Co to jest strona internetowa?

https://www.facebook.com/104390655668794/

Акцыі беларусаў Варшавы

Strona główna
Polska
Warsaw
Акцыі беларусаў Варшавы

Акцыі беларусаў Варшавы

05/09/2024

510 год Аршанскай бітве!

8 верасня 1514. Ужо традыцыйна мы святкуем Дзень беларускай вайсковай славы.

У найноўшую гісторыю гэты дзень вярнуўся ў 1992 годзе, калі свята адзначылі на плошчы Незалежнасці ў Менску.

Для беларусаў Перамога пад Воршай - гэта свята годнасці, гонару і радасці перамогі. Доказ таго, як нават сіламі меншымі можна дасягнуць сваіх мэтаў.

Упэўненасць і рашучасць нашых продкаў павінна стаць узорам нам сённяшнім, свята вайсковай перамогі - натхніць і надаць мужнасці ў барацьбе.

Прыходзьце, каб разам узгадаць гэты векапомны дзень.

🗓 08 верасня
🕑 а 14.00 гадзіне
📍 Помнік Каперніку

Жыве Беларусь!
✊🤍❤️🤍

04/09/2024

Жыве Беларусь!
Свабоду палітвязням!

29/08/2024

Шаноўныя беларусы Варшавы!

З верасня акцыі каля помніка Каперніка пашыраюць сябе да фармату дыскусій.
Кожны з вас можа ўзяць слова, выказаць прапанову, агучыць сваё меркаванне і паўдзельнічаць у абмеркаваннях свабодна.

1 верасня тэма дыскусіі "Выбары ў Беларусі 2025: стратэгія дэмсілаў".
Вынікі дыскусіі могуць быць адасланы як прапанова да дэмакратычных аб’яднанняў беларусаў у замежжы.

🗓 01 верасня
🕑 а 14.00 гадзіне
📍 Помнік Каперніка

Жыве Беларусь!
✊🤍❤️🤍

20/08/2024

❗️Тэрмінова❗️

25 жніўня ў 14:00 адбудзецца акцыя пратэсту супраць экстрадыцыі беларускага рэжысэра Андрэя Гнёта ў Беларусь.

Акцыя адбудзецца каля Амбасады Сербіі ў Варшаве па адрасе:
📍 Aleja Róż 5

Юрыстка фонду Partyzanka Ганна Маціеўская разам з іншымі праваабаронцамі змагаецца за будучыню Андрэя Гнёта і мы ўсе разам павінны падтрымаць яе намаганні і намаганні самога Андрэя ў гэтай барацьбе.

❣ Калі вы плануеце акцыю ў сваім горадзе, пішыце ў наш чат-бот , мы прапануем вам распрацаваныя плакаты

Беларусы дыяспары ўсіх краін, мы таксама заклікаем вас далучыцца да флэшмобу ў падтрымку Андрэя Гнёта, якога сербскія ўлады хочуць экстрадаваць у Беларусь.

Падтрымаць Андрэя данатам можна тут

03/08/2024

Ужо было 9 дзён, я ад на сышоў Зміцер Гарэлька, гамяльчанін, актывіст, добры і сумленны чалавек.
Беларусы Варшавы зрабілі невялічкі фільм у памяць пра Змітра❤️‍🩹
Таксама не цалкам закрыты збор на яго пахаванне.
Надзея толькі на Вас, хто зможа паўдзельчаць і дапамагчы:

PL97124010401978001109860344 Valeriy Slepuhin
PayPal: [email protected]
Па нумары Blik 724468595

Дзякуй!

03/08/2024

Сёння 9 дзён, я ад на сышоў Зміцер Гарэлька, гамяльчанін, актывіст, добры і сумленны чалавек.
Беларусы Варшавы зрабілі невялічкі фільм у памяць пра Змітра❤️‍🩹
Таксама не цалкам закрыты збор на яго пахаванне.
Надзея толькі на Вас, хто зможа паўдзельчаць і дапамагчы:

PL97124010401978001109860344 Valeriy Slepuhin
PayPal: [email protected]
Па нумары Blik 724468595

Дзякуй!

