17/05/2020
BodyBuilding,PhysicalFitness And Wellness. එහෙමත් නැත්නම් කායවර්ධනය ශරීරික යෝග්‍යතාවය සහ සුවතාවය.
පහතින් දක්වන මූලික කරුණු පිලිබඳ මේ ලිපියෙන් සාකච්ඡා කරන්න බලාපොරොත්තු වෙනවා..
ප්‍රතිරෝධී ව්‍යායාම්/ශක්තිවර්ධක ව්‍යායාම් වල ඉතිහාසය ( History Of Resistance/Strength Training)
කායවර්ධන ඉතිහාසය හා විකාශනය (History And Evalution Of Bodybuilding)
කායවර්ධනය යනු කුමක්ද? (What Is BodyBuilding )
ශාරීරික යෝග්‍යතාවය සහ සුවතාවය (Physical Fitness And Wellness)
ශාරීරික යෝග්‍යතාවය සහ සුවතාවය පවත්වාගැනීමේ වැදගත්කම (Importance Of Maintaining Physical Fitness And Wellness)
1. ප්‍රතිරෝධී ව්‍යායාම්/ශක්තිවර්ධක ව්‍යායාම් වල ඉතිහාසය ( History Of Resistance/Strength Training)
ප්‍රතිරෝධි ව්‍යායාම(resistance training) යනුවෙන් හඳුන්වන්නෙ ශරීරය යම් දිශාවකට චලනය කරන අතර ඊට ප්‍රතිවිරුද්ධ දිශාවට යම් කිසි ආකාරක බලයක් යෙදවීම මගින් එම චලනය මත ප්‍රතිරෝධයක් ඇති කරමින් සිදුකරන ව්‍යායාම් විශේෂයක්..මේහිදි ප්‍රතිරෝධය විවිධාකාරයෙන් යොදවන්න පුලුවන්.යම් කිසි බරක් එසවීමෙන් එසේත් නැත්නම් යම් කිසි වස්තුවක් ඇදීම තල්ලු කිරීම මගින් හෝ කන්දක් පඩිපෙලක් වැනිදෙයක් නැගීම මගින් චලනය මත ප්‍රතිරොධයක් යොදන්න පුලුවන්..
ප්‍රතිරෝධි ව්‍යායාම් වල ඉතිහාසය ප්‍රාග් ඓතිහසික යුගය දක්වා දිවයන්නක්..වාර්තාගත ඉතිහාසය අනුව ක්‍රි.පු 2000 පමණ එනම් මීට අවුරුදු 4000කට පමණ පෙර පුරාණ ඊජිප්තු ජාතිකයන් මෙවැනි ව්‍යායාම් වල නිරත වෙලා තියනවා..ඔවුන් වැලි පිරවූ ගෝනි මේ සඳහා යොදාගෙන තියෙනවා..එමෙන්ම ක්‍රි.පු 700 පමණ චීන ජාතිකයන්ද,අපේ අසල්වැසි ඉන්දීයානුවන්ද ව්‍යායාම් වල නිරත වී ඇති බවට ශාක්ෂි හමුවෙලා තියනවා.. නමුත් ව්‍යායාම් ඉතිහාසය දෙස බැලීමේදි පුරාණ ග්‍රීක ජාතිකයන් විශේෂයෙන් කැපී පෙනෙනවා..අනෙකුත් බොහෝමයක් ජාතීන් දඩයම සහ යුධ කටයුතු සඳහා පුහුණුවීමට මේවා යොදායනිද්දි ග්‍රිකයන් යුද්ධයට මෙන්ම ක්‍රිඩාව සඳහාද අවශ්‍ය ශක්තිය සහ අනෙකුත් මලලක්‍රිඩාමය හැකියවන් වරිධනය කර ගැනීමට ප්‍රතිරෝධි ව්‍යායාමයන් යොදාගන්නවා..Diagoras නැමති බොක්සි ක්‍රීඩකයාත් Theagenes නැමති ඔලිම්පික් ක්‍රිඩකයාත් මීට හොඳ උදාහරණ ලෙස දක්වන්න පුලුවන්..බොහෝවිට එකල ඔලිම්පික් තරඟ වලට සහබාගි වූ ක්‍රීඩකයන් පාෂාණ යොදාගනිමින් තමන්ගේ ශක්තිය වැඩිකරගැනීම වෙනුවෙන් පුහුණූවීම් කල අතර මෙය ශක්තිවර්ධන ව්‍යායාම් වල මූලාරම්භය ලෙසත් සලකන්න පුලුවන්..
