18/03/2024
ॐ ऐं अर्हम्
(लय :- होली आईं रे----)
चालो बीदासर-2
चालो बीदासर में होली रो हुड़दंग मचास्यांजी
चालो बीदासर
चालो बीदासर री गली-गली में धूम मचास्यां जी
चालो बीदासर
1.आपां सगलां ने मांयड़ री धरती झाला देवैजी
प्रीत पुराणी पालां यादां ताजी करस्यां जी
चालो बीदासर1
2.वीरभूमि रा राठोड़ां!थे घणेमान पधराओनीं
अपणांयत स्यूं गलै मिलांलां हंस बतलास्यां जी
चालो बीदासर
3.बांयांऔर जंवायां टाबरियां नै नूंत बुलांवां जी
मोत्यां चौक पुरास्यां
पलकां पर बिठास्यां जी
चालो बीदासर
4.श्री मघवा गुलाब सती री जन्मभूमि रो गौरव जी
दो माज्यां री धरा समाधिकेन्द्र कहावैजी
चालो बीदासर-2
5.गुरु कृपा स्यूं चार सत्यां बीदाणै रा विराजै जी
मांईतां री दूजी चाकरी कार्तिक यशाजी नै बथास्यां जी
चालो बीदासर-2
6.सुखदेव रामदेव पार्श्वनाथ गणेश शनि मंदिर शोभै
मघवा केन्द्र तेरापंथ भवन निरख सुख पास्यां जी
चालो बीदासर
7.कोई भी उण यादगार लम्हा़ स्यू वंचित मत रहज्यो
नखराली घूमर घालांला चंग बजास्यां जी
चालो बीदासर
सादर समर्पित:-
सरला प्रकाश भुतोड़िया
🙏🙏🙏
#होली
#होली_गीत
#चालो_बीदासर