03/08/2024

Чарговы рубікон.

Напярэдадні гадавіны выбараў 2020 года мы зноў збіраемся на акцыю.

Гэтым разам падводзім вынікі: з чым прыйшлі мы ў 2024 год.

Што дасягнулі беларусы за гэтыя гады? Чым палепшылі і чым пагоршылі сітуацыю ў Беларусі? Як змянілася стаўленне, погляды на палітычныя працэсы?

Што засмучае і што дае надзею. Якога кірунку варта трымацца. Што аслабляе нас і што мацуе нашыя агульныя намаганні.

Гэта акцыя - магчымасць пагаварыць ад уласнага імя і пра асабісты досвед.

Пасля 20 года прайшло яшчэ чатыры гады, у якія ніхто не верыў... І можа варта змяніць пункт гледжання, каб дасягнуць мэтаў.

Гэтыя і вашыя ўласныя пытанні мы зможам абмеркаваць на акцыі прысвечанай 4ай гадавіне выбараў.

Будзе працаваць вольны мікрафон.

І магчыма менавіта ваш голас знойдзе неабходныя словы.

🗓 04 жніўня
🕑 а 14.00 гадзіне
📍 Помнік Каперніку

Жыве Беларусь!
✊🤍❤️🤍

31/07/2024

🪧9 жніўня - Дзень Годнасці.
Дзень, які ўжо ўвайшоў у гісторыю Новай Беларусі.

▫️Беларусы Варшавы ў гэты дзень зноў выходзяць на марш! Гэты марш адзнака таго, што мы не скарыліся, што нам не ўсё адно. Што мы памятаем і ганарымся тым, што мы - беларусы!
🔺Выходзьце ў колерах нашага пратэсту! Свята Годнасці, Гонару і Пашаны!

▫️Марш пройдзе маршрутам:
Plac Żelaznej Bramy - Marszałkowska - Świętokrzyska - pomnik Kopernika.

❤️‍🩹 Радзіма гэта не толькі тое, што ляжыць пад нагамі, Радзіма - гэта тое, што ты нясеш у сэрцы.

🏋‍♀Памятайце пра асабістую бяспеку. Калі трэба, паклапаціцеся пра яе.

🗒️Дата: 9 жніўня
⏰Час: 18.00 Збор пачынаецца а 17.30
🧭Месца збору: Plac Żelaznej Bramy.

Жыве Беларусь
пакуль мы жывем ёю!
✊🤍❤️🤍

25/07/2024

27 ліпеня 1990 года была прынята Дэкларацыя аб дзяржаўным суверэнітэце Рэспублікі Беларусь.
Праз год - у жніўні 1991- гэтая дэкларацыя была аб’яўлена дзяржаўным законам. Нашая краіна абвясціла аб сваёй незалежнасці. А грамадзяне яе атрымалі новае свята - дзень Незалежнасці.

Апошні раз 27 ліпеня адзначалі ў 1996.

Дзень, калі Вярхоўны Савет БССР пастанавіў:
-больш ніводная партыя ці асоба не могуць выступаць ад імя народа, гэта права мае толькі выбраны Вярхоўны Савет;
- Беларусь мае права на ўласнае войска, органы грамадскай і дзярж. бяспекі;
- ніякія замежныя вайсковыя базы, фармаванні, пабудовы не могуць размяшчацца на тэрыторыі Беларусі без згоды Вярхоўнага Савета.
- Тэрыторыя Беларусі аб’яўляецца бяз’ядравай зонай.
Аб’яўлялася вяршэнства Канстытуцыі і рэспубліканскіх законаў.

У нядзелю мы выходзім, каб адзначыць свята нашай Незалежнасці і ў чарговай раз нагадаць пра яе вартасць і каштоўнасць для нас.

Далучайцеся.

