https://www.facebook.com/108958587365138/

Sampann Kitchen, jagdusha nagar ghatkopar, Mumbai (2025)

14/08/2021

Reeya 8th

28/07/2021

* गोड दशमी *

खान्देशी जेवण..! गोड दशमी..!
अर्धे दूध,अर्धे पाणी कोमट करून त्यात गूळ
विरघळून घेतला.गहूपिठ,बेसनपीठ एक चमचा,
चविला मीठ,थोडेतूप,जायफळपूड घालून कणिक
मळून घेतली..! जाडसर दशमी लाटून साजूक
तूप घालून खमंग शेकून घेतल्या.! शेंगदाणा चटणी
सोबत गोड दशमी खूप छान लागते..!

Kavita Shisode with Seema Prafull

27/07/2021

सांगा मला कसे झाले आहेत ?

💗 बर्गर बन्स / ब्रेड लोफ 🍔🍹

मी ही रेसिपी शक्य तितकी सोपी करून सांगण्याचा प्रयत्न केला आहे. आशा करते ही रेसिपी वापरून तुम्ही सुद्धा घरी दर आठवड्यास ब्रेड तयार करू शकाल.

4 कप मैदा
2 टेबलस्पून दूध पावडर
पाव कप साखर
2 tsp इन्स्टंट यीस्ट
2 tsp मीठ
1 tsp बेकिंग पावडर
अर्धा tsp बेकिंग सोडा

पीठ भिजवण्यासाठी :
1 कप दूध
1 कप पाणी + 1 टेबलस्पून
2 tbsp बटर / तूप

सर्वात प्रथम मैदा किमान 2 वेळा चाळून घ्या. नंतर त्यात दूध पावडर, यीस्ट, बेकिंग पावडर, बेकिंग सोडा, मीठ घालून पुन्हा 2 वेळेस चाळून घ्या. त्या नंतर त्यात साखर घाला. ( साखर हा अतिशय महत्त्वाचा घटक आहे, तो घालायला विसरायचं नाही. त्यामुळे च यीस्ट ऍक्टिव्ह होते )

आता दूध, पाणी आणि दीड टेबलस्पून तूप एकत्र गरम करत ठेवा. कोमट झाले पाहिजे, गरम नको, नाहीतर ब्रेड बिघडू शकतो.
मोठ्या पातेल्यात ब्रेड च फ्लोअर घेऊन त्यात मधोमध खड्डा करा आणि तिथे हे दूध पाण्याचे मिश्रण ओता. आणि स्पॅट्युला च्या मदतीने सर्व मिश्रण एकत्र करून गोळा करून घ्या.
थोडं ओलसर वाटेल परंतु ब्रेड च मिश्रण असच ओलसर चिकट भिजवायचे असते. त्याने त्यात एअर पॉकेट्स तयार होतात आणि ब्रेड फुलायला मदत होते.
आता ब्रेड च्या कणकेवर थोडा मैदा डस्ट करून मळायला सुरुवात करायची.
सुरुवातीला चिकट वाटणारी कणिक बराच वेळ मळत राहिल्याने stretchable होते. जस आपण पुरणपोळी करता बराच वेळ कणिक मळतो आणि त्यामुळे पुरणपोळी ची कणिक हवी तशी ताणली जाते तसेच ब्रेड ची कणिक बराच वेळ मळल्याने फुलते आणि चिवट होते.
ही कणिक मळताना अगदी अर्धा ते एक चमचा मैदा खाली वर डस्ट करायचा आणि मळायचे त्याने कणिक चिटकत नाही आणि करायला सोपे होते. पण एक लक्षात घ्या भरमसाठ मैदा सुद्धा वापरायचा नाही. नाहीतर कणिक घट्ट होऊ लागते. तेवढी एक काळजी घ्या. मधेच आवश्यकता वाटल्यास हाताला तेल चोळून मळू शकता.
ही मुख्य गोष्ट नीट झाली की समजा कामगिरी फते झाली. शेवटची 5 मिनिटे त्यात उरलेले अर्धा टेबलस्पून बटर कणकेच्या आत चोळुन पुन्हा थोडं मळायचे आहे.
सगळ्यात शेवटी मोठ्या पातेल्यात अर्धा चमचा तेल टाकून त्यात कणिक ठेवायची आणि वरून घट्ट झाकण लावून वरून एक फडके गुंडाळायचे आणि एखाद्या उबदार कपाटात ठेऊन द्या.
हवा थंड असेल तर साधारण 3 ते 4 तास कणिक ठेवायची. माझ्याकडे हवा थंड असेल तर मी साडे चार ते 5 तास ठेवते. हवा गरम असेल तर तीच 3 तास पुरे होतात.

नंतर बाहेर काढून त्याला पंच करायचे म्हणजे हाताच्या मुठीने फुललेल्या कणकेला मारायचे.
आणि मग तेलाचा हात घेऊन थोडी मळून घ्यायची. आणि मग त्याचें लहान गोळे तयार करायचे. मला मिनी बर्गर तयार करायचे होते त्यामुळे मी 50 ग्राम मापाने घेतले. तुम्हाला मध्यम आकाराचे बर्गर बन तयार करायचे असतील तर 80 ग्राम चे घ्या.
एकसमान सगळे गोळे तयार करून घ्या आणि तेल लावलेल्या बेकिंग पॅन मध्ये ठेवा. सर्व ठेऊन झाले की मग त्यावर सुती कपड्याने झाकून पुन्हा उबदार जागेवर ठेवा.
साधारण 25 ते 30 मिनिटात ते पुन्हा फुलून दुप्पट होतील.
आता त्यावर पाव दुधाचा हात अलगद फिरवा - याला वॉश देणे असे म्हणतात. ज्यांना अंड चालत असेल त्यांनी अंड फेटून त्याचा वॉश देऊ शकता.
असे झालेले दिसले की ओव्हन 7 मिनिटे 160 ते 165 डिग्रीवर प्रीहिट करा. फक्त खालील कॉईल सुरू करा.
आणि 30 ते 35 मिनिटे बन बेक करा. पुढे 5 मिनिटे 200 डिग्रीवर वरून बेक करा.
तयार बन्स लगेच ओव्हन बाहेर काढून थंड करायला ठेऊन द्या.
5 मिनिटांनी त्यावर बटर चा वॉश द्या त्याने बन्सना चमक येईल.
बन्स पूर्णतः थंड झाले की मगच त्याला मधून कापा. ब्रेड गरम असताना सुरीने कापण्याचा प्रयत्न करू नये त्याने ब्रेड आतून चिकटुन गोळे तयार होतात. त्यातून ब्रेड गरम खायचा असेल तर हाताने ब्रेड चे तुकडे करा. गरम ब्रेड वर ताजे लोणी/ बटर/ ऑलिव्ह ऑइल लावून अतिशय छान लागते.
वरील मापात साधारण 26 ते 28 मिनी बर्गर बन्स तयार झाले
याचाच तुम्ही लोफ तयार करू शकता.
किंवा आवडता आकार देऊन तयार करू शकता.

