru gjørd í Steinprenti. Endamálið við Steinbrá er at stuðla virkseminum í Steinprenti. Steinbrá varð stovnað 14. februar í 2010.

Árliga limagjaldið er 500 krónur fyri einstaklingar og 2.000 krónur fyri virki, fyritøkur og líknandi. Steinbrá hevur kontu í Norðoya Sparikassa 9865-1042496.

08/12/2023

Á Tjóðsavninum er jólahýrurin í hásæti. 🎅🎄❄

Jólaframsýning við heitinum “Jólaljóð” er latin upp. Framsýningin er bygd upp eftir tema og spennir hon yvir tíð og stað. Elstu lutirnir í jólaframsýningini eru meira hundrað ára gamlir - yngsti luturin er ikki ársgamal. Allir framsýndu lutirnir hava tó tað til felags, at teir eru knýttir at siðbundnum jólaljóðum.

Jólaframsýningin stendur frammi til og við 4. januar.

Tjóðsavnið skipar eisini fyri fleiri smáum konsertum hvørt vikuskifti fram til jólar í samband við Jólaljóð framsýningina.
Konsertirnar vera hildnar kl. 15 í framsýningini í Brekkutúni 6, Hoyvík.

Skráin:

3. desembur: Rebekka Petersen

9. desember: Bjarki Hansen

10. desembur: Fljóðljóð

16. desember: Son of Fortune

17. desember: Lyon

Í desember vitja tvey vaksin fyri kostnaðin hjá einum vitjandi.
Sum vant sleppa børn upp til 18 ár ókeypis á savnið.
Vanliga framsýningin er eisini opin.

Framsýningin er opin hvønn dag frá hósdegi til og við sunnudag millum klokkan 13-17.

Komið og njótið “jólafriðin” saman við Tjóðsavninum í desember. ☃️🌟❄️

Komandi vikuskifti kl. 15 verður aftur konsert á Tjóðsavninum í Brekkutúni 6 🎄⭐

Leygardagin 9. desembur kemur Bjarki Hansen at framføra fyri okkum, og sunnudagin 10. desembur hoyra vit Fljóðljóð syngja nøkur løg.

Øll eru hjartaliga vælkomin.
Minst til, at allan desembur kunnu tvey vaksin vitja fyri kostnaðin hjá einum vaksnum 🎁