🗓 28 ліпеня
🕑 а 14.00 гадзіне
📍 Помнік Каперніку

Жыве Беларусь!
✊🤍❤️🤍

18/07/2024

Тыдзень зняволеных народаў адзначаецца з 1953 года.
Кожны трэці тыдзень ліпеня ў дэмакратычных краінах праходзяць акцыі ў падтрымку народаў, якія церпяць ад каланіяльнай палітыкі буйных імперый.

29.06.2024 у Румыніі на летняй сесіі Парламенцкай асамблеі АБСЭ была прынята рэзалюцыя. Яна прызнае ваенную агрэсію РФ як генацыд украінскага народа, а таксама вызначае дэкаланізацыю РФ "неабходнай умовай для ўсталявання моцнага міру".

Ліга Вольных Нацый заклікае нас далучыцца да акцый дыяспар былых краін СССР, сацыялістычнага блоку, а таксама Кітая.
У гэтую нядзелю мы выходзім, каб падхапіць і ўзмацніць гэтую ідэю. Пазбавіцца ўплыву Масквы, аказаць супраціў распаўсюду імперыі, спыніць пагрозу каланізацыі ў XXI стагоддзі.

Запрашаем усіх неабыякавых далучыцца да нашай акцыі ў нядзелю 21 ліпеня.

🗓 21 ліпеня
🕑 а 14.00 гадзіне
📍 Помнік Каперніку

Жыве Беларусь!
✊🤍❤️🤍

11/07/2024

Дзень ушанавання памяці Алеся Пушкіна.

11 ліпеня 2023 года загінуў мастак Алесь Пушкін ...
Ен сканаў ў рэанімацыі не атрымаўшы належнай медычнай дапамогі, дастаўлены з калёніі. Яму было 57 гадоў.
Ён змагаўся з захопнікамі сваёй Радзімы яшчэ ў дзевяностыя. Менавіта яму належыць знакаміты перформанс “Гной для прэзыдэнта” (1999).

Ён быў схопены 30 сакавіка 2021 года: карцары, псіхіятрычная клініка, судзілішча праз год, і вырак 5 гадоў калёніі ва ўмовах жорсткага рэжыму…
25 сакавіка 2022 году ён парэзаў сабе жывот знакам пратэсту супраць сваёй і яшчэ 5000 крымінальных справаў. Яго характар барацьбіта не зламіўся нават у такіх, нечалавечых умовах.

Цяпер нам патрэбныя такія героі.
Лёс Алеся Пушкіна, яго фігура – павінны аб’ядноўваць беларусаў для далейшай барацьбы. Памяць па ім – тое, што беларусы мусяць захаваць. Яго жыццё – вычын, які натхняе нас працягваць.

Запрашаем усіх ушанаваць памяць героя Беларусі далучыўшыся да нашай акцыі ў нядзелю 14 ліпеня

🗓 14 ліпеня
🕑 а 14.00 гадзіне
📍 Помнік Каперніку

Жыве Беларусь!
✊🤍❤️🤍

08/07/2024

Завтра, 9 июля, в 18:00 возле Центра Медицинской Опеки «Коперник» по адресу Kopernika 43 состоится срочный протест в поддержку жертв обстрелов в Охматдете, Киеве, Кривом Роге, Днепре, Славянске и Краматорске.

Сегодня утром российские войска нанесли массированный ракетный удар по Киеву и другим городам Украины. По предварительным данным властей, в столице страны погибли по меньшей мере 20 человек, более 10 жертв было в Кривом Роге и Днепре, более 100 человек получили ранения. В Киеве серьезные повреждения получила крупнейшая в стране детская больница «Охматдет».

Акция будет включать художественный перформанс, в рамках которого участники призываются приносить детские игрушки, лампадки, свечи, детскую одежду и плакаты с информацией о сегодняшних обстрелах.

Организаторы подчеркивают важность этого события и призывают всех неравнодушных присоединиться, чтобы голос украинского народа был услышан.