ශරීර ශක්තිය(Strength) වර්ධනය කරගැණීමේ අරමුණෙන් සිදුකරන ප්‍රතිරෝධි ව්‍යායාම ශක්තිවර්ධක ව්‍යායාම (Strength Training)ලෙස හඳුනාගත හැක
2. කායවර්ධන ඉතිහාසය හා විකාශනය (History And Evalution Of Bodybuilding)
ඉහත කී ශක්තිය වර්ධනය කරගැනීමේ ව්‍යායාම් වල යෙදුන අතිතයේ විසූ මිනිසුන් නිරීක්ෂණය කල දෙයක් තමා මෙම ව්‍යායාම වල කාලයක් තිස්සෙ ක්‍රමානුකූලව යෙදීම මගින් ශක්තිය වගේම ශරී‍රයේ මාංශපේශි ද වර්ධනය වන බව.මෙයට හොඳම උදාහරණයක් ලෙස පුරාණ ග්‍රීසියට අයත් Croton නම් ප්‍රදේශයේ ජීවත් වූ Milo නම් ඔලිම්පික් මල්ලවපොර ශූරයා (Milo of Croton) ගත හැක.. ඔහු තමා ලඟ සිටි කුඩා වසු පැටවා කරතබා යාමට පුරුදු ව සිටි අතර දිගින් දිගටම මෙය සිදු කිරීම නිසා වසු පැටවා විශාල හරකෙකු වු පසුත් අපහසුවකින් තොරව කරතබාගෙන යාමට හැකිවිය..මීට හේතුව ක්‍රමානුකූලව කාලයක් තිස්සෙ හරකාගෙ බර වැඩි උවද නිතරම ඔසවාගෙන යාම නිසා වැඩිවන බරට ඔරොත්තු දෙන ලෙස ශරීරය හැඩගැසීමයි.කායවර්ධනයේදීද සිදුකරන්නෙ ක්‍රමානුකූලව කාලයත් සමග ඔසවන බර වැඩිකරමින් එනම් තිව්‍රතාවය වැඩිකරමින් ශරීරය පුහුණුකිරීම මගින් මාංශපේශි වර්ධනය කරගැනීම වන අතර මෙය Progressive Overload යනුවෙන් හඳුන්වනවා...ඇත්තටම ව්‍යායාම් වල ඉතිහාසය ගැන කතාකරද්දි ග්‍රීක ජාතිකයන් යනු අමතක කල නොහැකි පිරිසක්.ඔවුන් බොහෝවිට ඔවුන්ගේ චිත්‍රවල,ඔවුන් නෙලූ පිලිමවල ඔවුන්ගේ සාහිත්‍ය නිර්මාණතුල මාංශපේශි වර්ධනය වූ ශරීර ඉතා ඉහලින් නිරූපනය කල අතර.gym එහෙමත් නැත්නම් Gymnasium යන සංකල්පයේද අයිතිකරුවන් ඔවුන් වේ..