💗अतिशय सोपी रेसिपी मी यात दिली आहे. मका खात्री आहे की वरील रेसिपी प्रमाणे ब्रेड घरी सहज तयार करू शकाल. काही प्रश्न असतील तर जरूर विचारा. मला मदत करायला आवडेल. :)

💗ब्रेड प्रथमच करणार असाल तर मैद्याचा च करावा एकदा हात बसला की मग गव्हाचा ब्रेड करायचा प्रयत्न करा.

💗यातच टूटी फ्रुटी घालून गोड बन्स तयार करू शकता. साखरेचे प्रमाण वाढवायची गरज नाही.

06/06/2021

सोहम आणि अश्वनिल

14/05/2021

अक्षय त्रितीया स्पेशल

08/05/2021

ओवा महात्म्य ( मसाले शास्र )

युक्ताहारविहारस्य युक्तचेष्टस्य कर्मसु । ..

घरातल्या छोट्या मसाल्याच्या पदार्थात मोठे औषधी गुणधर्म आहेत . विषाणू जीवाणू सहज नष्ट करण्यात त्यांचा हातखंडा आहे . फक्त या शास्राचा , माहितीचा प्रसार , व्यवहार अधिकाधिक व्हायला हवा .

१) भाजलेला ओवा जेवणानंतर खाल्ल्यास पचन वेग सुधारतो , कफ खोकला कमी होतो .
२) पित्ताने डोकेदुखी : भाजके खोबरे + ओवा खावा .
३) ओवा पुरचुंडी करून तव्यावर गरम करून छाती , पाठ शेकणे सर्दीसाठी , पोट शेकणे पोट दुखी साठी उपयुक्त ठरते .
४) ओवा तीळ , खोबरेल तेलात टाकून ते कोमट करावे सांधे दुखत असल्यास रात्री रोज लावावे .
५) ओव्याचा धूर , धूपन , वाफ अंग दुखी , ताप , विषमज्वर , कफ विकार , सायनस यासाठी उपयोगी .
६) ओवा + हळद रात्री मधातून दिल्यास मुलांच्या जंतासाठी , शांत झोपेसाठी उपयुक्त .
७) जेवणाआधी चमचाभर ओवा खाऊन कोमट पाणी प्यावे पोट साफ होते , मूळ व्याध , फिशर यात फायदेशीर .

Spices like carom seed have great health benefits like its good for constipation , abdominal pain , joint pain , cough , cold , viral fever , fissure , indigestion , low appetite , many more.. Science of using spices as a medicine must continued to propagate and used for well being of society !!

06/05/2021

Dahi Vada by sampark Kitchen

05/05/2021

पनीर चीझ कॉर्न पोटली

1.5 वाटी मैदा 1/2 चमचा मीठ 1 चमचा गरम तेलाचे मोहन ( पिठ चांगले घट्ट मळून घ्या )

सारण - शिजवून कुस्करलेले कॉर्न , 2 चीझ क्यूब किसून , कांदा बारीक करून , अदरक लसूण पेस्ट , 1.2 चमचा लिंबू रस , चवीपुरती साखर आणि मीठ, हळद , लाल तिखट,किंवा हिरवी मिरची , कोथंबीर ,

छोटी पुरि लाटून घ्या , त्यात 1 छोटा चमचा सारण भरा , आणि पुरीच्या कडा घडी करून बंद करा , मध्यम गॅस वर कुरकुरीत गोल्डन फ्राय करा .

28/04/2021

हरभरे ही पौस्टिकतेच्या बाबतीत बदामापेक्षा जरा जास्तच लाभदायक आहेत. भिजवलेले हरभऱ्यामध्ये मोठ्या प्रमाणात प्रोटिन्स,फायबर्स, मिनरल्स आणि विटामिन्स असते. यामुळे विविध आजारांपासून आपले रक्षण होते व आपल्याला निरोगी ठेवते.आरोग्यासाठी कडधान्ये खूप फायदेशीर आहे.वेगवेगळ्या प्रकारे शरीराला फायदे मिळवून देण्यासाठी चण्याच्या आहारात समावेश करणे गरजेचे आहे. यासाठी रात्रभर पाण्यात मूठभर हरभरे भिजत घालावे व सकाळी भिजवलेले हरभरा आणि मध एकत्र करून खाल्ल्याने आरोग्यासाठी जास्त फायदेशीर ठरते. भिजवलेले हरभरे देखील जीवनसत्वे व बी कॉम्प्लेक्सचा उत्तम स्त्रोत आहे.त्यामुळे मोड आलेले हरभऱ्यांना आपल्या रोजच्या आहारात जरूर समाविष्ट करावेत. तर आज आपण भिजलेले हरभरे खाण्याचे फायदे जाणून घेणार आहोत.
एनर्जी बूस्ट करण्यासाठी,कॅन्सरचा धोका कमी करण्यासाठी घरगुती उपाय,अशक्तपणा दूर करण्यासाठी घरगुती उपाय,रक्ताची कमतरता भरून काढण्यासाठी घरगुती उपाय, वजन कमी करण्यासाठी घरगुती उपाय, यूरिन होण्याच्या समस्येपासून मुक्तता करण्यासाठी घरगुती उपाय, पचन क्रिया सुधारण्यासाठी घरगुती उपाय, कफ दूर करण्यासाठी घरगुती उपाय, रक्तातील साखरेचे प्रमाण कमी करण्यासाठी घरगुती उपाय, डोळ्यांसाठी घरगुती उपाय, त्वचा उजळण्यासाठी घरगुती उपाय

25/04/2021

TEA TIME TUTTI FRUTTI PINEAPPLE CAKE

रेसिपी:

1/2 कप दही (घट्ट)
१ १/२ कप मैदा
१ कप पिठीसाखर
१/२ कप बटर / तेल
१/२ कप दूध
चिमूटभर मीठ
१ टिस्पून बेकिंग पावडर
१/२ टिस्पून बेकिंग सोडा
१/२ टिस्पून पाईनॲपल इसेन्स
पिवळा रंग
१/४ कप फूटी फ्रूटी

कृती:

■मिक्सिंग बाऊलमधे तेल , पिठीसाखर एकत्र बीट करून घ्या.नंतर त्यात दही घालून पुन्हा क्रिमी होईपर्यंत छान फेटून घ्या.

■नंतर मैदा ,बेकिंग पावडर ,मीठ,सोडा चाळून घाला .
दूध ,रंग , इसेन्स घालून मिश्रण छान मिक्स करून घ्या‌.

■टूटी फ्रूटीमधे थोडासा मैदा घालून मिक्स करून तयार मिश्रणामध्ये घालून मिश्रण पुन्हा एकदा छान मिक्स करा.

■ग्रिसिंग टिनमधे हे मिश्रण ओतून घ्या.वरून पुन्हा टूटी फ्रूटी घाला.

■३० ते ३५ मि .केक बेक करा.