📍 Мероприятие начнется в 18:00 по адресу: Варшавский Центр Медицинской Опеки «Коперник», Kopernika 43

28/06/2024

Праз тэхнічныя праблемы на нейкі час мы выпалі з камунікацыі.
Але, маўчанне ніколі не было нашым сродкам барацьбы, тым больш, калі ідзе аб несправядлівасці!
Надзвычайнае становішча нашых палітычных зняволеных патрабуе да сябе ўвагі і дзеянняў увесь час! Таму ініцыятыва вяртаецца.

Мусім яшчэ раз нагадаць, што:

- іх барацьба яшчэ не скончылася! Палітвязні застаюцца несправядліва абмежаванымі, іх галасы змоўклі.
- Мы павінны заставацца іх голасам, працягваючы пісаць ім, падтрымліваць іх, збіраць пра іх звесткі.
- Свет павінен ведаць! Неабходна рабіць іх гісторыі больш гучнымі, іх пакуты больш вартымі ўвагі... А дзеянні, скіраваныя на іх вызваленне, больш рашучымі.

27/06/2024

26 чэрвеня - дзень падтрымкі ахвяраў катавання.
У 1987 годзе Беларусь сярод іншых 174 краінаў падпісала канвенцыю супраць катавання.

Але сённяшнім паслужнікам рэжыму ніхто не чыніць перашкодаў, калі яны мучаць, забіваюць і катуюць людзей.
Катаванне холадам, катаванне адзінотай, катаванне болем, голадам, знямогай, адсутнасцю сна... у Гомельскай калоніі ёсць клетка, куды ў якасці пакарання змяшчаюць жанчын, як звяроў у заапарку.
Амаль кожны беларус сёння, на жаль, ужо мае знаёмых_сяброў, якія сталіся такімі ахвярамі. Але сістэма ўвесь час павялічвае іх колькасць ...

Падтрымаць пацярпелых і выказаць сваю нязгоду з бесчалавечнымі дзеяннямі злачынцаў мы заклікаем усіх неабыякавых
на акцыі прысвечанай Міжнароднаму дню ахвяраў катавання.

🗓 26 чэрвеня
🕑 а 14.00 гадзіне
📍 Помнік Каперніку

Жыве Беларусь!
✊🤍❤️🤍

14/06/2024

Сербскі суд прыняў рашэнне аб экстрадыцыі Андрэя Гнёта ў Беларусь. Падставай для выдачы беларуса паслужыла міждзяржаўнае пагадненне паміж Сербіяй і Беларуссю ад 3 студзеня 2019 года і Закон аб міжнароднай прававой дапамозе па крымінальных справах.

Пакуль будуць разглядаць апеляцыйную скаргу, Андрэй мусіць знаходзіцца пад хатнім арыштам.

У абарону Андрэя Гнёта выступіла Святлана Ціханоўская і іншыя палітыкі.

Мы у чарговы раз выходзім, каб сказаць, што мы супраць таго, каб краіны Еўропы дапамагалі павялічваць большасць палітзняволеных у Беларусі.

🗓 16 червня
🕑 а 14.00 гадзіне
📍 Помнік Каперніку

Жыве Беларусь!
✊🤍❤️🤍

06/06/2024

Ужо больш за 1460 дзён як Мікалай Статкевіч і Павел Севярынец - лідары дзвюх партый - Народная Грамада і Беларуская Хрысціянская Дэмакратыя - былі арыштаваны. Яшчэ за 2 месяца да асноўнага дня галасавання - 31 мая і 7 чэрвеня 2020 года. Што з імі - нам невядома, у родзічаў Мікалая Статкевіча няма ніякай інфармацыі ўжо больш за год.

Таму мы у чарговы раз выходзім, каб сказаць:
Свабоду Мікалаю Статкевічу! Свабоду Паўлу Севярынцу! Свабоду палітвязням!!!

🗓 09 червня
🕑 а 14.00 гадзіне
📍 Пляц Замковы

Жыве Беларусь!
✊🤍❤️🤍

03/06/2024

Жыве 🤍❤️🤍 Беларусь!

Аўтар фота✨️
Генадзь Верацінскі
https://www.facebook.com/veratinsky

31/05/2024

1 чэрвеня - Міжнародны дзень абароны дзяцей.