කෙසේ නමුත් නූතන කායවර්ධනයේ ආරම්භය 19වන සියවස අගභාගයේ යුරෝපයේ සිදුවූ බවට සලකන්න පුලුවන්..මෙකල සිටියේ කායවර්ධන ක්‍රීඩකයන්ට වඩා සවි ඔසවන්නන්ට (Powerlifters/Strongmen) සමාන අයයි..බොහෝවිට ඔවුන් සන්දර්ශන වල සාමාන්‍ය මනුශ්‍යකුට එසවිය නොහැකි බර එසවීම් වැනි ක්‍රියාවන් කල අය වූ අතර ඔවුන්ගේ ශරීරද බොහෝවිට විශාල උදර සහ අත්පය සහිත ස්ථුල ශරීර විය.. මේ අතරින් එන්ගලන්තයේ විසූ ජර්මානු ජාතිකයකු වූ Eugen Sandow විශේෂ අයෙක් විය..ඊට හේතුව ඔහු බර එසවීම වැනි ක්‍රියා වලට අමතරව තම ශරීරයද සන්දර්ශන වලදි නිරූපණය කිරීමයි.එකල එවැනි අනෙක් අයට වඩා මොහුගේ වෙනසක් විය. විශාල උදර සහ ස්ථුල ශරීරයක් වෙනුවට මොහු සතුවූයේ ග්‍රීක පුරාවෘත්ත වල සඳහන් චරිත සතු ශරීරයකි..මේ හේතුවෙන් මොහු ඉතා කෙටිකලෙකින් ජනප්‍රිය වූ අතර පසුකාලීනව 1901දි ලොව ප්‍රථම කායවර්ධන තරඟය සංවිධානය කලේද මොහුයි. Eugen Sandow නූතන කායවර්ධනයේ පියා ලෙසද සලකයි..
කෙසේ නමුත් මෙය ලොවපුරා ජනප්‍රිය වීමට තවත් වසර 50ක් පමණ ගතවූ අතර ඊට හේතුව කොතරම් දීර්ඝ ඉතිහාසයජක් තිබුණද strength training ගැන මිනිසුන් සතු වූ අල්ප දනුමය.කෙසේ නමුත් Joe Weider ( International Fedaration of Bodybuilding හෙවත් IFBB සහ Mr Olympia නිර්මාතෘ) Bob Hoffman, Charles Atlas වැනි පුද්ගලයන්ගේ දායකත්වය මත 1950 වන විට මෙය ලෝකයේ ජනප්‍රිය වීමට පටන් ගන්නවා..හැත්තැව දශකය කායවර්ධනයේ ස්වර්ණමය යුගය ලෙස සලකන අතර මෙම කාලයෙ බිහි වූ Arnold Schwarzenegger,Franco Columbu,Frank Zane වැනි කායවර්ධන ශූරයන් එදා මෙදාතුර බිහිවූ විශිෂ්ඨතම ශරිරයන් ලෙස සලකනවා..
3. කායවර්ධනය යනු කුමක්ද? (What Is BodyBuilding )
කායවර්ධනය ක්‍රීඩාවක් ලෙස සැලකුන ද ඒ සම්බන්දයෙන් පවතින්නෙ මතභේදාත්මක තත්වයකි.වෘත්තිය කාය වර්ධනයෙ නියලෙන අයෙක් අනෙකුත් ක්‍රීඩකයන් සේම පුහුණුව මගින් ගොඩනගා ගන්නා දක්ශතා සහිත පුද්ගලයෙක් වුවද ලොව පිලිගත් කිසිම මලල ක්‍රීඩා සංගමයක් හෝ කමිටුවක් කායවර්ධනය ක්‍රීඩාවක් ලෙස වර්තමානය වන විට පිලි නොගනී..මීට විවිධකාර හෙතු ඇතත් ප්‍රධානම හේතූන් වශයෙන් ජයග්‍රාහකයා තේරීමේදි දක්ශතා නොව භාහිර ස්වරූපය පමණක් සැලකීමත්,ඇතම් විට අවසාන තීරණය පැහැදිලිව දීමට නොහැකි වීමත් ඒ වගේම තහනම් සහ ආන්තරායකර ඖෂධ පිලිබඳ දක්වන ප්‍රතිපත්තිය ද දැක්විය හැක..කායවර්ධනයට ලෝකයේ බොහෝ රට වල රාජ්‍ය අනුග්‍රහය නොලැබීමට ද හේතුව මෙය වේ..