01/04/2021

*||भेंडी खा, निरोगी रहा||*

*भेंडी :- आरोग्याचे पॉवर हाऊस!*

माणसाच्या ५० टक्के आजाराला त्याचे पोट कारणीभूत असते.
*पोट नीट असलं की स्वास्थ्य आलबेल राहू शकते. त्यासाठी एक साधी भाजी महत्त्वपूर्ण कार्य करते ती म्हणजे शेंगेसारखी दिसणारी भेंडी ही भाजी होय. भेंडीच्या आत चविष्ट बिया असतात पण जाडसर, पारदर्शक द्रव असतो. काहींना ती आवडत नाही. पण तुमच्या पोटाचे विकार विशेषतः बद्धकोष्ठता आणि ऍसिडिटीच्या त्रासांवर भेंडी उत्तम इलाज असल्याचे आढळले आहे. या भाजीचा नियमित खुराक पचनेंद्रियांच्या कार्यासाठी लाभदायक ठरतो.*

*अमेरिकन युनिव्हर्सिटीतील* एक संशोधक डॉ. सिल्विया यांच्या नोंदणीनुसार भेंडीची भाजी ही विविध अन्नद्रव्यांचे पॉवर हाऊस आहे.
त्यातील अर्धा हिस्सा गम आणि पेक्टिनच्या धाग्याच्या रुपात असतो. त्यातील विद्राव्य तंतूमय अन्नामुळे रक्तातला कोलेस्टरॉल कमी होतो,
तसेच हृदयविकार मंदावतात. जो अतिद्रव्य तंतूमय चोथा असतो तो पचनेंद्रियाचा मार्ग मोकळा ठेवण्यास हातभार लावतो.
भेंडी सतत खाल्ल्याने आतड्याच्या कर्करोगापासून आपली सुटका होते. रक्तातील साखरेचे प्रमाण कमी करण्यासाठीसुद्धा या भाजीचा हातभार लागतो.

या भाजीत बी-६ हे जीवनसत्त्व तसेच शरीराला उपयुक्त असे फॉलिक आम्लदेखील मुबलक असते.
शिजविलेल्या अर्धा कप भाजीत खालीलप्रमाणे अन्नसाठा असतो: कॅलरीज – २५ तंतूमय अन्न – २ ग्रॅम प्रथिने – १.५ ग्रॅम कार्बोहायड्रेटस् – ५.८ ग्रॅम जीवनसत्त्व अ – ४६९ युनिट जीवनसत्त्व क – १३ मिलीग्रॅम फॉलिक आम्ल – ३६.५ मिलीग्रॅम लोह – ०.४ मिलीग्रॅम पोटॅशियम – २५६ मिलीग्रॅम मॅग्नेशियम – ४६ मिलीग्रॅम भेंडीतील पातळ,
*चिकट द्रव्यामुळे आतड्यातील साखरेचे शोषण कमी होते व रक्तात वाढणार्‍या साखरेचे प्रमाण रोखले जाते.*

भेंडीतली जीव रसायने कोलेस्टरॉलच्या नव्हे तर यकृतरसातील विषारी पदार्थाशी परमाणूशी संयोग पावतात व शरीराबाहेर टाकण्यास सहाय्य करतात. भेंडीतील तंतूमय भाग *बद्धकोष्ठता रोखतो.*

हे तंतू मऊ असल्यामुळे अन्य कठीण वनस्पतीज तंतूप्रमाणे ते आतड्याच्या आतल्या मऊ मांसल थरांना ओरखडे पाडीत नाहीत. त्याच्या घसरट गुणधर्मामुळे न पचलेल्या अन्नाचा घन भाग मोठ्या आतड्यातून सहज निसटत गुदद्वारामार्गे शरीराबाहेर पडतो.
शरीराच्या स्वास्थ्याला पोषक ठरणार्‍या जीवाणूच्या वाढीस ही भाजी हातभार लावते. *अशक्तपणा, थकवा व मानसिक तणाव घालविण्यासाठी ही भाजी खुप उपयोगी पडते. फुफ्फुसाला होणारे संसर्ग, गळ्याचे विकार, खाज यासाठी सुद्धा उपाय म्हणून भेंडीची भाजी लागू पडते.*
या सर्व प्राप्तीसाठी भेंडीची भाजी अर्धवट उकळवून खाल्लेली बरी असा सल्ला दिला जातो.

विशेष चव तसेच चिकट आणि बुळबीळत गुणधर्मामुळे भेंडीची भाजी पाहिली की, अनेकजण नाक मुरडतात. पण, भेंडी या फळभाजीत अनेक पोषण तत्वे असून, नियमित भेंडीचे सेवन केल्यास कॅन्सर सारख्या रोगापासून आपला बचाव होतो.
*भेंडी ही फळभाजी आरोग्यासाठी खूप लाभदायी आहे.*

भेंडीमध्ये अनेक प्रकारचे पोषक तत्व आणि प्रोटीन्स असतात. शरीराला निरोगी आणि तंदुरुस्त बनवण्यासाठी आवश्यक असलेले वसा, रेशा, कार्बोहाइड्रेट, कैल्शियम, फॉस्फरस, लोह, मॅग्नेशियम, पोटॅशियम आणि सोडियम यासारखे जीवनसत्वे भेंडीमध्ये आहेत.
भेंडी कॅन्सर सारख्या रोगापासून आपला बचाव करते.
*आपल्या शरीरातील विषारी सत्वे नष्ट करण्याचे काम भेंडी करते.*

भेंडीत असलेले यूगेनॉलमुळे डायबिटीस या आजारापासून बचाव होतो. तर, यातील फाइबर रक्तातील शर्करेचे प्रमाण नियंत्रणात ठेवते.
ज्या व्यक्तींना आपले वजन कमी करायचे आहे. त्यांनी नियमीत भेंडीचा आहार घ्यावा.
*भेंडीत असलेल्या फायबरमुळे आपल्या शरीरातील कॅलरी वाढत नाही आणि आपले वजन कमी होण्यास मदत होते.*

भेंडी आपली रोगप्रतिकारक शक्ती वाढवते. यात व्हिटामीन सी हे जीवनस्तव असते. हे आपली इम्यूनीटी सिस्टमला ताकद वाढवून खोकला आणि थंडी पासून बचाव करते. तर,
*यातील व्हिटामीन ए हे जीवनसत्व डोळ्यांना निरोगी ठेवते.*

*मधुमेहींसाठी उत्तम औषध: -*

दोन भेंड्या घ्या. त्यांची दोन्ही बाजूंचे शेवटचे तुकडे कापून टाका. मध्ये एक उभा छेद घ्या. एका ग्लासमध्ये पाणी घ्या व त्यात ह्या दोन्ही भेंड्या टाकून रात्रभर ग्लास झाकून ठेवा. सकाळी उठल्यावर भेंड्या काढून टाका व ग्लासमधील पाणी पिऊन टाका. हे पंधरा दिवस करुन पहा तुमच्या साखरेच्या प्रमाणात किती लक्षणीय घट होते ते पहा!