З сёння у Беларусі тысячы дзяцей адчулі на сабе рэпрэсіі праз затрымання і крымінальны пераслед бацькоў, а дзясяткі апынуліся за кратамі. Некаторых непаўналетніх нават збівалі і катавалі.

На дадзены момант у краіне налічваецца дзевяць палітвязняў падлеткаў, якія сустрэлі 18-годдзе за кратамі.

А колькі зараз дзяцей, якія не могуць бачыць сваіх бацькоў, бо яны палітвязні.
А з дзецьмі тых, каму ўдалося з'ехаць з Беларусі?

А дзеці ў Беларусі? Усе іх святы ды і ўсё жыццё праходзяць пад наглядам міліцыі.

Таму мы ў чарговы раз выходзім, каб сказаць:

Гэтыя "улада" павінна сысці разам са сваім "прэзідэнтам".
Не здзекам над беларускім народам!
Дзеці не мусяць трапляць пад ўплыў сілавікоў!
Свабоду нашай краіне!
Свабоду палітвязням!

🗓 02 чэрвеня
🕑 а 14.00 гадзіне
📍 Помнік Каперніку

Жыве Беларусь!
✊🤍❤️🤍

26/05/2024

Галасаванне для вырашэння праблем беларусаў замежжа

Вам неабходна прагаласаваць, каб у дэмакратычных сіл былі паўнамоцтвы для вырашэння праблем беларускай дыяспары. Вашы галасы выключна важныя для забеспячэння нацыянальных інтарэсаў Беларусі.

Нічога не павінна вырашацца ў справах Беларусі без уліку голасу беларусаў.

Як аддаць свой голас глядзі па спасылцы ў сторыз:

24/05/2024

Мы жывем у 21 стагоддзі , у цэнтры Еўропы, размаўляем пра нанатэхналогіі і ўвесь час дбаем пра самаразвіццё.

А дзесьці ў Беларусі, у самым сэрцы гэтай Еўропы, людзі ў пагонах здзяйсняюць чарговае злачынства. Гэтыя людзі калісьці кляліся бараніць свой народ, змагацца са злачынствам дзеля росквіту краіны. Сёння яны прыходзяць у дамы звычайных беларусаў і забіраюць іх маёмасць. Яны запалохваюць і арыштоўваюць родных тых, хто не пагаджаецца з дыктатарам 404.

Таму мы ў чарговы раз выходзім, каб сказаць:
Мы не даруем!
Мы супраць гвалту над беларускім народам!
Свабоду Палітвязням!
Свабоду нашай краіне!

🗓 26 траўня
🕑 а 14.00 гадзіне
📍 Помнік Каперніку

Жыве Беларусь!

16/05/2024

Сустрэча з беларусамі Варшавы

У суботу, 18 траўня, а 18:00 у офісе Цэнтра Беларускай Салідарнасці на ul. Oleandrów 6 адбудзецца сустрэча прадстаўнікоў спісу Еўрапейскi выбар з беларускай дыяспарай
(адзін з арганізатараў акцый з'яўляецца ўдзельнікам спісу)

Запрашаем усіх беларусаў i беларусак Варшавы прыняць удзел у гэтай сустрэчы, каб абмеркаваць важныя пытанні, якія тычацца нашай супольнасці і разам шукаць шляхі для далейшага развіцця і ўзаемадзеяння.

Далучайцеся да нашага мерапрыемства і дзяліцеся сваімі ідэямі і меркаваннямі!

📅Дата: 18 траўня
⏰Час: 18:00
📍Месца: офіс Цэнтра Беларускай Салідарнасці, ul. Oleandrów 6

16/05/2024

Выстава і акцыя ў гонар беларускіх палітвязняў

19 траўня а 14:00 на пляцы каля помніка Каперніку ў Варшаве адбудзецца адкрыццё інтэрактыўнай выставы «Муры», прысвечанай беларускім палітвязням.