4. ශාරීරික යෝග්‍යතාවය සහ සුවතාවය (Physical Fitness And Wellness)
කායික යෝග්‍යතාවය(Physical fitness) ලෙස හඳුන්වන්නෙ එදිනෙදා ජීවිතයෙදි අප සිදුකරන ක්‍රියාවන්,ඒ වගේම අප යම් රැකියාවක හෝ ක්‍රීඩාවක නිරත වෙනවා නම් නැතහොත් එවැනි ඕනෑම කායිකව සිදුකරන ක්‍රියාවක් අපහසුතාවයකින් තොරව පවත්වා ගෙන යාමට ඇති හැකියාවයි.සුවතාවය (wellness) යනු ඊටත් එහා ගිය කායික මානසික වගේම ආධ්‍යාත්මික සෞඛ්‍යද යහපත් ආකාරයෙන් පවත්වාගැනීමයි. ශාරීරික යෝග්‍යතාවය සහ සුවතාවය යනුවෙන් හඳුන්වන්නෙ ඉහත සඳහන් කල ක්‍රියාකාරකම් කායික මානසික සහ ආධ්‍යාත්මික වශයෙන් පීඩාවට පත් නොවී ලෙඩ රෝග සහ ආබාධයන්ට ලක් නොවි ශාරීරික සහ මානසික යහපැවැත්ම රඳවාගනිමින් සෞඛ්‍යසම්පන්නව පවත්වාගෙන යාමට ඇති හැකියාවයි.මෙය ලෝකයේ සියලුම පුද්ගලයන්ට පොදු වූ අවශ්‍යතාවයක් වන අතර එය පුද්ගලයාගෙන් පුද්ගලයාට වෙනස් වේ..උදාහරණ ලෙස කුඩා ලමයකුට, රගර් ක්‍රිඩකයකුට, මහලු අයකුට, යම් කිසි රෝගයකින් හෝ ආබාධයකින් පෙලෙන අයකුට හෝ යම්කිසි විශේෂිත වෘත්තියක යෙදෙන්නෙකුට(ගිනි නිවන භටයන් හමුදා සේවයේ යෙදෙන්නන්) අවශ්‍යවන ශාරීරික යෝග්‍යතා හා සුවතා මට්ටම් විවිධ වන අතර ඒවාට ලඟාකරගතයුතු ආකාරද වෙනස් වේ,,
සමබර ආහාර වෙලක් ලබාගැනීම
නිසි ව්‍යායාම වල නිරතවීම
නිසිපරිදි විවේක ගැනීම සහ ප්‍රමාණවත් නින්ද
විවේක කාලය ඵලදායීව ගත කිරීම
දුම්පානය මත්ද්‍රව්‍ය වැනි සෞඛ්‍යට අහිතකර පුරුදුවලින් ඇත්වීම
අවශ්‍ය සෑමවිටම වෛද්‍ය පරීක්ෂණ වලට යොමුවීම
වැනි කරුණූ කායික යෝග්‍යතාවය සහ සුවතාවය පවත්වාගෙන යෑමේදි අතිශය වැදගත් වේ..