*भेंडीचे १० फायदे:*

हिरव्या भाज्यांमध्ये आपले एक वेगळे स्थान असलेल्या भेंडीला लेडी फिंगरसुध्दा म्हटले जाते. भेंडी ही अनेकांच्या आवडीच्या भाज्यांमधील एक आहे, तर काही लोकांना भेंडी बिलकुल आवडत नाही. परंतु भेंडी खाल्याने कोणते फायदे आणि नुकसान होतात हे तुम्हाला माहीत आहे का? जर माहीत नसतील तर नक्की वाचा हे १० फायदे:

*१. कँसर* -भेंडी आपल्या आहारा नियमित घेतल्याने तुम्ही कँसरला दूर ठेवु शकता. कोलन कँसरला दूर ठेवण्यासाठी भेंडी खास फायदेशीर आहे. ही आतड्यांतील विषारी तत्त्व बाहेर काढण्यासाठी मदत करते, ज्यामुळे आतडे स्वस्थ राहतात आणि चांगल्या प्रकारे काम करता.

*२. हृदय*
भेंडी हृदयाला सुध्दा चांगले ठेवते. यामध्ये असलेले पैक्टिन, कोलेस्ट्रॉल कमी करण्यात मदत करतात, यासोबतच यामध्ये असणारा घुलनशील फायबर, रक्त आणि कोलेस्ट्रॉलला नियंत्रित करतो. ज्यामुळे हृदय रोगाचा धोका कमी होतो.

*३. डायबिटीस*
यामध्ये असणारे यूगेनॉल, डायबिटीससाठी खुप फायदेशीर ठरते. हे शरीरातील साखरेचे प्रमाण वाढण्यापासुन थांबवते, ज्यामुळे डायबिटीसचा धोका कमी होतो.

*४. अनीमिया*
भेंडी अनिमियासाठी खुप फायदेशीर असते. यामध्ये असलेले आयर्न हीमोग्लोबिन निर्माण करण्यात सहायक असतात. हे रक्त स्त्राव थांबवण्याचे काम करते.

*५. पचनतंत्र*
भेंडी ही भरपुर फायबर असलेली भाजी आहे. यामध्ये असलेले फायबर पचनतंत्रासाठी फायदेशीर आहे. यामुळे गॅस, बध्दकोष्ट आणि पोट दुखी यासारख्या समस्या होत नाही.

*६. हाडांना मजबुत बनवते*
भेंडीमध्ये असणारे सर्व पदार्थ हाडांसाठी उपयोगी असतात. यामध्ये मिळणारे व्हिटॅमिन के हाडांना मजबुत बनवण्याचे कार्य करते.

*७. इम्यून सिस्टम*
भेंडीमध्ये व्हिटॅमिन-सी सोबतच अँटीऑक्सीडेंसही मोठ्या प्रमाणात असते. यामुळे हे इम्यून सिस्टमला मजबुत बनवुन शरीरातील आजारांपासुन लढण्यास मदत करते. भेंडीला रोजच्या जेवनात घेतल्याने अनेक आजार जसे की, खोकला, सर्दी यांसारख्या समस्या होत नाही.

*८. डोळ्यांचा प्रकाश*
भेंडीमध्ये व्हिटॅमिन-ए, बीटा केरोटीन आणि अँटी-ऑक्सीडेंट्स असतात. नेत्रहिनतेसाठी जे कण हानीकारक असतात त्यांना नष्ट करण्याचे काम भेंडी करते. भेंडी मोती बिंदुपासून दुर ठेवते.

*९. गर्भावस्था*
गर्भावस्थेमध्ये भेंडीचे सेवन फायदेशीर असते. भेंडीमध्ये फोटेल नावाचे एक पोषक तत्त्व असते, जे भ्रूणाच्या मेंदुचा विकास करण्यात महत्त्व पुर्ण भुमिका बजावते. या व्यतिरीक्त भेंडीत अनेक प्रकारचे पोषक तत्त्व असतात, जे आरोग्यासाठी फायदेशीर असतात.

*१०. वजन कमी करण्यासाठी*
भेंडी आपले वजन कमी करण्यासोबत त्वचेला तरुण ठेवण्यास मदत करते. भेंडीचा उपयोग केसांना सुंदर, दाट आणि चमकदार करण्यासाठी केला जातो. यामधील पदार्थांना लिंबु सोबत मिसळुन शांपु प्रमाणे वापरता येऊ शकते.

🏆क्रीडाभारती🏆

26/02/2021

Douch Flavour touched with american mocca

14/02/2021

Rabadi flavour cake

14/02/2021

Rabadi Flavour valentine cake

31/01/2021

Chocovelvet cake for pannu

30/01/2021

लहानपणी घरी जेवताना एखादे दिवशी भाज्याच भाज्या असायच्या. एक सगळ्यांसाठी, ती एखाद्याला आवडत नाही म्हणून दुसरी भाजी, आधल्या दिवशीची उरलेली भाजी आणि त्याच दिवशी नेमकी शेजाऱ्यांनी चवीसाठी दिलेली भाजी! पानात एव्हढ्या भाज्या बघून बाबा म्हणायचे आज काय शाकंभरीच झाली. तेव्हा मला शाकंभरी ही भरपूर भाज्या करणारी कोणी बाई आहे असे वाटायचे. आईला विचारले तर तिने शाकंभरी ही देवी असून तिच्या पौष महिन्यातल्या नवरात्राला कमीत कमी ६० आणि जास्तीत जास्त १०८ भाज्यांचा नैवेद्य दाखवला जातो असे सांगितले. एव्हढेच नव्हे तर देवीची आरासही भाज्यांनी केली जाते. हे ऐकून खूप गंमत वाटली. फुलांची आरास ठीक आहे पण भाज्यांची आरास? आणि ही देवी एका नैवेद्यात १०८ भाज्या खाते??? खरं तर मळमळलंच होत एव्हढ्या भाज्या हे ऐकून. पानात पहिल्यांदा वाढलेले खायचेच हा नियम असल्याने सुरुवातीला वाढलेली भाजी शेवटपर्यंत पुरवून खाणारी मी, एव्हढ्या भाज्या खायची कल्पनाही सहन करू शकत नव्हते. पुढे भाज्यांची आवड निर्माण होत गेली आणि मी सर्वच प्रकारच्या भाज्या खाऊ लागले. पण शाकंभरी मनात कायमची राहून गेली.

कालपासून पौष शुद्ध अष्टमी पासून शाकंभरी नवरात्र सुरु झाले आहे. ते पौर्णिमे पर्यंत चालेल. देवी भागवतात, अनेक वर्षे जन दुष्काळाने पिडीत झालेले असताना शाक पुरवून क्षुधा शांत करणारी देवी म्हणून शाकंभरीचे वर्णन आले आहे. भारतातील सर्व प्रांतात शाकंभरी ही वनस्पतींची देवी, समृद्धीची देवी म्हणून मान्यता आहे. पौष पौर्णिमेला आई अगदी ६० भाज्या नाही पण बाजारात जेव्हढ्या मिळतील तेव्हढ्या भाज्यांची एकच मिश्र भाजी आवर्जून करायची. या निमित्ताने विचार करत असताना मला जाणवली ती भारताच्या विविध प्रांतामध्ये केल्या जाणाऱ्या मिश्र भाज्यांची आहार संस्कृती.