Сёння ў Беларусі лічба толькі афіцыйна прызнаных палітвязняў дасягае 1,5 тысячы чалавек, рэальная лічба — у разы большая. У жорсткіх і нечалавечых умовах яны праходзяць праз турмы рэжыму ў Беларусі, адбываючы вялікія тэрміны за сваю прагу да свабоды. Адкрыццё выставы прымеркавана да Дня беларускіх палітвязняў — 21 траўня. Менавіта ў гэты дзень у 2021 годзе у шклоўскай калоніі №17 быў забіты палітвязень Вітольд Ашурак. Пасля яго смерці пазбавіліся жыцця ў месцах зняволення палітвязні Мікалай Клімовіч, Алесь Пушкін, Вадзім Храсько, Ігар Леднік і Аляксандр Кулініч. Адкрыццё выставы — нагода, каб нагадаць усяму цывілізаванаму свету, што сёння адбываецца ў Беларусі.

Выстава «Муры» — сімвалічнае адлюстраванне той сітуацыі, у якой сёння знаходзіцца беларускае грамадства. Выстава мае інтэрактыўную і інтэрперсанальную форму і не толькі інфармуе гледача пра лёс беларускіх палітвязняў, якія сёння за кратамі, але і эмацыйна ўцягвае ўдзельнікаў да больш глыбока разумення праблем беларускага грамадства, прага да дэмакратычных зменаў якога жорстка растоптваецца чорнымі ботамі сілавікоў.

Выстава названа ў гонар асаблівай для Польшчы і Беларусі песні «Муры». Першы раз яна прагучала падчас антыкамуністычных пратэстаў у Польшчы ў 1989 годзе, а праз шмат гадоў стала сімвалам пратэстаў супраць беззаконня і гвалту ў Беларусі.

Выстава «Муры» арганізавана Беларускай асацыяцыяй палітвязняў «Да Волі» пры дапамозе Народнага антыкрызіснага ўпраўлення, Музея Вольнай Беларусі, Прадстаўніцтва па нацыянальным адраджэнні Аб'яднанага Пераходнага Кабінета, Reforum Space Warsaw, Беларускага Радыё Рацыя.

Запрашаем прыняць удзел у адкрыцці выставы «Муры» і акцыі 19 траўня а 14:00 на пляцы каля помніка Каперніку ў Варшаве.

10/05/2024

Нас выхоўвалі на ўшанаванні ветэранаў вайны. Той вайны, якую звалі Вялікай айчыннай... Але мы бачылі стаўленне дзяржавы да ветэранаў.
А былі яшчэ і іншыя ветэраны. Іншых войн, якія негалосна вяла краіна, якая звалася СССР...
І мы марылі, што будзем жыць у свеце, у якім не будзе больш войн.

І што цяпер?

Цяпер ідзе вайна. Вайна захопніцкая. Вайна, якую вядзе краіна, якая лічыць сябе адзіным пераможцам у Другой сусветнай. Краіна, якая, на яе думку, ваюе супраць фашыстаў... І дзе яна іх тамака знайшла?

Атрымліваецца, што лозунг "можам паўтарыць" ажыццяўляецца на нашых вачах? Толькі роzzia ужо не на баку вызваліцеляў, а на баку заваёўнікаў.

І ўрад нашай краіны таксама падтрымаў захопнікаў.

Чым і калі скончыцца гэтая вайна, мы не ведаем. Але верым ў Перамогу светлых сіл!
І таму выходзім, каб чарговы раз сказаць:
" Не вайне! Не лукашысцкім уладам! Свабоду Палітвязням!"

🗓 12 траўня
🕑 а 14.00 гадзіне
📍 Помнік Каперніку

Жыве Беларусь!
✊🤍❤️🤍

03/05/2024

Вялікдзень...
Светлае свята, калі людзі чакаюць і прагнуць міру, дабра, шчасця.

Толькі дзе ён, той мір? Два дыктатары развязалі вайну. Ва Украіне гарачую і ў Беларусі халодную. Міліцыя дзяжурыць вакол праваслаўных цэркваў, каб народ, які збіраецца там, не заладзіў мітынг...