5. ශාරීරික යෝග්‍යතාවය සහ සුවතාවය පවත්වාගැනීමේ වැදගත්කම (Importance Of Maintaining Physical Fitness And Wellness)
නිරෝගී ජීවිතයක් ගත කරන්න ශාරීරික යෝග්‍යතාව සහ සුවතාවය පවත්වා ගැනීම ඉතාමත් වැදගත් වන අතර එමගින්
හෘද රෝග,දියවැඩියාව, අධික රුධිර පීඩනය සහ අධික කොලෙස්ටරෝල් වැනි බෝ නොවන රෝග වලින් ඉතා සාර්ථකව වැලකියහැකි වීම සහ පාලනය කලහැකි වීම
බොහෝමයක් පිලිකා වර්ග ඇතිවීමේ අවදානම ඉතා අඩූකරයි
ප්‍රතිශක්තිකරන පද්ධතිය දියුණු සහ ශක්තිමත් කිරීමට දායක වේ.විශේෂයෙන්ම වැඩිහිටියන්ගේ
ශරීරය ක්‍රියාකාරි සහ සෞඛ්‍යමත් ව පවතින නිසා අනෙකුත් බොහෝමයක් ලෙඩ රෝග වැලඳිමේ සම්භාවිතාව අඩුය
මානසික සෞඛ්‍ය වර්ධනයට ඉවහල් වේ..
ලෙඩ රෝග බොහෝමයකට හේතු වෙන ස්ථුලතාවය පාලනය කිරීමට ඉවහල් වේ
මාංශපේශි සහ අස්ථි වර්ධනයට සහ විශේෂයෙන්ම අස්ථි ආශ්‍රිත රෝග වලින් වැලකීමෙ හැකියව ලැබේ
ඉහතින් දැක්වුයේ කීපයක් පමණක් වන අතර මෙවැනි ප්‍රතිලාභ රාශියක් ඇත
ලංකාව වගේම මුලු ලෝකයම මේ වනවිට මූණදීලා ඉන්න භයානක අභියෝගයක් තමා බෝ නොවන රෝග වල බලපෑම..ලංකාවේ වගේම ලෝකයේ සිදුවන මරණ වලින් 70% වඩා සිදුවන්නෙ මේ බෝ නොවන රෝග වලින්.. ඒවායෙනුත් ප්‍රධාන රෝග 4 ලෙස හෘද රෝග,කොලෙස්ටරෝල්,දියවැඩියාව සහ අධිරුධිර පීඩනය දක්වන්න පුලුවන්.ඒ වගේම පිලිකා නිසා සිදුවන මරණ ප්‍රමාණයත් දිනෙන් දින ඉහල යනවා.ලංකාවෙ සෞඛ්‍ය සේවයට වෙන් කරන මුදල් වලින් ඉතා විශාල ප්‍රමාණයක් මේ රෝගීන් වෙනුවෙන් වෙන් වෙනවා.ඒ වගේම අපි කතා නොකරන තව පැත්තක් තමා මානසික සෞඛ්‍ය.ලංකාව සියදිවි නසා ගැනීම් අතර ඉහලින්ම සිටින රටක් වන්නෙ මේ මානසික සෞඛ්‍ය පිරිහීම නිසයි.නමුත් ක්‍රමානුකූලව ව්‍යායාම් වලට යොමුවී ඉහත විස්තර කරපු ශාරීරික යෝග්‍යතාවය පවත්වාගැනීමට හුරුවීම මගින් මේ රෝගවලින් ඉතා හොඳින් වැලකීමත් පාලනය කිරීමත් කල හැකී..
සුබ දවසක් හැමෝටම
©Harsha Udayanga™
කරුණාකර කතෘ අයිතිය සුරකින්න - Harsha Udayanga
ඡායාරූප පිලිවලින්
1 ඔලිම්පික් ක්‍රීඩා
2 කායවර්ධන ඉතීහාසයේ ශ්‍රේෂ්ඨම චරිත 2ක් Arnold Schwarzenegger සහ Joe Weider
3 Milo of Croton
4 ග්‍රීක පිලිරුවක්
5 හර්කියුලිස් නමින් හඳුන්වන ග්‍රීක පුරාවෘත්තයන් වල සිටින චරිතයක්
6 නූතන කායවර්ධනයේ පියා Eugen Sandow
7 දහනමවන සියවසේ දී ජිම් එකක ස්වරූපය
8 Rhodes හී diagoras ලෙස හැදින්වූ බොක්සින් ක්‍රීඩකයා
This is the official fan page of university of Moratuwa boxing club. If you like to join us please l