ऋषी पंचमीला केली जाणारी मिश्र भाजी (अळू, भेंडी, पडवळ, दोडका, लाल माठाचे देठ, सुरण, मक्याची कणसे, इ.), भोगीला केली जाणारी मिश्र भाजी (ओला हरभरा, घेवडा, वांगी, गाजर, बोरे), हुरडा हावळा पार्टी साठी केली जाणारी मिश्र भाजी (मुख्यत: वांगी आणि शेतात उपलब्ध असलेल्या भाज्या), येळ अमावस्येला केली जाणारी मिश्र भज्जी (गाजर, ओला वाटणा, ओली तूर, मेथी, कांदा पात इ.), पोपटी (वाल पापडी, तुरीच्या शेंगा, शेवग्याच्या शेंगा, वांगी, नवलकोल, सुरण इ.), गुजराथी उन्धीयू (सुरती वाल पापडी, कच्ची केळी, कोनफळ, छोटे बटाटे, ओला वाटणा, ओला हरभरा, ओली तूर, मेथी मुठिया इ.), केरळाचा अवियल (काकडी, तोंडली, शेवग्याच्या शेंगा, चवळीच्या शेंगा, कच्ची केळी, सुरण, गाजर, इ.), तामिळनाडूचे कुझांबू (वांगी, गाजर, शेवग्याच्या शेंगा, भेंडी, मुळा, दुधी भोपळा, लाल भोपळा, कारली, सुरण, अरबी इ.), बंगाली शुक्तो (कच्ची केळी, वांगी, मुळा, शेवग्याच्या शेंगा, बटाटे, रताळी, वाल पापडी), पंजाबी सरसों दा साग (मोहरीचा कोवळा पाला, पालक, चंदन बटवा, मुळ्याचा पाला, मेथीचा पाला इ.)

या साऱ्या पारंपरिक भाज्यामध्ये त्या भागात उगवणाऱ्या प्रादेशिक भाज्यांचा समावेश कलेला आढळतो. भारतात हेमंत आणि शिशिर ऋतू मध्ये पडणारी थंडी आणि यावेळी उपलब्ध असलेला मुबलक भाजी-पाला यामुळे मिश्र प्रकारच्या भाज्या करण्याची संस्कृती भारतभर दिसून येते. याच कालावधीमध्ये भूक चांगली लागत असल्याने तसेच दिवाळी-संक्रांत यासारखे सण येत असल्याने गोड-धोड आणि पचायला जड अशा प्रकारचे खाणे खाल्ले जाते. त्यामुळे पोटाचे आरोग्य उत्तम राखण्यासाठी अशा मिश्र भाज्या खूपच उपयुक्त ठरतात. या सर्व भाज्यांमधून मिळणारा महत्त्वाचा अन्न घटक म्हणजे तंतुमय पदार्थ. हा चयापचय संस्था तंदुरुस्त ठेवायला मदत करतो. अशा प्रकारच्या भाज्या सावकाश पचत असल्याने यांचा ग्लायसेमिक इंडेक्स कमी असतो. त्यामुळे मधुमेह तसेच रक्तदाब कमी राहतो. चांगले कोलेस्ट्रोल वाढते. त्याशिवाय यात कर्बोदके, लोह-पोटॅशियम-कॅल्शियम-मँगनीज यासारखी खनिजे तसेच विविध जीवनसत्त्वे एकत्र मिळत असल्याने या भाज्या म्हणजे खरे तर वन पॉट मिल आहेत. एकाच पदार्थात शरीराला आवश्यक ते संपूर्ण पोषण देणाऱ्या!

रेस्टॉरंट संस्कृतीने लोकप्रिय केलेल्या मिक्स्ड व्हेजिटेबल कुर्मा, मिक्स्ड व्हेज मिली-जुली, मिक्स्ड व्हेज जालफ्राजी यासारख्या मिश्र भाज्यांमध्ये फ्लॉवर, ओला वाटणा, गाजर, सिमला मिरची याच भाज्या कांदा-टोमॅटो, आलं-लसूण आणि गरम मसाला यांची हेराफेरी करून वेगवेगळ्या नावांनी खिलवल्या जातात. सध्या एक मिश्र भाजी खूपच लोकप्रिय आहे. ती म्हणजे पावभाजी. यात तर सगळ्यात मोठी फसवणूक होते. फ्लॉवर, ओला वाटणा, गाजर, सिमला मिरची या भाज्या नुसत्या शोभेला ठेवून मुख्यत: उकडलेल्या बटाट्याच्या लगद्याला पावभाजी मसाल्यात घोळवून प्रचंड पैसे आकारले जातात. त्याहून जास्त मैद्याच्या पावाला! खाणारेही भाजी कमी आणि पावच जास्त अशा पद्धतीने खातात. सगळ्यांची ही आवड बघून मी मात्र पौष्टिक पावभाजी तयार करते. ज्या भाज्या सगळे जण विशेषत: मुले खात नाहीत अशा दुधी भोपळा, लाल भोपळा, दोडकी, रताळी मी पावभाजीत घालते. किंबहुना कांदा- टोमॅटो सोडले तर इतर कोणत्याही पावभाजीत घातल्या जाणाऱ्या भाज्या मी घालत नाही. सुरेख लाल रंग यावा म्हणून एखादा बीट घालते. पावा सोबतच मी बेसन घालून कणकीचे जाड पराठेही करते. आता घरच्यानाही मी करत असलेली पौष्टिक फसवणूक कळली आहे. पण मोठ्या लोण्याच्या गोळ्यावर लक्ष ठेवून ते मला माफ करतात आणि पाव सोडून पराठ्यांबरोबरच पावभाजी खातात. तेव्हा गरज आहे ते आपणच ठरवून पौष्टिक पावभाजी सोबत पारंपरिक मिश्र भाज्या करण्याची. तुम्ही कोणत्या मिश्र भाज्या करता, जरूर कळवा.

संगीता खरात
सृष्टीज्ञान संस्था, मुंबई

24/01/2021

*आरोग्य म्हणी*
🌱🌱🌱🌱🌱🌱🌱🌱

१. खाल दररोज गाजर-मुळे,
तर होतील सुंदर तुमचे डोळे.

२. सकाळी नाश्ता करावा मस्त,
मोड आलेले धान्य करावे
फस्त.

३. डाळी भाजीचे करावे सूप,
अखंड राहील सुंदर रूप.

४. तरोट्याच्या भाजीला म्हणू
नका स्वस्त,
आरोग्य तुमचे ती राखेल मस्त.

५. जवळ करा लिंबू संत्री,
दूर होईल पोटातील वाजंत्री.

६. पपई लागते गोड गोड,
पचनशक्तीला नाही तोड.