Чым далей, тым болей наша краіна ператвараецца ў Паўночную Карэю 2.0...

Колькі яшчэ вернікаў, колькі святароў будзе затрымана за погляды, чужыя цяперашнім "уладам"? Колькі яшчэ будуць здзекавацца ў турмах з нашых палітвязняў? І няважна, верыць у Бога чалавек ці не, для цяперашніх "улад" ён вораг.

Таму мы выходзім, каб сказаць:
Не лукашэнкаўскай "уладзе"!
Не здзекам з людзей!
Свабоду палітвязням!

🗓 05 траўня
🕑 а 14.00 гадзіне
📍 Помнік Каперніку

Жыве Беларусь!
✊🤍❤️🤍

27/04/2024

Ёсць шмат дат у жыцці беларусаў, калі мы выходзім разам на вуліцу. Гэта і святы, і сумныя даты... Дзень Волі, Дзень Палітвязняў, Дзень Герояў, Чарнобыльскі шлях...

Мы выходзім...

Каб разам парадавацца і разам узгадаць тое, што было. І абмеркаваць тое, што хвалюе нас, беларусаў.

Таму, як заўсёды, да Перамогі, у гэтую нядзелю мы выйдзем на плошчу ля помніка Каперніка, каб паказаць, што мы ёсць, мы не здаліся, мы будзем заўсёды!

🗓 28 красавіка
🕑 а 14.00 гадзіне
📍 Помнік Каперніку

Жыве Беларусь!
✊🤍❤️🤍

24/04/2024

Жыве Беларусь!

23/04/2024

Заклікаем беларусаў далучацца да акцыі «Чарнобыльскі шлях — 2024» у Варшаве.

Сёлета, як і ў мінулы год, акцыя пройдзе пад лозунгам «НЕ ЯДЗЕРНАЙ ЗБРОI Ў БЕЛАРУСI».

У 38-ую гадавіну аварыі на Чарнобыльскай атамнай станцыі беларускія актывісты незалежных грамадскіх арганізацый, прадстаўнікі дыяспары ў Варшаве правядуць традыцыйную акцыю «Чарнобыльскі шлях».

Акцыя плануецца 26 красавіка ў Варшаве. Да Чарнобыльскага шляху акрамя беларусаў далучацца грамадзяне Польшчы і ўкраінская дыяспара.
У Мінску акцыя праводзіцца не будзе.

🔸 ВАРШАВА
Збор а 17:30 ў Кракаўскім прадмесці каля помніка Каперніку,
18:00-18:45 Мітынг, 18:45-19:30 Шэсце да Рынку Новага Мяста, да помніку Марыі Складоўскай-Кюры.

Акцыя арганізаваная Варшаўскай суполкай Таварыства беларускай мовы пры падтрымцы ініцыятывы "Беларусы Варшавы" і іншых грамадскіх арганізацый дыяспары.

Будзем у гэты дзень разам, трагедыя не павінна паўтарыцца!

Жыве Беларусь 🤍❤️🤍

20/04/2024

Вясна - гэта не толькі час, калі пасля зімы прыходзіць адліга ды прыгажэе ўсё наваколле. Вясна - гэта таксама час, у які мы ўзгадваем злачынствы сталінскага рэжыму СССР.
Красавік - сумны месяц для палякаў, бо менавіта ў гэты месяц яны ўшаноўваюць памяць ахвяраў Катыньскага растрэлу, калі ў лесе пад Смаленскам у 1940 годзе былі расстраляныя як мінімум 21 768 грамадзянаў Польшчы, сярод якіх былі і этнічныя беларусы. Таксама як і палякі, мы, беларусы, маем свой боль - Курапаты, дзе на загад таго ж самага ката Сталіна з 1937 па 1941 гады былі расстраляныя тысячы мірных жыхароў Мінска - гэтак званых "ворагаў народу"...

Сёння, як і шмат дзесяцігоддзяў таму, акупацыйныя лукашэнкаўскія ўлады праводзяць мэтанакіраваную палітыку вынішчэння найбольш адданых сыноў і дачок нашай Бацькаўшчыны. Няма сумневу, што калі б лукашэнка пачуў вольніцу, справа не абмежавалася б "толькі" турэмнымі прысудамі. Зрэшты, тыя людзі, што ўжо загінулі ў турмах лукашэнскаўскага рэжыму - дастатковы аргумент, каб казаць пра тое, што лукашэнка - годны вучань Сталіна. Як памятаем, і пра Адольфа Гітлера ў свой час лукашэнка выказваўся пазітыўна.

Шалёная сумесь фашызму з камунізмам - вось што ўяўляе з сябе сённяшняя антынародная ўлада, а па сутнасці акупацыйны рэжым Беларусі. У гэткай сітуацыі мы мусім рабіць усё, што ў нашае моцы, каб прыцягнуць увагу да тых злачынстваў, што здзяйсняе лукашэнкаўская хунта супраць простых беларусаў. Менавіта таму штонядзелю мы выходзім ізноў ды ізноў, каб як мага больш людзей даведалася пра тое, што адбываецца зараз у Беларусі. Гэта наш маленечкі ўнёсак у набліжэнне таго часу, калі рэжым лукашэнкі абрынецца і ўвесь сьвет даведаецца пра злачынствы супраць беларускага народу. Ні ў якім разе нельга маўчаць зараз, каб рэпрэсіі ўнутры краіны не скончыліся крывавымі падзеямі, як калісьці ў Катыні ці Курапатах...

🗓 21 красавіка
🕑 а 14.00 гадзіне
📍 Помнік Каперніку

Жыве Беларусь!

13/04/2024

Запрашаем на чарговую сустрэчу, дзе мы збіраемся, каб напісаць лісты палітвязням.

Калі ласка, прыходзьце ў нядзелю ❤️
Ад вас натхненне, а ад нас канверты, на чым пісаць, чым пісаць\маляваць і каляровыя налепачкі для аздаблення вашых лістоў😊

Кожны палітвязень мае патрэбу ў падтрымцы. Няма малой дапамогі, а лісты гэта тое, што дае надзею і дапамагае трымаць сувязь са знешнім светам.🤗

💸 Хочам нагадаць, што марка на перасылку аднаго ліста ў Беларусь каштуе 10 злотых. На сустрэчы будзе знаходзіцца скрынка, куды вы зможаце пакласці наяўныя грошы, каб забяспечыць адпраўку віншаванняў да адрасатаў.

14 красавіка
⏰️ 16.00
📍 Музей Вольнай Беларусі

Adres

Warsaw

Strona Internetowa

facebook.com

Ostrzeżenia

Bądź na bieżąco i daj nam wysłać e-mail, gdy Акцыі беларусаў Варшавы umieści wiadomości i promocje. Twój adres e-mail nie zostanie wykorzystany do żadnego innego celu i możesz zrezygnować z subskrypcji w dowolnym momencie.

Widea

Ужо было 9 дзён, я ад на сышоў Зміцер Гарэлька, гамяльчанін, актывіст, добры і сумленны чалавек. Беларусы Варшавы зрабілі невялічкі фільм у памяць пра Змітра❤️‍🩹 Таксама не цалкам закрыты збор на яго пахаванне. Надзея толькі на Вас, хто зможа паўдзельчаць і дапамагчы: PL97124010401978001109860344 Valeriy Slepuhin PayPal: [email protected] @slepv Па нумары Blik 724468595 Дзякуй!

Сёння 9 дзён, я ад на сышоў Зміцер Гарэлька, гамяльчанін, актывіст, добры і сумленны чалавек. Беларусы Варшавы зрабілі невялічкі фільм у памяць пра Змітра❤️‍🩹 Таксама не цалкам закрыты збор на яго пахаванне. Надзея толькі на Вас, хто зможа паўдзельчаць і дапамагчы: PL97124010401978001109860344 Valeriy Slepuhin PayPal: [email protected] @slepv Па нумары Blik 724468595 Дзякуй!