७.पालेभाज्या घ्या मुखी;
आरोग्य ठेवा सदा सुखी.

८. भेसळयुक्त अन्न खाऊ नका;
आरोग्य धोक्यात आणू नका.

९. दररोज एक फळ खावू या;
आरोग्याचे संवर्धन करु या.

१०. भोजनोत्तर फळांचा ग्रास;
थांबवेल आरोग्याचा ऱ्हास.

११. प्रथिने, जीवनसत्वे आणि
क्षार;
आहारात यांचे महत्व फार.

१२. हिरवा भाजीपाला खावा
रोज;
राहील निरोगी आरोग्याची
मौज.

१३. जेवणा नंतर केळी खा;
पचनशक्तीला वाव द्या.

१४. साखर व तूप यांचे अती
सेवन करु नका,
मधुमेह व लठ्ठपणाला
आमंत्रण देऊ नका.

१५. खावी रोज रसरशीत फळे;
सौंदर्यवृद्धीसाठी नको
प्रसाधन वेगळे.

१६. गालावर खेळते सदा हास्य,
फळे व भाज्यांचे आहे ते
रहस्य.

१७. पपई, गाजर खाऊ स्वस्त,
डोळ्यांचे आरोग्य ठेवू मस्त.

१८. सुका मेवा ज्यांचे घरी,
प्रथिने तेथे वास करी.

१९. भाज्या जास्त वेळ शिजवू
नका,
जीवनसत्वांचा नाश करु
नका.

२०. जो घेईल सकस आहार,
दूर पळतील सारे आजार.

२१. भाजीपाल्याचं एकच महत्व,
स्वस्तात मिळेल भरपूर
सत्व.

२२. शेंगेत शेंग, शेवग्याची शेंग,
तिचा पाला, तीच अंग, सत्व
आहे तिच्या संग.

२३. कळणा कोंडा खावी नाचणी,
मजबूत हाडे कांबीवाणी.

२४. आरोग्य म्हणींचे हे उपयोगी
सत्र;
अंमलात आणाल तर रहाल
कायमचे निरोगी मात्र.

🌱🌱🌱🌱🌱🌱🌱🌱

04/12/2020

आजच्या वाचनात आलेली खुपच सुंदर पोस्ट🙏🏻

अन्नपूर्णेचे महत्त्व.......
अन्नपूर्णा या देवतेला एक अनन्यसाधारण असे महत्त्व आहे. विशेषतः मी दत्तसंप्रदायात असल्यामुळे जेव्हा श्रीदत्ताला नैवेद्य दाखवला जातो ,त्यानंतर लगेच अन्नपूर्णेलाही दाखवला जातो. मला हे नेहमी कोडं पडायचे की अन्नपूर्णेला एवढे महत्त्व का दिले जाते.शेवटी मी अन्नपूर्णे संबंधी जेवढी माहिती मिळेल ती सर्व मिळवण्याचा प्रयत्न केला. यासंबंधी शंकर पार्वतीची कथा प्रसिद्ध आहे. अन्नाचे एवढे महत्त्व श्री शंकराला ही मान्य नव्हते. दोघांचा वाद झाला आणि पार्वती रुसून निघून गेली. पार्वती म्हणजे प्रत्यक्ष अन्नपुर्णाच. तीच निघून गेल्यामुळे जगात सर्वत्र हाहा:कार माजला. अन्न नसल्यामुळे लोकांचे हाल सुरू झाले शेवटी पार्वतीलाच दया आली आणि ती अन्नपूर्णेच्या स्वरूपात काशीला अवतीर्ण झाली. तिने अन्नदान सुरू केले. भगवान श्रीशंकरालाही मधली सगळी परिस्थिती अनुभवाला आल्यामुळे अन्नाचे महत्त्व समजले आणि ते स्वतः कटोरा घेऊन पार्वतीकडे भिक्षा मागायला आले. अन्नपूर्णेचे पहिले मंदिर त्यामुळेच काशीला आहे.

जीवनात अन्नाला अनन्यसाधारण महत्त्व आहे. समस्त प्राणीमात्र अन्नाशिवाय जगू शकत नाहीत. अन्न शरीराला शक्ती पुरवते आणि जीवनाची नवी उमेद सतत देत राहते. अन्न खाल्ले की शरीराला एक प्रकारचे समाधान मिळते .म्हणूनच अन्नदानाला अनन्यसाधारण महत्त्व दिले गेले आहे. ते अन्न सुग्रास असले पाहिजे. अन्न बनवणाऱ्याची मनस्थिती समाधानी असली पाहिजे. त्यांनी ते अन्न समाधानानी बनवले असले पाहिजे. तेच पदार्थ घेऊन वेगवेगळ्या लोकांनी बनवलेल्या अन्नाची चव वेगवेगळी असते. याचे कारणच हे की अन्न बनवणाऱ्याच्या वासना आणि मनस्थिती त्या अन्नात उतरत असते. म्हणून घरच्या अन्नपूर्णेला नेहमी समाधानात ठेवले गेले पाहिजे. तिने शुचिर्भूत होऊन अन्न शिजवले पाहिजे.आपल्याकडे मुलीला सासरी जाताना अन्नपूर्णेची मूर्ती त्यासाठीच दिली जाते. तिने अन्नपूर्णेची सेवा , उपासना करून, उत्तम अन्न कुटुंबियांना खायला घालून कुटुंब सुखी करावे अशी अपेक्षा त्यामागे असते.
मध्यंतरीच्या काळामध्ये मी मुद्दाम अन्नपूर्णेची उपासना केली आणि मग लक्षात आले की नुसती उपासना उपयोगी नाही .तिची प्रत्यक्ष सेवा केली पाहिजे. म्हणून मी स्वतः वेगवेगळे पदार्थ बनवण्यास सुरुवात केली आणि कोणताही पूर्वानुभव नसताना सुद्धा ह्या सर्व पाककृती अतिशय छान सराईतासारख्या केल्या गेल्या.जणू अन्नपूर्णादेवीच माझ्या हातातून काम करत होती.

आपल्या अनेक वासना या अन्नाद्वारे पूर्ण होत असतात .मी पुष्कळ संन्याशीहि असे पाहिले आहेत की ज्यांच्या वासना अन्नात अडकून बसलेल्या असतात. खाण्याच्या अनेक इच्छा अपूर्ण असतात. शरीर आहे तिथे वासना असणारच. त्या पूर्ण झाल्याशिवाय संपत नाहीत. मित्रमंडळ जमा करून चिवड्याचा ढीगच्या ढीग फस्त करताना कसा आनंद मिळतो हे अनेकांनी अनुभवले असेल. शेवटी जीवन हे आनंद निर्मिती साठीच आहे .छोट्या छोट्या गोष्टीत सुद्धा खूप आनंद भरला आहे, परंतु आपल्याला त्याची कल्पनाच नसल्यामुळे तो आनंद आपण घेत नाही.
अन्नामुळे शरीरात चैतन्य उत्पन्न होते .अगदी शरीर सोडल्यानंतर सुद्धा या चैतन्याची आवश्यकता लिंग देहाला असते. उत्तम अन्न हे शरीराला समाधान प्राप्त करून देते. शुचिर्भूत होऊन आनंदी वृत्तीने स्वयंपाक करण्याची आवश्यकता आहे आणि ते वातावरण घरातल्या सर्व लोकांनी निर्माण करून द्यावे. त्या अन्नात प्रेम असते. म्हणूनच आईच्या हातचे अन्न आपल्याला सगळ्यात गोड वाटते. केलेला स्वयंपाक हा आपण प्रत्यक्ष परमेश्वरासाठी करतो ही भावना करून जर केला तर तो अतिशय उत्तम होतो.म्हणूनच नैवेद्याचे अन्न हे अतिशय चविष्ट असते .उत्तम संसार करून सर्व प्रकारच्या वासना भोगून पूर्ण केल्या पाहिजेत. तेव्हाच माणूस परमेश्वर चिंतनाकडे वळू शकतो. असमाधानी माणूस ध्यानधारणा करू शकत नाही. आपले सर्व ऋषी-मुनी हे विवाहित दाखवले आहेत आणि सर्व प्रकारचे भोग भोगून वासनाक्षय करूनच ते पूर्णत्वाला पोहोचले आहेत.
म्हणूनच शंकराचार्य
म्हणतात--
'अन्नपूर्णे सदापूर्णे शंकरप्राण वल्लभे।
ज्ञान वैराग्य सिध्यर्थं
भिक्षांदैहि च पार्वती।।
ग्रूपमधील सर्व अन्नपूर्णाना समर्पित ... हा लेख श्री अरविंद आठल्ये यांनी लिहिला आहे त्यांचे शतशः अभर ..... श्रीपाद श्रीवल्लभ चारितामृत मध्ये सुधा याचा उल्लेख केला आहे .....

22/11/2020

आयुर्वेद कोश - फोडणी !
--
फोडणी वरती कधी लेख लिहावा लागेल असे वाटले नवते . चार दिवसांपूर्वी शेवटची अपॉइंटमेंट आणि गप्पिष्ट रुग्ण असा योग जुळून आल्याने 'खाण्यावर ' गप्पा रंगल्या होत्या . लॉकडाउन मधे अनेक निरनिराळे 'ट्रेंड ' आले . लोकांनी फावल्या वेळात अनेक पदार्थ करून पाहिले. विविध पदार्थानी सोशल मीडिया सजला. आपण घरी जिलेबी , खारी , ब्रेड , पफ -पेटीस असे पदार्थ करू शकतो असा आत्मविश्वास अनेकांना आला . सर्वांच्या कष्टाचे आणि हौसेचे अभिनंदन ! रोजच्या स्वयंपाकाचा अविभाज्य भाग फोडणी हे शास्त्र आणि कला मात्र अस्तंगत होत आहे असे सामान्य निरीक्षण आहे ! त्यावर थोडे मत प्रदर्शन . . चुकून कोणाला ठसका लागला कोणाला उचकी लागली तर जमल्यास मला माफ करावे !

हिंदुस्तानची ओळख 'मसाल्यांचा ' देश अशी होती . आजही आहे . दक्षिणेत मसाल्याचे पदार्थ फार उत्तम पद्धतीने वापरतात . ठराविक प्रमाणात वापरतात . आपल्याकडे आताच्या पिढीला मसाल्याचे पदार्थ एकतर सगळे ठाऊक नसतात . असले तर ते कोठे ,का आणि कसे वापरायचे याची माहिती नसते . खरं सांगू . . आजीबाईच्या बटव्यात कधी त्रिभुवनकीर्ती , सूतशेखर , सितोपलादी , चंद्रप्रभा नवतेच. तिला यांची कधी गरजच लागली नाही . जिरे ,मिरे ,हिंग , ओवा ,ओव्याची पानं, लवंग , दालचिनी , तमालपत्र , जिरे , शहाजिरे , वेलदोडा , मोठा वेलदोडा -मसाला वेलदोडा , जायफळ , धने , जावित्री , कसुरी मेथी , सुके खोबरे , मेथी , आमचूर , बडीशेप , मोहरी , काकडी बी , भोपळा बी , आवळकाठी , लसूण , चिंच , कोकम , खसखस , सैंधव , शेंदेलोण , पादेलोण , काबाबचिनी , केशर , सुंठ , चक्र फुल , हळद , तीळ ,डिंक , खडीसाखर हा आजीबाईचा बटवा आहे . आपण आपल्या सोयीसाठी त्यात औषधी कल्प घातले आणि आजीबाईच्या नावाअडून ' बिन डिग्री फुल अधिकरी ' हातचलाख्या सुरु केल्या . असो !

आजीबाईचा बटवा आणि त्यातील शास्त्र स्वयंपाकघरात खुलतो . आम्ही अन्न हे ''महा भेषज '' -सर्वोत्तम औषध असे म्हणतो त्याचे मूळ फोडणीत असते . टोमॅटो प्युरी मधे नाही ! सध्या सगळेच पदार्थ टोमॅटो प्युरी मधे करायची घाणेरडी सवय रुळली आहे . हॉटेल असो किंवा घर अशा प्युरी चे डबे फ्रिज मधे तयार असतात . टोमॅटो प्युरी भाजीचा 'बेस ' असो म्हणे 'बेस ' ! अतिशय अयोग्य आणि अशास्त्रीय पद्धतीने आपल्या आरोग्याचा बेस बिघडवला आहे हे नक्की ! टोमॅटो हिंदुस्तानात पोर्तुगीजांनी आणला १६ व्या शतकात . त्याच्या आधी अत्यंत चविष्ट , शास्त्रीय हिंदुस्थानी खाद्याचा 'बेस ' काय होता ?? आजकाल कांदे पोहे मसाला पासून मिसळ मसाला याची पाकिटं मिळतात . पाकीट फोडले की विषय संपला . इन्स्टंट पदार्थ तयार . . . ज्या घरात फोडणी व्यवस्थित होते ते घर निरोगी आणि घरातील व्यक्ती नशीबवान !

तेल गरम झाल्यावर त्यात आधी कमी प्रमाण असलेले जिन्नस , त्यांचा अर्क तेलात उतरला की पुढील पदार्थ सर्वात शेवटी भाजी असा सामान्य क्रम आहे . स्वयंपाकाचा हात उत्तम असला की पळीभर तेलात टाकलेले चिमूटभर हिंग सुद्धा जळत नाही . आपली सवय अशी . . तेल गरम करायचे , कांदा टोमॅटो मिरची कढईत टाकायची वरून मसाला भुरभुरायचा किंवा मसाला फक्त दोन तीनदा झाऱ्याने हलवून त्यात भाजी घालायची . सोपे उदाहरण देतो . . महाराष्ट्राचे राष्ट्रीय खाद्य कांदे पोहे आपण सगळेच खातो . त्यात खुसखुशीत कढीपत्ता कोणाला कधी सापडला आहे का ? दही पोहे यावर काही लोक फोडणी घालतात त्यात भरलेली मिरची घालतात . . मिरचीचे आतील सारण किती वेळा खुसखुशीत फ्राय झालेले असते ? एखाद्या म्हणजे एखाद्या तरी भाजीला ''अहाहा . . जिऱ्याचा काय सुंदर वास लागलाय ?' असे होते का ? हॉटेल मधे ३०० रुपयाला वाटीभर मिळणाऱ्या जिरा राईस मधे जिरा चा आस्वाद कितीसा असतो ? हे सांगायचे कारण असे . . खाद्य हे पौष्टिक होण्या पेक्षा प्रेझेंटेबल होण्याकडे कल बराच वाढला आहे . . तेलात /तुपात भाजलेला हिंग -लसूण पोटात जात नाही . ओवा लवंग तिखट लागतो म्हणून आपण वापरत नाही . कढीपत्ता बोअर असतो म्हणून पानाच्या साईड ला काढून ठेवतो . त्यामुळे पोटात अन्न भरपूर जाते शास्त्र मात्र जात नाही !

पचन संस्थेचे वाढत चालणारे आजार आणि उठसुठ होणाऱ्या एन्डोस्कोपी -कोलोनोस्कोपी याचे कारण अशास्त्रीय पद्धतीने बनवलेला - खाल्लेला आहार आहे . फोडणीत भाजलेला लसूण चावून खाणे किंवा बटाटा भाजी सारख्या पचायला जड असलेल्या भाजीच्या फोडणीत ओवा जिरे असणे हा आजीबाईचा वारसा आहे . पोट टम्म झाल्यावर इनो पिऊन बुलबुले काढणे हा ग्रॅनी चा वारसा आहे . अधोरेखित करायचा मुद्दा असा , मिरच्यांच्या धुरी आणि लालेलाल स्वयंपाक मौज म्हणून करायला हरकत नाही . फोडणी मात्र बायपास व्हायला नको . . . चिंच कधी आणि आमसूल कधी हे गृहिणीला बरोबर माहित असते . त्याच घरात आरोग्य असते . . कामाच्या व्यापामुळे अनेकांकडे स्वयंपाकाला बाई असते . हरकत नाही . . ऑफिस मधे जसे आपण प्रोजेकट डिझाईन करतो तसे आपला स्वयंपाक डिझाईन करून द्यायला काहीच हरकत नाही !

कोणत्याच तयार मसाल्यात काहीच 'मॅजिक ' नसते . मॅजिक असते ते करणाऱ्याच्या हातात . केलेल्या फोडणीत .फोडणीत आपले सत्व सोडणाऱ्या मसाल्यात . केलेले अन्न आनंदाने खाणाऱ्या व्यक्तीत . वैद्य असो किंवा अन्नपूर्णा ''योजक : तत्र दुर्लभ : '' हा सिद्धांत दोघांनाही लागू होतो !
----
लेख ,लेखकाच्या नावासह आणि नाव न बदलता शेअर करावा . या लहानशा कृतीने तात्विक आनंद आणि नैतिक समाधान मिळते !
-----
वैद्य .अंकुर रविकांत देशपांडे
एम डी (आयुर्वेद )
आरोग्य मंदीर
सांगली -पुणे -कणकवली
7276338585
------

31/10/2020

Natural icecream
Tender coconut malai flavour

Ingredient ... 1 cup tender coconut ( crust it into semi fine paste ) , 1cup whipped cream ( i used tropholite whipped Cream ) , 3/4 cup milkmaid.

* In large bowl , mix all ingredient together and beat about 5 min at hihh speed .
* Transfer it into air tight container , keep it overnight about 8 hrs
*Super soft , mouth watering icecream is ready to eat

23/10/2020

बीकानेरी भुजिया सेव
आत्ता जी रेसिपी देतो आहे ती मारवाडी लोक जेवणात डायजेस्टिव्ह म्हणून घेतात , चटपटीत लागते म्हणून मुले आवडीने खातात .
खूप सोपी रेसिपी आहे .
या दिवाळीत थोडी ही पण शेव करून बघा . सगळ्या कुटुंबातील सदस्यांना आवडेल .

बिकानेरी भुजिया सेव

1/2 कप बेसन
1/2 कप मटकी डाळ पीठ
1/4 टी स्पून दालचिनी पावडर
1/4 टी स्पून वेलदोडे पूड
1/4 टी स्पून हिंग
2 - 3 लवंग बारीक करून
1 तमालपत्र
1 जायपत्री
1 तमाल पत्र
1.5 टी स्पून काळी मिरी
सगळे फ्रेश बारीक करून .
1.5 टी स्पून तेल
जे घटक अखंड आहेत जसे लवंग , मिरे , जायपत्री , तमालपत्र वगैरे ग्राइंड करून घ्या . दोन्ही पिठे व इतर घटक व्यवस्थित मिक्स करून गरजे नुसार पाणी घालून शेवेच्या पीठाएवढे मळून घ्यावे .
एका कढईमध्ये तळायला तेल गरम करून घेऊन सोरयाने त्यात ह्या पीठाची शेव घालून तळा . तळून झाल्यावर बाजूला काढून ठेवा .
काही भागाच्या कडबोळ्यासारख्या सरळ वळ्या ( भुजिया ) करून तळून घ्या .
ही शेव व भुजिया गार झाल्यावर हाताने बारीक करून मिसळावे व एअर टाईट कंटेनरमध्ये ठेवावे .

21/10/2020

अप्रतिम अशा चवीचा असा गवारीचा ठेचा आणि ज्वारीची भाकरी..😋😀.. for you
गवारीचा ठेचा
दिडशे ग्रॅम थोडी मोठी गवार तोडून घेणे,४ ते ५ हिरव्या मिरच्या किंवा आवडीप्रमाणे, १ गड्डा सोललेला लसूण, १ मूठभर थोडे भाजलेले शेंगदाणे सालासकट घेणे, १ चमचा जीरेजाड मीठ किंवा साधं मीठ चवीप्रमाणे.
मिरच्या कढईत तेल न घालता व्यवस्थित भाजून घेणे, त्याच कढईत तोडलेल्या गवारी व्यवस्थित भाजून घेणे. नंतर खलबत्त्यात किंवा मिक्सरमध्ये आधी मिरच्या ,जाडसर कुटून घ्यावे नंतर गवार, अर्धा चमचा जीरे,मीठ, भाजलेले सालासकट शेंगदाणे जाडसर कुटून घ्यावे. मिक्सरला केले तर थोडे थांबून फिरवून घ्यावे. कढईत अर्धा ते १ चमचा तेल घेऊन उरलेले जीरे, ४ ते ५ कढीपत्ता पाने तुकडे करून घालते, २ लसणाच्या पाकळ्या ठेचून घालणे व कुटून घेतलेला ठेचा घालून २ ते ३ मिनीटे व्यवस्थित परतून घेणे. Yummy 😋 tasty ठेचा तयार.. भाकरी बरोबर अप्रतिम लागतो.